edavanna Archives - Valanchery Online

മങ്കി പോക്‌സ് എന്ന് സംശയം, ദുബായിൽ നിന്നെത്തിയ യുവാവ് നിരീക്ഷണത്തിൽ

വളാഞ്ചേരിക്കാരൻ — Tue, 17 Sep 2024 05:18:51 +0000

മലപ്പുറം: മങ്കി പോക്സ് (എം പോക്സ്) രോഗ ലക്ഷണമെന്ന് സംശയത്തിൽ മലപ്പുറത്ത് യുവാവിനെ മഞ്ചേരി മെഡിക്കല്‍ കോളേജിൽ പ്രവേശിപ്പിച്ചു. ദുബായിൽ നിന്ന് ഒരാഴ്ച മുമ്പ് നാട്ടിലെത്തിയ എടവണ്ണ സ്വദേശിയായ 38കാരനാണ് നിരീക്ഷണത്തിലുള്ളത്. ഇയാളുടെ സ്രവ സാംപിള്‍ കോഴിക്കോട് മെഡിക്കല്‍ കോളേജ് വൈറോളജി ലാബിലേക്ക് അയച്ചു. രോഗ ലക്ഷണമുള്ള യുവാവ് നിരീക്ഷണത്തില്‍ തുടരുകയാണ്. ഇന്നലെയാണ് വിദേശത്തു നിന്നും എത്തിയ യുവാവിനെ രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചത്. ആശുപത്രിയിലെ ത്വക് രോഗ വിഭാഗം ഒപിയിൽ ചികിത്സ തേടിയാണ് യുവാവ് എത്തിയത്. പനിയും തൊലിപ്പുറത്ത് ചിക്കൻ പോക്സിന് സമാനമായ തടിപ്പുകളും കണ്ടതിനെ തുടര്‍ന്നാണ് നിരീക്ഷണത്തിലാക്കിയത്. എംപോക്സാണെന്ന സംശയത്തിന്‍റെ അടിസ്ഥാനത്തിലാണ് മുൻകരുതലെന്നും പരിശോധന ഫലത്തിനായി കാത്തിരിക്കുകയാണെന്നും നിലവില്‍ ആശങ്ക വേണ്ടെന്നും അധികൃതര്‍ അറിയിച്ചു. രാജ്യത്ത് ആദ്യമായി മങ്കി പോക്സ് സ്ഥിരീകരിച്ചതിന് പിന്നാലെ കേരളത്തില്‍ ആദ്യമായാണ് ഒരാളെ രോഗ ലക്ഷണങ്ങളോടെ നിരീക്ഷണത്തിലാക്കുന്നത്.

The post മങ്കി പോക്‌സ് എന്ന് സംശയം, ദുബായിൽ നിന്നെത്തിയ യുവാവ് നിരീക്ഷണത്തിൽ appeared first on Valanchery Online.

ഇന്ത്യന്‍ ഫുട്‌ബോള്‍ ആവേശത്തിന് നൂറുമേനി, കേരള യുണൈറ്റഡിന് തുടക്കം

വളാഞ്ചേരിക്കാരൻ — Fri, 15 Jan 2021 23:53:34 +0000

മലപ്പുറം: യുണൈറ്റഡ് വേള്‍ഡ് ഗ്രൂപ്പിന്റെ ഇന്ത്യന്‍ ടീം കേരള യുണൈറ്റഡിന് എടവണ്ണയില്‍ തുടക്കമായി. പ്രകൃതി രമണീയമായ മലപ്പുറം എടവണ്ണയിലെ സീതിഹാജി സ്റ്റേഡിയത്തില്‍ മുന്‍ അന്താരാഷ്ട്രാ താരം ഐ.എം വിജയന്‍ ഫുട്‌ബോള്‍ ഷൂട്ടിങ്ങിലൂടെ ഉദ്ഘാടനം ചെയ്തു. ജനീവ ആസ്ഥാനമായി പ്രവര്‍ത്തിക്കുന്ന യുണൈറ്റഡ് വേള്‍ഡ് ഗ്രൂപ്പിന്റെ മറ്റൊരു ക്ലബ്ബായ കേരള യുണൈറ്റഡിന്റെ ആവേശകരമായ തുടക്കമാണ് കേരളത്തിലെ ഫുട്‌ബോള്‍ ആരാധരുടെ നെഞ്ചോട് ചേര്‍ന്നത്.

ഐ.എസ്എലും ഐലീഗും കണ്ടുവളര്‍ന്ന ഫുട്്‌ബോള്‍ ആരാധകരുടെ വന്‍ വരവേല്‍പോടെയാണ് ചടങ്ങിന് ഐ.എം വിജയന്‍ തുടക്കമിട്ടത്. പരിശീലനം എല്ലാ ദിവസവും രാവിലെ ഏഴ് മുതല്‍ ആരംഭിക്കുമെന്ന് ക്ലബ്ബ് ജി.എം സക്കരിയ്യ വയനാട്, സി.ഇ.ഒ ഷബീര്‍ മണ്ണാരില്‍ എന്നിവര്‍ ദുബൈയില്‍ നിന്നും അറിയിച്ചു. ഇരുവരും അല്‍ഹിലാല്‍ യുണൈറ്റഡ് ക്ലബ്ബുമായി പ്രവർത്തിക്കുന്നവരാണ്.

ചടങ്ങില്‍ മുന്‍ സന്തോഷ് ട്രോഫി ക്യാപ്റ്റന്‍ ടി. ആസിഫ് സഹീര്‍ ടീമിന്റെ പ്രാക്ടീസ് ജഴ്‌സി ടീം ക്യാപ്റ്റന്‍ അര്‍ജ്ജുന്‍ ജയരാജിന് കൈമാറി നിര്‍വഹിച്ചു. സഹോദര ക്ലബ്ബായ ഇംഗ്ലീഷ് പ്രീമിയര്‍ ലീഗിലെ ഷെഫീല്‍ഡ് യുണൈറ്റഡ് ജഴ്‌സി ഐ.എം വിജയനും ആസിഫ് സഹീറിന് അല്‍ ഹിലാല്‍ യുണൈറ്റഡിന്റെ ജഴ്‌സിയും കോച്ച് ഷാജിറുദ്ദീന്‍ കോപ്പിലാന്‍ ഉപഹാരമായി നല്‍കി.

ഓപറേഷന്‍ മാനേജര്‍ സൈനുദ്ദീന്‍ കക്കാട്ടില്‍ അതിഥികള്‍ക്കുള്ള മൊമെന്റോ വിതരണം ചെയ്തു. മരണമടഞ്ഞ ലോക ഫുട്‌ബോള്‍ താരങ്ങള്‍ക്ക് ഒരു മിനിറ്റ് മൗനം ആചരിച്ചാണ് ചടങ്ങിന് തുടക്കമിട്ടത്. എടവണ്ണ ഗ്രാമപ്പഞ്ചായത്ത് പ്രസിന്റ് ടി അഭിലാഷ്, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എ ശ്രീകുമാര്‍, ജില്ലാ ഫുട്‌ബോള്‍ അസോസിയേഷന്‍ സെക്രട്ടറി ഡോ. പി.എം സുധീര്‍കുമാര്‍ ഐ.എം വിജയന്‍,ആസിഫ് സഹീര്‍, ഓപറേഷന്‍ മാനേജര്‍ സൈനുദ്ദീന്‍ കക്കാട്ടില്‍ സംസാരിച്ചു.

ടീം കോച്ച് ഷാജിറുദ്ദീന്‍ കോപ്പിലാന്‍, മീഡിയാ മാനേജര്‍ ടി. പി ജലാല്‍, ടീം മാനേജര്‍ ജുവല്‍ ജോസ്, ഫിസിക്കല്‍ ട്രൈനര്‍ പി വിവേക്, ഫിസിയോ പി അനസ്, വേക് അപ്പ് അക്കാദമി മാനേജിംഗ് ഡയറക്ടര്‍ നാസര്‍ കപ്പൂര്‍, പങ്കെടുത്തു. ഇംഗ്ലീഷ് പ്രീമിയര്‍ ലീഗിലെ ഷെഫീല്‍ഡ് യുണൈറ്റഡ്, ബെല്‍ജിയം ലീഗിലെ ബിര്‍ ഷോട്ട്, യു.എ.ഇയിലെ അല്‍ഹിലാല്‍ യുണൈറ്റഡുമാണ് യുണൈറ്റഡ് വേള്‍ഡിന്റെ മറ്റു ക്ലബ്ബുകള്‍. ആദ്യഘട്ടത്തില്‍ കേരള പ്രീമിയര്‍ ലീഗും പിന്നീട് ഐലീഗ്,ഐ.എസ്.എല്‍ ചാംപ്യന്‍ഷിപ്പുകളിലും ടീം കളത്തിലിറങ്ങും.

The post ഇന്ത്യന്‍ ഫുട്‌ബോള്‍ ആവേശത്തിന് നൂറുമേനി, കേരള യുണൈറ്റഡിന് തുടക്കം appeared first on Valanchery Online.

കേരള യുണൈറ്റഡ് എഫ്.സി ഇന്ന് പരിശീലനം ആരംഭിക്കും

വളാഞ്ചേരിക്കാരൻ — Thu, 14 Jan 2021 23:40:18 +0000

മലപ്പുറം: യുണൈറ്റഡ് വേൾഡ് ഗ്രൂപ്പിന്റെ ഇന്ത്യയിലെ ആദ്യ ക്ലബ് കേരള യുണൈറ്റഡ് ടീമിന്റെ പരിശീലനം വെള്ളിയാഴ്‌ച രാവിലെ എട്ടിന്‌ എടവണ്ണ സീതിഹാജി സ്റ്റേഡിയത്തിൽ ആരംഭിക്കും. അർജുന അവാർഡ് ജേതാവ്‌ ഐ എം വിജയൻ ഫുട്‌ബോൾ കിക്ക് ചെയ്ത് തുടക്കമിടും. ടീമിന്റെ പരിശീലനം കേരള യുണൈറ്റഡ് എഫ്‌സിയുടെ ക്യാപ്റ്റനും മുൻ ബ്ലാസ്റ്റേഴ്‌സ് താരവുമായ അർജുൻ ജയരാജിന് മുൻ കേരള ക്യാപ്റ്റൻ ആസിഫ് സഹീർ ജേഴ്‌സി നൽകി ഉദ്‌ഘാടനംചെയ്യും.

𝗜𝗠 𝗩𝗶𝗷𝗮𝘆𝗮𝗻 𝘄𝗶𝗹𝗹 𝗶𝗻𝗮𝘂𝗴𝘂𝗿𝗮𝘁𝗲 𝘁𝗵𝗲 𝗞𝗲𝗿𝗮𝗹𝗮 𝗨𝗻𝗶𝘁𝗲𝗱 𝘁𝗿𝗮𝗶𝗻𝗶𝗻𝗴 𝘁𝗼𝗺𝗼𝗿𝗿𝗼𝘄 𝗮𝘁 𝗘𝗱𝗮𝘃𝗮𝗻𝗻𝗮

𝐾𝑒𝑟𝑎𝑙𝑎 𝑈𝑛𝑖𝑡𝑒𝑑 𝘍𝘊 𝑡𝑒𝑎𝑚 𝑤𝑖𝑙𝑙 𝑠𝑡𝑎𝑟𝑡 𝑡𝑟𝑎𝑖𝑛𝑖𝑛𝑔…

Posted by Kerala United FC on Thursday, 14 January 2021

The post കേരള യുണൈറ്റഡ് എഫ്.സി ഇന്ന് പരിശീലനം ആരംഭിക്കും appeared first on Valanchery Online.

വയനാട് മണ്ഡലത്തിൽ സിക്‌സർ ആവേശത്തിൽ സിദ്ധു; വീഡിയോ

വളാഞ്ചേരിക്കാരൻ — Fri, 19 Apr 2019 01:16:12 +0000

എടവണ്ണ: പഞ്ചാബ് മന്ത്രിയും ഇന്ത്യാ മുൻ ക്രിക്കറ്റ് ക്യാപ്റ്റനുമായ കോൺഗ്രസ് നേതാവ് നവ്‌ജ്യോത് സിങ് സിദ്ധു വ്യാഴാഴ്ച വയനാട് മണ്ഡലത്തിലെത്തി. കളിക്കളത്തിൽ സിക്‌സർ നേടി മുന്നേറുംപോലെ ഈ തിരഞ്ഞെടുപ്പിൽ ഭൂരിപക്ഷത്തിലും മുന്നേറ്റമുണ്ടാക്കണമെന്ന് ആദ്ദേഹം അഭ്യർഥിച്ചു.

എടവണ്ണയിൽ നടന്ന ചടങ്ങ് പി.കെ. ബഷീർ എം.എൽ.എ. ഉദ്ഘാടംചെയ്തു. യു.ഡി.എഫ്. തിരഞ്ഞെടുപ്പ് സമിതി ചെയർമാൻ പി. ഷംസുദ്ദീൻ അധ്യക്ഷനായി. കോഴിക്കോട് ഡി.സി.സി. മുൻ പ്രസിഡന്റ് കെ.സി. അബു മുഖ്യപ്രഭാഷണം നടത്തി. ഡി.സി.സി. സെക്രട്ടറി അജീഷ് എടാലത്ത്, തിരഞ്ഞെടുപ്പ് സമിതി പഞ്ചായത്ത് കൺവീനർ ഇ.എ. കരീം തുടങ്ങിയവർ നേതൃത്വംനൽകി.
വീഡിയോ

The post വയനാട് മണ്ഡലത്തിൽ സിക്‌സർ ആവേശത്തിൽ സിദ്ധു; വീഡിയോ appeared first on Valanchery Online.

എടവണ്ണ മുണ്ടേങ്ങര വാഹനാപകടം; രണ്ട് മരണം

രാജേഷ് വി അമല — Fri, 29 Mar 2019 11:43:03 +0000

എടവണ്ണ മുണ്ടേങ്ങര വാഹനാപകടം, രണ്ട് മരണം. കുനിയിൽ സ്വദേശി ഇരുമോടത്ത് മുഹമ്മദിന്റെ മക്കളായ മെഹ്‌റൂഫ് (30), ജാസ്മോൾ (35) എന്നിവരാണ് മരിച്ചത്.

എടവണ്ണ ഒതായി റൂട്ടിൽ മുണ്ടേങ്ങര അങ്ങാടി കഴിഞ്ഞ ഉടനെ ഉള്ള വളവിൽ വെച്ച് ബസ്സും ജീപ്പും കൂട്ടിയിടിക്കുകയായിരുന്നു. ജീപ്പിലുളള യാത്രക്കാരെ ഉടൻ എടവണ്ണ സ്വകാര്യ ഹോസ്പിറ്റലിൽ എത്തിച്ചു.

ഗുരുതരമായി പരിക്ക് പറ്റിയ രണ്ട് പേരെ കോഴിക്കോട് മെഡിക്കൽ കോളേജിലേക്ക് ERF അംഗങ്ങളും നാട്ടുകാരും ചേർന്ന് കൊണ്ടു പോയെങ്കിലും ജീവൻ രക്ഷിക്കാൻ കഴിഞ്ഞില്ല.

The post എടവണ്ണ മുണ്ടേങ്ങര വാഹനാപകടം; രണ്ട് മരണം appeared first on Valanchery Online.

മലപ്പുറം എടവണ്ണയിൽ ബസും ബൈക്കും കൂട്ടിയിടിച്ച് 3 മരണം

രാജേഷ് വി അമല — Tue, 26 Feb 2019 23:50:05 +0000

എടവണ്ണ: മലപ്പുറം എടവണ്ണയിൽ ബസും ബൈക്കും കൂട്ടിയിടിച്ച് 3 മരണം. ബൈക്ക് യാത്രക്കാരൻ എടവണ്ണ സ്വദേശി ഫർഷാദും ബസിലുണ്ടായിരുന്ന രണ്ട് സ്ത്രീകളുമാണ് മരിച്ചത്.

ഗൂഡല്ലൂർ സ്വദേശി ഫാത്തിമ (66), മകൾ സുബൈറ (40) എന്നിവരാണ് മരിച്ച മറ്റ് രണ്ട് പേർ. ബൈക്കിലിടിച്ച ബസ് നിയന്ത്രണം വിട്ട് സമീപത്തെ മരത്തിലിടിച്ചാണ് നിന്നത്. പരിക്കേറ്റവരെ മഞ്ചേരി മെഡിക്കൽ കോളേജിൽ പ്രവേശിപ്പിച്ചു.

The post മലപ്പുറം എടവണ്ണയിൽ ബസും ബൈക്കും കൂട്ടിയിടിച്ച് 3 മരണം appeared first on Valanchery Online.