evening op Archives - Valanchery Online

കുറ്റിപ്പുറം താലൂക്ക് അശുപത്രിയിൽ ഒ.പി.യിലെ ഡോക്‌ടറുടെ സേവന സമയം വർധിപ്പിച്ചു

വളാഞ്ചേരിക്കാരൻ — Tue, 04 Apr 2023 00:07:06 +0000

കുറ്റിപ്പുറം : രോഗികൾക്ക് ആശ്വാസമേകി താലൂക്ക് ആശുപത്രിയിൽ ഒ.പി. വിഭാഗത്തിലെ ഡോക്ടറുടെ സേവനസമയം ബ്ളോക്ക്പഞ്ചായത്ത് വർധിപ്പിച്ചു. ഒരു ഡോക്ടറെക്കൂടി ഒ.പി. വിഭാഗത്തിൽ നിയമിച്ചാണ് ബ്ളോക്ക്പഞ്ചായത്ത് ഒ.പി. യിലെ സേവനസമയം വർധിപ്പിച്ചത്. പുതുതായി നിയമനംലഭിച്ച ഡോക്ടറുടെ സേവനം ഉച്ചയ്ക്ക് രണ്ടുമുതൽ രാത്രി എട്ടുവരെയാണ് രോഗികൾക്ക് ലഭ്യമാകുക. മറ്റു ഡോക്ടർമാരുടെ ഒ.പി.യിലെ സേവനം രാവിലെ 10 മുതൽ ഉച്ചയ്ക്ക് വൈകുന്നേരം ആറുവരെയാണ്.

ഫാർമസിസ്റ്റ്, ലാബ് ടെക്നീഷ്യൻ എന്നിവരുടെ സേവനം കഴിഞ്ഞവർഷം മുതൽ രാവിലെ 10 മുതൽ വൈകുന്നേരം ആറുവരെയാക്കി ബ്ളോക്ക്‌ പഞ്ചായത്ത് ഉയർത്തിയിരുന്നു.

The post കുറ്റിപ്പുറം താലൂക്ക് അശുപത്രിയിൽ ഒ.പി.യിലെ ഡോക്‌ടറുടെ സേവന സമയം വർധിപ്പിച്ചു appeared first on Valanchery Online.

ഇരിമ്പിളിയം പ്രാഥമികാരോഗ്യ കേന്ദ്രത്തിൽ സായാഹ്ന ഒ.പി. തുടങ്ങി

വളാഞ്ചേരിക്കാരൻ — Tue, 21 Sep 2021 00:21:02 +0000

ഇരിമ്പിളിയം: ഇരിമ്പിളിയം പ്രാഥമികാരോഗ്യ കേന്ദ്രത്തിൽ സായാഹ്ന ഒ.പി. പ്രവർത്തനം തുടങ്ങി. ആബിദ് ഹുസൈൻ തങ്ങൾ എം.എൽ.എ. ഉദ്ഘാടനംചെയ്തു. ഗ്രാമപ്പഞ്ചായത്ത് പ്രസിഡന്റ് കെ. മാനുപ്പ അധ്യക്ഷത വഹിച്ചു. ദിവസവും നാനൂറിലേറെ രോഗികളെത്തുന്ന കേന്ദ്രത്തിൽ ഒരുമണിവരെയാണ് നിലവിൽ ഒ.പി. പ്രവർത്തിച്ചിരുന്നത്. ഇനിമുതൽ ഉച്ചയ്ക്ക് ഒരുമണിമുതൽ വൈകുന്നേരം ആറുവരെ ഒരു ഡോക്ടർ, നഴ്‌സ്, ഫാർമസിസ്റ്റ് എന്നിവരുടെ സേവനത്തോടെ പ്രവർത്തിക്കും. സായാഹ്ന ഒ.പി.യുടെ പ്രവർത്തനത്തിലേക്കായി 2021-22 പദ്ധതിവിഹിതത്തിൽ 10,85,000 രൂപ പഞ്ചായത്ത് ഭരണസമിതി വകയിരുത്തിയിട്ടുണ്ട്.

ഉദ്ഘാടനച്ചടങ്ങിൽ ആരോഗ്യപ്രവർത്തകരെ ഉപഹാരം നൽകി ആദരിച്ചു. എ.പി. സബാഹ്, പി.സി.എ. നൂർ, വി.ടി. അമീർ, എൻ. ഖദീജ, പി. ഷഹനാസ്, കെ. ഫസീല, കെ. മുഹമ്മദാലി, കെ.പി. ജസീന, പി. ബാലചന്ദ്രൻ, ഡോ. പി. അഹമ്മദ് എന്നിവർ പ്രസംഗിച്ചു.

The post ഇരിമ്പിളിയം പ്രാഥമികാരോഗ്യ കേന്ദ്രത്തിൽ സായാഹ്ന ഒ.പി. തുടങ്ങി appeared first on Valanchery Online.

വളാഞ്ചേരി നഗരസഭ പ്രഥമിക ആരോഗ്യ കേന്ദ്രത്തില്‍ സായാഹ്ന ഒപി പ്രവര്‍ത്തനം ആരംഭിച്ചു

വളാഞ്ചേരിക്കാരൻ — Fri, 20 Dec 2019 00:28:45 +0000

വളാഞ്ചേരി: വളാഞ്ചേരി നഗരസഭ പ്രഥമിക ആരോഗ്യ കേന്ദ്രത്തിൽ സായാഹ്ന OP പ്രവർത്തനം ആരംഭിച്ചു. നഗരസഭ വാർഷീക പദ്ധതിയിൽ ഉൾപ്പെടുത്തി ഒരു ഡോക്ടറേയും, ഫാർമസിസ്റ്റിനെയും നിയമിച്ചത് മൂലം ഇനി മുതൽ ഉച്ചക്ക് ശേഷം 1 മണി മുതൽ 6 മണി വരെ PHC യിൽ ഡോക്ടറുടെ സേവനം ലഭ്യമാകും. നഗരസഭാ ചെയർപേഴ്സൺ സി.കെ.റു ഫീനയുടെ അദ്ധ്യക്ഷതയിൽ സായാഹ്ന OP യുടെ ഉൽഘാടനം ആബിദ് ഹുസൈൻ തങ്ങൾ MLA നിർവ്വഹിച്ചു. ആരോഗ്യസ്ഥിരസമിതി ചെയർമാൻ കെ.ഫാത്തിമക്കുട്ടി സ്വാഗതം പറഞ്ഞ ചടങ്ങിൽ സ്ഥിര സമിതി ചെയർമാൻമാരായ സി അബ്ദുന്നാസർ, സി രാമകൃഷ്ണൻ, സി ഷഫീന, കൗൺസിലർമാരായ നൗഫൽ, മുസ്തഫ, ഹമീദ്, റഹ്മത്ത്, സുബൈദ, HMC മെമ്പർമാരായ അഷ്റഫ് അമ്പലത്തിങ്ങൽ, പറശ്ശേരി അസൈനർ, ടി.കെ ആബിദലി, നീറ്റുകാട്ടിൽ മുഹമ്മദാലി, Dr. ബസ്മ, RI ശശീധരൻ, HI ബഷീർ തുടങ്ങിയവർ ആശംസയർപ്പിച്ചു. ഡോ: സൽവ നന്ദി പറഞ്ഞു.

The post വളാഞ്ചേരി നഗരസഭ പ്രഥമിക ആരോഗ്യ കേന്ദ്രത്തില്‍ സായാഹ്ന ഒപി പ്രവര്‍ത്തനം ആരംഭിച്ചു appeared first on Valanchery Online.