escape Archives - Valanchery Online

പോലീസ് സ്റ്റേഷനിൽനിന്ന് രക്ഷപ്പെട്ട പ്രതിയെ പിടികൂടി

വളാഞ്ചേരിക്കാരൻ — Tue, 16 May 2023 10:27:02 +0000

വളാഞ്ചേരി : വിലങ്ങുമായി സ്റ്റേഷനിൽനിന്ന് രക്ഷപ്പെട്ട മോഷണക്കേസ് പ്രതിയെ പിടികൂടി. അതിഥിത്തൊഴിലാളി അസം മുരുഗാവ് ജില്ലയിലെ നിഗിൽബേട്ടാ പോലീസ് സ്റ്റേഷൻ പരിധിയിലുള്ള റബിൽ ഇസ്‌ലാ(26)മാണ് വളാഞ്ചേരി പോലീസ് സ്റ്റേഷനിൽനിന്ന് രക്ഷപ്പെട്ടത്.

14-ന് രാവിലെ വളാഞ്ചേരി ഹൈസ്കൂളിനടുത്തുള്ള വീട്ടിൽ മോഷണംനടത്തി രക്ഷപ്പെടാൻ ശ്രമിക്കുന്നതിനിടെ നാട്ടുകാരാണ് ഇയാളെ പിടികൂടി പോലീസിനു കൈമാറിയത്. സ്റ്റേഷനിൽനിന്ന് വൈകുന്നേരത്തോടെ വിലങ്ങുമായി ഇറങ്ങി ഓടിയെന്നാണ് പോലീസിന്റെ വിശദീകരണം. തിരച്ചിലിനൊടുവിൽ 15-ന് അർധരാത്രിയോടെ എറണാകുളം പെരുമ്പാവൂർ ഭാഗത്തുനിന്നാണ് ഇയാളെ വീണ്ടും പിടികൂടിയതെന്ന് പോലീസ് പറഞ്ഞു. അന്വേഷണസംഘത്തിൽ എസ്.ഐ. അബ്ദുൽ അസീസ്, സിവിൽ പോലീസ് ഓഫീസർമാരായ വിനീത് ശ്രീജിത്ത്, വിജയാനന്ദ് എന്നിവരാണ് ഉണ്ടായിരുന്നത്.

The post പോലീസ് സ്റ്റേഷനിൽനിന്ന് രക്ഷപ്പെട്ട പ്രതിയെ പിടികൂടി appeared first on Valanchery Online.

കുറ്റിപ്പുറം പാണ്ടികശാലയിൽ നിയന്ത്രണം വിട്ട ലോറിയിടിച്ച കാർ പതിച്ച് വീടിന് കേടുപാടുകൾ സംഭവിച്ചു; മുറ്റത്ത് കളിച്ചു കൊണ്ടിരുന്ന കുട്ടികൾ രക്ഷപ്പെട്ടത് തലനാരിഴക്ക്

വളാഞ്ചേരിക്കാരൻ — Fri, 09 Jul 2021 07:38:07 +0000

കുറ്റിപ്പുറം: ദേശീയപാത 66ലെ കുറ്റിപ്പുറം പാണ്ടികശാലയിൽ വച്ചുണ്ടായ വാഹനാപകടത്തിൽ റോഡിന് സമീപത്തെ വീടിന് കേടുപാടുകൾ സംഭവിച്ചു. ഇന്ന് രാവിലെ 10 മണിയോടെ ആണ് അപകടമുണ്ടായത്. കുറ്റിപ്പുറം ഭാഗത്ത് നിന്ന് വരികയായിരുന്ന നിസാൻ ടെറാനോ കാർ പാണ്ടികശാല ഇറക്കത്തിൽ വച്ച് മറ്റൊരു റോഡിലേക്ക് തിരിയുന്നതിനിടെ പിറകിൽ വരികയായിരുന്ന മിനി ലോറി നിയന്ത്രണം വിട്ട് ഇടിക്കുകയായിരുന്നു. ഇനിയുടെ ആഘാതത്തിൽ കാർ റോഡിന്റെ വശത്തുള്ള മീഡിയൻ മറികടന്ന് സമീപമുള്ള വീട്റ്റിൽ പതിച്ചു. വാഹനം പതിച്ചതിനെ തുടർന്ന് വീടിന്റെ ഓടുകളും ജനൽച്ചില്ലയും തകർന്നു. അപകടത്തിൽ വീട്ടിലെ താമസക്കാർ രക്ഷപ്പെട്ടത് തലനാരിഴക്കായിരുന്നു. മുറ്റത്ത് കളിച്ചുകൊണ്ടിരിന്നിരുന്ന കുട്ടികൾ മഴ തുടങ്ങിയതോടെ വീടിനുള്ളിലേക്ക് കയറിപ്പോയതിനാൽ വൻ ദുരന്തം ഒഴിവായി. കുറ്റിപ്പുറം പോലീസ്‌ സ്ഥലത്തെത്തി മേൽനടപടികൾ സ്വീകരിച്ചു.

The post കുറ്റിപ്പുറം പാണ്ടികശാലയിൽ നിയന്ത്രണം വിട്ട ലോറിയിടിച്ച കാർ പതിച്ച് വീടിന് കേടുപാടുകൾ സംഭവിച്ചു; മുറ്റത്ത് കളിച്ചു കൊണ്ടിരുന്ന കുട്ടികൾ രക്ഷപ്പെട്ടത് തലനാരിഴക്ക് appeared first on Valanchery Online.

വളാഞ്ചേരിയിൽ നിന്ന് ബ്രൗൺ ഷുഗറുമായി പിടിയിലായ പ്രതികളിലൊരാൾ ചാടിപ്പോയി

വളാഞ്ചേരിക്കാരൻ — Tue, 27 Oct 2020 05:42:49 +0000

മഞ്ചേരി: കഴിഞ്ഞ ദിവസം വളാഞ്ചേരി ടൗണിൽ നിന്ന് ബ്രൗൺ ഷുഗറുമായി പോലീസ് പിടിയിലായ ബംഗാൾ സ്വദേശികളിലൊരാൾ ചാടിപ്പോയി. ബംഗാളിലെ മുർഷിദാബാദ് സ്വദേശിയായ അനാറുൽ ബഹാറാണ് ഇന്ന് രാവിലെ മഞ്ചേരി സബ് ജയിലിലെ ക്വാറന്റൈൻ സെന്ററിൽ നിന്ന് ചാടിപ്പോയത്. ഇക്കഴിഞ്ഞ 22നാണ് അനാറുൽ ബാഹറിനെയും കൂട്ടുപത്രിയായ മാഫിക്കുളിനെയും വളാഞ്ചേരി പോലീസ് സ്റ്റേഷൻ എസ്.എച്.ഒ എം.കെ ഷാജിയും സംഘവും പിടികൂടിയത്. ഇവരുടെ പക്കൽ നിന്ന് വിപണിയിൽ ഒരു ലക്ഷം വില മതിക്കുന്ന ബ്രൗൺ ഷുഗറും പിടികൂടിയിരുന്നു. ഇവർക്കെതിരെ വളാഞ്ചേരി സ്റ്റേഷനിൽ ക്രൈം നമ്പർ :560/2020 ൽ കേസ് ചാർജ് ചെയ്തിട്ടുണ്ട്. ഇന്ന് രാവിലെ 6 മണിക്കാണ് മഞ്ചേരി സബ്ജയിൽ ക്വാറന്റൈൻ സെന്ററിൽ നിന്നും ചാടിയതായി വിവരം ലഭിക്കുന്നത്. പ്രതിയെക്കുറിച്ച് ലഭിക്കുന്നവർഅടുത്തുള്ള പോലീസ് സ്റ്റേഷനിലോ താഴെ കാണിച്ചിരിക്കുന്ന നമ്പറിലോ വിവരം അറിയിക്കുക.

മഞ്ചേരി സി ഐ
9497987165

വളാഞ്ചേരി സി ഐ :
9497987169,

The post വളാഞ്ചേരിയിൽ നിന്ന് ബ്രൗൺ ഷുഗറുമായി പിടിയിലായ പ്രതികളിലൊരാൾ ചാടിപ്പോയി appeared first on Valanchery Online.

കുറ്റിപ്പുറത്ത് പോലീസുകാരനെ ആക്രമിച്ച് മണൽലോറിയുമായി കടന്നു

വളാഞ്ചേരിക്കാരൻ — Sun, 11 Oct 2020 22:52:20 +0000

കുറ്റിപ്പുറം : മണൽലോറി പിടികൂടിയ പോലീസുകാരനെ ആക്രമിച്ച് മണൽലോറിയുമായി കടന്നു. ഞായറാഴ്ച പുലർച്ചെ കുറ്റിപ്പുറം ഹൈവേ ജങ്ഷന് സമീപം മണൽലോറി പിടികൂടിയ സിവിൽ പോലീസ് ഓഫീസർ ജോർജിനെയാണ് കാറിലെത്തിയ സംഘം ആക്രമിച്ചത്. ലോറി പിടികൂടിയപ്പോൾ ഡ്രൈവറും സഹായിയും ഓടിരക്ഷപ്പെട്ടിരുന്നു.

ലോറി കസ്റ്റഡിയിലെടുക്കാൻ ശ്രമിക്കുന്നതിനിടെയാണ് കാറിലെത്തിയ സംഘം പോലീസുകാരനെ ആക്രമിച്ച് ലോറിയുമായി കടന്നത്.ജോർജ് കുറ്റിപ്പുറം താലൂക്ക് ആശുപത്രിയിൽ ചികിത്സതേടി. പോലീസുകാരനെ ആക്രമിച്ച പ്രതികളെത്തിയ കാർ പേരശ്ശനൂരിൽനിന്ന് പോലീസ് കസ്റ്റഡിയിലെടുത്തു.പ്രതികളായ പേരശ്ശനൂർ സ്വദേശി തെക്കഞ്ചേരി നൗഫൽ, പാഴൂർ വെട്ടിക്കാട്ടിൽ അബ്ദുട്ടി, പൊൽപ്പാക്കര കുട്ടത്ത് വീട്ടിൽ സജിമോൻ എന്നിവരെ പിടികൂടുന്നതിനായി പോലീസ് അന്വേഷണം ഊർജിതമാക്കിയതായി ഇൻസ്‌പെക്ടർ ശശീന്ദ്രൻ മേലേയിൽ പറഞ്ഞു.

The post കുറ്റിപ്പുറത്ത് പോലീസുകാരനെ ആക്രമിച്ച് മണൽലോറിയുമായി കടന്നു appeared first on Valanchery Online.

വാളയാർ സംഭവം ; പ്രതികൾ രക്ഷപ്പെടാനിടയായത് ഇടതുസർക്കാറിന്റെ പരാജയം – വെൽഫെയർ പാർട്ടി

വളാഞ്ചേരിക്കാരൻ — Thu, 31 Oct 2019 00:27:09 +0000

വളാഞ്ചേരി : വാളയാർ കേസിലെ പ്രതികൾ രക്ഷപ്പെടാനിടയായത് ഇടതുസർക്കാറിന്റെ നിരുത്തരവാദ സമീപനമാണെന്നും വിഷയത്തിന്റെ ധാർമ്മിക ഉത്തരവാദിത്വം ഏറ്റെടുത്ത് മുഖ്യമന്ത്രി പിണറായി വിജയൻ രാജിവെക്കണമെന്നും വെൽഫെയർ പാർട്ടി വളാഞ്ചേരിയിൽ നടത്തിയ പ്രതിഷേധ പ്രകടനം ആവശ്യപ്പെട്ടു.

മണ്ഡലം പ്രസിഡണ്ട് പൈങ്കൽ ഹംസ, സെക്രട്ടറി തൗഫീഖ് പാറമ്മൽ, ട്രഷറർ അഡ്വ. ടി.വി. ഫൈസൽ റഹ്മാൻ, കമ്മിറ്റി അംഗങ്ങളായ പി.പി. ഹംസക്കുട്ടി, വി.പി. അനീസ്, കെ.എം. കുട്ടി, തയ്യിൽ മുഹമ്മദ്, വി.പി. യൂനുസ്, കെ.ബി. അലി, റഷീദ് മധുക്കൽ, പി. യാസീൻ എന്നിവർ നേതൃത്വം നൽകി.

The post വാളയാർ സംഭവം ; പ്രതികൾ രക്ഷപ്പെടാനിടയായത് ഇടതുസർക്കാറിന്റെ പരാജയം – വെൽഫെയർ പാർട്ടി appeared first on Valanchery Online.

കുറ്റിപ്പുറം ബസപകടം; ഡ്രൈവര്‍ തെറിച്ചുവീണത് 60 അടി താഴ്ചയിലേക്ക്

വളാഞ്ചേരിക്കാരൻ — Sat, 05 Oct 2019 14:42:50 +0000

കുറ്റിപ്പുറം: കുറ്റിപ്പുറത്ത് റെയിൽവെ മേൽപാലത്തിന് മുകളിൽ ബസ് മറിഞ്ഞ് ഉണ്ടായ അപകടത്തിൽ വൻ ദുരന്തം ഒഴിവായത് തലനാരിഴക്ക്. ഇന്ന് രാവിലെ എട്ടേകാലോടെയാണ് അപകടമുണ്ടായത്. വളാഞ്ചേരിയിൽ നിന്ന് കുറ്റിപ്പുറത്തേക്ക് വരികയായിരുന്ന റോയൽ ട്രാൻസ്പോർട്ട് ബസ് റോഡിലെ കുഴി വെട്ടിക്കുന്നതിനിടെ നിയന്ത്രണം നഷ്ടമായി മറിയുകയായിരുന്നു. അപകടത്തിൽ നിരവധി പേർക്ക് പരിക്കേറ്റു. അതിൽ നാലു പേരുടെ നില സാരമുള്ളതെന്ന് അശുപത്രി വൃത്തങ്ങൾ വളാഞ്ചേരി ഓൺലൈനിനോട് പറഞ്ഞു.

ബസ് നിയന്ത്രണംവിട്ട് മറിഞ്ഞപ്പോള്‍ ഡ്രൈവർ എടയൂർ സ്വദേശി കുന്നേക്കാടൻ ജാഫർ അറുപതടിയോളം താഴ്ചയിലേക്ക് വീണെങ്കിലും അത്ഭുതകരമായി രക്ഷപ്പെടുകയായിരുന്നു. ഇയാൾ വീണത് പാളത്തിന് വെളിയിൽ പുല്ലും കുറ്റിച്ചെടികൾ നിറഞ്ഞ സ്ഥലത്തായത് രക്ഷയായി.

The post കുറ്റിപ്പുറം ബസപകടം; ഡ്രൈവര്‍ തെറിച്ചുവീണത് 60 അടി താഴ്ചയിലേക്ക് appeared first on Valanchery Online.

വീട്ടമ്മയെ കെട്ടി പെട്ടിയിലാക്കിയ സംഭവം കെട്ടുകഥ, ഭര്‍ത്താവിന്റെ സ്‌നേഹം കിട്ടാന്‍ യുവതി കളിച്ച നാടകം

വളാഞ്ചേരിക്കാരൻ — Sun, 17 Nov 2013 02:22:31 +0000

വീട്ടമ്മയായ യുവതിയെ മര്‍ദിച്ച് കെട്ടി പെട്ടിയിലാക്കി മുളകുപൊടി വിതറിയെന്നത് വെറും കെട്ടുകഥയെന്ന് തെളിഞ്ഞു. പൊന്നാനി സി.ഐ അബ്ദുള്‍മുനീറിന്റെ നേതൃത്വത്തിലുള്ള പോലീസ്‌സംഘം ചോദ്യം ചെയ്തപ്പോഴാണ് എല്ലാം നാടകമായിരുന്നുവെന്ന് യുവതി സമ്മതിച്ചത്. ഭര്‍ത്താവില്‍നിന്ന് മതിയായ പരിചരണവും സ്‌നേഹവും കിട്ടുന്നില്ലെന്ന തോന്നലിനെ തുടര്‍ന്നാണ് ഇത്തരമൊരു നുണക്കഥ യുവതി മെനഞ്ഞെടുത്തത്.

തണ്ടിലത്തിനടുത്ത് മാത്തൂരില്‍ വാടകവീട്ടില്‍ താമസിക്കുന്ന മംഗലം സ്വദേശി ചിറ്റേത്തില്‍ സുരേഷിന്റെ ഭാര്യ രമ്യ(25)യാണ് കഴിഞ്ഞ തിങ്കളാഴ്ച രാവിലെ ആക്രമണത്തിനിരയായെന്ന് പറഞ്ഞത്. സുരേഷ് പുറത്തുപോയ ഉടനെ വീട്ടിലെത്തിയ മൂന്നംഗസംഘം ഭീഷണിപ്പെടുത്തുകയും പണം ആവശ്യപ്പെട്ട് മര്‍ദിക്കുകയുമായിരുന്നുവെന്നായിരുന്നു യുവതിയുടെ മൊഴി. സുരേഷിന് മറ്റൊരുസ്ത്രീയുമായുള്ള ബന്ധം ഒതുക്കിത്തീര്‍ക്കാന്‍ രണ്ട്‌ലക്ഷം രൂപ നല്‍കണമെന്നാണ് സംഘം ആവശ്യപ്പെട്ടതെന്നും യുവതി പോലീസിന് ആദ്യം മൊഴിനല്‍കിയിരുന്നു.

സുരേഷിന്റെ ഫോണ്‍കോളുകള്‍ പരിശോധിച്ചതില്‍നിന്നുതന്നെ സംഭവവുമായി ഇയാള്‍ക്ക് ബന്ധമില്ലെന്നുള്ള സൂചനകള്‍ പോലീസിന് ലഭിച്ചു. പിന്നീട്, ചോദ്യം ചെയ്തപ്പോള്‍ യുവതി എല്ലാം തുറന്ന് സമ്മതിക്കുകയായിരുന്നു.

ഭര്‍ത്താവ് എവിടെയെത്തിയെന്ന് വിളിച്ചുചോദിച്ചശേഷമാണ് ദേഹത്ത് മുളകുപൊടി വിതറിയത്. പിന്നീട് കൈകള്‍ സ്വയം കെട്ടിയശേഷം പെട്ടിക്കുള്ളില്‍ ഇറങ്ങി ബോധരഹിതയായപോലെ കിടക്കുകയുമായിരുന്നു. ഭര്‍ത്താവിന് മറ്റൊരു സ്ത്രീയുമായി ബന്ധമുണ്ടെന്നുള്ള തരത്തില്‍ പറഞ്ഞുണ്ടാക്കിയ കഥകളും നുണയായിരുന്നുവെന്ന് യുവതി പറഞ്ഞു. വീട്ടില്‍ യുവതിയും ലാപ്‌ടോപ്പുമായി സഹോദരന്മാരും മുമ്പ് എത്തിയെന്നുള്ളതും കളവായിരുന്നു. പ്രത്യേകതരത്തിലുള്ള വിഷാദരോഗത്തിന് അടിമയാണ് യുവതിയെന്ന് സംശയിക്കുന്നതായി പോലീസ് പറഞ്ഞു. ഇക്കാര്യം ഭര്‍ത്താവിനും ബോധ്യമായതോടെ കഴിഞ്ഞദിവസം മുതല്‍ ചികിത്സയും തുടങ്ങിയിട്ടുണ്ട്. സി.ഐയെ കൂടാതെ എസ്.സി.പി.ഒ വിനോദ്, ഡിവൈ.എസ്.പിയുടെ സ്‌ക്വാഡിലെ രാജേഷ് എന്നിവരും പ്രത്യേക അന്വേഷണസംഘത്തിലുണ്ടായിരുന്നു. പോലീസിനെ തെറ്റിദ്ധരിപ്പിച്ചതിന് യുവതിക്കെതിരെ കേസെടുക്കുന്ന കാര്യം പരിശോധിക്കുമെന്ന് സി.ഐ പി. അബ്ദുള്‍മുനീര്‍ പറഞ്ഞു.

നീങ്ങിയത് ഒരാഴ്ചയോളം നീണ്ടുനിന്ന ദുരൂഹത

യുവതി എല്ലാ സത്യവും പോലീസിന് മുന്നില്‍ തുറന്നുപറഞ്ഞതോടെ ഒരാഴ്ചയോളം നീണ്ടുനിന്ന ദുരൂഹതയാണ് അവസാനിച്ചത്. പോലീസിന്റെ ചോദ്യം ചെയ്യലില്‍ ഉത്തരംമുട്ടിയ യുവതി മെനഞ്ഞെടുത്ത കഥ പോലീസിനുമുന്നില്‍ വിവരിച്ചു. ഭര്‍ത്താവിന്റെ സ്‌നേഹം കിട്ടാനായിരുന്നു സ്വയം കഥയൊരുക്കി നാടകം കളിച്ചതെന്നും യുവതി പറഞ്ഞു.

സംഭവം മൂടിവെക്കാന്‍ ഭര്‍ത്താവ് സുരേഷ് ആദ്യം ശ്രമിച്ചെങ്കിലും നാട്ടുകാര്‍ ഇടപെട്ടാണ് പോലീസില്‍ വിവരമറിയിച്ചത്. സംഭവം വന്‍ വാര്‍ത്തയായതോടെ പോലീസ് അന്വേഷണവും ഊര്‍ജിതമാക്കി. ഇതിനിടെ സുരേഷ് സംശയത്തിന്റെ നിഴലിലായി. വാടകവീട്ടില്‍നിന്ന് താമസം മാറാന്‍ വീട്ടുടമ ആവശ്യപ്പെടുകയും ചെയ്തു. നാട്ടുകാരുടെ സംശയങ്ങളെല്ലാം യുവതിയുടെ വെളിപ്പെടുത്തലോടുകൂടി കെട്ടടങ്ങി.

ആദ്യം മരിക്കാന്‍ തീരുമാനിച്ചു; പിന്നെ, നാടകത്തിലൊതുക്കി

ഭര്‍ത്താവ് തിരിച്ച് വീട്ടിലെത്തുന്നതിന് മുമ്പ് ജീവിതം അവസാനിപ്പിക്കാനാണ് ആദ്യം യുവതി തീരുമാനിച്ചത്. ഷാളില്‍ കെട്ടിത്തൂങ്ങിയാലോ എന്ന് ആലോചിച്ചു. പിന്നീട്, ദേഹത്ത് മണ്ണെണ്ണയൊഴിച്ച് തീ കൊളുത്തിയാലോ എന്ന ചിന്തയുമുണ്ടായി. പിന്നെയാണ് രണ്ടാഴ്ചമുമ്പ് തുടങ്ങിവെച്ച ‘നാടകം കളി’ പൂര്‍ത്തിയാക്കാന്‍ തീരുമാനിച്ചത്. ദേഹത്ത് മുളകുപൊടി വിതറുന്നതിന് മുമ്പ് ആദ്യം കുറച്ച് മുളകുപൊടി കലക്കിക്കുടിക്കുകയും ചെയ്തിരുന്നു.

നുണക്കഥ പൊളിച്ചത് അവിശ്വസനീയമായ വെളിപ്പെടുത്തല്‍

കെട്ടിച്ചമച്ച കഥയിലെ അവിശ്വസനീയമായ രംഗങ്ങളാണ് യുവതി കളിച്ച നാടകം പൊളിയാനിടയാക്കിയത്. ഭര്‍ത്താവ് പുറത്തുപോയി എത്തുന്ന 10 മിനിറ്റിനുള്ളില്‍ എല്ലാം സംഭവിച്ചുവെന്ന മൊഴിതന്നെയായിരുന്നു ആദ്യത്തെ പാളിച്ച. മൂവര്‍സംഘം മതില്‍ചാടിവന്നു എന്നാണ് പറഞ്ഞിരുന്നത്. മതിലിനടു ത്ത് അത്തരത്തില്‍ നിന്നാല്‍ അത് എല്ലാവരുടെയും ശ്രദ്ധയില്‍പെടുമായിരുന്നുവെന്നും പോലീസ് കണ്ടെത്തി. സംഘത്തെ ആരും കണ്ടവരുണ്ടായിരുന്നില്ല. യുവതിയുടെ ആഭരണങ്ങളോ മറ്റോ നഷ്ടപ്പെടുകയോ മര്‍ദനത്തില്‍ ദേഹത്ത് പരിക്കേറ്റ പാടുകളോ ഉണ്ടാകാത്തതും കള്ളക്കഥ പൊളിയാന്‍ കാരണമായി.

Summary:Possessive wife did a prank that went fail to earn her husband’s love at Kuttippuram

The post വീട്ടമ്മയെ കെട്ടി പെട്ടിയിലാക്കിയ സംഭവം കെട്ടുകഥ, ഭര്‍ത്താവിന്റെ സ്‌നേഹം കിട്ടാന്‍ യുവതി കളിച്ച നാടകം appeared first on Valanchery Online.