employment Archives - Valanchery Online

എംപ്ലോയ്‌മെന്റ്; സീനിയോറിറ്റി നഷ്ടപ്പെടാതെ പുതുക്കാം

വളാഞ്ചേരിക്കാരൻ — Sun, 24 Apr 2022 20:13:46 +0000

മലപ്പുറം : പൊതുവിഭാഗത്തിൽ 10/1999 മുതൽ 06/2021 വരെയുള്ള കാലയളവിൽ യഥാസമയം പുതുക്കാഞ്ഞതിനാൽ സീനിയോറിറ്റി നഷ്ടപ്പെട്ട (എസ്.സി./എസ്.ടി. വിഭാഗം 12/1998 മുതൽ 06/2020 വരെ) ഉദ്യോഗാർഥികൾക്ക് 30 വരെ www.eemployment.kerala.gov.in മുഖേനയോ എംപ്ലോയ്‌മെന്റ് എക്‌സ്‌ചേഞ്ചുകളിൽ നേരിട്ട് എത്തിയോ സീനിയോറിറ്റി നഷ്ടപ്പെടാതെ രജിസ്‌ട്രേഷൻ പുതുക്കാം. ഫോൺ: 04931 222990.

The post എംപ്ലോയ്‌മെന്റ്; സീനിയോറിറ്റി നഷ്ടപ്പെടാതെ പുതുക്കാം appeared first on Valanchery Online.

എംപ്ലോയ്‌മെന്റ് രജിസ്‌ട്രേഷൻ പുതുക്കൽ; സമയം നീട്ടി

വളാഞ്ചേരിക്കാരൻ — Sat, 02 Oct 2021 06:16:59 +0000

മലപ്പുറം: എംപ്ലോയ്‌മെന്റ് രജിസ്‌ട്രേഷൻ പുതുക്കൽ 01.01.2000 മുതൽ 31.08.2021 വരെയുള്ള കാലയളവിൽ വിവിധ കാരണങ്ങളാൽ രജിസ്‌ട്രേഷൻ പുതുക്കാൻ കഴിയാതെ സീനിയോറിറ്റി നഷ്ടപ്പെട്ട ഉദ്യോഗാർഥികൾക്ക് മുൻകാല സീനിയോറിറ്റിയോടു കൂടി 01.10.2021 മുതൽ 30.11.2021 വരെയുള്ള കാലയളവിൽ രജിസ്‌ട്രേഷൻ പുതുക്കാൻ അവസരം.

ശിക്ഷണ നടപടിയുടെ ഭാഗമായോ, മന:പൂർവ്വം ജോലിയിൽ ഹാജരാകാതിരുന്നതിനാലോ സീനിയോറിറ്റി നഷ്ടപ്പെട്ടവർക്ക് പ്രത്യേകം പുതുക്കൽ ആനുകൂല്യത്തിന് അർഹതയില്ല. പ്രത്യേക പുതുക്കൽ ഉത്തരവ് പ്രകാരം സീനിയോറിറ്റി പുന:സ്ഥാപിച്ചു കിട്ടുന്നവർക്ക് രജിസ്‌ട്രേഷൻ റദ്ദായ കാലയളവിൽ തൊഴിൽ രഹിത വേതനത്തിന് അർഹത ഉണ്ടായിരിക്കുന്നതല്ല. പ്രത്യേക പുതുക്കൽ, ഓൺലൈൻ പോർട്ടാലായ www.eemployment.kerala.gov.in എന്ന വെബ്‌സൈറ്റ് മുഖേന നിർവഹിക്കാവുന്നതാണ്.

The post എംപ്ലോയ്‌മെന്റ് രജിസ്‌ട്രേഷൻ പുതുക്കൽ; സമയം നീട്ടി appeared first on Valanchery Online.

റദ്ദായ എംപ്ലേയ്‌മെന്റ് രജിസ്‌ട്രേഷൻ ഈ മാസം 31 വരെ പുതുക്കാം

വളാഞ്ചേരിക്കാരൻ — Thu, 17 Jan 2019 15:53:02 +0000

റദ്ദായ എംപ്ലോയ്‌മെന്റ് രജിസ്‌ട്രേഷൻ പുതുക്കി സീനിയോറിറ്റി പുനഃസ്ഥാപിക്കുന്നതിന് തിരുവനന്തപുരം ജില്ലയിലെ ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചിൽ 2018 ഡിസംബർ 31 നകം ഹാജരായിട്ടുള്ളതും എന്നാൽ സാങ്കേതിക കാരണങ്ങളാൽ പുതുക്കാൻ സാധിക്കാതെ ജനുവരി 15നകം ഹാജരാകുന്നതിന് ടോക്കൺ നൽകിയിട്ടുള്ള ഉദ്യോഗാർത്ഥികളിൽ ഹാജരാകാൻ കഴിയാതിരുന്നവർക്ക് അസ്സൽ സർട്ടിഫിക്കറ്റുകൾ സഹിതം നേരിട്ട് ഹാജരായി ഈ മാസം 31 വരെ രജിസ്‌ട്രേഷൻ പുതുക്കാം. 1998 ജനുവരി ഒന്നു മുതൽ 2018 ഒക്‌ടോബർ 31 വരെയുള്ള കാലയളവിൽ വിവിധ കാരണങ്ങളാൽ രജിസ്‌ട്രേഷൻ റദ്ദായവർക്കാണ് ഈ അവസരം.

The post റദ്ദായ എംപ്ലേയ്‌മെന്റ് രജിസ്‌ട്രേഷൻ ഈ മാസം 31 വരെ പുതുക്കാം appeared first on Valanchery Online.

യു .എ.ഇ.യിൽ തൊഴിൽവിസക്ക് സ്വഭാവ സർട്ടിഫിക്കറ്റ് നിർബന്ധമാക്കുന്നത് നീട്ടി

വളാഞ്ചേരിക്കാരൻ — Sun, 01 Apr 2018 12:41:49 +0000

ദുബായ്: യു .എ.ഇ.യിൽ തൊഴിൽ വിസക്ക് സ്വഭാവ സർട്ടിഫിക്കറ്റ് നിർബന്ധമാക്കിയ തീരുമാനം ഇനിയൊരു അറിയിപ്പുണ്ടാകുന്നത് വരെ നീട്ടി വച്ചു .
ഫെബ്രുവരി 4 മുതലാണ് രാജ്യത്ത് തൊഴിൽ വിസ ലഭിക്കാൻ സ്വഭാവ സർട്ടിഫിക്കറ്റ് നിർബന്ധമാക്കിയ നിയമം പ്രാബല്യത്തിലായത്. ഈ തീരുമാനം നടപ്പിലാക്കുന്നത് തത്ക്കാലം നീട്ടി വക്കുകയാണെന്ന് മന്ത്രാലയം അറിയിച്ചു. ഇനിയൊരു അറിയിപ്പുണ്ടാകുന്നത് വരെ തൊഴിൽ വിസക്ക് സ്വഭാവ സർട്ടിഫിക്കറ്റ് ഹാജരാക്കേണ്ട ആവശ്യമില്ല. മനുഷ്യ വിഭവശേഷി- സ്വദേശിവത്കരണ മന്ത്രാലയം ട്വിറ്ററിലൂടെ അറിയിച്ചതാണിത്. എല്ലാ രാജ്യങ്ങളിലെയും പൗരൻമാർക്ക് ഇൗ ഇളവ് ബാധകമാണ്.

The post യു .എ.ഇ.യിൽ തൊഴിൽവിസക്ക് സ്വഭാവ സർട്ടിഫിക്കറ്റ് നിർബന്ധമാക്കുന്നത് നീട്ടി appeared first on Valanchery Online.