district collector Archives - Valanchery Online

വി.ആർ. പ്രേംകുമാർ പുതിയ മലപ്പുറം കളക്ടർ

വളാഞ്ചേരിക്കാരൻ — Fri, 03 Sep 2021 01:04:57 +0000

മലപ്പുറം : ജില്ലാ കളക്ടർ കെ. ഗോപാലകൃഷ്ണനു സ്ഥലംമാറ്റം. എപ്ലോയ്‌മെന്റ് ആൻഡ് െട്രയിനിങ് വകുപ്പ് ഡയറക്ടറായാണ് മാറ്റം. ഈ തസ്തികയിലുണ്ടായിരുന്ന വി.ആർ. പ്രേംകുമാറാണ് പുതിയ മലപ്പുറം കളക്ടർ. കേരള അക്കാദമി ഓഫ് സ്കിൽസ് എക്‌സലൻസിന്റെ മാനേജിങ് ഡയറക്ടറുടെ അധിക ചുമതലകൂടി ഗോപാലകൃഷ്ണനു നൽകിയിട്ടുണ്ട്. വി.ആർ. പ്രേംകുമാർ നേരത്തെ സർവേ ഡയറക്ടർ, സാമൂഹികനീതി വകുപ്പ് ഡയറക്ടർ, ഹൗസിങ് കമ്മിഷണർ, ഹൗസിങ് ബോർഡ് സെക്രട്ടറി, ദേവികുളം സബ് കളക്ടർ തുടങ്ങിയ ചുമതലകൾ വഹിച്ചിട്ടുണ്ട്.

The post വി.ആർ. പ്രേംകുമാർ പുതിയ മലപ്പുറം കളക്ടർ appeared first on Valanchery Online.

മാതൃകാ ബൂത്തില്‍ വോട്ട് ചെയ്തു ജില്ലാ കളക്ടറും കുടുംബവും

വളാഞ്ചേരിക്കാരൻ — Tue, 06 Apr 2021 10:29:27 +0000

മലപ്പുറം: മാതൃകാ ബൂത്തില്‍ വോട്ട് ചെയ്തു ജില്ലാ കളക്ടറും കുടുംബവും. ജില്ലാ കളക്ടര്‍ കെ.ഗോപാലകൃഷ്ണനും ഭാര്യ ദീപയും മലപ്പുറം സെന്റ് ജമ്മാസ് ഗേള്‍സ് ഹയര്‍ സെക്കന്‍ഡറി സ്‌കൂളുകളിലെ 107a നമ്പർ മാതൃക പോളിംഗ് ബൂത്തില്‍ വോട്ട് ചെയ്തു.

The post മാതൃകാ ബൂത്തില്‍ വോട്ട് ചെയ്തു ജില്ലാ കളക്ടറും കുടുംബവും appeared first on Valanchery Online.

ജാഫർ മാലിക് ഐ.എ.എസ് പുതിയ മലപ്പുറം കലക്ടർ

വളാഞ്ചേരിക്കാരൻ — Thu, 13 Jun 2019 00:34:41 +0000

മലപ്പുറം: ജില്ലയ്ക്ക് ഇനി പുതിയ കലക്ടർ. രാജസ്ഥാൻ സ്വദേശിയും 2013 ബാച്ച് ഐ.എ.എസ് ഉദ്യോഗസ്ഥനുമായ ജാഫർ മാലിക് ഐ.എ.എസ് പുതിയ കലക്ടറായി നിയമിതനായിരിക്കുന്നത്. ഇന്നലെ നടന്ന മന്ത്രിസഭ യോഗത്തിലായിരുന്നു തീരുമാനം. നിലവിൽ സാമൂഹ്യനീതി വകുപ്പ് ഡയറക്ടർ ആയിരുന്നു ജാഫർ മാലിക് ഐ.എ.എസ്. കേരള ടൂറിസം വകുപ്പിൽ അഡീഷണൽ ഡയറക്ടറായും പ്രവർത്തന പരിചയമുണ്ട്. മുമ്പ് പെരിന്തൽമണ്ണ സബ് കലക്ടറായി മലപ്പുറം ജില്ലയിൽ സേവനമനുഷ്ഠിച്ചിട്ടുണ്ട്. രാജസ്ഥാനിലെ സവൈ മധോപുർ സ്വദേശിയാണ്. ഭാര്യ അഫ്സാന പർവീൻ മുമ്പ് മലപ്പുറം ജില്ലാ അസിസ്റ്റൻറ് കലക്ടർ ആയിരുന്നു.

നിലവിലെ മലപ്പുറം ജില്ലാ കലക്ടർ അമിത് മീണയെ അനർട്ട് ഡയറക്ടറായും നിയമിച്ചു. ലോട്ടറിവകുപ്പ് ഡയറക്ടറുടെ അധികച്ചുമതലകൂടി നൽകിയിട്ടുണ്ട്.2016 നവംബർ 30-നാണ് രാജസ്ഥാൻ സ്വദേശി അമിത് മീണ മലപ്പുറത്ത് കളക്ടറായി ചുമതലയേൽക്കുന്നത്. 2012 മുതൽ 2015 വരെ പെരിന്തൽമണ്ണ സബ് കളക്ടറായും സേവനമനുഷ്ഠിച്ചിരുന്നു. വിവാഹിതനായതും മലപ്പുറത്തെ ഔദ്യോഗിക ജീവിതത്തിനിടയിലാണ്. ദേശീയപാത സ്ഥലമേറ്റെടുപ്പ്, പ്രളയം, ഗെയിൽ പൈപ്പ്‌ലൈൻ സ്ഥാപിക്കൽ തുടങ്ങി ജില്ലയിലെ നിർണായകമായ പ്രതിസന്ധികളിൽ നയതന്ത്രപരമായി ഇടപെട്ട് പരിഹാരം കണ്ടത് അദ്ദേഹത്തിന്റെ നേട്ടമാണ്. ബി.ടെക് ഇലക്‌ട്രോണിക്സ് ആൻഡ് കമ്യൂണിക്കേഷൻ ബിരുദധാരിയാണ്.
Summary: jafar malik ias appointed as the new district collector of malappuram

The post ജാഫർ മാലിക് ഐ.എ.എസ് പുതിയ മലപ്പുറം കലക്ടർ appeared first on Valanchery Online.

പ്രളയ ബാധിതർക്കുള്ള നഷ്ടപരിഹാരം: അപ്പീൽ രണ്ടുദിവസത്തിനകം നൽകണം- കളക്ടർ

വളാഞ്ചേരിക്കാരൻ — Sat, 06 Oct 2018 02:29:29 +0000

മലപ്പുറം: കാലവർവർഷക്കെടുതിയിൽ ഇരയായവർക്ക് നൽകുന്ന 10,000 രൂപ അടിയന്തര ധനസഹായം ലഭിക്കുന്നതിനുള്ള അപ്പീൽ അപേക്ഷ ഏഴിനകം നൽകണമെന്ന് കളക്ടർ അമിത് മീണ അിറയിച്ചു.

രണ്ടു ദിവസമോ അതിൽ കൂടുതലോ വീട്ടിൽ വെള്ളം കയറി നിൽക്കുക, വീട് താമസയോഗ്യമല്ലാതായി തീരുക, വീട് തകരുക തുടങ്ങിയ ഏതെങ്കിലും ഒന്ന് ഉണ്ടായവർക്ക് പദ്ധതിയിൽ അപേക്ഷിക്കാൻ കഴിയും. ഇത്തരത്തിലുള്ള കുടുംബങ്ങൾക്ക് ഏതെങ്കിലും തരത്തിൽ ധനസഹായം നിഷേധിച്ചിട്ടുണ്ടെങ്കിൽ അവർക്ക് തഹസിൽദാർക്ക് നേരിട്ട് അപേക്ഷ നൽകാവുന്നതാണ്. ഒരു കുടുംബത്തിലെ ഒരു വ്യക്തിയിൽനിന്ന് മാത്രമേ തഹസിൽദാർ അപേക്ഷ സ്വീകരിക്കൂ.

തെറ്റായ അപേക്ഷ നൽകി പണം കൈപ്പറ്റുന്നവർക്കെതിരെ ദുരന്തനിവാരണ നിയമപ്രകാരം കേസെടുക്കും. രണ്ടുവർഷംവരെ ജയിൽശിക്ഷ നൽകാവുന്ന കുറ്റമാണിത്. യാതൊരു കാരണവശാലും തീയതി നീട്ടാൻ സാധ്യതയില്ലാത്തതിനാൽ എല്ലാവരും ഈ അവസരം ഉപയോഗിക്കണമെന്ന് കളക്ടർ അറിയിച്ചു.

The post പ്രളയ ബാധിതർക്കുള്ള നഷ്ടപരിഹാരം: അപ്പീൽ രണ്ടുദിവസത്തിനകം നൽകണം- കളക്ടർ appeared first on Valanchery Online.

ആരോഗ്യജാഗ്രതാ പ്രവര്‍ത്തനങ്ങള്‍ രാഷ്ട്രീയ പാര്‍ട്ടികളും മതസംഘടനകളും ഏറ്റെടുക്കണം -ജില്ലാ കലക്ടര്‍

വളാഞ്ചേരിക്കാരൻ — Wed, 06 Jun 2018 02:20:26 +0000

മലപ്പുറം: ജില്ലയിലെ ആരോഗ്യ ജാഗ്രത പ്രവര്‍ത്തനങ്ങള്‍ രാഷട്രീയ പാര്‍ട്ടികളും മത സംഘടനകളും ഏറ്റെടുക്കണമെന്ന് ജില്ലാ കല്കടര്‍ അമിത് മീണ. ആരോഗ്യ ജാഗ്രതാ പ്രവര്‍ത്തനങ്ങള്‍ തദ്ദേശ സ്ഥാപനങ്ങളുടെയും ആരോഗ്യ വകുപ്പിന്റെയും മാത്രമാണ് എന്നാണ് പലരും വിശ്വസിക്കുന്നത്. ഈ ധാരണ തിരുത്താന്‍ രാഷട്രീയ പാര്‍ട്ടികളുടെ മത സംഘടനകളുടെയും സഹകരണം ആവശ്യമാണ്. ജില്ലയില്‍ നിപ വൈറസ് ആശങ്കയുടെ പേരില്‍ ജില്ലാ കലക്ടര്‍ നല്‍കിയ നിര്‍ദ്ദേശങ്ങളോട് പൊതുജനങ്ങളില്‍ നിന്ന് മികച്ച് പ്രതികരണമാണുണ്ടായത്. പകര്‍ച്ച പനിയും മറ്റും ജില്ലക്ക് ഭീഷണി ഉയര്‍ത്തി നില്‍ക്കുന്നുണ്ട്. ഇതിനെ നമുക്ക് മറികടക്കണം.
നിപ വൈറസ് നിയന്ത്രണവുമായി ബന്ധപ്പെട്ട്് ഇതു വരെ നടത്തിയ പ്രവര്‍ത്തനങ്ങളില്‍ എല്ലാവരുടെയും സഹകരണം ഉണ്ടായിട്ടുണ്ട്. എന്നാല്‍ ലക്ഷ്യം കാണണമെങ്കില്‍ കുറച്ചു ദിവസം കൂടി നാം കാത്തിരിക്കണം. ജൂണ്‍ 12 ന് വൈറസ് പ്രവര്‍ത്തനത്തിന്റെ ശക്തിയുടെ ഒരു ഘട്ടം കഴിയും. ഈ കാലയളവില്‍ മത പ്രഭാഷണങ്ങള്‍, രാഷട്രീയ പാര്‍ട്ടകളുടെ പൊതു യോഗങ്ങള്‍ എന്നിവ നിര്‍ബന്ധമായും മാറ്റി വച്ച് സഹകരിക്കണം. പൂര്‍ണ സുരക്ഷിതരായി എന്ന് ഉറപ്പാക്കാന്‍ ജുലായ് ഒന്ന് വരെ കാത്തിരിക്കണം.

നിപ വൈറസ് ആശങ്കയുടെ പശ്ചാത്തലത്തില്‍ വിളിച്ചു ചേര്‍ത്ത രാഷട്രീയ കക്ഷി നേതാക്കളുടെയും മത സംഘടന നേതാക്കളുടെയും യോഗത്തില്‍ സംസാരിക്കുകയായിരുന്നു കലക്ടര്‍. മുഖ്യമന്ത്രി നിര്‍ദ്ദേശത്തിന്റെ അടിസ്ഥാനത്തിലാണ് യോഗം വിളിച്ചത്. നിപ രോഗികളുമായി ബന്ധപ്പെട്ട് 200 ഓളം പേരാണ് ഇപ്പോള്‍ ജില്ലയില നിരീക്ഷണത്തിലുള്ളത്. ഇവരെ എല്ലാ ദിവസവും ആരോഗ്യ വകുപ്പ് നിരീക്ഷിച്ച് റിപ്പോര്‍ട്ട് നല്‍കുന്നുണ്ട്. ഇതു സംബന്ധിച്ച് എല്ലാ ദിവസവും കലക്‌ട്രേറ്റില്‍ അവലോകനവും നടക്കുന്നുണ്ട്.

പനി,ജലദോഷം മറ്റ് അസുഖങ്ങള്‍ ഉള്ളവര്‍, പൊതു പരിപാടികളില്‍ പങ്കെടുക്കരുത്. പരിപാടികളില്‍ ജ്യൂസ്,മറ്റ് തണുത്ത് പാനീയങ്ങള്‍ ഒഴിവാക്കുക പകരം ചായ കൊടുക്കുക. പൊതു പരിപാടികളില്‍ സ്റ്റീല്‍ പാത്രങ്ങള്‍ ഉപയോഗിക്കുക. ലോഷന്‍ ഉപയോഗിച്ച് കൈ കഴുകുക. കല്ല്യാണത്തിന് പങ്കെടുത്തവര്‍ക്കാണ് കഴിഞ്ഞ വര്‍ഷം ഏറ്റെവും കൂടതല്‍ മഞ്ഞപ്പിത്തം ഉണ്ടായിട്ടുള്ളതെന്ന് ആരോഗ്യ വകുപ്പിന്റെ കണക്കുകള്‍ കാണിച്ചു ജില്ലാ മെഡിക്കല്‍ ഓഫിസര്‍ ഡോ.കെ. സക്കീന പറഞ്ഞു. തണുത്ത വെള്ളം,വെല്‍ക്കം ഡ്രിങ്ക്‌സ്, എന്നിവ കഴിച്ച പുരുഷന്‍മാരാണ് ഇതില്‍ കൂടുതലും പെട്ടത്.
കലക്‌ട്രേറ്റ് കോണ്‍ഫ്രന്‍സ് ഹാളില്‍ നടന്ന യോഗത്തില്‍ എ.ഡി.എം വി.രാമചന്ദ്രന്‍, ആര്‍.ഡി.ഒ. കെ.അജീഷ്,ജില്ലാ മെഡിക്കില്‍ ഓഫിസര്‍ കെ.സക്കീന,ഡപ്യുട്ടി ഡി.എം.ഒ. ഡോ.മുഹമ്മദ് ഇസ്മായില്‍ തുടങ്ങിയവര്‍ പങ്കെടുത്തു.

The post ആരോഗ്യജാഗ്രതാ പ്രവര്‍ത്തനങ്ങള്‍ രാഷ്ട്രീയ പാര്‍ട്ടികളും മതസംഘടനകളും ഏറ്റെടുക്കണം -ജില്ലാ കലക്ടര്‍ appeared first on Valanchery Online.

ഗെയില്‍ പദ്ധതി: നഷ്ടപരിഹാരത്തുക വിതരണം തുടങ്ങി

വളാഞ്ചേരിക്കാരൻ — Sat, 02 Dec 2017 01:19:21 +0000

മാറാക്കര: ഗെയില്‍ പദ്ധതിയില്‍ ഭൂമി വിട്ടുനല്‍കിയ പൊന്മള വില്ലേജിലുള്ളവര്‍ക്ക് കാര്‍ഷിക വിളകള്‍ക്കുള്ള നഷ്ടപരിഹാര തുക വിതരണം ചെയ്തു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന ചടങ്ങില്‍ പൊന്മള മൊയ്തൂട്ടി (3,13,642), ഖദിയാമുക്കുട്ടി (2,09,783), സരോജിനി (1,54,026), വസന്ത (17,220), ഉഷ (98,708), സൈനുദ്ദീന്‍ (64,804) എന്നിവര്‍ക്കാണ് 8,58,183 രൂപയുടെ ചെക്ക് വിതരണം ചെയ്തത്.

ഭൂമിയുടെ നഷ്ടപരിഹാരം പിന്നീട് വിതരണം ചെയ്യുമെന്നു കലക്ടര്‍ അമിത് മീണ അറിയിച്ചു. രേഖകള്‍ ഹാജരാക്കിയവര്‍ക്കാണ് ഇപ്പോള്‍ നഷ്ടപരിഹാരം നല്‍കിയിട്ടുള്ളത്. രേഖകള്‍ കൈവശമില്ലാത്തവര്‍ക്ക് പ്രത്യേകം തയ്യാറാക്കിയ ഫോറത്തില്‍ താലൂക്ക് ഓഫീസില്‍നിന്ന് സാക്ഷ്യപ്പെടുത്തിയ രേഖ കൈമാറിയാല്‍ മതിയാകും. എന്നാല്‍ പ്രഥമിക രേഖകള്‍ മാത്രമേ നഷ്ടപരിഹാരത്തിനായി ആവശ്യപ്പെടുന്നുള്ളൂവെന്നും അദ്ദേഹം വ്യക്തമാക്കി.

സര്‍ക്കാര്‍ തീരുമാന പ്രകാരം നിലവില്‍ ന്യായവില മുഴുവനായും നഷ്ടപരിഹാരം നല്‍കുന്നുണ്ട്. പത്ത് സെന്റില്‍ താഴെ മാത്രം ഭൂമിയുള്ളവര്‍ പദ്ധതിക്ക് സ്ഥലം വിട്ടുനല്‍കുന്നുണ്ടെങ്കില്‍ നഷ്ടപരിഹാര തുകയ്ക്ക് പുറമെ അഞ്ച് ലക്ഷം രൂപ കൂടി നല്‍കുന്നതോടൊപ്പം പൈപ്പിടാനുള്ള രണ്ടുമീറ്റര്‍ വീതി മാത്രമേ ഏറ്റെടുക്കൂ. പാടത്തിലെ കാര്‍ഷിക വിളകള്‍ക്കുള്ള നഷ്ടപരിഹാരം സെന്റിന് 3761 രൂപയാക്കി നിജപ്പെടുത്തിയിട്ടുണ്ട്.

ഗെയില്‍ കണ്‍സ്ട്രക്ഷന്‍ വിഭാഗം ജനറല്‍ മാനേജര്‍ ടോണി മാത്യു, ചീഫ് മാനേജര്‍ പ്രിന്‍സ് പി ലോറന്‍സ്, എന്‍ജിയനിയര്‍ ബാബു മാത്യു, ഡെപ്യുട്ടി കലക്ടര്‍ സി രാമചന്ദ്രന്‍, ജില്ലാ പൊലീസ് മേധാവി ദേബേഷ്കുമാര്‍ ബെഹ്റ, ഡിവൈഎസ്പി തോട്ടത്തില്‍ ജലീല്‍, ആര്‍ഡിഒ കെ അനീഷ് തുടങ്ങിയവര്‍ പങ്കെടുത്തു.

The post ഗെയില്‍ പദ്ധതി: നഷ്ടപരിഹാരത്തുക വിതരണം തുടങ്ങി appeared first on Valanchery Online.

എടപ്പാളിലെ പട്ടിണിമരണം: കളക്ടറോട് അടിയന്തര റിപ്പോര്‍ട്ട് ആവശ്യപ്പെട്ടു -മന്ത്രി ജലീല്‍

വളാഞ്ചേരിക്കാരൻ — Tue, 27 Sep 2016 02:32:15 +0000

എടപ്പാള്‍: എടപ്പാളില്‍ വീട്ടമ്മ ഭക്ഷണംലഭിക്കാതെ മരിക്കാനിടയായ സാഹചര്യത്തെക്കുറിച്ച് അന്വേഷിച്ച് അടിയന്തരമായി റിപ്പോര്‍ട്ട് സമര്‍പ്പിക്കാന്‍

കളക്ടറോട് ആവശ്യപ്പെട്ടതായി മന്ത്രി കെ.ടി. ജലീല്‍ അറിയിച്ചു.
ബാങ്ക് ബാലന്‍സ് ഉള്‍പ്പെടെ രണ്ടുകോടിയോളം രൂപയുടെ ആസ്തിയുള്ള സ്ത്രീയാണ് മരിച്ചത്. ഇവര്‍ക്ക് എന്തെങ്കിലും സര്‍ക്കാര്‍സഹായം ആവശ്യപ്പെട്ട് പഞ്ചായത്തിലോ മറ്റോ ഒരു അപേക്ഷയും ഇന്നു വരെ ലഭിച്ചിട്ടില്ല. ബന്ധുക്കളുടെ അനാസ്ഥയാണ് ഇത്തരമൊരു ദാരുണസംഭവത്തിനു കാരണം. അക്കാര്യമാണ് അന്വേഷിച്ചു കണ്ടെത്തേണ്ടത്. ഉയര്‍ന്ന ജീവിതനിലവാരം പുലര്‍ത്തിയതുകൊണ്ടാകാം ഇവരുടെ ദുരിതം പുറംലോകം അറിയാതെപോയത്.
കാര്യങ്ങള്‍ ഇത്തരത്തിലായിരിക്കെ രാഷ്ട്രീയമുതലെടുപ്പു നടത്തുന്നവര്‍ യഥാര്‍ഥ വസ്തുത മനസ്സിലാക്കുകയാണ് വേണ്ടത്. ഇത്രയും സാമ്പത്തികസ്ഥിതിയുണ്ടായിട്ടും ഇവര്‍ക്ക് ഈ സ്ഥിതി വരാനുണ്ടായ കാരണത്തെക്കുറിച്ച് അന്വേഷിച്ച് കുറ്റക്കാര്‍ക്കെതിരെ നടപടിയെടുക്കാനാണ് കളക്ടറോട് ആവശ്യപ്പെട്ടിട്ടുള്ളത്-മന്ത്രി പറഞ്ഞു.

Summary: The Minister for social welfare order the district collector to submit report on the death of a woman due to starvation in his own constituency.

The post എടപ്പാളിലെ പട്ടിണിമരണം: കളക്ടറോട് അടിയന്തര റിപ്പോര്‍ട്ട് ആവശ്യപ്പെട്ടു -മന്ത്രി ജലീല്‍ appeared first on Valanchery Online.