education Archives - Valanchery Online

‘മഴ മേഘങ്ങൾക്ക് മീതെ’ വിദ്യാഭ്യാസ ശാക്തീകരണ പദ്ധതിക്ക് വളാഞ്ചേരി നഗരസഭയിൽ തുടക്കമായി

വളാഞ്ചേരിക്കാരൻ — Tue, 10 Jan 2023 00:30:46 +0000

വളാഞ്ചേരി: വളാഞ്ചേരി നഗരസഭയിൽ നിന്നും 100 യുവാക്കളെ സർക്കാർ സർവീസിൽ എത്തിക്കുന്ന ‘മഴ മേഘങ്ങൾക്ക് മീതെ’ വിദ്യാഭ്യാസ ശാക്തീകരണ പദ്ധതിക്ക് തുടക്കമായി. നഗരസഭയിൽ നിന്നും രെജിസ്റ്റർ ചെയ്യുന്ന ഉദ്യോഗാർത്ഥികൾക്ക് 2 മാസത്തെ സൗജന്യ പി.എസ്.സി കോച്ചിങ് നടത്തുന്നത്. ചടങ്ങ് വളാഞ്ചേരി മുൻസിപ്പൽ ചെയർമാൻ അഷ്‌റഫ് അമ്പലത്തിങ്ങൽ ഉത്ഘാടനം ചെയ്തു. വിദ്യാഭ്യാസ കലാ-കായിക സ്റ്റാന്റിംഗ് കമ്മിറ്റി ചെയർമാൻ മുജീബ് വാലാസി അധ്യക്ഷനായിരുന്നു. വികസന കാര്യ സ്റ്റാന്റിംഗ് കമ്മറ്റി ചെയർമാൻ സിഎം റിയാസ് സ്വാഗതം പറഞ്ഞ ചടങ്ങിൽ വൈസ് ചെയർപേഴ്സൺ റംല മുഹമ്മദ് ,സ്റ്റാന്റിംഗ് കമ്മറ്റി ചെയർമാൻമാരായ മാരാത്ത് ഇബ്രാഹിം ,റൂബി ഖാലിദ് ,ദീപ്തി ശൈലേഷ് ,നഗരസഭാ സെക്രട്ടറി ഷെമീർ മുഹമ്മദ് എന്നിവർ സംസാരിച്ചു .ചടങ്ങിൽ കൗൺസിലർമാരായ താഹിറ ഇസ്മായിൽ ,ശൈലജ ,നൂർജഹാൻ ,ഉണ്ണികൃഷ്ണൻ ,സദാനന്ദൻ ,തസ്ലീമ നദീർ എന്നിവർ പങ്കെടുത്തു .രമേശ് കൊല്ലം മോട്ടിവേഷൻ ക്ലാസ്സ് എടുത്തു.

The post ‘മഴ മേഘങ്ങൾക്ക് മീതെ’ വിദ്യാഭ്യാസ ശാക്തീകരണ പദ്ധതിക്ക് വളാഞ്ചേരി നഗരസഭയിൽ തുടക്കമായി appeared first on Valanchery Online.

ലാൻഡ്‌ ഫോൺ സേവനപദ്ധതിയുടെ കുറ്റിപ്പുറം മേഖലാതല ഉദ്ഘാടനം നിർവഹിച്ചു

വളാഞ്ചേരിക്കാരൻ — Fri, 31 Dec 2021 00:28:03 +0000

കുറ്റിപ്പുറം : പൊതുവിദ്യാഭ്യാസവകുപ്പ് നടപ്പാക്കുന്ന ലാൻഡ്‌ ഫോൺ സേവനപദ്ധതിയുടെ കുറ്റിപ്പുറം മേഖലാതല ഉദ്ഘാടനം വൊക്കേഷണൽ ഹയർസെക്കൻഡറി റീജണൽ ആസ്ഥാനത്ത് ഗ്രാമപ്പഞ്ചായത്ത് വൈസ് പ്രസിഡന്റ്‌ കെ.ടി. സിദ്ദിഖ് കാൾ രജിസ്ട്രേഷൻ നടത്തി നിർവഹിച്ചു.

വി.എച്ച്.സി. അഡീഷണൽ ഡയറക്ടർ എം. ഉബൈദുള്ള, എച്ച്.സി. ബാലകൃഷ്ണൻ, വി.പി. അബ്ദുൾ റഹീം, കെ.പി. സുരേഷ്, സജി ജോർജ് തുടങ്ങിയവർ പങ്കെടുത്തു.

The post ലാൻഡ്‌ ഫോൺ സേവനപദ്ധതിയുടെ കുറ്റിപ്പുറം മേഖലാതല ഉദ്ഘാടനം നിർവഹിച്ചു appeared first on Valanchery Online.

ബിരിയാണി ചലഞ്ചിലൂടെ വിദ്യാർഥികൾക്ക് പഠനോപകരണങ്ങൾ വിതരണംചെയ്ത് എ.ഐ.വൈ.എഫ്. വെണ്ടല്ലൂർ യൂണിറ്റ് കമ്മിറ്റി

വളാഞ്ചേരിക്കാരൻ — Wed, 14 Jul 2021 15:37:34 +0000

ഇരിമ്പിളിയം: ബിരിയാണി ചലഞ്ചിലൂടെ വിദ്യാർഥികൾക്ക് പഠനോപകരണങ്ങൾ വിതരണംചെയ്ത് എ.ഐ.വൈ.എഫ്. വെണ്ടല്ലൂർ യൂണിറ്റ് കമ്മിറ്റി. ഭാരവാഹികളായ കെ. ജലീൽ, ഷാഹുൽ കട്ടച്ചിറ എന്നിവർക്ക് നസീർ തിരൂർക്കാട് പഠനോപകരണങ്ങൾ കൈമാറി. സിദ്ദിഖ് കട്ടച്ചിറ അധ്യക്ഷത വഹിച്ചു. ടി. ജാനിസ് ബാബു, വാർഡംഗം ഷഫീദ ബേബി, വി. പ്രശാന്ത്, എം.ടി. നാരായണൻ, കെ. മാനുപ്പ, കെ. അമീറലി, കെ. നഫ്‌സൽ, കെ.ടി. ധനീഷ്, അസീസ് കട്ടച്ചിറ എന്നിവർ പ്രസംഗിച്ചു.

The post ബിരിയാണി ചലഞ്ചിലൂടെ വിദ്യാർഥികൾക്ക് പഠനോപകരണങ്ങൾ വിതരണംചെയ്ത് എ.ഐ.വൈ.എഫ്. വെണ്ടല്ലൂർ യൂണിറ്റ് കമ്മിറ്റി appeared first on Valanchery Online.

പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ കോട്ടക്കൽ മണ്ഡലം വിദ്യാഭ്യാസ സമിതി യോഗം ചേർന്നു

വളാഞ്ചേരിക്കാരൻ — Sat, 19 Jun 2021 15:01:52 +0000

വളാഞ്ചേരി:കോട്ടക്കൽ മണ്ഡലം വിദ്യാഭ്യാസ സമിതി അവലോകനയോഗം പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ അധ്യക്ഷതയിൽ ചേർന്നു. എല്ലാ വിദ്യാർത്ഥികൾക്കും ഓൺലൈൻ പഠനത്തിനുള്ള സംവിധാനം ഉറപ്പാക്കുന്നതിനുള്ള പദ്ധതികൾ ആവിഷ്കരിച്ചു. നിയോജക മണ്ഡലത്തിലെ വളാഞ്ചേരി, കോട്ടക്കൽ മുനിസിപ്പാലിറ്റികളിലെയും പൊന്മള, എടയൂർ, ഇരുമ്പിളിയം, കുറ്റിപ്പുറം മാറാക്കര പഞ്ചായത്തുകളിലെയും അധ്യക്ഷന്മാരുടേയും വിദ്യാഭ്യാസ ഉദ്യോഗസ്ഥർ, പ്രധാനാധ്യാപകരുടെ പ്രതിനിധികൾ എന്നിവരുടെ യോഗമാണ് കുറ്റിപ്പുറം ബ്ലോക്ക് ഓഫീസിൽ വെച്ച് ചേർന്നത്. വീട്ടിൽ പഠനസൗകര്യം ഒരുക്കുന്നതിനും അത് സജ്ജീകരിക്കുന്നതിൻറെയും കാര്യങ്ങൾ യോഗത്തിൽ ചർച്ച ചെയ്തു. വാർഡ് തലത്തിൽ ജനപ്രതിനിധികളുടെയും ,അധ്യാപകരുടെയും , പി ടി എ യുടെയും സഹകരണത്തോടെ ചർച്ചകൾ നടത്തി സൗകര്യമില്ലാത്ത കുട്ടികളുടെ കണക്കെടുപ്പ് കൃത്യമാക്കി പഞ്ചായത്ത് തലത്തിൽ ക്രോഡീകരിക്കുവാൻ തീരുമാനിച്ചു. ഇതുവരെ അധ്യാപകരും മറ്റു സന്നദ്ധ സംഘടനകളും നൽകിയ ഡിജിറ്റൽ ഡിവൈസുകളുടെ കണക്ക് തിരൂർ ഡി.ഇ.ഒ യോഗത്തിൽ അവതരിപ്പിച്ചു. അധ്യാപകരും സന്നദ്ധസംഘടനകളും മറ്റുമായി മൊബൈൽ ഫോൺ , ടാബ്‌ലെറ്റ്, ലാപ്ടോപ്പ് എന്നിവ ഉൾപ്പെടെ 354 ഡിവൈസുകൾ കൊടുത്തിട്ടുണ്ട്.

ഈ മാസം26 ന് മുമ്പായി മുനിസിപ്പൽ / പഞ്ചായത്ത് തലങ്ങളിൽ പി ഇ സി അവലോകനയോഗം നടത്തും. എല്ലാ കുട്ടികൾക്കും വീട്ടിൽ ഡിജിറ്റൽ ഡിവൈസ് ലഭ്യമാക്കാൻ യോഗം തീരുമാനിച്ചു. സ്വന്തമായി ഡിജിറ്റൽ ഡിവൈസ് ലഭ്യമാക്കാൻ കഴിയാത്ത കുട്ടികൾക്ക് ഓൺലൈൻ പഠനസൗകര്യം സജ്ജീകരിക്കാൻ തീരുമാനിച്ചു. പൊതു പഠനകേന്ദ്രത്തിൽ പൂർണ്ണ സമയം അധ്യാപകരുടെയും ബന്ധപ്പെട്ടവരുടെയും സാന്നിധ്യം ഉണ്ടാവണം എന്നു തീരുമാനിച്ചു. പഞ്ചായത്ത് തലത്തിൽ ഓൺലൈൻ ഡിജിറ്റൽ സംവിധാനം ഒരുക്കുന്നതിനു വേണ്ടിയുള്ള പദ്ധതികൾ ആവിഷ്കരിക്കാനും തീരുമാനിച്ചു. എല്ലാ സ്കൂളുകളിലും ഡിജിറ്റൽ ലൈബ്രറി തുടങ്ങേണ്ടതാണ് എന്ന അഭിപ്രായം യോഗത്തിൽ രൂപപ്പെട്ടു. അധ്യാപകർ, പ്രധാനാധ്യാപകർ, പിടിഎ, ജനപ്രതിനിധികൾ എന്നിവരുടെ നേതൃത്വത്തിൽ വിദ്യാർത്ഥികളുടെ പഠന സംവിധാനങ്ങളുടെ മോണിറ്ററിംഗ് ശക്തമാക്കാൻ തീരുമാനിച്ചു. അധ്യാപക ക്ഷാമം പരിഹരിക്കുന്നതിനുവേണ്ടി പ്രൈമറി, എച്ച്.എസ്.എച്ച്.എസ്.എസ് തലത്തിലുള്ള നിലവിലെ അധ്യാപക കുറവുകൾ സർക്കാരിന്റെ ശ്രദ്ധയിൽപ്പെടുത്തുമെന്ന് എം.എൽ.എ പറഞ്ഞു.

യോഗത്തിൽ കുറ്റിപ്പുറം ബ്ലോക്ക് പ്രസിഡന്റ് വസീമ വേളേരി, വളാഞ്ചേരി മുനിസിപ്പൽ ചെയർമാൻ അഷ്റഫ് അമ്പലത്തിങ്ങൽ, കോട്ടക്കൽ നഗരസഭ ചെയർ പേഴ്സൺ ബുഷ്റ ഷെബീർ, പഞ്ചായത്ത് പ്രസിഡന്റുമാരായ കെ. മാനുപ്പ മാസ്റ്റർ (ഇരിമ്പിളിയം) ടി.പി സജ്ന ടീച്ചർ (മാറാക്കര) ഹസീന ഇബ്രാഹീം (എടയൂർ ) ജസീന അബ്ദുൽ മജീദ് (പൊന്മള ) എച്ച് എം ഫോറം പ്രതിനിധികളായ അബ്ദുൽ വഹാബ്, വി.പി അബ്ദുറഹിമാൻ എന്നിവർ പങ്കെടുത്തു. തിരൂർ ഡി.ഇ.ഒ രമേഷ്കുമാർ ,കുറ്റിപ്പുറം എ.ഇ.ഒ സുരേന്ദ്രൻ, മലപ്പുറം ബി.പി.സി മുഹമ്മദാലി, കുറ്റിപ്പുറം ബി.പി.സി അബ്ദുൽ സലീം എന്നിവർ റിപ്പോർട്ട് അവതരിപ്പിച്ചു. തുടർന്ന് ചർച്ചകൾ നടന്നു.

The post പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ കോട്ടക്കൽ മണ്ഡലം വിദ്യാഭ്യാസ സമിതി യോഗം ചേർന്നു appeared first on Valanchery Online.

വിദ്യാഭ്യാസ പദ്ധതി രൂപീകരണവുമായി ബന്ധപ്പെട്ട് കുറ്റിപ്പുറം ബ്ലോക്ക് പഞ്ചായത്തിൽ യോഗം ചേർന്നു

വളാഞ്ചേരിക്കാരൻ — Sat, 30 Jan 2021 14:43:06 +0000

വളാഞ്ചേരി: വിദ്യാഭ്യാസ പദ്ധതി രൂപീകരണവുമായി ബന്ധപ്പെട്ട് കുറ്റിപ്പുറം വിദ്യാഭ്യാസജില്ലക്ക് കീഴിൽ വരുന്ന മുൻസിപ്പാലിറ്റിയിലെയും പഞ്ചായത്തുകളിലെയും ചെയർമാൻ, പ്രസിഡണ്ടുമാർ, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാന്മാർ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻമാർ, ഇംപ്ലിമെന്റിഗ് ഓഫീസർമാർ, പി.ടി.എ പ്രതിനിധികൾ എന്നിവരുടെ ഒരു സംയുക്ത ബ്ലോക്ക് തല പരിശീലനം ഇന്ന് ഇന്ന് രണ്ടുമണിക്ക് കുറ്റിപ്പുറം ബ്ലോക്ക് പഞ്ചായത്ത് പ്രസിഡൻറ് വസീമ വേളേരിയുടെ നേതൃത്വത്തിൽ ബ്ലോക്ക് ഓഫീസിൽ വച്ച് നടന്നു. പരിശീലനം കുറ്റിപ്പുറം ബ്ലോക്ക് പഞ്ചായത്ത് പ്രസിഡണ്ട് വസീമ വേളേരി നിർവഹിച്ചു. എസ്.എസ്.കെ ഗ്രാമപഞ്ചായത്ത്, മുനിസിപ്പാലിറ്റി എന്നീ സ്ഥാപനങ്ങളുടെ വിദ്യാഭ്യാസ മേഖലയിലുള്ള സംയുക്തമായ ഇടപെടലുകൾ ശക്തിപ്പെടുത്താനും അതിലൂടെ ഉണ്ടാവുന്ന വിദ്യാഭ്യാസ മേഖലയുടെ ഉന്നമനം എന്നിവ ലക്ഷ്യം വെച്ചായിരുന്നു പരിശീലനം.

കുറ്റിപ്പുറം ബി.ആർ.സിയിലെ ബി.പി.സി അബ്ദു സലീം ടി സ്വാഗതം പറഞ്ഞ യോഗത്തിൽ കുറ്റിപ്പുറം എ.ഇ.ഒ സുരേന്ദ്രൻ പി.വി അധ്യക്ഷത വഹിച്ചു. വേങ്ങര ബി.ആർ.സിയിലെ ബി.പി.സി ടോമി മാത്യു പരിശീലനത്തിന് നേതൃത്വം നൽകി. കുറ്റിപ്പുറം ബി.ആർ.സിയിലെ ട്രെയിനർ ഗോപാലകൃഷ്ണൻ പദ്ധതി വിശധീകരണം നടത്തി. ബ്ലോക്ക്ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഒ.കെ സുബൈർ ആശംസകൾ നേർന്നു. കുറ്റിപ്പുറം ബി.ആർ.സിയിലെ അച്യുതൻ എസ് നന്ദിയും പറഞ്ഞു.

The post വിദ്യാഭ്യാസ പദ്ധതി രൂപീകരണവുമായി ബന്ധപ്പെട്ട് കുറ്റിപ്പുറം ബ്ലോക്ക് പഞ്ചായത്തിൽ യോഗം ചേർന്നു appeared first on Valanchery Online.

ദേവികയുടെ സഹോദരങ്ങളുടെ പഠനം യൂത്ത്‌ കോൺഗ്രസ് ഏറ്റെടുക്കും

വളാഞ്ചേരിക്കാരൻ — Wed, 03 Jun 2020 15:29:34 +0000

ഇരിമ്പിളിയം: തീകൊളുത്തി ആത്മഹത്യചെയ്ത ഇരിമ്പിളിയം ഗവ. ഹയർ സെക്കൻഡറി സ്കൂളിലെ വിദ്യാർഥിനി തിരുനിലം പുളിയാപ്പറ്റക്കുഴിയിൽ കുളത്തിങ്ങൽ വീട്ടിൽ ദേവികയുടെ സഹോദരങ്ങളുടെ തുടർന്നുള്ള പഠനച്ചെലവുകൾ യൂത്ത് കോൺഗ്രസ് സംസ്ഥാന കമ്മിറ്റി ഏറ്റെടുക്കുമെന്ന് ഷാഫി പറമ്പിൽ എം.എൽ.എ. പറഞ്ഞു. ദേവികയുടെ വീട്ടിലെത്തി രക്ഷിതാക്കളെ ആശ്വസിപ്പിച്ച ശേഷമായിരുന്നു എം.എൽ.എയുടെ പ്രഖ്യാപനം.

ഇ.ടി. മുഹമ്മദ് ബഷീർ എം.പി, വി.ടി. ബൽറാം എം.എൽ.എ, എ.പി. അനിൽകുമാർ എം.എൽ.എ, കെ.പി.സി.സി. ജനറൽ സെക്രട്ടറി വി.എ. കരീം, ഡി.സി.സി. പ്രസിഡന്റ്‌ വി.വി. പ്രകാശ്, യൂത്ത്‌ലീഗ് സംസ്ഥാന ട്രഷറർ എം.എ. സമദ്, യൂത്ത് കോൺഗ്രസ് സംസ്ഥാന സെക്രട്ടറി ഇ.പി. രാജീവ്, ജില്ലാ പഞ്ചായത്ത് പ്രസിഡന്റ് എ.പി. ഉണ്ണിക്കൃഷ്ണൻ, യു.ഡി.എഫ്. ജില്ലാ കൺവീനർ പി.ടി. അജയ്‌മോഹൻ, മുനവ്വറലി ശിഹാബ് തങ്ങൾ, സാദിഖലി ശിഹാബ് തങ്ങൾ, കെ.എസ്.യു ജില്ലാ പ്രസിഡന്റ് ഹാരിസ് മുതൂർ തുടങ്ങി നിരവധി പ്രമുഖർ വീട്ടിലെത്തിയിരുന്നു.

The post ദേവികയുടെ സഹോദരങ്ങളുടെ പഠനം യൂത്ത്‌ കോൺഗ്രസ് ഏറ്റെടുക്കും appeared first on Valanchery Online.

വിദ്യാഭ്യാസേതരസർട്ടിഫിക്കറ്റുകളുടെ അറ്റസ്റ്റേഷൻ ഇനി നോർക്ക റൂട്ട്സ് മുഖേന

വളാഞ്ചേരിക്കാരൻ — Mon, 28 Oct 2019 02:10:14 +0000

തിരുവനന്തപുരം: വിദേശ രാജ്യങ്ങളിലേക്കുളള ആഭ്യന്തര അറ്റസ്റ്റേഷൻ സേവനങ്ങൾ ഇനി മുതൽ നോർക്ക റൂട്ട്സ് ഓഫീസുകൾ മുഖേന ലഭ്യമാകും. സംസ്ഥാനത്തിന്റെ വിവിധ ഭാഗങ്ങളിലുളള പൊതുജനങ്ങൾക്ക് ഇത്തരം ആവശ്യങ്ങൾക്കായി തിരുവനന്തപുരം സെക്രട്ടേറിയറ്റിലെ ആഭ്യന്തര അറ്റസ്റ്റേഷൻ വിഭാഗത്തിൽ ഇനി നേരിട്ട് വരണ്ട.

വിദേശ രാജ്യങ്ങളിൽ സമർപ്പിക്കാനുളള കേരളത്തിൽ നിന്നുളള രേഖകളുടെ അഭ്യന്തര അറ്റസ്റ്റേഷൻ സേവനം ലഭ്യമാക്കാനുളള നോഡൽ ഏജൻസിയായി സർക്കാർ നോർക്ക റൂട്ട്സിനെ അധികാരപ്പെടുത്തിയിട്ടുണ്ട്. വിദ്യാഭ്യാസേതര സർട്ടിഫിക്കറ്റുകൾക്കുളള ആഭ്യന്തര അറ്റസ്റ്റേഷൻ സൗകര്യം കൂടി നോർക്കയിൽലഭ്യമാക്കുന്നതോടെ വിദേശരാജ്യങ്ങളിൽ സമർപ്പിക്കാനുളള എല്ലാ രേഖകളുടെയും അറ്റസ്റ്റേഷൻ നോർക്ക റൂട്ട്സ് ഓഫീസുകൾ മൂഖാന്തരം ഉദ്യോഗാർത്ഥികൾക്കും, പ്രവാസികൾക്കും ലഭ്യമാകും.

വിദ്യാഭ്യാസ സർട്ടിഫിക്കറ്റുകളോടൊപ്പം വിദ്യാഭ്യാസേതര സർട്ടിഫിക്കറ്റുകളായ ജനന, മരണ, വിവാഹ സർട്ടിഫിക്കറ്റുകൾ, വിവിധ അഫിഡവിറ്റുകൾ, പവർ ഒഫ് അറ്റോർണി തുടങ്ങിയവ സാക്ഷ്യപ്പെടുത്താൻ നോർക്ക റൂട്ട്സിന്റെ മേഖലാ ഓഫീസുകളിൽ നൽകാം. ഈ സർട്ടിഫിക്കറ്റുകളിൽ അഭ്യന്തര അറ്റസ്റ്റേഷനോടൊപ്പം വിവിധ എംബസികളുടെ സാക്ഷ്യപ്പെടുത്തൽ സേവനവും നോർക്ക റൂട്ട്സിന്റെ തിരുവനന്തപുരം, എറണാകുളം, കോഴിക്കോട് മേഖലാ ഓഫീസുകളിൽ ലഭിക്കും. എം.ഇ.എ, അപ്പോസ്‌റ്റൈൽ സാക്ഷ്യപ്പെടുത്തലുകൾക്ക് പുറമേ യുഎ.ഇ, കുവൈറ്റ്, ഖത്തർ, ബഹ്റൈൻ എംബസ്സികളുടെ അറ്റസ്റ്റേഷൻ സേവനങ്ങളും ഇതോടൊപ്പം ലഭ്യമാണ്. അറ്റസ്റ്റേഷൻ സേവനങ്ങൾക്കായി www.norkaroots.org യിൽ ഓൺലൈനായി രജിസ്റ്റർ ചെയ്യാം. ഫോൺ: 18004253939

The post വിദ്യാഭ്യാസേതരസർട്ടിഫിക്കറ്റുകളുടെ അറ്റസ്റ്റേഷൻ ഇനി നോർക്ക റൂട്ട്സ് മുഖേന appeared first on Valanchery Online.

കനത്ത മഴ സാധ്യത; മലപ്പുറം അടക്കം എട്ട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

വളാഞ്ചേരിക്കാരൻ — Thu, 08 Aug 2019 12:33:03 +0000

കോഴിക്കോട്: കനത്ത മഴസാധ്യത കണക്കിലെടുത്ത് സംസ്ഥാനത്തെ എട്ട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ (വെള്ളിയാഴ്ച )അവധി നല്‍കി. പത്തനംതിട്ട, ഇടുക്കി, എറണാകുളം, തൃശ്ശൂര്‍, കോട്ടയം, മലപ്പുറം, കോഴിക്കോട്, കണ്ണൂർ ജില്ലകളിലെ വിദ്യാഭ്യാസ സ്ഥാപനങ്ങള്‍ക്കാണ് അവധി പ്രഖ്യാപിച്ചത്. അതത് ജില്ലാ കളക്ടര്‍മാരാണ് അവധി പ്രഖ്യാപിച്ചത്.

കേന്ദ്രീയ വിദ്യാലയങ്ങള്‍ക്കും അങ്കണവാടികള്‍ക്കും മദ്രസകള്‍ക്കും അവധി ബാധകമാണെന്ന് കോഴിക്കോട് കളക്ടർ അറിയിച്ചു. പത്തനംതിട്ട ജില്ലയിലെ പ്രഫഷണല്‍ കോളേജുകള്‍, അങ്കണവാടികള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും വെള്ളിയാഴ്ച അവധിയാണെന്ന് നേരത്തെ കളക്ടര്‍ പ്രഖ്യാപിച്ചിരുന്നു.

എംജി സർവ്വകലാശാലയും കണ്ണൂർ സർവ്വകാലശാലയും വെള്ളിയാഴ്ച നടത്താനിരുന്ന എല്ലാ പരീക്ഷകളും മാറ്റി വെച്ചു. പിഎസ്സിയും നാളെ നടത്താനിരുന്ന പരീക്ഷ മാറ്റിയിട്ടുണ്ട്. ഒമ്പതാം തീയതി നടത്താനിരുന്ന പരീക്ഷ ഓഗസ്റ്റ് 30ലേക്കാണ് പിഎസ് സി മാറ്റിവെച്ചത്. പരീക്ഷാ കേന്ദ്രങ്ങൾക്ക് മാറ്റമുണ്ടാവില്ല. അവധി പ്രഖ്യാപിച്ചത് കുട്ടികളുടെ സുരക്ഷയ്ക്ക് വേണ്ടിയാണെന്നും അവധി ആഘോഷമാക്കാന്‍ കുളത്തിലേക്കും, പുഴയിലേക്കും കുട്ടികൾ പോകാതിരിക്കാന്‍ രക്ഷിതാക്കള്‍ പ്രത്യേകം ശ്രദ്ധിക്കണമെന്നും എറണാകുളം ജില്ലാ കളക്ടർ അറിയിച്ചു.

The post കനത്ത മഴ സാധ്യത; മലപ്പുറം അടക്കം എട്ട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി appeared first on Valanchery Online.

മലബാറിലെ മുസ്ലിം വിദ്യാർത്ഥികളുടെ രക്ഷിതാക്കളേ..വരാനിരിക്കുന്ന ഈ അപകടം അറിഞ്ഞുവയ്ക്കുക!

രാജേഷ് വി അമല — Wed, 08 May 2019 02:45:07 +0000

ഹൈസ്കൂൾ, ഹയർ സെക്കണ്ടറി റിസൽട്ടിലെ മിന്നും തിളക്കവും മലപ്പുറത്തിന്റെ നേട്ടവും ആഘോഷിക്കുമ്പോൾ നിങ്ങളെ കാത്തിരിക്കുന്നത് അപകടകരമായൊരു സാമൂഹിക പ്രശ്നമാണ്. മലബാറിലെ പെൺകുട്ടികളുടെ ഉയർന്ന വിദ്യാഭ്യാസ നിലവാരവും ആൺകുട്ടികളുടെ വിദ്യാഭ്യാസ കുറവും, സാമൂഹിക ഇടപെടലിലും വിവാഹത്തിലും ദാമ്പത്യത്തിലുമെല്ലാം വലിയ വിള്ളലുകളാണ് വീഴ്ത്തിക്കൊണ്ടിരിക്കുന്നത് എന്ന സത്യമാണ് മറ നീക്കി പുറത്തു വന്നുകൊണ്ടിരിക്കുന്നത്. സെന്റർ ഫോർ ഇൻഫർമേഷൻ ആന്റ് ഗൈഡൻസ് ഇന്ത്യ (സിജി) സംഘടന മലബാറിലെ മൂന്ന് ജില്ലകളിൽ നടത്തിയ ഒൗദ്യോഗിക വിവരശേഖരണത്തിൽ ലഭിച്ചത് ഞെട്ടിപ്പിക്കുന്ന വിവരങ്ങളാണ്. ഏ പ്ലസ്സുകളുടെ എണ്ണത്തിൽ അഭിമാനിക്കുമ്പോഴും വരാനിരിക്കുന്ന ഈ വലിയ സാമൂഹ്യ പ്രശ്നത്തെ മുസ്ലീം സമൂഹം കാണാതെ പോയാൽ ഗുരുതരമായ സാമൂഹിക പ്രത്യാഘാതമായിരിക്കും സംഭവിക്കുക.

പ്ലസ് ടു – ബിരുദ തലങ്ങളിൽ 2016 ൽ നടത്തിയ സർവ്വേയുടെ വിശദാംശങ്ങളാണ് സംഘടന പുറത്തു വിടാൻ തയ്യാറായിരിക്കുന്നത്. സിജി ജനറൽ സെക്രട്ടറിയും കോഴിക്കോട് ഗവ.ആർട്സ് ആന്റ് സയൻസ് കോളേജ് സ്റ്റാറ്റിസ്റ്റിക്സ് വിഭാഗം മേധാവിയുമായ ഡോ.സെഡ്.എ അഷ്റഫിന്റെ നേതൃത്വത്തിലായിരുന്നു പഠനം. ആൺ കുട്ടികളും പെൺകുട്ടികളും വിദ്യാഭ്യാസത്തോട് പുലർത്തുന്ന മനോഭാവവും അത് കൊണ്ടെത്തിക്കുന്ന പ്രശ്നങ്ങളും സങ്കീർണമാവുന്നു. പെട്ടന്ന് ജോലി കിട്ടണം എന്നാണ് ആൺകുട്ടികളിലെ വലിയൊരു വിഭാഗവും ആഗ്രഹിക്കുന്നത്. ഹൈസ്കൂൾ കാലം തൊട്ട് ഈയൊരു മനോഭാവം കാണാനുമാവും. പഠന കാലത്തു തന്നെ ഷോപ്പുകളിലും മറ്റും ജോലി ചെയ്യുന്ന ആൺകുട്ടികളുടെ തുടർ പഠനം പലപ്പോഴും അവിടെ അവസാനിക്കുന്നു. പെട്ടന്ന് പണം സമ്പാദിക്കുന്നതിനായി വിദേശത്തേക്ക് പറക്കുകയും സമ്പന്നനായി തിരികെയെത്തുമ്പോഴേക്കും കാത്തിരിക്കുന്നത് വിദ്യാസമ്പന്നയായ പെൺകുട്ടി! പലപ്പോഴും ഇത്തരം ബന്ധങ്ങളിലേക്ക് പെൺകുട്ടികൾ ഗത്യന്തരമില്ലാതെയാണ് ചെന്നെത്തുന്നത്.

ഇവയിൽ തന്നെ എൺപത് ശതമാനം മാർക്ക് ലഭിച്ചവർവരെയുണ്ട്. ആകർഷകമായ വരുമാനം, ബൈക്ക്, സ്മാർട്ട് ഫോൺ ഇവയൊക്കെത്തന്നെ അവയ്ക്കുള്ള ന്യായീകരണങ്ങൾ.കോളേജ് വിദ്യാഭ്യാസ മെടുത്താൽ കോഴ്സ് ദൈർഘ്യ കാരണത്താൽ ആൺകുട്ടികൾ വിമുഖത കാണിക്കുന്നു. ഒരു വർഷം ദൈർഘ്യമുള്ള ഡിപ്ളോമ കോഴ്സുകളിലാണ് പലർക്കും താൽപര്യം. കേന്ദ്ര സർവ്വകലാശാലകളിലും വിദ്യാർത്ഥികളായി പെൺകുട്ടികൾ തന്നെ കൂടുതൽ.

കുടുംബ ബന്ധങ്ങളിലാണ് ഈ അസന്തുലിതാവസ്ഥ വലിയ തോതിലാണ് ബാധിക്കുന്നത്. ബിരുദവും ബിരുദാനന്തരമോ ഉളള പെൺകുട്ടികൾ കുറഞ്ഞ വിദ്യാഭാസ യോഗ്യതയുള്ളവരെ വിവാഹം ചെയ്യാൻ മടിക്കുന്നു. നടന്നാലും അത്തരം വിവാഹങ്ങൾ പിന്നീട് പ്രശ്നങ്ങളിലക്ക് ചെന്നെത്തുന്നു. വിദ്യാഭ്യാസം കുറഞ്ഞ ഭർത്താക്കന്മാരുമായി പൊരുത്തപ്പെടാൻ കഴിയാതെ വന്നിട്ടുള്ളതിന് കുടുംബ കോടതികളിൽ പോയാൽ നിരവധിയായ തെളിവുകൾ ലഭിക്കുമെന്നും റിപ്പോർട്ട് പറയുന്നു. അതേ സമയം ഉന്നത വിദ്യാഭ്യാസം നേടിയ പെൺകുട്ടികൾക്ക് വരനെ കിട്ടാൻ ബുദ്ധിമുട്ടുന്നു. ഈ സ്ഥിതി മൂലം ‘കിട്ടിയവ’യിൽ തൃപ്തിയടയേണ്ടി വരുന്നു. “ഉയർന്ന പോസ്റ്റുകളിൽ ജോലി ചെയ്യുന്ന സ്ത്രീകളുടെ ഭർത്താക്കന്മാർ പലപ്പോഴു വിദ്യാഭ്യാസം ആവശ്യമില്ലാത്ത ജോലി ചെയ്യുന്നവരായി കാണുന്നു. മുസ്ലിം ആൺകുട്ടിക്ക് എങ്ങനെയെങ്കിലും നാല് കാശുണ്ടാക്കിയാൽ മതി” എം.ഇ.എസ് പ്രസിഡന്റ് ഡോ. ഫസൽ ഗഫൂർ പറയുന്നു. പലപ്പോഴും ഈഗോ പ്രശ്നങ്ങൾ സംഭവിക്കുന്നു. പെൺകുട്ടിയുടെ വിദ്യാഭ്യാസ കൂടുതൽ കൊണ്ടാണ് പലപ്പോഴും ദാമ്പത്യ പീഡനം പൊട്ടി പുറപ്പെടുന്നത്. മുസ്ലിം സമുദായത്തിലെ പുരുഷ മേധാവിത്തവും ഇതിന് വിനയാവുന്നു. ജോലി സ്ഥലത്തെ സമ്പർക്കം, രാത്രി ഡ്യൂട്ടി, ജോലി ചെയ്തുണ്ടാക്കിയ പണം.. പ്രശ്നങ്ങൾ സങ്കീർണമാക്കുന്നു. ഗൾഫ് ജോലികൾ വിവാഹ കമ്പോളത്തിൽ വിദ്യാഭ്യാസ അന്തരത്തെ കുറച്ചിരുന്നെങ്കിലും ഗൾഫിലെ കൂട്ട പിരിച്ചുവിടൽ പ്രശ്നങ്ങളെ വീണ്ടും വലുതാക്കി മാറ്റി. വിദ്യാസമ്പന്നയായ ഭാര്യ സ്വാതന്ത്യ ബോധം പുലർത്തുകയും അവ കുടുംബത്തിനകത്തെ ആൺ അധീശ മനോഭാവത്തിന് വിപരീതമാവുകയും പ്രശ്നങ്ങൾ ഉടലെടുക്കുകയും ചെയ്യുന്നു.വിദ്യാസമ്പന്നരായ പെൺ കുട്ടികൾ തങ്ങളുടെ ഭർത്താവിനെ സമൂഹത്തിൽ അവതരിപ്പിക്കേണ്ടി വരുമ്പോൾ മടിക്കുന്ന അനുഭവങ്ങളുമുണ്ട്. വിദ്യാഭ്യാസ കാലത്ത് വിവാഹിതയാവുന്ന പെൺകുട്ടികളെ തുടർപഠനത്തിനയക്കണം എന്ന ഉറപ്പ് വരന്റെ വീട്ടുകാരെ സമ്മതിപ്പിക്കേണ്ടി വരുന്ന ഒരു അവസ്ഥ കൂടി വന്നു നിൽക്കുന്നു. അധികം വിദ്യാഭ്യാസമുള്ള പെൺകുട്ടികളെ വിവാഹം ചെയ്യാൻ താൽപര്യമില്ല എന്ന് പറയുന്നവരുടെ എണ്ണം കൂടി വരുന്നു. കാരണം ആൺകുട്ടിയുടെ പഠിപ്പ് കുറവ് തന്നെ!

മലബാറിൽ ഉന്നത വിദ്യാഭ്യാസം നേടിയ എത്ര മുസ്ലീം സ്ത്രീകൾ ദാമ്പത്യ ജീവിതത്തിൽ പ്രശ്നങ്ങളുണ്ടാവാതിരിക്കാൻ ജോലിക്ക് പോകാതിരിക്കുന്നു എന്നത് മനസ്സിലാവുമ്പോഴേ ഈ സാമൂഹിക പ്രശ്നത്തിന്റെ ആഴം മനസ്സിലാവൂ. ആൺ കുട്ടികളേയും പഠിപ്പിക്കുക എന്നത് തന്നെയാണ് ഇതിനുള്ള പരിഹാരം. ഉന്നത പഠനത്തിനു ശേഷമുള്ള ഈ വെറുതേയിരിപ്പ് സാക്ഷര കേരളത്തിന്റെ മറ്റൊരു ശാപമാണെന്ന് കൂട്ടി വായിക്കേണ്ടി വരുമെന്ന വലിയ സൂചനയാണ് ഈ വിവരശേഖരണം നൽതുന്നത്. ഇനിയും അവഗണിച്ചാൽ മൂർത്തമായ വലിയ സാമൂഹിക പ്രശ്നമായി മാറാൻ അധിക കാലം വേണ്ടി വരില്ല.
കടപ്പാട്: പി.എസ് റംഷാദ്/ ഇന്ത്യൻ എക്സ്പ്രസ്

The post മലബാറിലെ മുസ്ലിം വിദ്യാർത്ഥികളുടെ രക്ഷിതാക്കളേ..വരാനിരിക്കുന്ന ഈ അപകടം അറിഞ്ഞുവയ്ക്കുക! appeared first on Valanchery Online.

യുവതീ യുവാക്കൾക്ക് സൗജന്യ തൊഴിൽ പരിശീലനവും തൊഴിൽ ഉപകരണങ്ങളും നൽകുന്നു

വളാഞ്ചേരിക്കാരൻ — Wed, 23 Jan 2019 02:36:10 +0000

വളാഞ്ചേരി: ദേശീയ ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ 18 നും 35നും മദ്ധ്യേ പ്രായമുള്ളതും SSLC വിജയിക്കാത്തതോ ഇപ്പോൾ പഠിച്ചു കൊണ്ടിരിക്കുന്നതോ ആയ ആളുകൾക്ക് സൗജന്യ തൊഴിൽ പരിശീലനവും തൊഴിൽ ഉപകരണങ്ങളൂം 3 മാസത്തെ പരിശീലന കാലയളവിൽ സ്റ്റൈപൻഡോട് കൂടി നൽകുന്നു.

പദ്ധതിയുടെ മീറ്റിംഗ് വ്യാഴാഴ്ച ഉച്ചക്ക് 1: 30 നു വളാഞ്ചേരി പ്രൊജക്റ്റ് സെന്ററിൽ വെച് ചേരുന്നു. താല്പര്യമുള്ളവർ എത്തി ചേരണം. കൂടുതൽ വിവരങ്ങൾക്ക് വിളിക്കുക 8136959251, 9633250250

The post യുവതീ യുവാക്കൾക്ക് സൗജന്യ തൊഴിൽ പരിശീലനവും തൊഴിൽ ഉപകരണങ്ങളും നൽകുന്നു appeared first on Valanchery Online.

യുവതീയുവാക്കൾക്ക് പഠനത്തോടൊപ്പം സൗജന്യ തൊഴിൽ പരിശീലനവും; നയി-മൻസിൽ പ്രോജക്ടിനു തുടക്കമായി

വളാഞ്ചേരിക്കാരൻ — Tue, 18 Dec 2018 15:17:06 +0000

ദേശീയ ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ ജൻശിക്ഷൺ സൻസ്ഥാൻ നടപ്പിലാക്കുന്ന നയി-മൻസിൽ പ്രോജക്ടിന്റെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിച്ചു. നൂറോളം യുവതീ യുവാക്കൾക്ക് SSLC പഠനത്തോടൊപ്പം സൗജന്യ തൊഴിൽ പരിശീലനവും തൊഴിൽ ഉപകാരണങ്ങുളുമാണ് പദ്ധതിയുടെ ഭാഗമായി നൽകുന്നത്.

പരിശീലന കാലയളവിൽ സ്റ്റൈപൻഡും നൽകുന്നു. ചടങ്ങിൽ സെന്റർ ഹെഡ് എം റൈഹാനാത് അധ്യക്ഷത വഹിച്ചു. ജൻശിക്ഷൺ സൻസ്ഥാൻ ജില്ലാ പ്രോഗ്രാം ഓഫീസർ കെ സാജിത, കെ പി അബ്ബാസ്, ആർ കെ മാസ്റ്റർ , വഹീദ ടി , രാഖി കെ തുടങ്ങിയവർ സംസാരിച്ചു

The post യുവതീയുവാക്കൾക്ക് പഠനത്തോടൊപ്പം സൗജന്യ തൊഴിൽ പരിശീലനവും; നയി-മൻസിൽ പ്രോജക്ടിനു തുടക്കമായി appeared first on Valanchery Online.

വിദ്യാർത്ഥികളുടെ പഠനചെലവ് ഏറ്റെടുത്ത് ക്ഷേത്രസമിതി

വളാഞ്ചേരിക്കാരൻ — Thu, 31 May 2018 00:13:37 +0000

ചെമ്മലശ്ശേരി: ചെമ്മലശ്ശേരി കിളിക്കുന്ന് കാവ് ആലിക്കൽ ഭഗവതി ക്ഷേത്രത്തിലെ സാന്ത്വനo പദ്ധതിയുടെ ഭാഗമായി പ്രദേശത്തെ രണ്ട് നിർധന കുടുംബങ്ങളിലെ വിദ്യാർത്ഥികളുടെ പ്ലസ്ടു പഠനചെലവുകൾ ഏറ്റെടുക്കുന്നു പദ്ധതിയുടെ ഭാഗമായി 10 നിർധന രോഗികൾക്ക് പ്രതിമാസ പെൻഷൻ കൊടുത്തു വരുന്നതിന് പുറമെയാണിത്.

ക്ഷേത്രത്തിൽ നടന്ന പഠനോപകരണ വിതരണവും അനുമോദന സമ്മേളനവും മഞ്ഞളാംകുഴി അലി MLA ഉദ്ഘാടനം ചെയ്തു പുലാമന്തോൾ ഗ്രാമ പഞ്ചായത്ത് പ്രസിഡണ്ട് v .P. മുഹമ്മദ് ഹനീഫ ആധ്യക്ഷ്യം വഹിച്ചു ബ്ലോക്ക് മെമ്പർ KTഉസ്മാൻ മാമപഞ്ചായത്തംഗങ്ങളായ സി രഘുനാഥ് KT ഇസുദ്ദീൻ ക്യാപ്റ്റൻ രാജഗോപാൽ സി വി മുരളി , എം കെ കരുണാകരൻ ,വാസുദേവൻ ഭട്ടതിരിപ്പാട് ,എം വേണുഗോപാൽ പ്രസംഗിച്ചു.

The post വിദ്യാർത്ഥികളുടെ പഠനചെലവ് ഏറ്റെടുത്ത് ക്ഷേത്രസമിതി appeared first on Valanchery Online.