courses Archives - Valanchery Online

അണ്ണാമലൈ സർവകലാശാലയുടെ 2014-15ന് ശേഷമുള്ള വിദൂര വിദ്യാഭ്യാസ കോഴ്സുകൾക്ക് യുജിസി അംഗീകാരമില്ല

വളാഞ്ചേരിക്കാരൻ — Tue, 29 Mar 2022 07:08:38 +0000

ന്യൂഡൽഹി : തമിഴ്‌നാട്ടിലെ അണ്ണാമലൈ സർവകലാശാല നടത്തുന്ന വിദൂര കോഴ്‌സുകൾ അംഗീകരിച്ചിട്ടില്ലെന്ന് യു.ജി.സി. 2014-’15 അധ്യയനവർഷംവരെ നടത്തിയ കോഴ്‌സുകൾക്ക് മാത്രമേ അംഗീകാരമുള്ളൂ.

വിദൂരകോഴ്‌സുകൾ നടത്താനുള്ള അംഗീകാരം 2016-ൽ സർവകലാശാലയ്ക്ക് നഷ്ടമായിരുന്നു. ഇത്തരം കോഴ്‌സുകളിലേക്ക് പ്രവേശനം തുടരുന്നെന്ന റിപ്പോർട്ടിന്റെ അടിസ്ഥാനത്തിലാണ് യു.ജി.സി.യുടെ ഇടപെടൽ. അംഗീകാരമില്ലാത്ത കോഴ്‌സുകൾക്ക് നിയമസാധുതയുണ്ടാകില്ലെന്നും കമ്മിഷൻ സെക്രട്ടറി അറിയിച്ചു.
യുജിസി അറിയിപ്പ് വായിക്കാം: ഇവിടെ ക്ലിക്ക് ചെയ്യൂ

The post അണ്ണാമലൈ സർവകലാശാലയുടെ 2014-15ന് ശേഷമുള്ള വിദൂര വിദ്യാഭ്യാസ കോഴ്സുകൾക്ക് യുജിസി അംഗീകാരമില്ല appeared first on Valanchery Online.

ചെമ്മാട് ദാറുൽഹുദാ ഇസ്‌ലാമിക സർവകലാശാലയുടെ വിവിധകോഴ്സുകളിലേക്ക് അപേക്ഷ ക്ഷണിച്ചു

വളാഞ്ചേരിക്കാരൻ — Fri, 16 Apr 2021 01:12:05 +0000

ചെമ്മാട്: ദാറുൽഹുദാ ഇസ്‌ലാമിക സർവകലാശാലയുടെ വിവിധകോഴ്സുകളിലേക്ക് അപേക്ഷ ക്ഷണിച്ചു. മേയ് രണ്ടുവരെയാണ് അപേക്ഷിക്കാനുള്ള അവസരം. സർവകലാശാലയിലെയും അഫിലിയേറ്റഡ് സ്ഥാപനങ്ങളിലെയും കോഴ്‌സുകളിലേക്ക് അപേക്ഷിക്കാം. www.dhiu.in എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. വിവരങ്ങൾക്ക് ഫോൺ: 0494-2463155.

The post ചെമ്മാട് ദാറുൽഹുദാ ഇസ്‌ലാമിക സർവകലാശാലയുടെ വിവിധകോഴ്സുകളിലേക്ക് അപേക്ഷ ക്ഷണിച്ചു appeared first on Valanchery Online.

സംസ്‌കൃത സർവകലാശാല; തിരുനാവായ പ്രാദേശിക കേന്ദ്രത്തിൽ വിവിധ കോഴ്സുകളിൽ എസ്.സി, എസ്.ടി. സീറ്റൊഴിവ്

വളാഞ്ചേരിക്കാരൻ — Wed, 06 Jan 2021 02:57:13 +0000

തിരുനാവായ : ശ്രീ ശങ്കരാചാര്യ സംസ്‌കൃത സർവകലാശാലയുടെ തിരുനാവായയിലുള്ള തിരൂർ പ്രാദേശികകേന്ദ്രത്തിൽ എം.എ. ഇംഗ്ലീഷ്, ഹിസ്റ്ററി വിഭാഗങ്ങളിൽ എസ്.സി, എസ്.ടി. സീറ്റുകളും എം.എസ്.ഡബ്ള്യു. വിഭാഗത്തിൽ എസ്.ടി. സീറ്റും ഒഴിവുണ്ട്. എം.എ. അറബിക്, മലയാളം, സംസ്‌കൃത സാഹിത്യം, സംസ്‌കൃത വ്യാകരണം, ഹിന്ദി എന്നീ വിഭാഗങ്ങളിൽ ഏതാനും സീറ്റുകളും ഒഴിവുണ്ട്.

പ്രവേശനം ആഗ്രഹിക്കുന്ന റാങ്ക്‌ലിസ്റ്റിൽ ഉൾപ്പെട്ട വിദ്യാർഥികൾ യോഗ്യത, ടി.സി, ജാതി, വരുമാനം എന്നിവയുടെ അസ്സൽ പ്രമാണങ്ങളോടുകൂടി വെള്ളിയാഴ്ച പത്തിന് പ്രാദേശികകേന്ദ്രത്തിൽ എത്തണം. ഫോൺ: 0494 2600310.

The post സംസ്‌കൃത സർവകലാശാല; തിരുനാവായ പ്രാദേശിക കേന്ദ്രത്തിൽ വിവിധ കോഴ്സുകളിൽ എസ്.സി, എസ്.ടി. സീറ്റൊഴിവ് appeared first on Valanchery Online.

ഫുഡ്ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്‌മെന്റ് കോഴ്‌സ്; അപേക്ഷാ തീയതി നീട്ടി

വളാഞ്ചേരിക്കാരൻ — Tue, 28 Jul 2020 00:56:02 +0000

മങ്കട: മങ്കട ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്‌മെന്റ് കോഴ്‌സുകളിലേക്ക് പ്രവേശനത്തിനുള്ള അപേക്ഷാ തീയതി ആഗസ്ത് ആറുവരെ നീട്ടി. ഫുഡ് ആൻഡ് ബിവറേജ് സർവീസ്, ഫ്രണ്ട് ഓഫീസ് ഓപറേഷൻ, ഹോട്ടൽ അക്കൊമഡേഷൻ ഓപറേഷൻ എന്നീ കോഴ്‌സുകളിലേക്കാണ് പ്രവേശനം. എസ്എസ്എൽസി, പ്ലസ്ടു, ഡിഗ്രി എന്നിവയാണ് യോഗ്യത. താൽപ്പര്യമുള്ളവർ www.fcikerala.org എന്ന വെബ്‌സൈറ്റിലൂടെ അപേക്ഷിക്കണം. ഫോൺ: 0493 295733, 9645078880, 9895510650.

The post ഫുഡ്ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്‌മെന്റ് കോഴ്‌സ്; അപേക്ഷാ തീയതി നീട്ടി appeared first on Valanchery Online.

പി.ടി.എം കോളേജിൽ ഏതാനും വിഷയങ്ങളിൽ സീറ്റൊഴിവ്

വളാഞ്ചേരിക്കാരൻ — Mon, 15 Jun 2020 00:49:18 +0000

പെരിന്തൽമണ്ണ : പൂക്കോയ തങ്ങൾ മെമ്മോറിയൽ ഗവ. കോളേജിൽ 2020-21 അധ്യയനവർഷത്തിൽ വിവിധ പ്രോഗ്രാമുകളുടെ മൂന്ന്, അഞ്ച് സെമസ്റ്റർ ക്ലാസുകളിൽ (ബിരുദം, പി.ജി.) സീറ്റുകൾ ഒഴിവുണ്ട്. മൂന്നാംസെമസ്റ്റർ ബി.എ. ഇംഗ്ലീഷ്, ബി.എസ്‌സി. മാത്തമാറ്റിക്സ്, ഫിസിക്‌സ്, എം.എ. അറബിക്, അഞ്ചാംസെമസ്റ്റർ ബി.എ. അറബിക്, ഇംഗ്ലീഷ്, ബി.എസ്‌സി. ഫിസിക്‌സ് തുടങ്ങിയ കോഴ്‌സുകളിലാണ് ഒഴിവ്. 16-നകം കോളജ് ഓഫീസിൽ നേരിട്ട് അപേക്ഷ സമർപ്പിക്കണമെന്ന് പ്രിൻസിപ്പൽ അറിയിച്ചു.

The post പി.ടി.എം കോളേജിൽ ഏതാനും വിഷയങ്ങളിൽ സീറ്റൊഴിവ് appeared first on Valanchery Online.

സര്‍വകലാശാലകളുടെ തുല്യതാ സര്‍ട്ടിഫിക്കറ്റ് നിര്‍ത്തലാക്കും: മന്ത്രി കെ.ടി. ജലീല്‍

വളാഞ്ചേരിക്കാരൻ — Thu, 11 Oct 2018 14:54:18 +0000

പഠനത്തോടൊപ്പം വിദ്യാര്‍ഥികള്‍ക്ക് വരുമാനവും നേടുന്നതിനുള്ള ലേണ്‍ ആന്‍ഡ് ഏണ്‍ പദ്ധതി നടപ്പാക്കുമെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ.കെ.റ്റി. ജലീല്‍ പറഞ്ഞു. കല്ലൂപ്പാറയില്‍ ഐഎച്ച്ആര്‍ഡിയുടെ കോളജ് ഓഫ് എന്‍ജിനിയറിംഗിന്റെ പുതിയ അക്കാദമിക് ബ്ലോക്കിന്റെ ഉദ്ഘാടനം നിര്‍വഹിച്ച് പ്രസംഗിക്കുകയായിരുന്നു അദ്ദേഹം. കേരളത്തില്‍ ഇല്ലാത്ത ഒരു കാര്യമാണ് പഠിക്കുന്നതോടൊപ്പം അധ്വാനിക്കുകയെന്ന ലേണ്‍ ആന്‍ഡ് ഏണ്‍ പദ്ധതി. വിദേശരാജ്യങ്ങളില്‍ എല്ലാം ഈ പദ്ധതിയുണ്ട്. എന്‍ജിനിയറിംഗ് ഉള്‍പ്പെടെ പഠിക്കുന്ന വിദ്യാര്‍ഥികള്‍ക്ക് സ്വകാര്യമേഖലയുമായി സഹകരിച്ച് പഠനത്തോടൊപ്പം തൊഴില്‍ ചെയ്യുന്നതിന് അവസരമൊരുക്കും. സര്‍വകലാശാലകളുടെ ഇക്വലന്‍സി (തുല്യത) സര്‍ട്ടിഫിക്കറ്റ് നിര്‍ത്തലാക്കും. ഒരു ചാന്‍സലറുടെ കീഴിലുള്ള സംസ്ഥാനത്തെ വ്യത്യസ്ത സര്‍വകലാശാലകളുടെ സര്‍ട്ടിഫിക്കറ്റുകള്‍ പരസ്പരം അംഗീകരിക്കാത്ത സ്ഥിതിയുണ്ട്. ഐഐടികളില്‍ നിന്നും എന്‍ഐടികളില്‍ നിന്നും കോഴ്‌സ് കഴിഞ്ഞു വരുന്ന കുട്ടികളോടും നമ്മുടെ സര്‍വകലാശാലകള്‍ തുല്യതാ സര്‍ട്ടിഫിക്കറ്റ് ചോദിക്കുന്നുണ്ട്. ഉന്നത വിദ്യാഭ്യാസ രംഗത്തെ വളര്‍ച്ചയ്ക്ക് ഇത്തരം പ്രവണതകള്‍ തടസം സൃഷ്ടിക്കുന്നുണ്ട്. ഈ സാഹചര്യം കണക്കിലെടുത്താണ് തുല്യതാ സര്‍ട്ടിഫിക്കറ്റ് സംസ്ഥാനത്തു വേണ്ട എന്ന തീരുമാനം സര്‍ക്കാര്‍ എടുത്തിട്ടുള്ളത്.

സംസ്ഥാനത്തെ ഉന്നത വിദ്യാഭ്യാസരംഗത്ത് മറ്റു സംസ്ഥാനങ്ങളില്‍ നിന്നും വിദേശത്തു നിന്നുമുള്ള വിദ്യാര്‍ഥികള്‍ക്ക് പഠിക്കാന്‍ അവസരമൊരുക്കും. കേരളത്തിലെ കോളജുകളില്‍ എംബിഎയ്ക്കും എന്‍ജിനിയറിംഗിനും ഉള്‍പ്പെടെ സീറ്റുകള്‍ ഒഴിഞ്ഞു കിടക്കുമ്പോള്‍ തമിഴ്‌നാട്ടിലേക്കും കര്‍ണാടകയിലേക്കും കുട്ടികള്‍ ഇവിടെ നിന്നും പോകുകയാണ്. ഇതരസംസ്ഥാനങ്ങളില്‍ പഠിച്ചാല്‍ ഇംഗ്ലീഷ് സംസാരിക്കുന്നതിന് ഉള്‍പ്പെടെ പ്രാവീണ്യം ലഭിക്കുമെന്നാണ് ഇങ്ങനെ പോകുന്നവര്‍ പറയുന്ന ന്യായം. ഇംഗ്ലീഷ് നന്നാകാന്‍ പുറത്തേക്കു പോകേണ്ടല്ലോ, അവിടെയുള്ള കുട്ടികളെ ഇവിടേക്കു കൊണ്ടുവരാം. ഇതരസംസ്ഥാനങ്ങളില്‍ നിന്നും വിദേശത്തു നിന്നുമുള്ള വിദ്യാര്‍ഥികള്‍ക്ക് ഒപ്പം നമ്മുടെ കുട്ടികള്‍ക്ക് പഠിക്കുന്നതിന് അവസരം ഒരുക്കും. ഇത്തരം സാഹചര്യം ഒരുക്കാന്‍ പറ്റിയ ഏറ്റവും നല്ല സംസ്ഥാനമാണ് കേരളം. മതസൗഹാര്‍ദം ഏറ്റവും നന്നായി നിലനില്‍ക്കുന്ന സംസ്ഥാനമാണ് കേരളം. എല്ലാ മത വിശ്വാസങ്ങളിലും പെടുന്നവര്‍ കേരളത്തില്‍ സുരക്ഷിതരാണ്. മതനിരപേക്ഷതയുടെയും മതസൗഹാര്‍ദത്തിന്റെയും ഈറ്റില്ലമാണ് കേരളം. കുട്ടികള്‍ക്ക് ഏറ്റവും സുരക്ഷിതമായി പഠിക്കാന്‍ കഴിയുന്ന സ്ഥലം കേരളമാണ്. മറ്റൊരു സ്ഥലവുമല്ല. ഈ സാഹചര്യം ഉന്നതവിദ്യാഭ്യാസ രംഗത്തിന്റെ വളര്‍ച്ചയ്ക്ക് പരമാവധി പ്രയോജനപ്പെടുത്തും. ഇതു വേണ്ടതുപോലെ നമ്മള്‍ മാര്‍ക്കറ്റ് ചെയ്തിട്ടില്ല. പൊതുവിദ്യാലയങ്ങളെയും പൊതു ഇടങ്ങളെയും പൊതുസ്ഥാപനങ്ങളെയും പ്രോത്സാഹിക്കും.

ഉന്നതവിദ്യാഭ്യാസ രംഗം കഴിഞ്ഞ കുറേ വര്‍ഷങ്ങളായി പുരോഗതി പ്രാപിക്കാന്‍ കഴിയാതെ പ്രയാസപ്പെടുകയാണ്. പൊതുവിദ്യാഭ്യാസ മേഖലയില്‍ അഭൂതപൂര്‍വമായ മുന്നേറ്റം കൈവരിക്കാന്‍ കേരളത്തിനു കഴിഞ്ഞിട്ടുണ്ട്. സര്‍ക്കാരിന്റെ ഇടപെടലിനെ തുടര്‍ന്ന് രണ്ടരലക്ഷത്തോളം വിദ്യാര്‍ഥികളാണ് പുതുതായി പൊതുവിദ്യാഭ്യാസ സ്ഥാപനങ്ങളില്‍ കഴിഞ്ഞ രണ്ടുവര്‍ഷത്തിനിടയില്‍ എത്തിയത്. മറ്റ് ഏതൊരു സംസ്ഥാനത്തെ പരിശോധിച്ചാലും ഒന്നു മുതല്‍ പന്ത്രണ്ടാം ക്ലാസ് വരെയുള്ള പഠനത്തില്‍ കേരളം മികച്ച നിലയിലാണ് പ്രവര്‍ത്തിക്കുന്നതെന്നു കാണാം. എന്നാല്‍, ഉന്നതവിദ്യാഭ്യാസ രംഗത്ത് സമാനമായ പുരോഗതി കൈവരിക്കാന്‍ നമുക്ക് സാധിച്ചിട്ടില്ല. നാക്കിന്റെ അക്രഡിറ്റേഷന്‍ എ പ്ലസ് ലഭിച്ച ഒരു സര്‍വകലാശാലയും കേരളത്തിലില്ല. എന്‍ഐആര്‍എഫിന്റെ ആദ്യത്തെ 25 റാങ്കിംഗില്‍ വരുന്ന ഒരു സ്ഥാപനവും കേരളത്തിലില്ല. ഇതിനാല്‍ കേരളത്തിന്റെ ഉന്നതവിദ്യാഭ്യാസ രംഗത്ത് ഫലപ്രദമായ ഇടപെടലുകള്‍ അനിവാര്യമാണെന്നതിന്റെ വെളിച്ചത്തിലാണ് ഉന്നതവിദ്യാഭ്യാസ വകുപ്പ് പ്രത്യേക പോര്‍ട്ട്‌ഫോളിയോ ആയി സംസ്ഥാന സര്‍ക്കാര്‍ നിശ്ചയിച്ചത്. ഈ രംഗത്ത് നല്ല ഇടപെടലുകള്‍ സര്‍ക്കാര്‍ നടത്താന്‍ പോകുകയാണ്.

എന്‍ജിനിയറിംഗ് വിദ്യാര്‍ഥികള്‍ സര്‍ട്ടിഫിക്കറ്റ് നേടുന്നതിനൊപ്പം ഏതെങ്കിലുമൊരു മേഖലയില്‍ നൈപുണ്യം നേടണം. സര്‍ട്ടിഫിക്കറ്റ് കൊണ്ടുമാത്രം ഒരാളും ജോലി തരില്ല. പണിയെടുക്കാന്‍ അറിയുന്നതിനൊപ്പം സത്യസന്ധതയും ആത്മാര്‍ഥതയും പുലര്‍ത്തണം. ജോലി ചെയ്യുന്ന സ്ഥാപനത്തിന്റെ പുരോഗതിക്കായി പ്രവര്‍ത്തിക്കാന്‍ കഴിയണം. ഇങ്ങനെയുള്ള ഒരാളെ ഒരു സ്ഥാപനവും പിരിച്ചു വിടില്ല. എത്ര ലക്ഷം രൂപ ശമ്പളം വേണമെന്നു പറഞ്ഞാലും അവര്‍ തരും. സ്ഥാപനത്തിന്റെ അവിഭാജ്യ ഘടകമാണെന്ന് ബോധ്യപ്പെടുത്താന്‍ ഉദ്യോഗാര്‍ഥികള്‍ക്കു കഴിയണമെന്നും മന്ത്രി പറഞ്ഞു. വിദ്യാഭ്യാസം കേവലമായ അറിവു പകരല്‍ മാത്രമല്ല, മൂല്യബോധമുള്ളവരായി സമൂഹം എന്തെന്ന് മനസിലാക്കി വളരുന്നിടത്ത് കുട്ടികളെ പരിശീലിപ്പിക്കുന്നതാണെന്ന് യോഗത്തില്‍ അധ്യക്ഷത വഹിച്ച ജലവിഭവ വകുപ്പ് മന്ത്രി മാത്യു ടി തോമസ് പറഞ്ഞു. അപ്രിയമായ ചില സത്യങ്ങള്‍ ചില സമയങ്ങളില്‍ ഭരണാധികാരികള്‍ക്ക് പറയേണ്ടി വരും. അപ്രിയമായ സത്യങ്ങള്‍ പറയുമ്പോള്‍ ഉണ്ടാകാവുന്ന ഭവിഷ്യത്തുകള്‍ ഭയപ്പെട്ടു നില്‍ക്കുന്നവര്‍ ഭരണാധികാരികള്‍ അല്ല. പ്രളയവുമായി ബന്ധപ്പെട്ട് സംസ്ഥാനത്തുണ്ടായ വിപത്തിനെ അതിജീവിക്കാന്‍ എല്ലാവരും ഒരുമിച്ചു നില്‍ക്കണമെന്നു പറഞ്ഞപ്പോള്‍ വിദ്യാഭ്യാസ മേഖലയില്‍ നിന്നുണ്ടായ ചില വിപരീതമായ അഭിപ്രായ പ്രകടനങ്ങളെ മുന്‍പിന്‍ നോക്കാതെ അതിനോടു പ്രതികരിക്കാന്‍ മന്ത്രി കെ.റ്റി. ജലീല്‍ കാണിച്ച ആര്‍ജവത്തെ അഭിനന്ദിക്കുന്നു. ഈ നാടിനുണ്ടായ വിപത്ത് എന്ത് എന്നത് ആദ്യം ഉള്‍ക്കൊള്ളേണ്ടത് വിദ്യാഭ്യാസ മേഖലയാണ് എന്ന് അദ്ദേഹം തുറന്നു പറഞ്ഞു. ഐഎച്ച്ആര്‍ഡിയുടെ മല്ലപ്പള്ളിയിലെ കോളജിനും സ്‌കൂളിനും സ്വന്തം കെട്ടിടം ഉള്‍പ്പെടെ നിലനിര്‍ത്തി കിട്ടാന്‍ ആവശ്യമായ ഇടപെടല്‍ ഉന്നതവിദ്യാഭ്യാസ വകുപ്പ് മന്ത്രിയുടെയും ഐഎച്ച്ആര്‍ഡിയുടെയും ഭാഗത്തു നിന്ന് ഉണ്ടാകണമെന്നും മന്ത്രി അഭ്യര്‍ഥിച്ചു.

ആന്റോ ആന്റണി എംപി, ജില്ലാ പഞ്ചായത്ത് പ്രസിഡന്റ് അന്നപൂര്‍ണദേവി, ഐഎച്ച്ആര്‍ഡി ഡയറക്ടര്‍ ഡോ. പി. സുരേഷ് കുമാര്‍, മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ശോശാമ്മ തോമസ്, ജില്ലാ പഞ്ചായത്തംഗം റജി തോമസ്, കല്ലൂപ്പാറ ഗ്രാമപഞ്ചായത്ത് പ്രസിഡന്റ് റജി ചാക്കോ, ബ്ലോക്ക് പഞ്ചായത്തംഗം മനുഭായി മോഹന്‍, ഗ്രാമപഞ്ചായത്തംഗം മോളിക്കുട്ടി ഷാജി, ചെങ്ങന്നൂര്‍ എന്‍ജിനിയറിംഗ് കോളജ് പ്രിന്‍സിപ്പല്‍ ഡോ.വി. ജേക്കബ് തോമസ്, പിടിഎ പ്രസിഡന്റ് സാബു തോമസ്, ജല അതോറിറ്റി ബോര്‍ഡ് അംഗം അലക്‌സ് കണ്ണമല, കോളജ് സ്ഥാപക കമ്മിറ്റി പ്രസിഡന്റ് സി.കെ. മോഹനന്‍ നായര്‍, കോളജ് സെനറ്റ് ചെയര്‍മാന്‍ യദു കൃഷ്ണന്‍, രാഷ്ട്രീയ പാര്‍ട്ടി പ്രതിനിധികളായ ബിനു വര്‍ഗീസ്, പ്രസാദ് ജോര്‍ജ്, ബാബു പാലയ്ക്കല്‍, കെ.ഇ. അബ്ദുള്‍ റഹ്മാന്‍, ജെയിംസ് വര്‍ഗീസ്, എം.ഡി. ദിനേശ് കുമാര്‍, രാജന്‍ വരിക്കപ്ലാംമൂട്ടില്‍, ജോസ് കുറഞ്ഞൂര്‍, വാളകം ജോണ്‍, കോളജ് പ്രിന്‍സിപ്പല്‍ ഡോ.ജെ.ദീപ തുടങ്ങിയവര്‍ പ്രസംഗിച്ചു. നബാര്‍ഡ് ആര്‍ഐഡിഎഫ് പദ്ധതിയില്‍ ഉള്‍പ്പെടുത്തി 4,07,88,260 രൂപ ചെലവഴിച്ചാണ് 10,646 ചതുരശ്ര അടി വിസ്തീര്‍ണമുള്ള മൂന്നു വീതം നിലകളിലായി ആകെ 31,940 ചതുരശ്ര അടി വരുന്ന പുതിയ അക്കാദമിക് ബ്ലോക്ക് നിര്‍മിച്ചത്. പൊതുമരാമത്ത് കെട്ടിടവിഭാഗത്തിന്റെ മേല്‍നോട്ടത്തിലായിരുന്നു നിര്‍മാണം.

The post സര്‍വകലാശാലകളുടെ തുല്യതാ സര്‍ട്ടിഫിക്കറ്റ് നിര്‍ത്തലാക്കും: മന്ത്രി കെ.ടി. ജലീല്‍ appeared first on Valanchery Online.

മലപ്പുറം ജില്ലയിലെ കോളേജുകളിൽ പുതിയ കോഴ്സുകൾ അനുവദിച്ച് ഉത്തരവായി

വളാഞ്ചേരിക്കാരൻ — Sun, 07 Oct 2018 00:02:01 +0000

മലപ്പുറം ∙ വാദപ്രതിവാദങ്ങൾക്കൊടുവിൽ ജില്ലയിലെ 3 സർക്കാർ കോളജുകളിലും പുതിയ ബിരുദ, ബിരുദാനന്തര ബിരുദ കോഴ്സുകൾ അനുവദിച്ചു കൊണ്ടുള്ള സർക്കാർ ഉത്തരവിറങ്ങി. ഈ അധ്യയനവർഷം തന്നെ ക്ലാസുകൾ ആരംഭിക്കും. ‍‌‌ പെരിന്തൽമണ്ണ പിടിഎം ഗവ. കോളജിൽ എംഎസ്‍സി ഫിസിക്സ് (12 സീറ്റുകൾ), ബിഎസ്‍സി കെമിസ്ട്രി (30 സീറ്റ്), കൊണ്ടോട്ടി ഗവ. കോളജിൽ എംഎ ഇംഗ്ലിഷ് (20 സീറ്റ്), എംഎസ്‍സി മാത്‍സ് (12 സീറ്റ്), മലപ്പുറം ഗവ. കോളജിൽ എംഎ ഹിസ്റ്ററി (20 സീറ്റ്), എംഎസ്‍സി ഫിസിക്സ് (12 സീറ്റ്) എന്നീ കോഴ്സുകൾ ആരംഭിക്കാനാണ് അനുമതി നൽകിയത്.

ജില്ലയിലെ കോളജുകളിൽ പുതിയ ബിരുദ, പിജി കോഴ്സുകൾ അനുവദിച്ചെന്ന പ്രഖ്യാപനം കഴിഞ്ഞ സെപ്റ്റംബർ 1ന് ആണ് മന്ത്രി കെ.ടി.ജലീൽ നടത്തിയത്. എന്നാൽ കോളജ് യൂണിയൻ തിരഞ്ഞെടുപ്പ് മുന്നിൽകണ്ടുള്ള പാഴ്പ്രഖ്യാപനം മാത്രമാണിതെന്നായിരുന്നു എംഎസ്എഫ്, കെഎസ്‌യു തുടങ്ങിയ വിദ്യാർഥി സംഘടനകളുടെ ആരോപണം. കഴിഞ്ഞ ജൂലൈയി‍ൽ സംസ്ഥാനത്തെ വിവിധ കോളജുകളിൽ പുതിയ കോഴ്സുകൾ ഉന്നതവിദ്യാഭ്യാസ വകുപ്പ് അനുവദിച്ചിരുന്നു. ഏറ്റവും കൂടുതൽ വിദ്യാർഥികൾ പഠിക്കുന്ന ജില്ലയിൽ കോഴ്സുകൾ ഒന്നും അനുവദിച്ചില്ലെന്ന വിമർശനങ്ങൾക്കിടെയായിരുന്നു കെ.ടി.ജലീലിന്റെ പ്രഖ്യാപനം.

The post മലപ്പുറം ജില്ലയിലെ കോളേജുകളിൽ പുതിയ കോഴ്സുകൾ അനുവദിച്ച് ഉത്തരവായി appeared first on Valanchery Online.

സൗജന്യ നൈപുണ്യ പരിശീലനത്തിലൂടെ തൊഴിലുറപ്പാക്കൽ: ജൂൺ-ജൂലൈ മാസങ്ങളിൽ ആരംഭിക്കുന്ന കോഴ്‌സുകളിലേക്ക് അപേക്ഷകൾ ക്ഷണിക്കുന്നു

വളാഞ്ചേരിക്കാരൻ — Sat, 09 Jun 2018 14:56:21 +0000

വളാഞ്ചേരി: ഭാരത സർക്കാറിന്റെ പാർപ്പിട നഗരദാരിദ്ര്യ നിർമ്മാർജ്ജന മന്ത്രാലയത്തിന്റെ സഹായത്തോടെ സംസ്ഥാന നഗരകാര്യ വകുപ്പ്‌ കുടുംബശ്രീ മിഷൻ വഴി നടപ്പിലാക്കുന്ന ദേശീയ നഗര ഉപജീവന മിഷൻ (NULM) പദ്ധതിയുടെ ഭാഗമായി സംഘടിപ്പിക്കുന്ന സൗജന്യ കൊഴ്സുകളിലേക്ക് അപേക്ഷകൾ ക്ഷണിക്കുന്നു.
കോഴ്സുകളും യോഗ്യതയും
1. അക്കൗണ്ട്സ്‌ അസിസ്റ്റന്റ്‌ യൂസിംഗ്‌ ടാലി
യോഗ്യത: പ്ലസ്‌ടു കൊമേഴ്സ്‌,
വയസ്സ്‌: 18 -36)
കാലാവധി : 3 മാസം
വളാഞ്ചേരി കേന്ദ്രത്തിൽ Non Residential course.

2) ജനറൽ ഡ്യൂട്ടി അസിസ്റ്റന്റ്‌ (നഴ്‌സിംഗ്‌ അസിസ്റ്റന്റ്‌)
@ HLFPPT Training Centre, പെരിന്തൽമണ്ണ.
യോഗ്യത: SSLC
പ്രായപരിധി: 18 – 35 വയസ്സ്‌.
കാലാവധി : 3 മാസം.

3. ഓട്ടോമോട്ടീവ്‌ സർവ്വീസ്‌ മെക്കാനിക്ക്‌ (ഫോർവീലർ & ടൂവീലർ)
ജെ.എസ്‌.എസ്‌ നിലമ്പൂർ, തലശ്ശേരി കേന്ദ്രത്തിൽ വെച്ച്‌.
(Residential)
യോഗ്യത: ഐ.ടി.ഐ/ഡിപ്ലോമ
വയസ്സ്‌: 18 – 32
ഫോൺ: 04931221979, 8304935854

4. എ.സി മെക്കാനിക്ക്‌
ജെ.എസ്‌.എസ്‌ ബാഗ്ലൂർ കേന്ദ്രത്തിൽ വെച്ച്‌.
(Residential)
യോഗ്യത: ഐ.ടി.ഐ/ഡിപ്ലോമ/എസ്‌.എസ്‌.എൽ.സി
വയസ്സ്‌: 18 – 32
ഫോൺ: 04931221979, 8304935854

5. CCTV ടെക്നീഷ്യൻ
യോഗ്യത: എസ്‌.എസ്‌.എൽ.സി പാസ്സായിരിക്കണം
വയസ്സ്‌: 18-30
(കോട്ടക്കൽ കേന്ദ്രത്തിൽ വെച്ച്‌)
(Non Residential)

6. ആയുർവേദ സ്‌പാ തെറാപ്പി
യോഗ്യത: പത്താം തരം വിജയിക്കണം.
വയസ്സ്‌: 18-36
കോട്ടക്കലിൽ വെച്ച്‌ റസിഡൻഷ്യൽ
Residential @ CEEG Kottakkal
Ph: 8592921144, 8592921188.

7. അക്കൗണ്ടിംഗ്‌
യോഗ്യത: ബീകോം ബിരുദം,
വയസ്സ്‌: 18 – 36
മഞ്ചേരി ടെക്നോവേവ്‌ കമ്പ്യൂട്ടർ കേന്ദ്രത്തിൽ വെച്ച്‌.
Ph: 9995989922
(Non Residential)

8. സൈബർ സെക്ക്യൂരിറ്റി അനലിസ്റ്റ്‌
യോഗ്യത : ഡിഗ്രി / ഡിപ്ലോമ
റസിഡൻഷ്യൽ
മഅദിൻ പോളിടെക്‌നിക്‌ കോളേജ്, മലപ്പുറം.
കാലാവധി : 3 മാസം
Ph: 9567670369, 9526929444

9. വെബ് ഡെവലപ്പർ/ ഡിസൈനർ
യോഗ്യത : പ്ലസ്‌ ടു
റസിഡൻഷ്യൽ
മഅദിൻ പോളിടെക്‌നിക്‌ കോളേജ്, മലപ്പുറം.
Ph: 9567670369, 9526929444
കാലാവധി : 3 മാസം

10. ഓട്ടോമേഷൻ സ്‌പെഷ്യലിസ്റ് (Subject to Affliation of ASDC)
യോഗ്യത : ബി ടെക് / ഡിപ്ലോമ – Industrial / Electrical / Electronics
റസിഡൻഷ്യൽ
മഅദിൻ പോളിടെക്‌നിക്‌ കോളേജ്, മലപ്പുറം.
Ph: 9567670369, 9526929444
കാലാവധി : 3 മാസം

11. CNC ഓപ്പറേറ്റർ
യോഗ്യത: എസ്‌.എസ്‌.എൽ.സി പാസ്സായിരിക്കണം
വയസ്സ്‌: 18-30
എൻ.ടി.ടി.എഫ്‌ മലപ്പുറം കേന്ദ്രത്തിൽ വെച്ച്‌.
(Residential)
Ph: 9496295253, 8606190101

12. കമ്പ്യൂട്ടർ ഹാർഡ്‌വേയർ അസിസ്‌റ്റന്റ്‌
യോഗ്യത: SSLC/Plus Two
വയസ്സ്‌: 18-36
കോട്ടക്കൽ, തിരൂർ കേന്ദ്രങ്ങളിൽ വെച്ച്‌ നോൺ റസിഡൻഷ്യൽ
Non Residential @ CEEG Kottakkal
Ph: 8592921144, 8592921188.

എന്നാൽ തിരുവനന്തപുരം, കൊച്ചി, കോഴിക്കോട്‌ തുടങ്ങിയ കേന്ദ്രങ്ങളിൽ ധാരാളം റസിഡ്നഷ്യൽ കോഴ്സുകൾ നടക്കുന്നുണ്ട്‌.
മെഡിക്കൽ റെക്കോർഡ്‌ കീപ്പിംഗ്‌, അസിസ്റ്റന്റ്‌ ഫിസിയോ തെറാപിസ്റ്റ്‌, കെമിസ്റ്റ്‌ ലാബ്‌, അസിസ്റ്റന്റ്‌ ഓപ്പറേറ്റർ പ്ലാസ്റ്റിക്‌ മോൾഡിംഗ്‌, ആർക്ക്‌ & ഗ്യാസ്‌ വെൽഡർ, ടിക്കറ്റ്‌ കൺസൾട്ടന്റ്‌, മൾട്ടി കുസിൻ കുക്ക്‌, പ്ലംബിംഗ്‌ ടെക്നീഷ്യൻ, അസിസ്റ്റന്റ്‌ ഇലക്ട്രീഷ്യൻ, അസിസ്റ്റന്റ്‌ സർവെയർ, ഡ്രാഫ്റ്റ്‌സ്‌മാൻ 2 D ഓട്ടോ കാഡ്‌, ജൂനിയർ സോഫ്റ്റ്‌വെയർ ഡെവലപ്പർ, റിപ്പയർ & മെയിന്റനൻസ്‌ ഓഫ്‌ ഡൊമസ്റ്റിക്ക്‌ ഇലക്ട്രോണിക് അപ്ലയൻസസ്‌, ഫിറ്റർ മെക്കാനിക്കൽ, സ്പ്ലിറ്റ്‌ എ.സി മെക്കാനിക്ക്‌ എന്നീ കോഴ്സുകളിൽ ചേർന്ന് പഠിക്കാം.
താമസ ഭക്ഷണ സൗകര്യങ്ങളുൾപ്പെടെ കോഴ്സ് പൂർണ്ണമായും സൗജന്യം.
നോൺ റസിഡൻഷ്യൽ കോഴ്സിൽ പങ്കെടുത്ത്‌ വിജയകരമായി പരിശീലനം പൂർത്തിയാക്കുന്നവർക്ക്‌ പ്രതിമാസം 1000/- രൂപ യാത്രാപടിയും ലഭിക്കും.
റേഷൻ കാർഡ് പ്രകാരം 50000/- രൂപയിൽ താഴെ വാർഷിക വരുമാനമുള്ള നഗരസഭയിലെ സ്ഥിര താമസക്കാരായ യുവതീ – യുവാക്കൾക്ക് കോഴ്സിന്‌ ‌ അപേക്ഷിക്കാം.
അപേക്ഷ ഫോറം വളാഞ്ചേരി നഗരസഭ എൻ.യു.എൽ.എം ഓഫീസിൽ നിന്നോ അല്ലെങ്കിൽ കുടുംബശ്രീ സി.ഡി.എസ്‌ ഓഫീസിൽ നിന്നോ ലഭിക്കും.
അഡ്മിഷന്‌ ആവശ്യമായ രേഖകൾ
1) ആധാർ കാർഡ്‌ പകർപ്പ്
2) യോഗ്യതാ സർട്ടിഫിക്കറ്റിന്റെ പകർപ്പ്‌
3) റേഷൻ കാർഡിന്റെ പകർപ്പ്‌
4) പാസ്‌പോർട്ട്‌ സൈസ്‌ ഫോട്ടൊ
5) ബാങ്ക്‌ പാസ് ബുക്കിന്റെ പകർപ്പ്‌.
കൂടുതൽ വിവരങ്ങൾ അറിയുന്നതിനായി വളാഞ്ചേരി നഗരസഭയിലെ എൻ.യു.എൽ.എം ഓഫീസിൽ ബന്ധപ്പെടാവുന്നതാണ്‌.

The post സൗജന്യ നൈപുണ്യ പരിശീലനത്തിലൂടെ തൊഴിലുറപ്പാക്കൽ: ജൂൺ-ജൂലൈ മാസങ്ങളിൽ ആരംഭിക്കുന്ന കോഴ്‌സുകളിലേക്ക് അപേക്ഷകൾ ക്ഷണിക്കുന്നു appeared first on Valanchery Online.