date Archives - Valanchery Online

പോളിടെക്‌നിക് ഡിപ്ലോമ പ്രവേശനം: അപേക്ഷാതിയതി നീട്ടി

വളാഞ്ചേരിക്കാരൻ — Sat, 14 Aug 2021 06:54:38 +0000

2021-22 അധ്യയന വർഷത്തേയ്ക്കുള്ള സംസ്ഥാന പോളിടെക്‌നിക് ഡിപ്ലോമ പ്രവേശനത്തിനുള്ള ഓൺലൈൻ അപേക്ഷ സമർപ്പണ തിയതി ആഗസ്റ്റ് 23 വരെ ദീർഘിപ്പിച്ചു. കൂടുതൽ വിവരങ്ങൾക്ക്: www.polyadmission.org.
പി.എൻ.എക്സ്. 2802/2021

The post പോളിടെക്‌നിക് ഡിപ്ലോമ പ്രവേശനം: അപേക്ഷാതിയതി നീട്ടി appeared first on Valanchery Online.

മാസപ്പിറവി ദൃശ്യമായില്ല; ബലിപെരുന്നാൾ ജൂലൈ 21 ന്

വളാഞ്ചേരിക്കാരൻ — Sun, 11 Jul 2021 09:28:37 +0000

കോഴിക്കോട്: ജൂലൈ10 ശനിയാഴ്ച അസ്തമിച്ച് ദുൽഹജ്ജ് മാസപ്പിറവി ദൃശ്യമാകാത്ത സാഹചര്യത്തിൽ ദുൽഖഅദു 30 പൂർത്തിയാക്കി ദുൽഹജ്ജ് ഒന്ന് ജൂലൈ 12 നും ബലി പെരുന്നാൾ ജൂലൈ 21 ന് ബുധനാഴ്ചയായും കോഴിക്കോട് മുഖ്യ ഖാസി കെ.വി.ഇമ്പിച്ചമ്മത് ഹാജി പ്രഖ്യാപിച്ചു.

The post മാസപ്പിറവി ദൃശ്യമായില്ല; ബലിപെരുന്നാൾ ജൂലൈ 21 ന് appeared first on Valanchery Online.

കീം 2021; പരീക്ഷാത്തീയതി പ്രഖ്യാപിച്ചു

വളാഞ്ചേരിക്കാരൻ — Thu, 27 May 2021 04:13:23 +0000

തിരുവനന്തപുരം: 2021-ലെ കേരള എൻജിനിയറിങ്/ ഫാർമസി പ്രവേശന പരീക്ഷാത്തീയതി (കീം 2021) പ്രഖ്യാപിച്ചു. ജൂലൈ 24-നാണ് പരീക്ഷ. ജൂലൈ 24-ന് രാവിലെ 10 മണിമുതൽ 12.30 വരെ പേപ്പർ ഒന്നും (ഫിസിക്സ്, കെമസ്ട്രി), ഉച്ചയ്ക്ക് 2.30 മുതൽ 5 മണിവരെ പേപ്പർ രണ്ടും (മാത്തമാറ്റിക്സ്) നടത്തും.

പരീക്ഷാത്തീയതിക്ക് പുറമേ എൻജിനീയറിങ്/ ആർക്കിടെക്ചർ/മെഡിക്കൽ/മെഡിക്കൽ അനുബന്ധ കോഴ്സുകളിലെ പ്രവേശനത്തിനുള്ള ഓൺലൈൻ അപേക്ഷകൾ ഉടൻ ക്ഷണിക്കുമെന്നും പ്രവേശന പരീക്ഷാ കമ്മീഷണർ അറിയിച്ചു. കൂടുതൽ വിവരങ്ങൾക്ക് www.cee.kerala.gov.in എന്ന വെബ്സൈറ്റ് സന്ദർശിക്കുക.

The post കീം 2021; പരീക്ഷാത്തീയതി പ്രഖ്യാപിച്ചു appeared first on Valanchery Online.

സിവിൽ സർവീസ് പ്രാഥമിക പരീക്ഷ മാറ്റിവച്ചു

വളാഞ്ചേരിക്കാരൻ — Thu, 13 May 2021 23:20:13 +0000

ന്യൂഡൽഹി: ഈ വർഷത്തെ യുപിഎസ്‌സി സിവിൽ സർവീസ് പ്രാഥമിക പരീക്ഷ മാറ്റിവച്ചു. ജൂൺ 27ന് നിശ്ചയിച്ചിരുന്ന പരീക്ഷ ഒക്ടോബർ പത്തിലേക്കാണ് മാറ്റിയത്. രാജ്യത്ത് കോവിഡ് രോഗബാധ രൂക്ഷമായ സാഹചര്യത്തിലാണ് തീരുമാനമെന്ന് യുപിഎസ്‌സി അറിയിച്ചു

The post സിവിൽ സർവീസ് പ്രാഥമിക പരീക്ഷ മാറ്റിവച്ചു appeared first on Valanchery Online.

വിവിധ തസ്തികകളിലേക്ക് മെയ് 11ന് നടത്താനിരുന്ന ഇൻ്റർവ്യൂകൾ മാറ്റി

വളാഞ്ചേരിക്കാരൻ — Sat, 08 May 2021 05:12:36 +0000

മലപ്പുറം : സ്റ്റാറ്റിസ്റ്റിക്കൽ അസിസ്റ്റന്റ്/ സ്റ്റാറ്റിസ്റ്റിക്കൽ ഇൻവെസ്റ്റിഗേറ്റർ ഗ്രേഡ്-രണ്ട് തസ്തികയിലേക്കുള്ള താത്കാലിക നിയമനത്തിന് 11-ന് നടത്താൻ തീരുമാനിച്ച കൂടിക്കാഴ്ച മാറ്റിവെച്ചു. ജില്ലാ ആയുർവേദ മെഡിക്കൽ ഓഫീസിൽ (ഐ.എസ്.എം.) 11-ന് നടത്താനിരുന്ന മെഡിക്കൽ ഓഫീസർ/ പാർട്ട് ടൈം സ്വീപ്പർ തസ്തികയിലേക്കുള്ള അഭിമുഖം മാറ്റിവെച്ചു.

The post വിവിധ തസ്തികകളിലേക്ക് മെയ് 11ന് നടത്താനിരുന്ന ഇൻ്റർവ്യൂകൾ മാറ്റി appeared first on Valanchery Online.

ഫുഡ്ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്‌മെന്റ് കോഴ്‌സ്; അപേക്ഷാ തീയതി നീട്ടി

വളാഞ്ചേരിക്കാരൻ — Tue, 28 Jul 2020 00:56:02 +0000

മങ്കട: മങ്കട ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്‌മെന്റ് കോഴ്‌സുകളിലേക്ക് പ്രവേശനത്തിനുള്ള അപേക്ഷാ തീയതി ആഗസ്ത് ആറുവരെ നീട്ടി. ഫുഡ് ആൻഡ് ബിവറേജ് സർവീസ്, ഫ്രണ്ട് ഓഫീസ് ഓപറേഷൻ, ഹോട്ടൽ അക്കൊമഡേഷൻ ഓപറേഷൻ എന്നീ കോഴ്‌സുകളിലേക്കാണ് പ്രവേശനം. എസ്എസ്എൽസി, പ്ലസ്ടു, ഡിഗ്രി എന്നിവയാണ് യോഗ്യത. താൽപ്പര്യമുള്ളവർ www.fcikerala.org എന്ന വെബ്‌സൈറ്റിലൂടെ അപേക്ഷിക്കണം. ഫോൺ: 0493 295733, 9645078880, 9895510650.

The post ഫുഡ്ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്‌മെന്റ് കോഴ്‌സ്; അപേക്ഷാ തീയതി നീട്ടി appeared first on Valanchery Online.

എസ്.എസ്.എൽ.സി, ഹയർ സെക്കൻഡറി, വി.എച്ച്.എസ്.ഇ പരീക്ഷകൾ 26 മുതൽ

വളാഞ്ചേരിക്കാരൻ — Wed, 13 May 2020 15:29:21 +0000

കോവിഡ് 19 പകർച്ചവ്യാധിയെ തുടർന്ന് മാറ്റിവയ്ക്കപ്പെട്ട എസ്.എസ്.എൽ.സി, ഹയർ സെക്കൻഡറി, വി.എച്ച്.എസ്.ഇ പരീക്ഷകൾ സർക്കാരിന്റെ കോവിഡ് 19 പ്രോട്ടോക്കോൾ പൂർണ്ണമായും പാലിച്ചുകൊണ്ട് മെയ് 26 മുതൽ 30 വരെയുള്ള തിയതികളിൽ നടത്തുമെന്ന് പൊതുവിദ്യാഭ്യാസ ഡയറക്ടർ അറിയിച്ചു. വിശദമായ ടൈംടേബിളും വിശദാംശങ്ങളും www.keralapareekshabhavan.in, www.dhsekerala.gov.in, www.vhsems.kerala.gov.in എന്നീ വെബ്‌സൈറ്റുകളിൽ ലഭ്യമാണ്.
Summary: sslc, hse and vhse exams to restart from may 26.

The post എസ്.എസ്.എൽ.സി, ഹയർ സെക്കൻഡറി, വി.എച്ച്.എസ്.ഇ പരീക്ഷകൾ 26 മുതൽ appeared first on Valanchery Online.

സംസ്ഥാനത്തെ എസ്എസ്എൽസി, പ്ലസ് ടു അടക്കമുള്ള എല്ലാ പരീക്ഷകളും മാറ്റിവച്ചു

വളാഞ്ചേരിക്കാരൻ — Fri, 20 Mar 2020 08:14:01 +0000

സംസ്ഥാനത്തെ എല്ലാ പരീക്ഷകളും മാറ്റിവച്ചു. എസ്എസ്എൽസി, പ്ലസ് ടു ഉൾപ്പെടെയുള്ള പരീക്ഷകളാണ് മാറ്റിവച്ചിരിക്കുന്നത്. ഇന്ന് ചേർന്ന ഉന്നതതല യോഗത്തിലാണ് തീരുമാനം.

മാർച്ച് 31 വരെ വിദ്യാഭ്യാസ സ്ഥാപനങ്ങൾക്ക് അവധി നൽകണമെന്ന ആവശ്യം ശക്തമായിരുന്നു. എന്നാൽ പരീക്ഷകൾ മാറ്റിവയ്ക്കാതെ സർക്കാർ മുന്നോട്ടുപോവുകയായിരുന്നു. എട്ടാം ക്ലാസ് മുതൽ സർവകലാശാല തലം വരെയുള്ള പരീക്ഷകളാണ് മാറ്റിവച്ചിരിക്കുന്നത്.

പരീക്ഷകൾ നീട്ടിവയ്ക്കുന്നത് അടുത്ത അധ്യയന വർഷത്തേക്കുള്ള പ്രവേശനത്തെ അടക്കം ബാധിക്കുമെന്ന് ചൂണ്ടിക്കാട്ടിയാണ് സർക്കാർ പരീക്ഷകളുമായി മുന്നോട്ടുപോകാൻ തീരുമാനിച്ചിരുന്നത്. എന്നാൽ നിലവിൽ രാജ്യം അഭിമുഖീകരിക്കുന്ന കൊറോണ പ്രതിസന്ധിയെ തുടർന്നാണ് നിലവിൽ പരീക്ഷ മാറ്റിവയ്ക്കാൻ ധാരണയായത്.

The post സംസ്ഥാനത്തെ എസ്എസ്എൽസി, പ്ലസ് ടു അടക്കമുള്ള എല്ലാ പരീക്ഷകളും മാറ്റിവച്ചു appeared first on Valanchery Online.

തിരുമാന്ധാംകുന്ന് ക്ഷേത്രത്തിൽ പൂരം കുറിച്ചു; പൂരം പുറപ്പാട് മാർച്ച് 31-ന്

വളാഞ്ചേരിക്കാരൻ — Wed, 18 Dec 2019 01:40:33 +0000

അങ്ങാടിപ്പുറം: തിരുമാന്ധാംകുന്ന് ഭഗവതീക്ഷേത്രത്തിൽ ’പൂരം കുറിക്കൽ’ ചടങ്ങ് നടന്നു. ധനുമാസത്തിലെ ആദ്യ ചൊവ്വാഴ്ചയാണ് ചടങ്ങ് നടത്തുന്നത്. ദീപാരാധനയ്ക്കുശേഷം സന്ധ്യാവേലയ്ക്ക് ശ്രീമൂലസ്ഥാനത്തെ തിരുമുറ്റത്താണ് ചടങ്ങ് നടന്നത്.

മാർച്ച് 31-നാണ് ഈവർഷത്തെ പൂരം പുറപ്പാട്. ഏപ്രിൽ പത്തിന് 11-ാം പൂരത്തിനാണ് സമാപനം. സന്ധ്യാവേല പാട്ടിനോടനുബന്ധിച്ച് ബ്രാഹ്മണസമൂഹം ശ്രീമൂലസ്ഥാനം തിരുമുറ്റത്ത് കാർത്തികദീപം തെളിച്ച് കോലം ഒരുക്കിയിരുന്നു.

The post തിരുമാന്ധാംകുന്ന് ക്ഷേത്രത്തിൽ പൂരം കുറിച്ചു; പൂരം പുറപ്പാട് മാർച്ച് 31-ന് appeared first on Valanchery Online.

ഹയർ സെക്കൻഡറി തുല്യതാ പരീക്ഷ തീയതികൾ മാറ്റി

വളാഞ്ചേരിക്കാരൻ — Mon, 28 Oct 2019 02:03:52 +0000

ഹയർ സെക്കൻഡറി തുല്യതാബോർഡിൽ ഉയർന്ന നിർദ്ദേശങ്ങൾ കണക്കിലെടുത്ത് ഹയർ സെക്കൻഡറി തുല്യതാപരീക്ഷകൾ ഡിസംബർ 21, 22, 23, 27, 28, 29 എന്നീ തീയതികളിലേക്ക് മാറ്റിവച്ചു. ഗാന്ധിയൻ സ്റ്റഡീസിന്റെ പ്രാക്ടിക്കൽ പരീക്ഷ നവംബർ 28, 29 തീയതികളിലേക്കും മാറ്റിവച്ചു. തുല്യതാ പരീക്ഷകൾ നീട്ടിവച്ചതിനാൽ 20 രൂപ പിഴയോടുകൂടി ഫീസടയ്ക്കുന്നതിനുള്ള തീയതി നവംബർ എട്ടുവരെ നീട്ടി. പുതുക്കിയ ടൈംടേബിൾ Click Here ൽ പബ്ലിക് നോട്ടീസായി നൽകിയിട്ടുണ്ട്.

The post ഹയർ സെക്കൻഡറി തുല്യതാ പരീക്ഷ തീയതികൾ മാറ്റി appeared first on Valanchery Online.