declared Archives - Valanchery Online

കീം 2021; പരീക്ഷാത്തീയതി പ്രഖ്യാപിച്ചു

വളാഞ്ചേരിക്കാരൻ — Thu, 27 May 2021 04:13:23 +0000

തിരുവനന്തപുരം: 2021-ലെ കേരള എൻജിനിയറിങ്/ ഫാർമസി പ്രവേശന പരീക്ഷാത്തീയതി (കീം 2021) പ്രഖ്യാപിച്ചു. ജൂലൈ 24-നാണ് പരീക്ഷ. ജൂലൈ 24-ന് രാവിലെ 10 മണിമുതൽ 12.30 വരെ പേപ്പർ ഒന്നും (ഫിസിക്സ്, കെമസ്ട്രി), ഉച്ചയ്ക്ക് 2.30 മുതൽ 5 മണിവരെ പേപ്പർ രണ്ടും (മാത്തമാറ്റിക്സ്) നടത്തും.

പരീക്ഷാത്തീയതിക്ക് പുറമേ എൻജിനീയറിങ്/ ആർക്കിടെക്ചർ/മെഡിക്കൽ/മെഡിക്കൽ അനുബന്ധ കോഴ്സുകളിലെ പ്രവേശനത്തിനുള്ള ഓൺലൈൻ അപേക്ഷകൾ ഉടൻ ക്ഷണിക്കുമെന്നും പ്രവേശന പരീക്ഷാ കമ്മീഷണർ അറിയിച്ചു. കൂടുതൽ വിവരങ്ങൾക്ക് www.cee.kerala.gov.in എന്ന വെബ്സൈറ്റ് സന്ദർശിക്കുക.

The post കീം 2021; പരീക്ഷാത്തീയതി പ്രഖ്യാപിച്ചു appeared first on Valanchery Online.

സമസ്ത പൊതുപരീക്ഷ തിയ്യതി പ്രഖ്യാപിച്ചു

വളാഞ്ചേരിക്കാരൻ — Thu, 24 Sep 2020 15:26:08 +0000

തേഞ്ഞിപ്പലം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ പൊതുപരീക്ഷ തിയ്യതി പ്രഖ്യാപിച്ചു. 2021 ഏപ്രില്‍ 3, 4 തിയ്യതികളിലാണ് പൊതുപരീക്ഷ നടക്കുക. അഞ്ച്, ഏഴ്, പത്ത്, പ്ലസ്ടു ക്ലാസുകളിലാണ് സമസ്ത പൊതുപരീക്ഷ നടത്തുന്നത്. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അംഗീകാരത്തോടെ കേരളത്തിനകത്തും പുറത്തും പ്രവര്‍ത്തിക്കുന്ന 10275 മദ്‌റസകളിലെ രണ്ടര ലക്ഷത്തോളം വിദ്യാര്‍ത്ഥികളാണ് പൊതുപരീക്ഷയില്‍ പങ്കെടുക്കുക. 2020 നവംബര്‍ 2 മുതല്‍ ഡിസംബര്‍ 1 വരെയാണ് ഫീസ് അടക്കാനുള്ള സമയം. അപേക്ഷയും ഫീസും ഓണ്‍ലൈന്‍ മുഖേനയാണ് സ്വീകരിക്കുക. www. online.samastha.info സൈറ്റിലാണ് അപേക്ഷിക്കേണ്ടത്. ഈ വര്‍ഷം പരീക്ഷാര്‍ത്ഥികള്‍ക്ക് ഹാള്‍ടിക്കറ്റ് ഏര്‍പ്പെടുത്താനും തീരുമാനിച്ചിട്ടുണ്ട്.
ചേളാരി സമസ്താലയത്തില്‍ ചേര്‍ന്ന സമസ്ത കേരള ഇസ്‌ലാം മത വിദ്യാഭ്യാസ പരീക്ഷാ ബോര്‍ഡ് യോഗത്തില്‍ ചെയര്‍മാന്‍ എം.ടി അബ്ദുല്ല മുസ്‌ലിയാര്‍ അദ്ധ്യക്ഷനായി. പ്രൊഫ. കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. ഡോ.ബഹാഉദ്ദീന്‍ മുഹമ്മദ് നദ്‌വി കൂരിയാട്, കെ.ഉമര്‍ ഫൈസി മുക്കം, എ.വി അബ്ദുറഹിമാന്‍ മുസ്‌ലിയാര്‍, ഡോ.എന്‍.എ.എം അബ്ദുല്‍ഖാദിര്‍, കെ.എം അബ്ദുല്ല മാസ്റ്റര്‍ കൊട്ടപ്പുറം, അബ്ദുസ്സമദ് പൂക്കോട്ടൂര്‍, ഇ.മൊയ്തീന്‍ ഫൈസി പുത്തനഴി ചര്‍ച്ചയില്‍ പങ്കെടുത്തു. മാനേജര്‍ കെ.മോയിന്‍കുട്ടി മാസ്റ്റര്‍ സ്വാഗതം പറഞ്ഞു

The post സമസ്ത പൊതുപരീക്ഷ തിയ്യതി പ്രഖ്യാപിച്ചു appeared first on Valanchery Online.

മലപ്പുറം ജില്ലയിൽ ഇന്ന് റെഡ് അലർട്ട്

വളാഞ്ചേരിക്കാരൻ — Tue, 22 Oct 2019 00:21:39 +0000

കേന്ദ്ര കാലാവസ്ഥാ നിരീക്ഷണ കേന്ദ്രം ജില്ലയിൽ ചൊവ്വാഴ്‌ച റെഡ് അലർട്ട് പ്രഖ്യാപിച്ചു. പൊതുജനങ്ങളും ഉദ്യോഗസ്ഥരും ജാഗ്രത പാലിക്കണമെന്ന്‌ കലക്ടർ ജാഫർ മലിക് നിർദേശിച്ചു. അപകട സാധ്യതയുള്ള സ്ഥലങ്ങളിൽനിന്ന്‌ ജനങ്ങളെ മാറ്റിപ്പാർപ്പിക്കാൻ തഹസിൽദാർമാർക്ക്‌ നിർദേശംനൽകി. ജില്ലാതലത്തിലും താലൂക്കടിസ്ഥാനത്തിലും 24 മണിക്കൂർ കൺട്രോൾ റൂം തുറന്നു. ബുധനാഴ്‌ച ഓറഞ്ച് അലർട്ടും വ്യാഴം, വെള്ളി ദിവസങ്ങളിൽ യെല്ലോ അലർട്ടുമാണ്‌. ചൊവ്വാഴ്‌ച രാവിലെ 10ന് ജില്ലാ ഡിസാസ്റ്റർ മാനേജ്‌മെന്റ് യോഗം കലക്ടറേറ്റിൽ ചേരും. ജില്ലാതലത്തിൽ പ്രവർത്തിക്കുന്ന അടിയന്തരഘട്ട കാര്യനിർവഹണ കേന്ദ്രം നമ്പർ: 0483- 2736320-326, 1077 (ട്രോൾ ഫ്രീ). വാട്സാപ് നമ്പർ-: 9383463212, 9383464212. പ്രളയ സാധ്യതയും പകർച്ചവ്യാധികൾ പടരാനുള്ള സാഹചര്യവും കണക്കിലെടുത്ത്‌ ആരോഗ്യവകുപ്പ്‌ കൺട്രോൾറൂം തുറന്നു. ഫോൺ: 0483 2737858, 2737857.
താലൂക്ക് തല കൺട്രോൾറൂം ഫോൺ നമ്പർ:
നിലമ്പൂർ –- -04931- 221471
ഏറനാട്- –-0483- 2766121
പെരിന്തൽമണ്ണ –-04933- 227230
പൊന്നാനി-–- 0494 -2666038
തിരൂർ –- 0494 -2422238
തിരൂരങ്ങാടി –-0494 -2461055
കൊണ്ടോട്ടി –-0483- 2713311

The post മലപ്പുറം ജില്ലയിൽ ഇന്ന് റെഡ് അലർട്ട് appeared first on Valanchery Online.

ഉപതിരഞ്ഞെടുപ്പ്: സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും സെപ്‌റ്റംബർ മൂന്നിന് അവധി

വളാഞ്ചേരിക്കാരൻ — Sat, 31 Aug 2019 09:43:19 +0000

മങ്കട: ഉപതിരഞ്ഞെടുപ്പ് നടക്കുന്ന വാർഡുകളിലെ പരിധിക്കുള്ളിൽവരുന്ന സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും വോട്ടെടുപ്പ് ദിവസമായ സെപ്‌റ്റംബർ മൂന്നിന് അവധി പ്രഖ്യാപിച്ചു.

വോട്ടെടുപ്പ് കേന്ദ്രങ്ങളായ വെള്ളില ജി.എം.യു.പി. സ്‌കൂളിനും എ.എം.എൽ.പി.സ്‌കൂൾ കല്ലൂർമയ്ക്കും സെപ്‌റ്റംബർ രണ്ടിനും മൂന്നിനും കളക്ടർ അവധി പ്രഖ്യാപിച്ചു. ഉപതിരഞ്ഞെടുപ്പ് നടക്കുന്ന മങ്കട ഗ്രാമപ്പഞ്ചായത്തിലെ കോഴിക്കോട്ടുപറമ്പ്, നന്നംമുക്ക് ഗ്രാമപ്പഞ്ചായത്തിലെ പെരുമ്പാൾ എന്നീ വാർഡുകളിലെ പരിധിക്കുള്ളിൽ സെപ്‌റ്റംബർ രണ്ട്, മൂന്ന്, നാല് തീയതികളിൽ മദ്യനിരോധനം ഏർപ്പെടുത്തി.

The post ഉപതിരഞ്ഞെടുപ്പ്: സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും സെപ്‌റ്റംബർ മൂന്നിന് അവധി appeared first on Valanchery Online.