exam result Archives - Valanchery Online

സി.ബി.എസ്.ഇ 12ാം ക്ലാസ് ഫലം പ്രഖ്യാപിച്ചു; വിജയശതമാനം 99.37%

വളാഞ്ചേരിക്കാരൻ — Fri, 30 Jul 2021 11:00:11 +0000

ന്യൂഡൽഹി∙ സി ബി എസ് ഇ 12ാം ക്ലാസ് ഫലം പ്രഖ്യാപിച്ചു. 99.37 വിദ്യാർത്ഥികൾ ഉപരിപഠനത്തിന് അർഹത നേടി. 30:30:40 എന്ന അനുപാതത്തിലാണ് അന്തിമ ഫലം നിർണയിക്കുക. cbseresults.nic.in എന്ന വെബ്സൈറ്റിൽനിന്ന് ഫലം അറിയാം. ആകെ 12,96,318 വിദ്യാർഥികളാണ് ഉപരിപഠനത്തിന് അർഹരായത് ഇതിൽ 70,004 വിദ്യാർഥികൾക്ക് 95 ശതമാനത്തിൽ അധികം മാർക്ക് ലഭിച്ചു. ആൺകുട്ടികളുടെ വിജയ ശതമാനം 99.13ഉം പെൺകുട്ടികളുടേത് 99.67 ശതമാനവുമാണ്. കൊവിഡ് വ്യാപനത്തിൻെറ പശ്ചാത്തലത്തില്‍ ഇത്തവണത്തെ പ്ലസ്ടു പരീക്ഷ റദ്ദാക്കിയിരുന്നു. അതിനാല്‍ വിദ്യാര്‍ഥികളുടെ 10, 11 ക്ലാസുകളിലെ മാര്‍ക്കും പ്രീ-ബോര്‍ഡ് ഫലവും ചേര്‍ത്താണ് സി.ബി.എസ്.ഇ. പ്ലസ്ടു ഫലം പ്രസിദ്ധീകരിക്കുന്നത്. കഴിഞ്ഞ വർഷം 88.78 ശതമാനമായിരുന്നു വിജയ ശതമാനം.

പത്താം ക്ലാസിലെ കൂടുതല്‍ മാര്‍ക്ക് കിട്ടിയ മൂന്ന് തിയറി വിഷയങ്ങളുടെ ശരാശരി മാര്‍ക്ക് കണക്കാക്കി 30 ശതമാനം വെയിറ്റേജും പതിനൊന്നാം ക്ളാസില്‍ എല്ലാ തിയറി പേപ്പറിന്റെയും മാര്‍ക്കും പരിഗണിച്ച് 30 ശതമാനം വെയിറ്റേജും, പന്ത്രണ്ടാം ക്ളാസില്‍ പ്രാക്ടിക്കല്‍, ഇന്റേണല്‍ മാര്‍ക്ക്, ക്ളാസ് പരീക്ഷകള്‍ ഉള്‍പ്പടെയുള്ള പ്രകടനം കണക്കാക്കിയാണ് 40 ശതമാനം വെയിറ്റേജ് നല്‍കി ഫലപ്രഖ്യാപനം നടത്തിയത്.സ്‌കൂളുകളോട് നേരത്തെ മൂന്ന് വര്‍ഷത്തെ മാര്‍ക്കുകള്‍ കണക്ക് ആക്കി സിബിഎസ്ഇക്ക് സമര്‍പ്പിക്കാനായിരുന്നു നിര്‍ദ്ദേശം. ഈ മാനദണ്ഡം അനുസരിച്ച് യോഗ്യത നേടാനാവാത്ത കുട്ടികള്‍ക്ക് വീണ്ടും പരീക്ഷ എഴുതാന്‍ അവസരമുണ്ട്. മാര്‍ക്കുകള്‍ മെച്ചപ്പെടുത്താന്‍ ആഗ്രഹമുള്ള കുട്ടികള്‍ക്കും വീണ്ടും പരീക്ഷ എഴുതാന്‍ അവസരം നല്‍കുമെന്ന് അറിയിച്ചിട്ടുണ്ട്. പരാതികള്‍ പരിഹരിക്കാന്‍ സ്‌കൂള്‍ തലത്തിലും സോണല്‍ തലത്തിലും സമിതിക്കള്‍ക്ക് രൂപം നല്‍കിയിട്ടുണ്ട്.

The post സി.ബി.എസ്.ഇ 12ാം ക്ലാസ് ഫലം പ്രഖ്യാപിച്ചു; വിജയശതമാനം 99.37% appeared first on Valanchery Online.

കാലിക്കറ്റ് ബി.എസ്‌സി, ബി.സി.എ ഫലം പ്രസിദ്ധീകരിച്ചു

വളാഞ്ചേരിക്കാരൻ — Thu, 09 Jul 2020 03:07:18 +0000

തേഞ്ഞിപ്പലം: കാലിക്കറ്റ് സർവകലാശാല ആറാം സെമസ്റ്റർ ബി.എസ്‌സി./ബി.സി.എ. (സി.യു.സി.ബി.സി.എസ്.എസ്.) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷാഫലം (ഏപ്രിൽ 2020) പ്രസിദ്ധീകരിച്ചു. ബി.എസ്‌സിക്ക് 15,168 പേർ പരീക്ഷ എഴുതിയതിൽ 12,512 (82%) പേരും ബി.സി.എയ്ക്ക് 1,853 പേർ പരീക്ഷ എഴുതിയതിൽ 1,316 (71%) പേരും വിജയിച്ചു. പുനർമൂല്യനിർണയത്തിന് 23 വരെ അപേക്ഷിക്കാം. ബി.എ., ബി.കോം. ഫലങ്ങൾ കഴിഞ്ഞ മാസം പ്രസിദ്ധീകരിച്ചിരുന്നു.

ഫലം സംബന്ധിച്ച സംശയനിവാരണങ്ങൾക്ക് സർവകലാശാലാ സന്ദർശനം ഒഴിവാക്കി ഇ-ഹെൽപ്പ് പോർട്ടൽ http://support.uoc.ac.in ഉപയോഗപ്പെടുത്തണം. പ്രസിദ്ധീകരിച്ച ഫലങ്ങളിൽ ഗ്രേസ് മാർക്ക് ഉൾപ്പെട്ടിട്ടില്ലെങ്കിൽ വിവരം പോർട്ടലിലൂടെ അറിയിക്കണം. മറുപടി പോർട്ടലിൽ നിന്ന് ലഭിക്കും. ഗ്രേസ് മാർക്കുകൾ കൺസോളിഡേറ്റഡ് ഗ്രേഡ് കാർഡിൽ ഉൾപ്പെടുത്തും.

ഏതെങ്കിലും സെമസ്റ്ററുകളിൽ അപേക്ഷ നൽകാത്തവർ ഗ്രേസ് മാർക്കിനുള്ള അപേക്ഷ ഉടൻ നൽകണം. പുനർമൂല്യനിർണയത്തിൽ ലഭിച്ച മാർക്കുകൾ ഉൾപ്പെടുത്തുന്നതിന് അപേക്ഷ നൽകിയവർക്ക് ഈ മാർക്കുകൾ പരീക്ഷാഫലത്തിൽ ഉൾപ്പെടുത്തിയിട്ടില്ലായെങ്കിൽ ഇ-പോർട്ടൽ വഴി അറിയിക്കണം. ആറാം സെമസ്റ്റർ സപ്ലിമെന്ററി പരീക്ഷയിൽ (ഏപ്രിൽ 2020) ജയിച്ചവർക്ക് കൺസോളിഡേറ്റഡ് ഗ്രേഡ് കാർഡ് മാറ്റിവാങ്ങുന്നതിന് അപേക്ഷിക്കാം. അപേക്ഷാഫോം വെബ്സൈറ്റിൽ ലഭ്യമാണ്. പൂരിപ്പിച്ച അപേക്ഷ രജിസ്റ്റേർഡ്/വേഗത്തപാൽ വഴി സമർപ്പിക്കണം. വിലാസവും ഫോൺ നമ്പറും ഉൾപ്പെടുത്തണം.

The post കാലിക്കറ്റ് ബി.എസ്‌സി, ബി.സി.എ ഫലം പ്രസിദ്ധീകരിച്ചു appeared first on Valanchery Online.

എസ്.എസ്.എൽ.സി ഫലം ജൂൺ 30 ന്; ഹയർസെക്കൻററി ഫലം ജൂലൈ 10 നകം

വളാഞ്ചേരിക്കാരൻ — Wed, 24 Jun 2020 15:41:25 +0000

എസ്.എസ്.എൽ.സി/ ടി.എച്ച്.എസ്.എൽ.സി/ എസ്.എസ്.എൽ.സി (എച്ച്.ഐ)/ ടി.എച്ച്.എസ്.എൽ.സി (എച്ച്.ഐ)/എ.എച്ച്.എസ്.എൽ.സി പരീക്ഷകളുടെ ഫലം ജൂൺ 30ന് പ്രഖ്യാപിക്കും. ഹയർസെക്കൻററി/വൊക്കേഷണൽ ഹയർസെക്കൻഡറി പരീക്ഷകളുടെ ഫലം ജൂലൈ 10 നകം പ്രഖ്യാപിക്കുമെന്നും പൊതു വിദ്യാഭ്യാസ ഡയറക്ടർ അറിയിച്ചു. മാർച്ച് 10ന് ആരംഭിച്ച എസ്.എസ്.എൽ.സി/ ഹയർസെക്കൻഡറി/ വൊക്കേഷണൽ ഹയർ സെക്കൻഡറി പൊതു പരീക്ഷകൾ മാർച്ച് 10ന് ആരംഭിച്ചെങ്കിലും മാർച്ച് 19ന് കോവിഡ് 19 പശ്ചാത്തലത്തിൽ താത്കാലികമായി നിർത്തിവെച്ചിരുന്നു. പിന്നീട് മെയ് 26 മുതൽ 30 വരെയുള്ള തീയതികളിലാണ് പുനഃക്രമീകരിച്ച് നടത്തിയത്.

The post എസ്.എസ്.എൽ.സി ഫലം ജൂൺ 30 ന്; ഹയർസെക്കൻററി ഫലം ജൂലൈ 10 നകം appeared first on Valanchery Online.