പെരുമ്പടപ്പ് സ്വദേശി എന്‍. ഹൈദ്രോസ്, കോലളമ്പ് സ്വദേശികളായ പി. അബ്ദുള്ള, എ. ഹസ്സന്‍, പി. ഹമീദ്, കെ.വി. സിദ്ദിഖ്, സി.വി. അഷ്‌റഫ്, എറവക്കാട് സ്വദേശി ഇ. സക്കീര്‍ ഹുസൈന്‍ എന്നിവരുടെയും കുടുംബാംഗങ്ങളുടെയും ഭൂമിയും കെട്ടിടങ്ങളും ഉള്‍പ്പെടെ 37 സ്ഥലങ്ങളിലെ വിവിധ സ്വത്തുക്കളാണ് പിടിച്ചെടുത്തത്. രണ്ട് ബാങ്കുകളിലുണ്ടായിരുന്ന ഒരു കോടി രൂപയുടെ നിക്ഷേപവും കണ്ടുകെട്ടി.

കേന്ദ്രസര്‍ക്കാരിന്റെ കള്ളപ്പണം വെളുപ്പിക്കല്‍ തടയല്‍ നിയമപ്രകാരമാണ് നടപടി. തൃശ്ശൂര്‍ ആസ്ഥാനമായുള്ള സ്വകാര്യ ബാങ്കിലും ഒരു ദേശസാത്കൃത ബാങ്കിലുമായിരുന്നു നിക്ഷേപമുണ്ടായിരുന്നത്.

മലപ്പുറത്തെ വിവിധ പോലീസ് സ്റ്റേഷനുകളിലുള്ള 2002 മുതല്‍ 2009 വരെയുള്ള കേസുകളിലാണ് നടപടി. വളാഞ്ചേരി കുറ്റിപ്പുറം സ്വദേശി ഖലീലുല്‍ റഹ്മാന്‍, കോലളമ്പ് സ്വദേശി ഹംസക്കുട്ടി, പരപ്പനങ്ങാടിയിലെ മുഹമ്മദ് ഇക്ബാല്‍ തുടങ്ങി 30ഓളം പേരാണ് പരാതി നല്‍കിയിരുന്നത്. മലപ്പുറം ക്രൈംബ്രാഞ്ച് സി.ഐ.ഡി. സബ് യൂണിറ്റാണ് കേസ് അന്വേഷിച്ചിരുന്നത്. മലപ്പുറം, തൃശ്ശൂര്‍ ജില്ലകളിലെ പ്രവാസിമലയാളികളാണ് തട്ടിപ്പിനിരയായത്.

The post വളാഞ്ചേരി സ്വദേശികളെ വഞ്ചിച്ച് 132 കോടി രൂപ തട്ടിയെടുത്ത പ്രതികളുടെ സ്വത്തുവകകള്‍ കണ്ടുകെട്ടി appeared first on Valanchery Online.