download Archives - Valanchery Online

യുവതാരങ്ങളെ തേടി ബെംഗളൂരു എഫ്.സി മലപ്പുറത്തെത്തുന്നു; ഇപ്പോൾ അപേക്ഷിക്കാം

വളാഞ്ചേരിക്കാരൻ — Sun, 21 Apr 2019 04:49:24 +0000

മലപ്പുറം: ഐ.എസ്.എൽ. ചാമ്പ്യന്മാരായ ബെംഗളൂരു എഫ്.സി. യുവതാരങ്ങളെ തേടി മലപ്പുറത്തെത്തുന്നു. അണ്ടർ-13, 14 വിഭാഗങ്ങളിലേക്കുള്ള കളിക്കാരെ തേടിയാണ് സംഘമെത്തുന്നത്. മലപ്പുറം വേക്ക്-അപ്പ് അക്കാദമിയുമായി സഹകരിച്ചാണ് ട്രയൽസ്.

ഒന്നാംഘട്ട തിരഞ്ഞെടുപ്പ് മേയ് എട്ട്, ഒൻപത്, 10 തീയതികളിൽ നടക്കും. പങ്കെടുക്കാൻ ആഗ്രഹിക്കുന്നവർ Click Here നിന്ന് അപേക്ഷാഫോം ഡൗൺലോഡ് ചെയ്ത് പൂരിപ്പിച്ച് ആധാർ, ജനന സർട്ടിഫിക്കറ്റ് എന്നിവയുടെ കോപ്പി സഹിതം വേക്ക്-അപ്പ് അക്കാദമി ഓഫീസിൽ 29-ന് മുൻപായി എത്തിക്കണം. ഫോൺ: 7558999989, 7902551515.
Age Category
Under 13: 01/01/2007 to 31/12/2009
Under 15: 01/01/2005 to 31/12/2006
അദ്യഘട്ട ട്രയൽസ്: 08/05/2019ന് Kasargode, Kannur, Wayanad. 09/05/2019ന് Kozhikode, Malappuram. 10/05/2019ന് Palakkad, Trissur, Ernakulam
അപേക്ഷകൾ അയക്കേണ്ട വിലാസം:
Wake Up Football Academy Malappuram
Varencode, Down Hill, Malappuram Pin Code: 676 519
Kerala, India.

The post യുവതാരങ്ങളെ തേടി ബെംഗളൂരു എഫ്.സി മലപ്പുറത്തെത്തുന്നു; ഇപ്പോൾ അപേക്ഷിക്കാം appeared first on Valanchery Online.

ഡൗൺലോഡ് ചെയ്തെടുക്കുന്ന ജനന–മരണ സർട്ടിഫിക്കറ്റുകൾ ഇനി മുതൽ ആധികാരിക രേഖ

വളാഞ്ചേരിക്കാരൻ — Wed, 30 May 2018 00:20:37 +0000

ജനന, മരണ, വിവാഹ സർട്ടിഫിക്കറ്റുകൾ ഇനി ഡൗൺലോഡ് ചെയ്തെടുക്കാം.ബാർ കോഡോടു കൂടിയ ഇത്തരം രേഖകൾ ആധികാരിക രേഖയായി ഉപയോഗിക്കാനാകുമെന്ന് പ്രിൻസിപ്പൽ സെക്രട്ടറി ടി.കെ.മനോജ് കുമാർ പുറത്തിറക്കിയ ഉത്തരവിൽ പറയുന്നു. വിവാഹ റജിസ്ട്രേഷൻ രേഖകളും ഇത്തരത്തിൽ ലഭ്യമാകും.

നേരത്തേ പഞ്ചായത്തിൽ അപേക്ഷ നൽകി പിന്നീടെത്തി രേഖ കൈപ്പറ്റണം. ഇനി അപേക്ഷ സമർപ്പിച്ചാൽ രണ്ടു ദിവസത്തിനകം ഓൺലൈൻ വഴി ലഭ്യമാകും. ഇത് ഡൗൺലോഡ് ചെയ്തെടുത്ത് ആധികാരിക രേഖയായി ഉപയോഗിക്കാം. വിവിധ ആവശ്യങ്ങൾക്കായി അപേക്ഷിക്കുമ്പോൾ അപേക്ഷകന്റെ കൈവശം രേഖകൾ ഇല്ലെങ്കിലും ഓൺലൈൻ വഴി പരിശോധിച്ചാൽ രേഖകളുടെ കൃത്യത ഉറപ്പുവരുത്താൻ അധികൃതർക്കാകും. പാസ്പോർട്ട് ഉൾപ്പെടെയുള്ള അപേക്ഷകൾക്കാണ് ഇത് ഉപകരിക്കുക.

The post ഡൗൺലോഡ് ചെയ്തെടുക്കുന്ന ജനന–മരണ സർട്ടിഫിക്കറ്റുകൾ ഇനി മുതൽ ആധികാരിക രേഖ appeared first on Valanchery Online.

പി.എസ്.സി; ഇനി പരീക്ഷ എഴുതുന്നവർക്ക് മാത്രം ഹാൾ ടിക്കറ്റ്

വളാഞ്ചേരിക്കാരൻ — Wed, 25 Apr 2018 02:38:58 +0000

തിരുവനന്തപുരം: പി എസ് സി പരീക്ഷകള്‍ക്ക് കണ്‍ഫര്‍മേഷന്‍ നല്‍കിയാല്‍ മാത്രം ഹാള്‍ ടിക്കറ്റ് നല്‍കുന്ന സംവിധാനം നടപ്പിലാകുന്നു. അടുത്ത മാസം 26ന് നടക്കുന്ന സിവില്‍ പോലീസ് ഓഫീസര്‍ പരീക്ഷക്ക് ഈ പരിഷ്‌കാരം ആദ്യമായി നടപ്പാക്കുമെന്ന് പി എസ് സി ചെയര്‍മാന്‍ എം കെ സക്കീര്‍ വാര്‍ത്താസമ്മേളനത്തില്‍ അറിയിച്ചു. പരീക്ഷയില്‍ പങ്കെടുക്കുമെന്നതിന് ഓണ്‍ലൈന്‍ ആയി അപേക്ഷകര്‍ കണ്‍ഫര്‍മേഷന്‍ നല്‍കണം. ആഗസ്റ്റ് 15 മുതലുള്ള എല്ലാ പരീക്ഷകളും ഈ രീതിയിലാകുമെന്ന് പി എസ് സി ചെയര്‍മാന്‍ അറിയിച്ചു. കണ്‍ഫര്‍മേഷന്‍ നല്‍കുന്നവര്‍ക്ക് പരീക്ഷക്ക് 20 ദിവസം മുമ്പ് പി എസ് സി തന്നെ ഹാള്‍ ടിക്കറ്റ് അനുവദിക്കും. ഇത് ഉദ്യോഗാര്‍ഥികള്‍ക്ക് ഡൗണ്‍ലോഡ് ചെയ്യാം. സിവില്‍ പോലീസ് ഓഫീസര്‍ പരീക്ഷക്ക് ഏകീകൃത ഡൗണ്‍ലോഡിംഗ് സിസ്റ്റം നടപ്പാക്കുന്നതിനായി ഇതിനകം ഹാള്‍ടിക്കറ്റ് ജനറേറ്റ് ചെയ്ത 2.32 ലക്ഷം ഉദ്യോഗാര്‍ഥികള്‍ക്ക് പി എസ് സി പുതിയ ഹാള്‍ടിക്കറ്റ് നല്‍കുമെന്ന് ചെയര്‍മാന്‍ എം കെ സക്കീര്‍ വാര്‍ത്താസമ്മേളനത്തില്‍ അറിയിച്ചു.അപേക്ഷിക്കുന്നവരില്‍ വലിയൊരുവിഭാഗം പരീക്ഷയ്‌ക്കെത്താത്തത് പി.എസ്.സി.ക്ക് പാഴ്‌ച്ചെലവുണ്ടാക്കുന്നതായി കണ്ടെത്തിയിരുന്നു.

അപേക്ഷകരുടെ എണ്ണം കൂടുന്നതും പരീക്ഷയെഴുതുന്നവര്‍ കുറയുന്നതും കാരണം ഉദ്യോഗാര്‍ഥികള്‍ക്ക് സൗകര്യപ്രദമായ പരീക്ഷാകേന്ദ്രങ്ങള്‍ ലഭിക്കാത്ത സ്ഥിതിയുമുണ്ടാകുന്നു. ഇവയ്ക്ക് പരിഹാരമെന്ന നിലയ്ക്കാണ് പരിഷ്‌കാരം ഏര്‍പ്പെടുത്തുന്നത്. പരീക്ഷയ്ക്ക് 70 ദിവസംമുന്‍പ് തീയതി വെബ്‌സൈറ്റില്‍ പ്രസിദ്ധപ്പെടുത്തും. 60 മുതല്‍ 40 ദിവസംവരെയുള്ള സമയത്ത് അപേക്ഷകര്‍ പരീക്ഷയെഴുതുമെന്നതിന് ഉറപ്പ് നല്‍കണം. ഇതിനുള്ള തീയതികളും വെബ്‌സൈറ്റിലെ പരീക്ഷാകലണ്ടറില്‍ പ്രസിദ്ധീകരിക്കും.

പ്രൊഫൈലിലൂടെയും മൊബൈല്‍ സന്ദേശമായും തീയതികളെക്കുറിച്ചുള്ള അറിയിപ്പ് നല്‍കും. ഈ അറിയിപ്പ് ഉദ്യോഗാര്‍ഥി കണ്ടതിന്റെ തീയതി, സമയം എന്നിവ ഉള്‍പ്പെടെ മനസ്സിലാക്കുന്നതിനുള്ള സംവിധാനവും ഏര്‍പ്പെടുത്തും. പരീക്ഷയെഴുതുമെന്ന ഉറപ്പ് നല്‍കുന്നതിനും അഡ്മിഷന്‍ ടിക്കറ്റ് ജനറേറ്റ് ചെയ്യുന്നതിനും പ്രൊഫൈലില്‍ സൗകര്യമുണ്ടായിരിക്കും. നിശ്ചിത തീയതിക്കകം ഉറപ്പ് നല്‍കുന്നവര്‍ക്കുമാത്രമേ പരീക്ഷാകേന്ദ്രം അനുവദിച്ച് അഡ്മിഷന്‍ ടിക്കറ്റ് ലഭ്യമാക്കുകയുള്ളൂ.
ഉറപ്പ് നല്‍കിയിട്ടും പരീക്ഷ എഴുതിയില്ലെങ്കില്‍ ശിക്ഷാനടപടി സ്വീകരിക്കുന്നതിനും ആലോചനയുണ്ട്. ശിക്ഷ എങ്ങനെ വേണമെന്ന് തീരുമാനിച്ചിട്ടില്ല. അപേക്ഷിച്ചിട്ടും പരീക്ഷയെഴുതാത്തവര്‍ക്ക് പിഴ ഏര്‍പ്പെടുത്താന്‍ നേരത്തേ കമ്മിഷന്‍ ആലോചിച്ചിരുന്നു. എന്നാല്‍, സര്‍ക്കാര്‍ അനുകൂലിക്കാത്തതിനാല്‍ ആ തീരുമാനം മാറ്റിവെച്ചു. അതിന് പകരമായാണ് പുതിയ പരിഷ്‌കാരം പ്രഖ്യാപിച്ചത്. ഇത് നടപ്പാകുന്നതോടെ അപേക്ഷിക്കുന്നവരെല്ലാം പരീക്ഷയെഴുതുന്ന സ്ഥിതിയുണ്ടാകുമെന്നാണ് പി.എസ്.സി. കണക്കാക്കുന്നത്.

The post പി.എസ്.സി; ഇനി പരീക്ഷ എഴുതുന്നവർക്ക് മാത്രം ഹാൾ ടിക്കറ്റ് appeared first on Valanchery Online.

പുതിയ റേഷൻ കാർഡിന് ഇപ്പോൾ അപേക്ഷിക്കാം

വളാഞ്ചേരിക്കാരൻ — Mon, 12 Feb 2018 18:41:07 +0000

പുതിയ റേഷൻ കാർഡുകൾക്കായി ഇപ്പോൾ അപേക്ഷിക്കാം. പുതിയ റേഷൻ കാർഡിനുള്ള അപേക്ഷ മാത്രമാണ് സ്വീകരിക്കുന്നത് ഇക്കഴിഞ്ഞ റേഷൻ കാർഡ് പുതുക്കൽ സമയത്തു ഫോട്ടോ എടുത്തു റേഷൻ കാർഡ് പുതുക്കാൻ കഴിയാത്തവരിൽ നിന്നും, ഇത് വരെ ഒരിക്കലും റേഷൻ കാർഡ് ലഭ്യമാകാത്ത കുടുംബങ്ങളിൽ നിന്നും മാത്രമേ അപേക്ഷ സ്വീകരിക്കുകയുള്ളൂ. തിരുത്തൽ, വെട്ടി ചേർക്കൽ, റേഷൻ കാർഡിൽ നിന്നും പേര് ഒഴിവാക്കൽ എന്നിവയ്ക്കുള്ള അപേക്ഷകൾ സ്വീകരിക്കുന്നതല്ല. ഇവയ്ക്കുള്ള അപേക്ഷ മാർച്ച്‌ അവസാനം ഉണ്ടായിരിക്കുന്നതാണ്.

അപേക്ഷാ ഫോറത്തിനായി ഈ ലിങ്കിൽ ക്ലിക്ക് ചെയ്യു: Application-form-for-new-ration-card

പൂരിപ്പിച്ച അപേക്ഷയ്ക്കുപുറമേ പഴയ റേഷന്‍ കാര്‍ഡിന്റെ പകര്‍പ്പ്, വരുമാനസാക്ഷ്യപത്രം, സ്ഥിരതാമസം കാണിക്കുന്ന രേഖ, രണ്ട് പാസ്‌പോര്‍ട്ട് സൈസ് ഫോട്ടോ, കാര്‍ഡില്‍ ഉള്‍പ്പെടുത്തേണ്ടവരുടെ ആധാര്‍കാര്‍ഡ്, കുട്ടികളുടെ ജനന സര്‍ട്ടിഫിക്കറ്റ് എന്നിവ എന്നിവ സഹിതം 15/02/2018 മുതൽ താലൂക് സപ്ലൈ ഓഫീസിൽ എത്തിക്കേണ്ടതാണ്. നിലവിലെ കാര്‍ഡുകളില്‍ തെറ്റുതിരുത്തല്‍, പേരുചേര്‍ക്കല്‍, കുറവുചെയ്യല്‍, കാര്‍ഡ് സറണ്ടര്‍, റിഡക്ഷന്‍ സര്‍ട്ടിഫിക്കറ്റ് എന്നിവയ്ക്കുള്ള അപേക്ഷകള്‍ സ്വീകരിക്കില്ല.

ഡൗണ്‍ ലോഡ് ചെയ്യാന്‍ കഴിയാത്തവര്‍ക്ക് റേഷന്‍കടകളിലും തദ്ദേശസ്ഥാപനങ്ങളിലും അപേക്ഷ ഫോറത്തിന്റെ മാതൃക ലഭ്യമാകും. ഇതിന്റെ പകര്‍പ്പ് സമര്‍പ്പിച്ചാല്‍ മതിയാകും. സിവില്‍ സപ്ലൈസ് വകുപ്പില്‍ കംപ്യൂട്ടറൈസേഷന്‍ പൂര്‍ത്തിയാകുമ്പോള്‍ അപേക്ഷ ഓണ്‍ലൈനാക്കാനാണ് ആലോചന.

The post പുതിയ റേഷൻ കാർഡിന് ഇപ്പോൾ അപേക്ഷിക്കാം appeared first on Valanchery Online.

Tenth Standard equivalency in Gulf countries: Registration starts from 6th, Classes starts from November

വളാഞ്ചേരിക്കാരൻ — Fri, 05 Oct 2012 05:06:26 +0000

സംസ്ഥാന സാക്ഷരതാമിഷന്‍ ഗള്‍ഫ് രാജ്യങ്ങളിലെ മലയാളികള്‍ക്കായി നടത്തുന്ന പത്താംതരം തുല്യതാ പരീക്ഷയുടെ രജിസ്‌ട്രേഷന്‍ ശനിയാഴ്ച തുടങ്ങും. ആദ്യഘട്ടത്തില്‍ യു.എ.ഇ, ഖത്തര്‍ എന്നിവിടങ്ങളിലാണ് പരീക്ഷ നടത്തുന്നത്. രജിസ്‌ട്രേഷന്‍ പൂര്‍ത്തിയാക്കി നവംബര്‍ ആദ്യത്തില്‍ ക്ലാസുകള്‍ തുടങ്ങാനാണ് തീരുമാനം.

പത്താംക്ലാസ് ജയിച്ചവരെ മാത്രമേ ഗള്‍ഫ് രാജ്യങ്ങളില്‍ ജോലിക്ക് പരിഗണിക്കൂവെന്ന് 2005-ല്‍ വിവിധ രാജ്യങ്ങള്‍ തീരുമാനമെടുത്തിരുന്നു. എന്നാല്‍ സമ്മര്‍ദങ്ങളുടെയും മറ്റും ഫലമായി തീരുമാനം മരവിപ്പിക്കുകയായിരുന്നു. ഈ തീരുമാനം നടപ്പായാല്‍ ഗള്‍ഫ് രാജ്യങ്ങളില്‍ ജോലിചെയ്യുന്ന ആയിരക്കണക്കിന് മലയാളികള്‍ക്ക് ജോലി നഷ്ടമാകുകയും തിരികെ നാട്ടിലേക്ക് വരേണ്ട സാഹചര്യവുമുണ്ടാകുമായിരുന്നു. തത്കാലം തീരുമാനം മരവിപ്പിച്ചെങ്കിലും സമീപ ഭാവിയില്‍ ഇത് വീണ്ടും വന്നേക്കാം. ഈ സാഹചര്യം മുന്നില്‍ക്കണ്ടാണ് സംസ്ഥാന സാക്ഷരതാമിഷന്‍ ഗള്‍ഫില്‍ പത്താംതരം തുല്യതാകേന്ദ്രങ്ങള്‍ തുടങ്ങാന്‍ തീരുമാനിച്ചത്.

രജിസ്‌ട്രേഷന്റെ ഉദ്ഘാടനം വിദ്യാഭ്യാസമന്ത്രി പി.കെ. അബ്ദുറബ്ബ് നിര്‍വഹിക്കും. ഇതുമായി ബന്ധപ്പെട്ട വിവരങ്ങൾ താഴെ കൊടുക്കുന്നു.

രജിസ്ട്രേഷൻ തിയ്യതി: 05 ഒക്ടോബർ, 2012 മുതൽ
കോഴ്സിന്റെ കാലാവധി:10 മാസം
പാട്യപദ്ധതി: എസ്.എസ്.എൽ.സി ക്കുള്ള എല്ലാ വിഷയങ്ങളും പത്താംതരം തുല്യതാ കോഴ്സിനും ഉണ്ടായിരിക്കും.
വിഷയങ്ങൾ: മലയാളം, ഇംഗ്ലീഷ്, സാമൂഹിക ശാസ്ത്രം (1,2), ഊർജ്ജതന്ത്രം, രസതന്ത്രം, ജീവശാസ്ത്രം, ഗണിതശാസ്ത്രം, ഐ.സി.ടി
കോഴ്സിന് ചേരുന്നതിനുള്ള യോഗ്യതകൾ:
പ്രായം: ജൂൺ 1ന് 17 വയസ്സ് പൂർത്തിയായിരിക്കണം
ഔപചാരിക തലത്തിലുള്ള ഏഴാം ക്ലാസ് പാസായവർ അല്ലെങ്കിൽ സംസ്ഥാന സാക്ഷരതാമിഷൻ നടത്തുന്ന ഏഴാംതരം തുല്യതാ പരീക്ഷ പാസായവർ അല്ലെങ്കിൽ ഔപചാരികതലത്തിലുള്ള എട്ടാം ക്ലാസിനും പത്താം ക്ലാസിനും ഇടയിൽ പഠനം നിർത്തിയവർ അല്ലെങ്കിൽ എസ്.എസ്.എൽ.സി തോറ്റവർ (പഴയ സ്കീം പ്രകാരം)
അപേക്ഷാഫോറത്തിന്റെ വില: 100 ദിർഹംസ് (9750/- രൂപ)
കോഴ്സ് ഫീസ്: 650 ദിർഹംസ് ( 11, 250/- രൂപ)
അപേക്ഷാ ഫോറം ഇവിടെ ലഭിക്കുന്നു: Click here
കോഴ്സ് ഫീസ് അടക്കേണ്ട രീതിക്കും മറ്റ് നിർദേശങ്ങൾക്കും Click Here

Summary:Tenth Standard equivalency in Gulf countries: Registration starts from 6th, Classes starts from November. More details provided in the above links regarding the payment of fees and the syllabus.

The post Tenth Standard equivalency in Gulf countries: Registration starts from 6th, Classes starts from November appeared first on Valanchery Online.