development Archives - Valanchery Online

വളാഞ്ചേരിക്കാരുടെ ‘അബുട്ട്യാക്ക’ ഇനി ഓർമ്മ

വളാഞ്ചേരിക്കാരൻ — Thu, 31 Aug 2023 05:02:37 +0000

വളാഞ്ചേരി : വളാഞ്ചേരിയുടെ വികസനക്കുതിപ്പിന് നേതൃത്വം നൽകിയ ജനകീയനേതാവായിരുന്നു ചൊവ്വാഴ്ച അന്തരിച്ച സി.എച്ച്. അബൂയൂസുഫ് ഗുരുക്കൾ. നാട്ടുകാരുടെ പ്രിയങ്കരനുമായ ‘അബുട്ട്യാക്ക’ എന്ന സി.എച്ച്. അബൂയൂസുഫ് ഗുരുക്കൾ വളാഞ്ചേരിയുടെ പഴയ മുഖം മാറ്റുന്നതിൽ ജനപ്രതിനിധിയെന്ന നിലയിൽ അധികാരസ്ഥാനത്തിരുന്ന് വലിയ പങ്കാണ് വഹിച്ചത്. വളാഞ്ചേരിയിലെ കൊച്ചുഗ്രാമമായ കാട്ടിപ്പരുത്തിയെ കേന്ദ്രമാക്കി കേരളത്തിനകത്തും പുറത്തും ശാഖകളുള്ള ‘ചങ്ങമ്പള്ളി’യെന്ന ആയുർവേദ വൈദ്യപാരമ്പര്യത്തിലെ കണ്ണിയായിരുന്നു അദ്ദേഹം.

1995 മുതൽ 2005 വരെ വളാഞ്ചേരി ഗ്രാമപ്പഞ്ചായത്തിന്റെ പ്രസിഡന്റായിരുന്നു ഗുരുക്കൾ. ഈ പത്ത് വർഷമാണ് വളാഞ്ചേരിയിൽ പ്രധാന വികസനങ്ങൾ പലതും നടന്നത്. ഗ്രാമപ്പഞ്ചായത്ത് ഷോപ്പിങ് കോംപ്ലക്‌സ്, നിരാലംബരായ രോഗികളെ പരിചരിക്കുന്ന പെയിൻ ആൻഡ്‌ പാലിയേറ്റീവ് കെയർ ക്ലിനിക്, സാംസ്‌കാരിമേഖലയ്ക്ക് പുത്തൻ ഉണർവുണ്ടാക്കിയ സ്വരാജ് ലൈബ്രറി, കൃഷിഭവന് സ്വന്തം സ്ഥലത്ത് കെട്ടിടം തുടങ്ങിയതെല്ലാം അദ്ദേഹത്തിന്റെ കാലത്ത് നടന്ന പ്രവർത്തനങ്ങളാണ്.

തുടർന്ന് 2005 മുതൽ 2010 വരെ കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റായി. സ്വന്തക്കാരാൽ അവഗണിക്കപ്പെട്ടവരെയും കുടുംബങ്ങളിൽ ഒറ്റപ്പെട്ടവരെയും ചേർത്തുപിടിക്കാൻ ബ്ലോക്കിന്റെ കീഴിൽ പകൽവീടെന്ന പുതിയൊരു പാർപ്പിടകേന്ദ്രം ആരംഭിച്ച് അവിടെയും തന്റെ സാന്നിധ്യം വേറിട്ടതാക്കാൻ അദ്ദേഹത്തിനു കഴിഞ്ഞു.

The post വളാഞ്ചേരിക്കാരുടെ ‘അബുട്ട്യാക്ക’ ഇനി ഓർമ്മ appeared first on Valanchery Online.

മലപ്പുറം ജില്ലയിലെ അഞ്ച് റെയിൽവേ സ്റ്റേഷനുകളിൽ 100 കോടിയുടെ വികസനം നടപ്പാക്കും-പി.കെ. കൃഷ്ണദാസ്

വളാഞ്ചേരിക്കാരൻ — Wed, 21 Jun 2023 01:40:49 +0000

കുറ്റിപ്പുറം : അമൃത് ഭാരത് പദ്ധതിയിലുൾപ്പെടുത്തി ജില്ലയിലെ അഞ്ച് റെയിൽവേ സ്റ്റേഷനുകളിലായി 100 കോടി രൂപയുടെ വികസന പ്രവർത്തനങ്ങൾ നടപ്പാക്കുമെന്ന് റെയിൽവേ പാസഞ്ചേഴ്സ് അമിനിറ്റി കമ്മിറ്റി ചെയർമാൻ പി.കെ. കൃഷ്ണദാസ്. റെയിൽവേസ്റ്റേഷൻ സന്ദർശനത്തിന്റെ ഭാഗമായി കുറ്റിപ്പുറം റെയിൽവേ സ്റ്റേഷനിലെത്തിയ അദ്ദേഹം പത്രപ്രവർത്തകരുമായി സംസാരിക്കുകയായിരുന്നു.

കുറ്റിപ്പുറം, തിരൂർ, പരപ്പനങ്ങാടി, അങ്ങാടിപ്പുറം, നിലമ്പൂർ റെയിൽവേ സ്റ്റേഷനുകളിലായാണ് 100 കോടിയുടെ വികസനപ്രവർത്തനങ്ങൾ നടക്കുക. ഇതിൽ രണ്ട് ഘട്ടമായി 16 കോടിയുടെ വികസനപ്രവർത്തനങ്ങൾ കുറ്റിപ്പുറം റെയിൽവേസ്റ്റേഷനിൽ മാത്രം നടക്കും. കുറ്റിപ്പുറം റെയിൽവേസ്റ്റേഷനിൽ നടക്കുന്ന ആദ്യഘട്ട വികസനപ്രവർത്തനങ്ങൾ ഡിസംബർ 31-നകം അവസാനിക്കും. രണ്ടാംഘട്ട പ്രവർത്തനം അടുത്തവർഷം ജൂൺ മാസത്തോടെയും പൂർത്തീകരിക്കും. റെയിൽവേ സ്റ്റേഷന്റെ പ്രവേശനകവാടം പ്രദേശത്തിന്റെ സാംസ്കാരികത വ്യക്തമാക്കുന്ന രീതിയിലാണ് രൂപകൽപ്പന ചെയ്യുന്നത്. രണ്ട് പ്ലാറ്റ് ഫോമുകളിലും ഷെൽറ്ററുകൾ കൂടുതലായി നിർമിക്കും. രണ്ടാംനമ്പർ പ്ലാറ്റ് ഫോമിന്റെ നിലം ആധുനിക രീതിയിൽ നിർമിക്കും. രണ്ട് പ്ലാറ്റ് ഫോമുകളിലും കുടിവെള്ളം ലഭ്യമാക്കും. സ്റ്റേഷനിലെ വിവിധ സേവനങ്ങൾ സംബന്ധിച്ച വിവരം യാത്രക്കാരനു ലഭ്യമാക്കാൻ ഡിജിറ്റൽ ദിശാ ബോർഡുകൾ സ്ഥാപിക്കും. വാഹന പാർക്കിങ് സംവിധാനം കൂടുതൽ വിപുലമാക്കും. യാത്രക്കാർക്ക് ആധുനിക രീതിയിലുള്ള ഇരിപ്പിടസംവിധാനങ്ങൾ ഒരുക്കും. കോവിഡ് കാലഘട്ടത്തിൽ സ്റ്റോപ്പുകൾ നിർത്തലാക്കിയ തീവണ്ടികൾക്ക് സ്റ്റോപ് അനുവദിക്കുന്നത് സംബന്ധിച്ച് റെയിൽവേ ബോർഡാണ് തീരുമാനമെടുക്കേണ്ടത്.

വിഷയം റെയിൽവേ ബോർഡിനു മുൻപിൽ അവതരിപ്പിക്കും . അന്വേഷണ കൗണ്ടറുകളിലെ ഫോൺസംവിധാനം കാര്യക്ഷമമാക്കാൻ നടപടി സ്വീകരിക്കും. ഗുരുവായൂർ ക്ഷേത്രത്തെ മുൻനിർത്തി അവിടുത്തെ റെയിൽവേ സ്റ്റേഷനുമായി ബന്ധപ്പെടുത്തി വ്യത്യസ്ത തീർത്ഥാടന കേന്ദ്രങ്ങളിലേക്ക് ഭക്തജനങ്ങൾക്ക് യാത്ര ചെയ്യാനുള്ള സൗകര്യം കണക്കിലെടുത്ത് തിരുനാവായ -ഗുരുവായൂർ പാത പ്രാവർത്തികമാക്കാൻ സാധിക്കുമോെയന്നതു സംബന്ധിച്ച ചർച്ചകൾ നടന്നു വരികയാണെന്നും അദ്ദേഹം പറഞ്ഞു.

റെയിൽവേ സീനിയർ ഡിവിഷണൽ കൊമേഴ്സ്യൽ മാനേജർ ഡോ. അരുൺ തോമസ്, അസി. കൊമേഴ്സ്യൽ മാനേജർ അനിത ജോസ്, അസി. ഡിവിഷനൽ എൻജിനീയർമാരായ അളഗര സ്വാമി, രവീന്ദ്രൻ എന്നിവരടങ്ങിയ ഉദ്യോഗസ്ഥസംഘവും ബി.ജെ.പി. ജില്ലാപ്രസിഡന്റ് രവി തേലത്ത്, വി. ഉണ്ണികൃഷ്ണൻ, കെ.കെ. സുരേന്ദ്രൻ, കെ.പി. അനിൽകുമാർ, എം. പ്രേമൻ എന്നിവരും അദ്ദേഹത്തോടൊപ്പം ഉണ്ടായിരുന്നു. വിവിധ സംഘടനകളും രാഷ്ട്രീയപാർട്ടികളും വിവിധ വിഷയങ്ങൾ ഉൾപ്പെടുത്തിയുള്ള നിവേദനങ്ങൾ നൽകി. സന്ദർശനപരിപാടി ചൊവ്വാഴ്ച പാലക്കാട്ട് സമാപിക്കും.

The post മലപ്പുറം ജില്ലയിലെ അഞ്ച് റെയിൽവേ സ്റ്റേഷനുകളിൽ 100 കോടിയുടെ വികസനം നടപ്പാക്കും-പി.കെ. കൃഷ്ണദാസ് appeared first on Valanchery Online.

കുറ്റിപ്പുറം ഹൈവേ ജങ്ഷനിൽ റോഡ് വീതി കൂട്ടുന്ന പ്രവൃത്തികൾ ആരംഭിച്ചു

വളാഞ്ചേരിക്കാരൻ — Fri, 20 Jan 2023 01:17:15 +0000

കുറ്റിപ്പുറം : ഹൈവേ ജങ്ഷനിൽ റോഡിന്റെ വീതികൂട്ടുന്ന പ്രവൃത്തി ആരംഭിച്ചു. റോഡിന്റെ ഇടതുഭാഗത്ത് ഏഴുമീറ്ററാണ് വീതി കൂട്ടുന്നത്. റൗണ്ട് എബൗട്ട്‌ മുതൽ നിലവിലെ റെയിൽവേ മേൽപ്പാലം വരെയാണ് ടാർചെയ്യുന്നത്. ആറുവരിപ്പാതാ നിർമാണത്തിന്റെ ഭാഗമായി ഇവിടെ റെയിൽവേ മേൽപ്പാലം നിർമിക്കുന്നതിനാൽ ഹൈവേ ജങ്‌ഷന്റെ പകുതിയോളം ഭാഗം അതിനായി എടുത്തിരിക്കുകയാണ്. ഇതോടെ ഇവിടെ റോഡിന് വീതി വളരെ കുറഞ്ഞത് വാഹനയാത്രയ്ക്ക് ബുദ്ധിമുട്ട് സൃഷ്ടിക്കുന്ന സാഹചര്യത്തിലാണ് റോഡിന്റെ വീതി വർധിപ്പിക്കുന്നത്.

റൗണ്ട് എബൗട്ട് പൊളിച്ചുനീക്കിക്കഴിയുന്നതോടെ ഹൈവേ ജങ്ഷനിലെ നിലവിലെ റോഡിന്റെ വീതിക്കുറവുള്ള അവസ്ഥ പരിഹരിക്കപ്പെടും. എന്നാൽ ഇതുവഴിയുള്ള വാഹനയാത്രയുടെ വേഗത നിയന്ത്രിക്കാൻ സംവിധാനങ്ങൾ ഒരുക്കിയില്ലെങ്കിൽ പൊതുവേ വാഹനാപകടകേന്ദ്രമായ ഹൈവേ ജങ്ഷൻ കൂടുതൽ അപകടസാധ്യത സൃഷ്ടിക്കും.

The post കുറ്റിപ്പുറം ഹൈവേ ജങ്ഷനിൽ റോഡ് വീതി കൂട്ടുന്ന പ്രവൃത്തികൾ ആരംഭിച്ചു appeared first on Valanchery Online.

ദേശീയപാത വികസനം: സ്ഥാപനങ്ങൾക്ക് ഒഴിയാൻ നോട്ടീസ് നൽകിത്തുടങ്ങി

വളാഞ്ചേരിക്കാരൻ — Mon, 05 Apr 2021 03:05:04 +0000

വളാഞ്ചേരി: ദേശീയപാതാ വികസനത്തിന് അളന്നുതിട്ടപ്പെടുത്തിയ സ്ഥലങ്ങളിൽ പ്രവർത്തിക്കുന്ന കടകളും കെട്ടിടങ്ങളും ഒഴിയാൻ അധികൃതർ നോട്ടീസ് നൽകിത്തുടങ്ങി. 30 ദിവസം മുതൽ 60 ദിവസംവരെയാണ് കടകൾ ഒഴിയാൻ സമയംനൽകിയത്‌. ദേശീയപാത സ്ഥലമെടുപ്പുവിഭാഗം ഡെപ്യൂട്ടി കളക്ടറാണ് നോട്ടീസ് നൽകുന്നത്. ഭൂമിയും കെട്ടിടങ്ങളും ഒഴിഞ്ഞ് നിശ്ചിത ദിവസത്തിനകം റവന്യൂ അധികൃതർക്ക് രേഖകൾ കൈമാറണമെന്നും അല്ലെങ്കിൽ ഒഴിപ്പിക്കൽ നടപടി സ്വീകരിക്കുമെന്നുമാണ് നോട്ടീസിൽ പറയുന്നത്. ജൂൺ മാസത്തോടെ കെട്ടിടങ്ങൾ ഒഴിപ്പിക്കുമെന്നാണ് സൂചന.

എന്നാൽ ഒഴിപ്പിക്കലിനെതിരേ വ്യാപാരി വ്യവസായി ഏകോപനസമിതി പ്രതിഷേധമറിയിച്ചിട്ടുണ്ട്. കുറഞ്ഞ സമയപരിധിക്കുള്ളിൽ സ്ഥാപനങ്ങൾ ഒഴിയാൻ പറ്റാത്ത അവസ്ഥയാണെന്നും അതിനാൽ മതിയായ സമയം അനുവദിക്കണമെന്നും അവർ ആവശ്യപ്പെട്ടു. മതിയായ നഷ്ടപരിഹാര തുക നൽകി, കടകളിലെ തൊഴിലാളികളെയും വ്യാപാര സ്ഥാപനങ്ങളെയും പുനരധിവസിപ്പിക്കണമെന്ന് വ്യാപാരി സംഘടന ആവശ്യപ്പെട്ടു.

The post ദേശീയപാത വികസനം: സ്ഥാപനങ്ങൾക്ക് ഒഴിയാൻ നോട്ടീസ് നൽകിത്തുടങ്ങി appeared first on Valanchery Online.

കുറ്റിപ്പുറം ബ്ലോക്ക് പഞ്ചായത്ത്; വാർഷിക വികസന സെമിനാറും കരട് പദ്ധതി രേഖ പ്രകാശനവും നടന്നു

വളാഞ്ചേരിക്കാരൻ — Wed, 17 Feb 2021 00:49:13 +0000

വളാഞ്ചേരി : കുറ്റിപ്പുറം ബ്ലോക്ക്പഞ്ചായത്തിന്റെ 2021-22 വർഷത്തെ വർഷികപദ്ധതി രൂപവത്കരണവുമായി ബന്ധപ്പെട്ട് വികസനസെമിനാർ സംഘടിപ്പിച്ചു. ആബിദ്ഹുസൈൻ തങ്ങൾ എം.എൽ.എ. ഉദ്ഘാടനവും കരട് പദ്ധതിരേഖ പ്രകാശനവും നിർവഹിച്ചു.

പ്രസിഡന്റ് വസീമ വേളേരി അധ്യക്ഷതവഹിച്ചു. കെ.ടി. ആസാദ് അലി, ഒ.കെ. സുബൈർ, റിംഷാനിമോൾ, സാബു സെൽവനോസ് തുടങ്ങിയവർ പ്രസംഗിച്ചു. കരട് പദ്ധതിരേഖ വികസനകാര്യ സ്ഥിരംസമിതി അധ്യക്ഷ ആയിഷ ചിറ്റകത്ത് അവതരിപ്പിച്ചു.

The post കുറ്റിപ്പുറം ബ്ലോക്ക് പഞ്ചായത്ത്; വാർഷിക വികസന സെമിനാറും കരട് പദ്ധതി രേഖ പ്രകാശനവും നടന്നു appeared first on Valanchery Online.

6.30 കോടിയുടെ പദ്ധതികളുമായി കുറ്റിപ്പുറം ബ്ലോക്ക് പഞ്ചായത്ത് വികസന സെമിനാർ അവതരിപ്പിച്ചു

വളാഞ്ചേരിക്കാരൻ — Tue, 04 Dec 2018 01:30:15 +0000

കുറ്റിപ്പുറം ബ്ലോക്ക് പഞ്ചായത്തിന്റെ 2019-20 വർഷത്തെ വാർഷിക പദ്ധതി രൂപീകരണവുമായി ബന്ധപ്പെട്ട വികസന സെമിനാർ് കുറ്റിപ്പുറം ബ്ലോക്ക് പഞ്ചായത്ത് ഹാളിൽ നടന്നു. 2019-20 വർഷത്തിൽ വികസനഫണ്ട് സാധാരണ വിഹിതത്തിൽ 4,52,83,000/- രൂപയും എസ്.സി.പി ഇനത്തിൽ 1,16,75,000/- രൂപയും , ടി.എസ്.പി ഇനത്തിൽ 6,72,000/- രൂപയും ഉൾപ്പെടെ 5,76,30,000/- രൂപ പദ്ധതി വിഹിതവും മെയ്ന്റനൻസ് ഗ്രാന്റ് നോൺ റോഡ് വിഭാഗത്തിൽ 53,73,000/- രൂപയും ഉൾപ്പടെ ആകെ 6,30,03,000/- രൂപ അടങ്കൽ പ്രതീക്ഷിക്കുന്ന പദ്ധതിയാണ് അവതരിപ്പിച്ചത്.

ലൈഫ് ഭവന പദ്ധതി ഉൾപ്പെടുന്ന പാർപ്പിട മേഖലയ്ക്ക് 1,15,26,000/- രൂപയും ഉത്പാദന മേഖലയ്ക്ക് 72,45,280/- രൂപയും മാലിന്യം , ജലസംരക്ഷണത്തിന് 36,22,640/- രൂപയും വനിതകൾക്ക് 48,57,340/- രൂപയും ശിശുക്കൾക്കും ഭിന്നശേഷിക്കാർക്കുമായി 24,28,670/- രൂപയും വയോജനങ്ങൾക്കായി 24,28,670/- രൂപയും പശ്ചാത്തല മേഖലയ്ക്കായി 1,63,83,340/- രൂപയും മറ്റുള്ളവയ്ക്കായി 53,73,000/- രൂപയുമാണ് പദ്ധതിയിൽ വകയിരുത്തിയിട്ടുള്ളത്.

ബ്ലോക്ക് പഞ്ചായത്തിലെ ഭിന്നശേഷി വിഭാഗത്തിൽപെടുന്നവർക്ക് പരാമാവധി സഹായങ്ങൾ ലഭ്യമാക്കുന്നതിന്റെ ഭാഗമായി ഭിന്നശേഷി സൗഹൃദ ഇടം എന്ന പദ്ധതി 2019-20 വർഷത്തിൽ നടപ്പിലാക്കാനായി തുക വകയിരുത്തിയിരിക്കുന്നു. ഭിന്നശേഷി സൗഹൃദ ടോയ്‌ലറ്റ് ഉൾപ്പെടെയുള്ള അടിസ്ഥാന സൗകര്യങ്ങൾ ഒരുക്കാനും ഭിന്നശേഷിക്കാരുടെ മാനസിക ഉല്ലാസത്തിനും പദ്ധതി വിഭാവനം ചെയ്യുന്നു.

2018-19 വർഷത്തിൽ നടപ്പിലാക്കിയ സ്‌കൂൾ കുട്ടികൾക്കായുള്ള സ്റ്റീൽ വാട്ടർ ബോട്ടിൽ പദ്ധതി 2019-20 വർഷത്തിലും തുടരുന്നതിനായി തുക വകയിരുത്തിയിട്ടുണ്ട്. ഗവൺമെന്റ് സ്‌കൂളിലെ 6,7 ക്ലാസ്സിലെ കുട്ടികൾക്ക് സ്റ്റീൽ വാട്ടർ ബോട്ടിൽ വിതരണം ചെയ്യുന്നതിനാണ് പദ്ധതി.എൽ.പി.സ്‌കൂളിൽ വീഡിയോ കോൺഫറൻസ് സംവിധാനം ഉൾപ്പെടെ സ്മാർട്ട് ക്ലാസ്സ് റൂം ഒരുക്കാനും വാർഷിക പദ്ധതിയിൽ തുക വകയിരുത്തിയിട്ടുണ്ട്.

പ്രളയ ദുരന്തത്തിൽ നാശം സംഭവിച്ച് വീടുകളുടെ പുനരുദ്ധാരണം നടത്തുന്നതിനും വാർഷിക പദ്ധതിയിൽ തുക വകയിരുത്തിയിട്ടുണ്ട്. പ്രളയ ദുരന്തത്തിൽ നാശം സംഭവിച്ച തോടുകളുടെയും വരമ്പുകളുടെയും കൃഷിയിടങ്ങളുടെയും പുനരുദ്ധാരണത്തിനുകൂടി പദ്ധതിയിൽ തുക വകയിരുത്തിയിട്ടുണ്ട്.

ചടങ്ങിൽ ബ്ലോക്ക് പഞ്ചായത്ത് പ്രസിഡണ്ട് ശ്രീ.ആതവനാട് മുഹമ്മദ്കുട്ടി അധ്യക്ഷത വഹിച്ച ചടങ്ങിൽ മലപ്പുറം അസിസ്റ്റന്റ് കളക്ടർ ശ്രീ.വികൽപ് ഭരദ്വാജ് വികസന സെമിനാർ ഉദ്ഘാടനം ചെയ്തു. 2019-20 വർഷത്തേക്ക് തയ്യാറാക്കിയ കരട് പദ്ധതി രേഖ വികസനകാര്യ സ്റ്റാന്റിംഗ് കമ്മിറ്റി ചെയർമാൻ ശ്രീ.സബാഹ്.എ.പി അവതരിപ്പിച്ചു. ഗ്രാമപഞ്ചായത്ത് പ്രസിഡണ്ടുമാരായ ഉമ്മുകുൽസു ടീച്ചർ, എൻ.മൊയ്തീൻകുട്ടി, ഷമീല ടീച്ചർ, മൊയ്തീൻകുട്ടി മാസ്റ്റർ, കെ.കെ.രാജീവ്, ജില്ലാ പഞ്ചായത്ത് അംഗങ്ങളായ വെട്ടം ആലിക്കോയ, കെ.എം.സുഹറ , ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി.ഷംല, സ്റ്റാന്റിംഗ് കമ്മിറ്റി ചെയർമാൻമാരായ ഖദീജ പാറോളി , മെമ്പർ്മാരായ കൈപ്പള്ളി അബ്ദുള്ളകുട്ടി, ടി.അബ്ദു, ആയിഷ, കെടി.സിദ്ദിഖ്, മാണിക്യൻ , ടി.കെ.റസീന, മൊയ്തു എടയൂർ, രഹ്ന, സിനോബിയ, ബി.ഡി.ഒ കെ.അജിത, ജോയിന്റ്.ബി.ഡി.ഒ നളിലി.പി, ആസൂത്രണ സമിതി വൈസ് ചെയർമാൻ അബൂബക്കർ എന്നിവർ സംസാരിച്ചു.

The post 6.30 കോടിയുടെ പദ്ധതികളുമായി കുറ്റിപ്പുറം ബ്ലോക്ക് പഞ്ചായത്ത് വികസന സെമിനാർ അവതരിപ്പിച്ചു appeared first on Valanchery Online.

യുവതീ യുവാക്കൾക്ക് സൗജന്യ തൊഴിൽ പരിശീലനവും തൊഴിൽ ഉപകരണങ്ങളും നൽകുന്നു

വളാഞ്ചേരിക്കാരൻ — Thu, 26 Jul 2018 02:44:06 +0000

ദേശീയ ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ കുറ്റിപ്പുറം ബ്ലോക്ക് പഞ്ചായത്ത്‌ 18 നും 35നും മദ്ധ്യേ പ്രായമുള്ളതും SSLC വിജയിക്കാത്തതോ ഇപ്പോൾ പഠിച്ചു കൊണ്ടിരിക്കുന്നതോ ആയ ആളുകൾക്ക് സൗജന്യ തൊഴിൽ പരിശീലനവും തൊഴിൽ ഉപകരണങ്ങളൂം 3 മാസത്തെ പരിശീലന കാലയളവിൽ സ്റ്റൈപൻഡോട് കൂടി നൽകുന്നു. പദ്ധതിയുടെ മീറ്റിംഗ് 27/7/18 വെള്ളിയാഴ്ച രാവിലെ 10 മണിക്ക് കുറ്റിപ്പുറം ബ്ലോക്ക് ഓഫീസിൽ (കാവുംപുറം)താല്പര്യമുള്ളവർ എത്തി ചേരണം വിളിക്കുക. കൂടുതൽ വിവരങ്ങൾക്ക് വിളിക്കുക 9633250250

The post യുവതീ യുവാക്കൾക്ക് സൗജന്യ തൊഴിൽ പരിശീലനവും തൊഴിൽ ഉപകരണങ്ങളും നൽകുന്നു appeared first on Valanchery Online.

സൗജന്യ നൈപുണ്യ പരിശീലനത്തിലൂടെ തൊഴിലുറപ്പാക്കൽ: ജൂൺ-ജൂലൈ മാസങ്ങളിൽ ആരംഭിക്കുന്ന കോഴ്‌സുകളിലേക്ക് അപേക്ഷകൾ ക്ഷണിക്കുന്നു

വളാഞ്ചേരിക്കാരൻ — Sat, 09 Jun 2018 14:56:21 +0000

വളാഞ്ചേരി: ഭാരത സർക്കാറിന്റെ പാർപ്പിട നഗരദാരിദ്ര്യ നിർമ്മാർജ്ജന മന്ത്രാലയത്തിന്റെ സഹായത്തോടെ സംസ്ഥാന നഗരകാര്യ വകുപ്പ്‌ കുടുംബശ്രീ മിഷൻ വഴി നടപ്പിലാക്കുന്ന ദേശീയ നഗര ഉപജീവന മിഷൻ (NULM) പദ്ധതിയുടെ ഭാഗമായി സംഘടിപ്പിക്കുന്ന സൗജന്യ കൊഴ്സുകളിലേക്ക് അപേക്ഷകൾ ക്ഷണിക്കുന്നു.
കോഴ്സുകളും യോഗ്യതയും
1. അക്കൗണ്ട്സ്‌ അസിസ്റ്റന്റ്‌ യൂസിംഗ്‌ ടാലി
യോഗ്യത: പ്ലസ്‌ടു കൊമേഴ്സ്‌,
വയസ്സ്‌: 18 -36)
കാലാവധി : 3 മാസം
വളാഞ്ചേരി കേന്ദ്രത്തിൽ Non Residential course.

2) ജനറൽ ഡ്യൂട്ടി അസിസ്റ്റന്റ്‌ (നഴ്‌സിംഗ്‌ അസിസ്റ്റന്റ്‌)
@ HLFPPT Training Centre, പെരിന്തൽമണ്ണ.
യോഗ്യത: SSLC
പ്രായപരിധി: 18 – 35 വയസ്സ്‌.
കാലാവധി : 3 മാസം.

3. ഓട്ടോമോട്ടീവ്‌ സർവ്വീസ്‌ മെക്കാനിക്ക്‌ (ഫോർവീലർ & ടൂവീലർ)
ജെ.എസ്‌.എസ്‌ നിലമ്പൂർ, തലശ്ശേരി കേന്ദ്രത്തിൽ വെച്ച്‌.
(Residential)
യോഗ്യത: ഐ.ടി.ഐ/ഡിപ്ലോമ
വയസ്സ്‌: 18 – 32
ഫോൺ: 04931221979, 8304935854

4. എ.സി മെക്കാനിക്ക്‌
ജെ.എസ്‌.എസ്‌ ബാഗ്ലൂർ കേന്ദ്രത്തിൽ വെച്ച്‌.
(Residential)
യോഗ്യത: ഐ.ടി.ഐ/ഡിപ്ലോമ/എസ്‌.എസ്‌.എൽ.സി
വയസ്സ്‌: 18 – 32
ഫോൺ: 04931221979, 8304935854

5. CCTV ടെക്നീഷ്യൻ
യോഗ്യത: എസ്‌.എസ്‌.എൽ.സി പാസ്സായിരിക്കണം
വയസ്സ്‌: 18-30
(കോട്ടക്കൽ കേന്ദ്രത്തിൽ വെച്ച്‌)
(Non Residential)

6. ആയുർവേദ സ്‌പാ തെറാപ്പി
യോഗ്യത: പത്താം തരം വിജയിക്കണം.
വയസ്സ്‌: 18-36
കോട്ടക്കലിൽ വെച്ച്‌ റസിഡൻഷ്യൽ
Residential @ CEEG Kottakkal
Ph: 8592921144, 8592921188.

7. അക്കൗണ്ടിംഗ്‌
യോഗ്യത: ബീകോം ബിരുദം,
വയസ്സ്‌: 18 – 36
മഞ്ചേരി ടെക്നോവേവ്‌ കമ്പ്യൂട്ടർ കേന്ദ്രത്തിൽ വെച്ച്‌.
Ph: 9995989922
(Non Residential)

8. സൈബർ സെക്ക്യൂരിറ്റി അനലിസ്റ്റ്‌
യോഗ്യത : ഡിഗ്രി / ഡിപ്ലോമ
റസിഡൻഷ്യൽ
മഅദിൻ പോളിടെക്‌നിക്‌ കോളേജ്, മലപ്പുറം.
കാലാവധി : 3 മാസം
Ph: 9567670369, 9526929444

9. വെബ് ഡെവലപ്പർ/ ഡിസൈനർ
യോഗ്യത : പ്ലസ്‌ ടു
റസിഡൻഷ്യൽ
മഅദിൻ പോളിടെക്‌നിക്‌ കോളേജ്, മലപ്പുറം.
Ph: 9567670369, 9526929444
കാലാവധി : 3 മാസം

10. ഓട്ടോമേഷൻ സ്‌പെഷ്യലിസ്റ് (Subject to Affliation of ASDC)
യോഗ്യത : ബി ടെക് / ഡിപ്ലോമ – Industrial / Electrical / Electronics
റസിഡൻഷ്യൽ
മഅദിൻ പോളിടെക്‌നിക്‌ കോളേജ്, മലപ്പുറം.
Ph: 9567670369, 9526929444
കാലാവധി : 3 മാസം

11. CNC ഓപ്പറേറ്റർ
യോഗ്യത: എസ്‌.എസ്‌.എൽ.സി പാസ്സായിരിക്കണം
വയസ്സ്‌: 18-30
എൻ.ടി.ടി.എഫ്‌ മലപ്പുറം കേന്ദ്രത്തിൽ വെച്ച്‌.
(Residential)
Ph: 9496295253, 8606190101

12. കമ്പ്യൂട്ടർ ഹാർഡ്‌വേയർ അസിസ്‌റ്റന്റ്‌
യോഗ്യത: SSLC/Plus Two
വയസ്സ്‌: 18-36
കോട്ടക്കൽ, തിരൂർ കേന്ദ്രങ്ങളിൽ വെച്ച്‌ നോൺ റസിഡൻഷ്യൽ
Non Residential @ CEEG Kottakkal
Ph: 8592921144, 8592921188.

എന്നാൽ തിരുവനന്തപുരം, കൊച്ചി, കോഴിക്കോട്‌ തുടങ്ങിയ കേന്ദ്രങ്ങളിൽ ധാരാളം റസിഡ്നഷ്യൽ കോഴ്സുകൾ നടക്കുന്നുണ്ട്‌.
മെഡിക്കൽ റെക്കോർഡ്‌ കീപ്പിംഗ്‌, അസിസ്റ്റന്റ്‌ ഫിസിയോ തെറാപിസ്റ്റ്‌, കെമിസ്റ്റ്‌ ലാബ്‌, അസിസ്റ്റന്റ്‌ ഓപ്പറേറ്റർ പ്ലാസ്റ്റിക്‌ മോൾഡിംഗ്‌, ആർക്ക്‌ & ഗ്യാസ്‌ വെൽഡർ, ടിക്കറ്റ്‌ കൺസൾട്ടന്റ്‌, മൾട്ടി കുസിൻ കുക്ക്‌, പ്ലംബിംഗ്‌ ടെക്നീഷ്യൻ, അസിസ്റ്റന്റ്‌ ഇലക്ട്രീഷ്യൻ, അസിസ്റ്റന്റ്‌ സർവെയർ, ഡ്രാഫ്റ്റ്‌സ്‌മാൻ 2 D ഓട്ടോ കാഡ്‌, ജൂനിയർ സോഫ്റ്റ്‌വെയർ ഡെവലപ്പർ, റിപ്പയർ & മെയിന്റനൻസ്‌ ഓഫ്‌ ഡൊമസ്റ്റിക്ക്‌ ഇലക്ട്രോണിക് അപ്ലയൻസസ്‌, ഫിറ്റർ മെക്കാനിക്കൽ, സ്പ്ലിറ്റ്‌ എ.സി മെക്കാനിക്ക്‌ എന്നീ കോഴ്സുകളിൽ ചേർന്ന് പഠിക്കാം.
താമസ ഭക്ഷണ സൗകര്യങ്ങളുൾപ്പെടെ കോഴ്സ് പൂർണ്ണമായും സൗജന്യം.
നോൺ റസിഡൻഷ്യൽ കോഴ്സിൽ പങ്കെടുത്ത്‌ വിജയകരമായി പരിശീലനം പൂർത്തിയാക്കുന്നവർക്ക്‌ പ്രതിമാസം 1000/- രൂപ യാത്രാപടിയും ലഭിക്കും.
റേഷൻ കാർഡ് പ്രകാരം 50000/- രൂപയിൽ താഴെ വാർഷിക വരുമാനമുള്ള നഗരസഭയിലെ സ്ഥിര താമസക്കാരായ യുവതീ – യുവാക്കൾക്ക് കോഴ്സിന്‌ ‌ അപേക്ഷിക്കാം.
അപേക്ഷ ഫോറം വളാഞ്ചേരി നഗരസഭ എൻ.യു.എൽ.എം ഓഫീസിൽ നിന്നോ അല്ലെങ്കിൽ കുടുംബശ്രീ സി.ഡി.എസ്‌ ഓഫീസിൽ നിന്നോ ലഭിക്കും.
അഡ്മിഷന്‌ ആവശ്യമായ രേഖകൾ
1) ആധാർ കാർഡ്‌ പകർപ്പ്
2) യോഗ്യതാ സർട്ടിഫിക്കറ്റിന്റെ പകർപ്പ്‌
3) റേഷൻ കാർഡിന്റെ പകർപ്പ്‌
4) പാസ്‌പോർട്ട്‌ സൈസ്‌ ഫോട്ടൊ
5) ബാങ്ക്‌ പാസ് ബുക്കിന്റെ പകർപ്പ്‌.
കൂടുതൽ വിവരങ്ങൾ അറിയുന്നതിനായി വളാഞ്ചേരി നഗരസഭയിലെ എൻ.യു.എൽ.എം ഓഫീസിൽ ബന്ധപ്പെടാവുന്നതാണ്‌.

The post സൗജന്യ നൈപുണ്യ പരിശീലനത്തിലൂടെ തൊഴിലുറപ്പാക്കൽ: ജൂൺ-ജൂലൈ മാസങ്ങളിൽ ആരംഭിക്കുന്ന കോഴ്‌സുകളിലേക്ക് അപേക്ഷകൾ ക്ഷണിക്കുന്നു appeared first on Valanchery Online.

കോട്ടക്കൽ മണ്ഡലത്തിലെ റോഡ് വികസനത്തിനായി 89 ലക്ഷം രൂപയുടെ അനുമതി

വളാഞ്ചേരിക്കാരൻ — Sun, 13 May 2018 03:45:59 +0000

കോട്ടക്കൽ: കോട്ടക്കൽ മണ്ഡലത്തിലെ വിവിധ റോഡുകളുടെ വികസനത്തിനായി 89 ലക്ഷം രൂപ അനുവധിച്ചതായി പ്രൊഫ. ആബിദ് ഹുസൈൻ തങ്ങൾ എം.എൽ.എ അറിയിച്ചു. പ്രാദേശിക വികസന ഫണ്ടിൽ ഉൾപ്പെടുത്തിയാണ് തുക നീക്കിവച്ചത്. ഭരണാനുമതി ലഭിച്ച പ്രവൃത്തികളിൽ പലതും അവസാനഘട്ടത്തിലാണെന്ന് എംഎൽഎ അറിയിച്ചു.

പദ്ധതികളും അനുവദിക്കപ്പെട്ട തുകയും

സ്റ്റേഡിയം–ഉദിരാണിപ്പറമ്പ് കോൺക്രീറ്റിങ് (4.75 ലക്ഷം)
കുറുക്കൻകുണ്ട്–വില്ലൂർ വെസ്റ്റ് അങ്കണവാടി റോഡ് വശംകെട്ടി ടാറിങ് നടത്തൽ (4.75 ലക്ഷം)
കോങ്ങാടൻ ചോല പാത്ത് വേ കോൺക്രീറ്റ് (മൂന്നു ലക്ഷം)
തോക്കാംപാറ–കല്ലിങ്ങൽ റോഡ് (നാല് ലക്ഷം)
പണിക്കർകുണ്ട്–വിഎംഎച്ച് റോഡ് (മൂന്ന് ലക്ഷം)
മൊയ്തു ഹാജി നഗർ–വടക്കേത്തല റോഡ് (4.5 ലക്ഷം)
ബാപ്പു ഹാജി നഗർ–മുക്കണ്ണി റോഡ് (രണ്ട് ലക്ഷം)
തുവ്വപ്പാറ അങ്കണവാടി–പതിയിൽ റോഡ് (രണ്ട് ലക്ഷം)
എസി നിരപ്പ്–ടിപി പടി റോഡ് (രണ്ട് ലക്ഷം).
ചിത്രംപള്ളി സ്കൂൾ–അങ്കണവാടി റോഡ് (നാല് ലക്ഷം)
വട്ടപ്പറമ്പ് മിച്ചഭൂമി പാത്ത് വേ (രണ്ട് ലക്ഷം)
തലകാപ്പ്–ചെറുനിരപ്പ് പാത്ത് വേ(മൂന്നു ലക്ഷം)
കളപ്പാട്ട്–കുറുക്കൻകുണ്ട് പാത്ത് വേ(രണ്ട് ലക്ഷം)
പൊന്മള–പട്ടർകടവ് റോഡ് (മൂന്ന് ലക്ഷം)
മനയ്ക്കൽപടി–അങ്കണവാടി–വാട്ടർ ടാങ്ക് റോഡ് (നാല് ലക്ഷം)
നെച്ചിപ്പറ്റ നിരപ്പ് ആയപ്പള്ളിത്തൊടി–ചേക്കുട്ടി ഹാജിപ്പടി റോഡ് (മൂന്ന് ലക്ഷം)
റേഷൻകട–എഎംഐ മദ്രസ റോഡ് (മൂന്നു ലക്ഷം)
അലവി ഹാജിപ്പടി–ചോലക്കുളമ്പ് റോഡ് (മൂന്ന് ലക്ഷം)
സലാഹ് നഗർ–പഞ്ചനം റോഡ് (മൂന്ന് ലക്ഷം)
നെച്ചിപ്പറ്റ–ആൽപ്പറ്റത്തൊടി റോഡ് (രണ്ട് ലക്ഷം)
കളത്തിൽപടി–മണ്ണത്ത്പറമ്പ് റോഡ് (രണ്ട് ലക്ഷം)
കൊടുമുടി–തട്ടാൻ പാത്ത് വേ (രണ്ട് ലക്ഷം)
തേക്കിൻകാട്–പടവെട്ടിക്കുന്ന് പാത്ത് വേ (രണ്ട് ലക്ഷം)
കൊടുമുടി–തിരുവേഗപ്പുറക്കുഴി പാത്ത് വേ (രണ്ട് ലക്ഷം)
തങ്ങൾപടി–കോട്ടേക്കാട് പാത്ത് വേ (രണ്ട് ലക്ഷം)
ചാക്കോ മാഷ് പടി പാത്ത് വേ (രണ്ട് ലക്ഷം)
കൊളക്കാട്–മാമ്പിപ്പടി പാത്ത് വേ (1.5 ലക്ഷം)
വെള്ളത്ത് പടി –അമീർപടി പാത്ത് വേ (മൂന്ന് ലക്ഷം)
സെയ്തുപടി–മങ്കുത്തിപ്പള്ളിയാൽ പാത്ത് വേ (മൂന്ന് ലക്ഷം)
പേരശ്ശനൂർ സബ് സെന്റർ പാത്ത് വേ (രണ്ട് ലക്ഷം)
ഒറുവിൽ റോഡ് (2.5 ലക്ഷം)
വട്ടപ്പാറ–തെക്കേമുക്ക് റോഡ് (ഒരു ലക്ഷം)

The post കോട്ടക്കൽ മണ്ഡലത്തിലെ റോഡ് വികസനത്തിനായി 89 ലക്ഷം രൂപയുടെ അനുമതി appeared first on Valanchery Online.

Seminar on development at valanchery proposes INR 3.17 crores to eradicate poverty

വളാഞ്ചേരിക്കാരൻ — Wed, 26 Sep 2012 05:53:30 +0000

വളാഞ്ചേരി ഗ്രാമപ്പഞ്ചായത്ത് വികസന പ്രവർത്തനങ്ങൾ ചർച്ച ചെയ്യാൻ സെമിനാർ സംഘടിപ്പിച്ചു. സെമിനാറില്‍ 2012-13ലേക്ക് 4,86,65,000 രൂപയുടെയും 2013-14ലേക്ക് 6,98,25,000 രൂപയുടെയും വികസന പ്രവൃത്തികള്‍ ആവിഷ്‌കരിച്ചു.

മറ്റു വകയിരുത്തലുകൾ:

ദാരിദ്ര്യ ലഘൂകരണത്തിന് 3.17 കോടിരൂപ
പട്ടികജാതി വികസനത്തിന് 1.07 കോടി
ആരോഗ്യമേഖലക്ക് 69 ലക്ഷം
കുടിവെള്ളം, ശുചിത്വം എന്നിവയ്ക്ക് 96 ലക്ഷം
പൊതുമരാമത്തിന് 3.30 കോടി
വൃദ്ധർ, ശാരീരിക- മാനസിക വെല്ലുവിളി നേരിടുന്നവര്‍ക്ക് 97.85 ലക്ഷം
മിനി ഇന്‍ഡസ്ട്രിയല്‍ എസ്റ്റേറ്റിന്റെ ഭൗതിക സാഹചര്യം ഒരുക്കുന്നതിന് 17.5 ലക്ഷം
കായിക വികസനത്തിന് 2.95 ലക്ഷം
വിദ്യാഭ്യാസ മേഖലയ്ക്ക് 94 ലക്ഷം

പഞ്ചായത്ത് കമ്മ്യൂണിറ്റി ഹാളിൽ വെച്ച് നടന്ന സെമിനാറില്‍ ഗ്രാമപ്പഞ്ചായത്ത് പ്രസിഡന്റ് ടി.പി.അബ്ദുള്‍ ഗഫൂര്‍ അധ്യക്ഷതവഹിച്ചു. നൗഷാദ് അമ്പലത്തിങ്ങല്‍ പദ്ധതി അവതരണം നടത്തി.

Summary: Seminar on development at valanchery proposes INR 3.17 crores to eradicate poverty. the seminar conducted by valanchery grama panchayath at valanchery community hall.

The post Seminar on development at valanchery proposes INR 3.17 crores to eradicate poverty appeared first on Valanchery Online.