വൈരങ്കോട് ചെറിയ തീയാട്ടുത്സവം ആഘോഷിച്ചു

വളാഞ്ചേരിക്കാരൻ — Wed, 16 Feb 2022 01:21:48 +0000

തിരുനാവായ : വൈരങ്കോട് ഭഗവതീക്ഷേത്രത്തിൽ ചെറിയ തീയാട്ടുത്സവം ചൊവ്വാഴ്ച ആഘോഷിച്ചു. തിറ, പൂതൻ, കാട്ടാളൻ തുടങ്ങിയ വേഷങ്ങൾ കാഴ്ചവിരുന്നൊരുക്കി. വിവിധ ദേശങ്ങളിൽ നിന്നുള്ള ചെറിയ വരവുകളാണ് ചെറിയ തീയാട്ടുത്സവത്തിന്റെ പ്രത്യേകത. കോവിഡ് വ്യാപന പശ്ചാത്തലത്തിൽ ചടങ്ങുകൾ മാത്രമാണ് ക്ഷേത്രത്തിൽ നടന്നത്.

തെക്കൻ കുറ്റൂർ പറയത്ത് ജയരാജൻ വഴിപാടായി നൽകിയ വരിക്കപ്ലാവ് ബുധനാഴ്ച പുലർച്ചെ നടന്ന കനലാട്ടത്തിന് ഉപയോഗിച്ചു. മേലാപ്പുകെട്ടൽ, മേലരി കനാലാട്ടകുഴിയിൽ എത്തിക്കൽ, നെല്ലളവ്, പറ നിറയ്ക്കൽ, തീയാട്ട്‌ കൊള്ളൽ, തോറ്റംചൊല്ലൽ, കാവുതീണ്ടൽ, മേലരിക്കു തീ കൊളുത്തൽ, എഴുന്നള്ളിപ്പ്, ചുരികപിടിത്തം, കാട് കാണൽ എന്നിവ നടന്നു. വലിയ തീയാട്ട് വെള്ളിയാഴ്ച ആഘോഷിക്കും. കൽപ്പുഴമന തന്ത്രിമാർ പൂജകൾക്ക് കാർമികത്വം വഹിക്കും. കൽപ്പന, അരിയളവ് ചടങ്ങോടെ ഉത്സവം സമാപിക്കും.

The post വൈരങ്കോട് ചെറിയ തീയാട്ടുത്സവം ആഘോഷിച്ചു appeared first on Valanchery Online.

വൈരങ്കോട് ചെറിയ തിയ്യാട്ട് ഇന്ന്

വളാഞ്ചേരിക്കാരൻ — Tue, 18 Feb 2014 02:27:54 +0000

വൈരങ്കോട് ചെറിയ തിയ്യാട്ടുത്സവം ചൊവ്വാഴ്ച ആഘോഷിക്കും. പുലര്‍ച്ചെ നാലിന് നടതുറന്ന് തന്ത്രി കല്‍പ്പുഴ മനയ്ക്കല്‍ ശങ്കരന്‍ നമ്പൂതിരിപ്പാടിന്റെ കാര്‍മികത്വത്തില്‍ വിശേഷാല്‍ പൂജകള്‍ നടക്കും. വൈകീട്ട് നാലിനാണ് കൊടിവരവുകള്‍. തുടര്‍ന്ന് കനലാട്ടത്തിനായി മുറിച്ച വരിക്കപ്ലാവിന്റെ കഷണങ്ങള്‍ക്ക് തീകൊളുത്തും. ഞായറാഴ്ച രാത്രിയാണ് കനലാട്ടത്തിനുള്ള മരംമുറി നടന്നത്. തെക്കന്‍ കുറ്റൂരിലെ കോയാത്തുവടക്കേതില്‍ ഭാര്‍ഗവിയമ്മയുടെ വീട്ടുവളപ്പിലെ പ്ലാവാണ് ഇക്കുറി ചെറിയ തിയ്യാട്ടിന് ഉപയോഗിക്കുന്നത്.

The post വൈരങ്കോട് ചെറിയ തിയ്യാട്ട് ഇന്ന് appeared first on Valanchery Online.

cheriya theeyattu Archives - Valanchery Online

വൈരങ്കോട് ചെറിയ തീയാട്ടുത്സവം ആഘോഷിച്ചു

വൈരങ്കോട് ചെറിയ തിയ്യാട്ട് ഇന്ന്