cleaned Archives - Valanchery Online

സാമൂഹികവിരുദ്ധർ വലിച്ചെറിഞ്ഞ മാലിന്യം നീക്കംചെയ്ത് ക്ലാസിക് ക്ലബ് മൂച്ചിക്കൽ

Basith Vakkarath — Mon, 22 Aug 2022 05:40:57 +0000

വളാഞ്ചേരി : ദേശീയപാത ഓണിയിൽ പാലത്തിന് സമീപം സാമൂഹികവിരുദ്ധർ വലിച്ചെറിഞ്ഞ മാലിന്യം നീക്കം ചെയ്തും പരിസര പ്രദേശം ശുചീകരിച്ചും മൂച്ചിക്കൽ ക്ലാസിക് ക്ലബ് പ്രവർത്തകർ മാതൃകയായി.
പുൽക്കാടുകൾ വളർന്നു കിടന്നിരുന്ന പ്രദേശത്ത് വ്യാപകമായി മാലിന്യം നിക്ഷേപിച്ചിരുന്നു. ഇത് കാരണം പ്രദേശത്ത് രൂക്ഷമായ ദുർഗന്ധവും തെരുവ് നായകളുടെ ശല്യവും രൂക്ഷമായിരുന്നു. ഇതേ തുടർന്ന് ഇന്നലെയാണ് ക്ലാസിക് ക്ലബ് പ്രവർത്തകർ പരിസരം വൃത്തിയാക്കാനിറങ്ങിയത്, ഇവർക്ക് പിന്തുണയുമായി നഗരസഭാ ചെയർമാൻ അഷ്റഫ് അമ്പലത്തിങ്ങലും വാർഡ് കൗൺസിലർ തസ്ലീമ നദീറും കൂടെയുണ്ടായിരുന്നു.
പ്രദേശത്ത് ചെടികൾ വെച്ച് പിടിപ്പിച്ചും ഇരിപ്പിടം സ്ഥാപിച്ചും മനോഹരമാക്കാനാണ് പ്രവർത്തകരുടെ തീരുമാനം. പ്രവർത്തികളുടെ ഉദ്ഘാടനം നഗരസഭ ചെയർമാൻ അഷ്റഫ് അമ്പലത്തിങ്ങൽ നിർവഹിച്ചു.
ക്ലാസിക് ക്ലബ് ഭാരവാഹികളായ പ്രസിഡന്റ് സനാഫ് പാറമ്മൽ, ട്രഷറർ കെ.പി.ജിഷാദ് മുത്തു, കമ്മിറ്റി ഭാരവാഹികളായകെ പി.സഹിഫ്, ഇൻഷാദ്ബാബു, പി.അഷ്റഫ്,വിനീത്, പി.അസറുദ്ദീൻ, നൗഫൽ, എം.കെ.അയ്യൂബ് തുടങ്ങിയവർ നേതൃത്വം നൽകി.

The post സാമൂഹികവിരുദ്ധർ വലിച്ചെറിഞ്ഞ മാലിന്യം നീക്കംചെയ്ത് ക്ലാസിക് ക്ലബ് മൂച്ചിക്കൽ appeared first on Valanchery Online.

പൈങ്കണ്ണൂർ ഗവ. യു.പി. സ്കൂളിൽ അണുനശീകരണം നടത്തി വ്യാപാരി വ്യവസായി ഏകോപനസമിതി യൂത്ത്‌വിങ് വളാഞ്ചേരി യൂണിറ്റ്

വളാഞ്ചേരിക്കാരൻ — Thu, 28 Oct 2021 01:05:03 +0000

വളാഞ്ചേരി: കോവിഡ് മഹാമാരിക്ക് ശേഷം തുറന്ന് പ്രവര്‍ത്തിക്കുന്ന സര്‍ക്കാര്‍ വിദ്യാലയങ്ങളില്‍ അണു നശീകരണം നടത്തുന്നതിന്റെ ഭാഗമായി വളാഞ്ചേരി മുനിസിപ്പാലിറ്റിയിലെ പൈങ്കണ്ണൂര്‍ ജി.യു.പി സ്‌കൂള്‍ കേരള വ്യാപാരി വ്യവസായി ഏകോപന സമിതി യൂത്ത് വിങ് വളാഞ്ചേരി യൂണിറ്റിന്റെ നേതൃത്വത്തില്‍ അണുനശീകരണം നടത്തി. യൂണിറ്റ് പ്രസിഡണ്ട് ടി എം പത്മകുമാര്‍ ഉല്‍ഘാടനം നിര്‍വ്വഹിച്ചു.യൂണിറ്റ് സെക്രട്ടറി കെ മുഹമ്മദലി, ഹെഡ്മിസ്ട്രസ് മീര ,ഷാജഹാന്‍ എന്ന മണി, മെഹബൂബ് തോട്ടത്തില്‍,അലി നിള, റിയാസ് കാമ്പസ്,ലത്തീഫ് വോള്‍ഗ, സുധീര്‍ ലാല്‍, അഫ്‌നാസ് തുടങ്ങിയവര്‍ നേതൃത്വം നല്‍കി.

The post പൈങ്കണ്ണൂർ ഗവ. യു.പി. സ്കൂളിൽ അണുനശീകരണം നടത്തി വ്യാപാരി വ്യവസായി ഏകോപനസമിതി യൂത്ത്‌വിങ് വളാഞ്ചേരി യൂണിറ്റ് appeared first on Valanchery Online.

എസ്.വൈ.എസ് വളാഞ്ചേരി സോൺ കമ്മിറ്റിയുടെ അഭിമുഖ്യത്തിൽ കൊട്ടാരം വലിയ കുളം ശുചീകരിച്ചു

വളാഞ്ചേരിക്കാരൻ — Tue, 06 Apr 2021 15:34:46 +0000

വളാഞ്ചേരി: നാടും നഗരവും തെരഞ്ഞെടുപ്പ് ചൂടിൽ മുഴുകിയപ്പോൾ ജീവന്റെ തുടിപ്പായ ജലം ശുജ്ജീകരിക്കുന്ന തിരക്കിലാണ് എസ് വൈ എസ് പ്രവർത്തകർ. ജലമാണ് ജീവൻ എന്ന പ്രമേയത്തിൽ എസ്.വൈ.എസ് വളാഞ്ചേരി സോൺ കമ്മിറ്റിയുടെ അഭിമുഖ്യത്തിലാണ് കൊട്ടാരം വലിയ കുളം ശുചീകരിച്ചത്. പ്രദേശത്തെ ആളുകൾ ഏറെ ആശ്രയിച്ചിരുന്ന വലിയകുളം പായലുകളും ചെളിയും നിറഞ്ഞതിനെ തുടർന്നാണ് എസ്.വൈ.എസ് പ്രവർത്തകർ വലിയകുളം ശുചീകരിച്ചത്. വളാഞ്ചേരി സോൺ എസ്.വൈ.എസ് നേതാക്കളായ വി അബൂബക്കർ അഹ്സനി, വി നാസർ കാളിയാല, എം പി ശംസുദ്ധീൻ, പി ഷറഫുദീൻ മങ്കേരി, കുഞ്ഞീത് സി പി, സയ്യിദ് സലാഹുദ്ധീൻ സഖാഫി, ശുകൂർ സഖാഫി, യൂസഫ് സി പി, യൂനസ് കെ പി, ഷിഹാബുദീൻ സഅദി, പി എം അബ്ദു സമദ് തുടങ്ങിയവർ നേതൃത്വം നൽകി.

The post എസ്.വൈ.എസ് വളാഞ്ചേരി സോൺ കമ്മിറ്റിയുടെ അഭിമുഖ്യത്തിൽ കൊട്ടാരം വലിയ കുളം ശുചീകരിച്ചു appeared first on Valanchery Online.

ഗാന്ധിജയന്തി ദിനത്തോടനുബന്ധിച്ച് ശുചീകരണം നടത്തി പൂക്കാട്ടിരി ഐ.ആർ.എച്ച്.എസ്.എസ് എൻ. എസ്. എസ് വളണ്ടിയർമാർ

വളാഞ്ചേരിക്കാരൻ — Thu, 03 Oct 2019 04:48:19 +0000

എടയൂർ: പൂക്കാട്ടിരി ഐ ആർ എച്ച് എസ് എസ് എൻ എസ് എസ് യൂണിറ്റിന് കീഴിൽ ഗാന്ധിജയന്തി ദിനത്തോടനുബന്ധിച്ച് എൻ.എസ്.എസ് വളണ്ടിയർമാർ എടയൂർ പതിനൊന്നാം വാർഡ് ടി ടി പടി – മൂന്നാക്കൽ റോഡ് ശുചീകരണം നടത്തി.വാർഡ് മെമ്പർ സാബിറ വിപി ശുചീകരണ പ്രവർത്തനങ്ങൾ ഉദ്ഘാടനം ചെയ്തു.

എൻഎസ്എസ് വളാഞ്ചേരി ക്ലസ്റ്റർ പി എ സി അംഗം ഷാഹിന എം വി മുഖ്യാതിഥിയായി പ്രവർത്തനങ്ങൾ വിലയിരുത്തി. പതിനൊന്നാം വാർഡ് ആശാവർക്കർ റംല കെ മാധ്യമപ്രവർത്തകൻ ഖാലിദ് തൊട്ടിയാൻ
പ്രിൻസിപ്പാൾ വി ഹിഷാം, ഹെഡ്മാസ്റ്റർ അബ്ദുൽമജീദ്, സാമൂഹ്യ പ്രവർത്തകൻ അനീസ് വി പി എന്നിവർ പങ്കെടുത്തു. പ്രോഗ്രാം ഓഫീസർ കെ. അബ്ദു സമദ് പ്രവർത്തനങ്ങൾക്ക് നേതൃത്വം നൽകി.

The post ഗാന്ധിജയന്തി ദിനത്തോടനുബന്ധിച്ച് ശുചീകരണം നടത്തി പൂക്കാട്ടിരി ഐ.ആർ.എച്ച്.എസ്.എസ് എൻ. എസ്. എസ് വളണ്ടിയർമാർ appeared first on Valanchery Online.

അധികാരികൾ കയ്യൊഴിഞ്ഞു; യൂത്ത് ലീഗ് പ്രവര്‍ത്തകര്‍ കമ്മുട്ടിക്കുളം ശുചീകരിച്ചു

വളാഞ്ചേരിക്കാരൻ — Mon, 24 Sep 2018 22:52:29 +0000

വളാഞ്ചേരി: വളാഞ്ചേരി നഗരസഭയിലെ പതിനൊന്നാം വാര്‍ഡില്‍ സ്ഥിതി ചെയ്യുന്ന പൊതുകുളമായ കമ്മുട്ടിക്കുളത്തിനോട് കാലങ്ങളായി അധികാരികൾ കാണിക്കുന്ന അവഗണനയിൽ പ്രതിഷേധിച്ചു യൂത്ത് ലീഗ് പ്രവര്‍ത്തകരുടെ നേതൃത്വത്തില്‍ കുളം ശുചീകരിച്ചു.

മുൻപ് പ്രദേശത്തെ നിരവധി കുടുംബങ്ങള്‍ ആശ്രയിച്ചിരുന്ന കമ്മുട്ടിക്കുളം കാട് കെട്ടിയും മാലിന്യം നിറഞ്ഞും ഉപയോഗ ശൂന്യമായി കിടക്കുകയായിരുന്നു. റോഡിനോട് അടുത്ത് നില്‍ക്കുന്ന കുളമായത് കൊണ്ട് തന്നെ രാത്രിയുടെ മറവില്‍ മാലിന്യം തള്ളുന്നതും നിത്യ സംഭവമായിരിന്നു.

നഗരസഭയുടെ കീഴിലുള്ള കുളത്തിന്റെ പരിസരത്ത് കൈവരി സ്ഥാപിക്കാനോ ജനങ്ങള്‍ക്ക് ഉപയോഗ പ്രഥമാകുംവിധം കുളം നവീകരിക്കാനോ തയ്യാറാവാത്തബന്ധപ്പെട്ടവരുടെ നടപടിയില്‍ പ്രതിഷേധിച്ചാണ് കൊളമംഗലം മേഖല മുസ്ലിം യൂത്ത് ലീഗ് പ്രവര്‍ത്തകരുടെ നേതൃത്വത്തില്‍ കുളം ശുചീകരിച്ചത്.

വരും ദിവസങ്ങളില്‍ കുളത്തിന്റെ പരിസരത്ത് ചെടികള്‍ വെച്ച് പിടിപ്പിക്കുമെന്നും മുസ്ലിം യൂത്ത് ലീഗ് പ്രവര്‍ത്തകര്‍ പറഞ്ഞു. കൊളമംഗലം മേഖല മുസ്ലിം യൂത്ത് ലീഗ് പ്രവര്‍ത്തകരായ റബീഹ്.പി.ടി, റാഷിദ്.പി.ടി, മുഹമ്മദ് സാലിഹ്, നിസാം പെരിവന്‍കുഴിയില്‍, സഫ് വാന്‍.വി.പി, മുളമുക്കില്‍ മുസ്തഫ, മഷ്ഹൂര്‍, സുലൈമാന്‍.സി.കെ, നൗഷാദ്.സി എന്നിവര്‍ ശുചീകരണ പ്രവൃത്തനങ്ങള്‍ക്ക് നേതൃത്വം നല്‍കി.

The post അധികാരികൾ കയ്യൊഴിഞ്ഞു; യൂത്ത് ലീഗ് പ്രവര്‍ത്തകര്‍ കമ്മുട്ടിക്കുളം ശുചീകരിച്ചു appeared first on Valanchery Online.

ഒടുവിൽ ഗെയ്ൽ അധികൃതർ എത്തി; ഇല്ലത്ത്പടി തോട് പൂർവ്വ സ്ഥിതിയിലാക്കി

വളാഞ്ചേരിക്കാരൻ — Fri, 01 Jun 2018 02:58:51 +0000

വെണ്ടല്ലൂർ: നാട്ടുകാരുടെയും സാമൂഹ്യ പ്രവർത്തകരുടെയും പ്രതിഷേധം ഫലം കണ്ടു. തത്ഫലമായി ഗെയ്ൽ അധികൃതർ സ്ഥലം സന്ദർശിക്കുകയും മണ്ണിട്ട് നികത്തി റോഡാക്കിയ ഇല്ലത്ത്പടി തോടിനെ മണ്ണ് നീക്കി പൂർവ്വ സ്ഥിതിയിൽ ആക്കുകയും ചെയ്തു.

തോടിൽ മണ്ണിട്ട് നടത്തുന്ന പൈപ്പിടൽ പുരോഗമിക്കുന്നുണ്ടെങ്കിലും മഴക്കാലത്ത് ഇതുണ്ടാക്കാൻ ഇടയുള്ള പാരിസ്ഥിതിക പ്രശ്നങ്ങൾ ചൂണ്ടിക്കാട്ടി യു.ഡി.എഫ് നേതൃത്വത്തിൽ സ്ഥലത്ത് പ്രതിഷേധം ഉയർന്നിരുന്നു. ഇത്തരത്തിൽ പണി നീളുന്നത് പാടശേഖരത്തിനു ദോഷമാകുമെന്നും ഇത്തരം പാടങ്ങൾ പറമ്പായിമാറുമെന്നും ഇവർ ചൂണ്ടിക്കാട്ടി ഇവർ അധികാരികൾക്ക് പരാതി സമർപ്പിച്ചിരുന്നു.
ഇതേതുടർന്നാണ് അധികാരികൾ വന്നു വെള്ളത്തിന്റെ നീരൊഴുക്ക് ഗതി മാറ്റിയ തോട് താത്കാലികമായി പൂർവ്വസ്ഥിതിയിലാക്കി വരമ്പ് കെട്ടിയത്.

The post ഒടുവിൽ ഗെയ്ൽ അധികൃതർ എത്തി; ഇല്ലത്ത്പടി തോട് പൂർവ്വ സ്ഥിതിയിലാക്കി appeared first on Valanchery Online.