center Archives - Valanchery Online

കൊപ്പം ഗരീബ് നവാസ് കൾച്ചറൽ സെന്റര്‍ ഉദ്‌ഘാടനം ചെയ്തു

വളാഞ്ചേരിക്കാരൻ — Tue, 13 Apr 2021 00:11:51 +0000

കൊപ്പം: കൊപ്പം ടൗണിൽ ഗരീബ് നവാസ് കൾച്ചറൽ സെന്റര്‍ ആരംഭിച്ചു. ഇന്ത്യന്‍ ഗ്രാൻഡ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ ഉദ്ഘാടനം ചെയ്തു. ഗരീബ് നവാസ് ഖാജാ മുഈനുദ്ദീൻ ചിശ്തി അജ്മീർ തങ്ങൾ വിദ്യാഭ്യാസ ജീവകാരുണ്യപ്രവർത്തനങ്ങൾക്ക് ഏറെ പ്രാധാന്യം നൽകിയ മഹനീയ വ്യക്തിയായിരുന്നു. ആ മഹാനുഭാവന്റെ നാമധേയത്തിൽ ഇവിടെ നടപ്പിലാക്കുന്ന സ്ഥാപനം പാവപ്പെട്ടവർക്ക് എന്നും അത്താണിയാവും. ഗരീബ് നവാസിന്റെ സേവന പാത നാമെല്ലാവരും പിൻപറ്റണം എന്നും കാന്തപുരം പറഞ്ഞു.

സമസ്ത കേന്ദ്ര മുശാവറ അംഗം മാരായമംഗലം അബ്ദുല്‍ റഹ്മാന്‍ ഫൈസി അധ്യക്ഷത വഹിച്ചു. ഷോപ്പിങ് മുറികളുടെ ഉദ്ഘാടനം പൊന്മള അബ്ദുൽ ഖാദിർ മുസ്ലിയാർ നിർവഹിച്ചു. ദ അവാ കോളജ് പുതിയ അഡ്മിഷൻ നൽകി കാന്തപുരം ഉദ്ഘാടനം ചെയ്തു. കെ ഉമർ മദനി. ഇ വി അബ്ദുറഹ്മാൻ, എം വി സിദ്ധീഖ് സഖാഫി, മുസ്തഫ ഹാജി തൂത, കെപിസിസി വൈസ് പ്രസിഡന്റ് സി പി മുഹമ്മദ്, മുഹമ്മദ് മുഹസിൻ എംഎൽഎ എന്നിവര്‍ പ്രസംഗിച്ചു. സ്ഥാപനം കേന്ദ്രമാക്കി ആരോഗ്യ ജീവകാരുണ്യ സാന്ത്വന സേവന പ്രവർത്തനങ്ങളാണ് പ്രധാനമായും ലക്ഷ്യം വയ്ക്കുതെന്ന് ജി എൻ ഫൌണ്ടേഷൻ ജനറൽ സെക്രട്ടറി ഇ വി അബ്ദുറഹ്മാൻ പറഞ്ഞു.

The post കൊപ്പം ഗരീബ് നവാസ് കൾച്ചറൽ സെന്റര്‍ ഉദ്‌ഘാടനം ചെയ്തു appeared first on Valanchery Online.

മാറാക്കര ഡയാലിസിസ്‌ സെന്റർ ഉദ്‌ഘാടനം ചെയ്‌തു

വളാഞ്ചേരിക്കാരൻ — Mon, 13 Jan 2020 00:23:26 +0000

മാറാക്കര: മാറാക്കരയുടെ ഡയാലിസിസ്‌ സെന്റർ മന്ത്രി കെ ടി ജലീൽ ഉദ്‌ഘാടനംചെയ്‌തു. മാറാക്കരയിലെ രാഷ്ട്രീയ, സാമൂഹ്യ, ആതുരസേവന പ്രവർത്തകർ ഉൾക്കൊള്ളുന്ന കാടാമ്പുഴ ലൈഫ്മിഷൻ ട്രസ്റ്റും പഞ്ചായത്തും സംസ്ഥാന സർക്കാരും സംയുക്തമായി മാറാക്കര പ്രാഥമികാരോഗ്യകേന്ദ്രം വളപ്പിൽ ആരംഭിച്ച സെന്ററിന്റെ പ്രവർത്തനമാണ്‌ തുടങ്ങിയത്‌. ആബിദ് ഹുസൈൻ തങ്ങൾ എംഎൽഎ അധ്യക്ഷനായി.

ഇ.ടി മുഹമ്മദ് ബഷീർ എം.പി മുഖ്യാതിഥിയായി. സെന്റർ കെട്ടിടത്തിന്റെ താക്കോൽ ട്രസ്റ്റ് ചെയർമാൻ എ.പി മൊയ്തീൻകുട്ടിക്ക് ജെഎസ്‌ഡബ്ല്യു സിമന്റ് കമ്പനി ജനറൽ മാനേജർ ജോവി ജോസഫ് കൈമാറി. ജനറേറ്റർ നൽകിയ എൻ.എ മമ്മൂട്ടി, മെഷീനുകൾ നൽകിയ കേരള വ്യാപാരി വ്യവസായി ഏകോപന സമിതി കാടാമ്പുഴ യൂണിറ്റ്‌, ഇവരുടെ കുടുംബങ്ങൾ, മറ്റ് വ്യക്തികൾ എന്നിവരെ ആദരിച്ചു. പഞ്ചായത്ത് പ്രസിഡന്റ്‌ വി മധുസൂദനൻ, എ.പി മൊയ്തീൻകുട്ടി, പി.പി ബഷീർ, പുളിക്കൽ ഷാഫി എന്നിവർ സംസാരിച്ചു.

The post മാറാക്കര ഡയാലിസിസ്‌ സെന്റർ ഉദ്‌ഘാടനം ചെയ്‌തു appeared first on Valanchery Online.

സ്മാർട്ട് ഓട്ടോമോട്ടീവ് ട്രെയിനിങ് സെന്റർ ന്റെ ലോഗോ പ്രകാശനം ചെയ്തു

വളാഞ്ചേരിക്കാരൻ — Tue, 03 Dec 2019 23:44:40 +0000

വട്ടംകുളം : SMART AUTOMOTIVE TRAINING CENTRE ന്റ ലോഗോ പ്രകാശനം കേരള ഉന്നത വിദ്യാഭ്യാസ മന്ത്രി കെ ടി ജലീൽ നിർവഹിച്ചു. പ്രസ്തുത പരിപാടിയിൽ സ്മാർട്ട് ഓട്ടോമോട്ടീവ് ട്രെയിനിങ് സെന്റർ മാനേജിംഗ് ഡയറക്ടർ നൗഷാദ് എ എം, smart mate യൂട്യൂബ് ചാനൽ പ്രോഗ്രാമർ ശ്രീജേഷ് പനയൂർ, Moto Hut കാർ ആക്സസറീസ് ഷോപ്പ് ഓണർ അർജുൻ, അനസ് തുടങ്ങിയവർ പരിപാടിയിൽ പങ്കെടുത്തു.

The post സ്മാർട്ട് ഓട്ടോമോട്ടീവ് ട്രെയിനിങ് സെന്റർ ന്റെ ലോഗോ പ്രകാശനം ചെയ്തു appeared first on Valanchery Online.

കൂടുതൽ സേവനങ്ങളുമായി ‘അക്ഷയ ലൈവ്’ വരുന്നു

വളാഞ്ചേരിക്കാരൻ — Wed, 19 Jun 2019 03:18:12 +0000

മലപ്പുറം: വിവര സാങ്കേതികവിദ്യയുടെ സാധ്യതകൾ തുറന്ന അക്ഷയയുടെ പുതിയ സംരംഭത്തിന് മലപ്പുറത്ത് തുടക്കമാകുന്നു. പതിവ് സാങ്കേതിക സേവനങ്ങൾക്കുപരിയായി അടിസ്ഥാന ആവശ്യങ്ങൾക്ക‌് ആശ്രയിക്കാവുന്ന അക്ഷയ ലൈവ് എന്ന വെബ്‌സൈറ്റാണ‌് മറ്റൊരു മലപ്പുറം മാതൃകയായി അക്ഷയ ജില്ലാ പദ്ധതി വിഭാഗം അവതരിപ്പിക്കുന്നത്. വിൽപ്പനക്കുള്ള സ്ഥലത്തിന്റെ വിവരം, ഉപയോഗിച്ച വാഹനങ്ങൾ വിൽക്കാനുള്ള വിവരം, ഇലക്ട്രോണിക്‌സ്, ഫർണിച്ചർ, വാടക വീട്, സേവനങ്ങളുടെ വിവരം, വിവാഹ പരസ്യം, ജോലിസാധ്യത, മൊബൈൽസ്, ഓട്ടോ–-ടാക്‌സി, ടൂറിസം പാക്കേജ‌്, കൃഷി തുടങ്ങി വാങ്ങാനും വിൽക്കാനുമുള്ള വിവരങ്ങളും മറ്റ‌് പൊതു സേവനങ്ങളും അക്ഷയ ലൈവിൽ പോസ്റ്റ് ചെയ്യാം.

ഗുണഭോക്താവുമായി നേരിട്ട് ബന്ധപ്പെടാനുള്ള അവസരം ഈ പ്ലാറ്റ്‌ഫോമിൽ ലഭിക്കും. ഏതൊരാൾക്കും അക്ഷയ കേന്ദ്രങ്ങൾ വഴിയോ നേരിട്ടോ ഇതിൽ പരസ്യം ചേർക്കാം. അക്ഷയ ലൈവിന്റെ ഉദ്ഘാടനം ശനിയാഴ്ച ജില്ലാ പഞ്ചായത്ത് കോൺഫറൻസ് ഹാളിൽ കലക്ടർ ജാഫർ മാലിക് നിർവഹിക്കും. 2002 നവംബർ 18ന് രാഷ്ട്രപതി എ പി ജെ അബ്ദുൾ കലാമാണ് അക്ഷയ നാടിന‌് സമർപ്പിച്ചത്. കംപ്യൂട്ടർ സാക്ഷരത നൽകാൻ ആരംഭിച്ച അക്ഷയ വിജയകരമായതോടെ സർക്കാർ പദ്ധതിയെ സംസ്ഥാന വ്യാപകമാക്കുകയായിരുന്നു.

ജില്ലയിൽ താഴെത്തട്ടിലുള്ള എല്ലാവിധ പരസ്യങ്ങളും, കുടിൽ വ്യവസായംമുതൽ എല്ലാ വിവരങ്ങളും നൽകാൻ സാധിക്കുമെന്നതാണ് ‘അക്ഷയ ലൈവി’ന്റെ പ്രത്യേകതയെന്ന് അക്ഷയ ജില്ലാ പ്രോജക്ട‌് മാനേജർ മെവിൻ വർഗീസ‌് പറഞ്ഞു.
പദ്ധതി വിജയകരമായാൽ മലപ്പുറത്തിന്റെ സംഭാവനയായി ജില്ലയുടെ അമ്പതാം വാർഷികത്തിൽ മറ്റൊരു മുതൽക്കൂട്ടായി സംസ്ഥാനത്തുടനീളം മാതൃകയാക്കി വ്യാപിപ്പിക്കാനാണ‌് പദ്ധതി ലക്ഷ്യമിടുന്നത്.

The post കൂടുതൽ സേവനങ്ങളുമായി ‘അക്ഷയ ലൈവ്’ വരുന്നു appeared first on Valanchery Online.

ഒരു യന്ത്രം കൂടി എത്തി; ശിഹാബ് തങ്ങൾ ഡയാലിസിസ് സെന്ററിൽ ഡയാലിസിസ് യന്ത്രങ്ങളുടെ എണ്ണം ഏഴായി

വളാഞ്ചേരിക്കാരൻ — Fri, 20 Jul 2018 00:00:33 +0000

വളാഞ്ചേരി∙ ശിഹാബ് തങ്ങൾ സെന്റർ ചാരിറ്റബിൾ ട്രസ്റ്റിന്റെ കീഴിൽ വളാഞ്ചേരി നിസാർ ആശുപത്രി സമുച്ചയത്തിൽ പ്രവർത്തിക്കുന്ന ശിഹാബ് തങ്ങൾ ഡയാലിസിസ് സെന്ററിൽ പുതുതായി ഒരു ഡയാലിസിസ് യന്ത്രം കൂടി എത്തി. ഇതോടെ ഇവിടെയുള്ള വർധിച്ചു. ഇതോടെ ദിവസം രണ്ടു ഷിഫ്റ്റുകളിലായി 14 പേർക്ക് ഇവിടെ ഡയാലിസിസ് ചെയ്യാൻ സൗകര്യമുണ്ടാകും. കഴിഞ്ഞ ജനുവരി ഒന്നിനാണ് ശിഹാബ് തങ്ങൾ ഡയാലിസിസ് സെന്റർ പ്രവർത്തനം തുടങ്ങിയത്.

പാവപ്പെട്ടവരും സാധാരണക്കാരുമായ വൃക്കരോഗികൾക്കു സൗജന്യമായാണ് ഡയാലിസിസ് നടത്തുന്നത്. ആവശ്യമായ മരുന്നുകളും ഡയാലിസർ ഉൾപ്പെടെയുള്ള മരുന്നുകളും മാത്രമേ രോഗികൾ കരുതേണ്ടതുള്ളൂ. ഈ സേവനത്തിനു മാത്രം സെന്ററിനു മാസം ഒന്നേമുക്കാൽ ലക്ഷം രൂപ ചെലവു വരുന്നുണ്ട്. സുമനസ്സുകളുടെ സഹായങ്ങളും കെഎംസിസി അടക്കമുള്ള സംഘടനകളുടെ സഹകരണവും ലഭിക്കുന്നുണ്ട്.

The post ഒരു യന്ത്രം കൂടി എത്തി; ശിഹാബ് തങ്ങൾ ഡയാലിസിസ് സെന്ററിൽ ഡയാലിസിസ് യന്ത്രങ്ങളുടെ എണ്ണം ഏഴായി appeared first on Valanchery Online.

ജൂനിയര്‍ ചേമ്പര്‍ ഇന്റര്‍നാഷണലിന്റെ വളാഞ്ചേരി ചാപ്റ്റര്‍ ഡയാലിസിസ് സെന്ററിന് ധനസഹായം നല്‍കി

വളാഞ്ചേരിക്കാരൻ — Thu, 14 Dec 2017 23:35:55 +0000

വളാഞ്ചേരി: പുതുവര്‍ഷദിനത്തില്‍ വളാഞ്ചേരി നിസാര്‍ ആസ്പത്രിയില്‍ പ്രവര്‍ത്തനം തുടങ്ങുന്ന ശിഹാബ്തങ്ങള്‍ സ്മാരക ഡയാലിസിസ് സെന്റര്‍ ചാരിറ്റബിള്‍ ട്രസ്റ്റിനുള്ള ധനസഹായം ജൂനിയര്‍ ചേമ്പര്‍ ഇന്റര്‍നാഷണലിന്റെ വളാഞ്ചേരി ചാപ്റ്റര്‍ വിതരണംചെയ്തു.

ഡയാലിസിസ് കേന്ദ്രത്തിന് ജെ.സി.ഐയുടെ കൈത്താങ്ങ് എന്നപേരില്‍ അറുപതിനായിരം രൂപയുടെ ചെക്ക് ചാപ്റ്ററിന്റെ പുതിയ പ്രസിഡന്റ് വേണുഗോപാലില്‍നിന്ന് അഷറഫ് അമ്പലത്തിങ്ങല്‍ ഏറ്റുവാങ്ങി. ഡോ. എന്‍.എം. മുജീബ് റഹ്മാന്‍, ജെ.സി.ഐ. വളാഞ്ചേരി ചാപ്റ്റര്‍ ഭാരവാഹികള്‍ തുടങ്ങിയവര്‍ സംബന്ധിച്ചു. വോള്‍ഗ ഹാളില്‍ നടന്ന പന്ത്രണ്ടാമത് ജെ.സി.ഐ. ഭാരവാഹികളുടെ സ്ഥാനാരോഹണച്ചടങ്ങിലാണ് ഡയാലിസിസ് കേന്ദ്രത്തിനുള്ള ചെക്ക് കൈമാറിയത്.

The post ജൂനിയര്‍ ചേമ്പര്‍ ഇന്റര്‍നാഷണലിന്റെ വളാഞ്ചേരി ചാപ്റ്റര്‍ ഡയാലിസിസ് സെന്ററിന് ധനസഹായം നല്‍കി appeared first on Valanchery Online.

റേഷന്‍കാര്‍ഡ്: പത്രിക പൂരിപ്പിക്കാന്‍ സഹായകേന്ദ്രം തുറക്കുന്നു

വളാഞ്ചേരിക്കാരൻ — Tue, 13 Jan 2015 09:13:58 +0000

വളാഞ്ചേരി: റേഷന്‍കാര്‍ഡ് പുതുക്കുന്നതിനുള്ള പത്രിക പൂരിപ്പിക്കാന്‍ സി.പി.എം. വെണ്ടല്ലൂര്‍ ബ്രാഞ്ചിനുകീഴില്‍ 24, 31, ഫിബ്രവരി ഏഴ് തീയതികളില്‍ സഹായകേന്ദ്രം ഒരുക്കുന്നു. വെണ്ടല്ലൂര്‍ മഠത്തില്‍പടി, റേഷന്‍ഷാപ്പ് പരിസരം, കൊടലൊടിപറമ്പ് ഡി.വൈ.എഫ്.ഐ. ഓഫീസ് എന്നിവിടങ്ങളിലാണ് യഥാക്രമം സഹായകേന്ദ്രങ്ങള്‍ പ്രവര്‍ത്തിക്കുക. കൂടുതല്‍ വിവരങ്ങള്‍ക്ക് 9946423916

The post റേഷന്‍കാര്‍ഡ്: പത്രിക പൂരിപ്പിക്കാന്‍ സഹായകേന്ദ്രം തുറക്കുന്നു appeared first on Valanchery Online.

പുകവലിശീലം ഒഴിവാക്കാന്‍ കൗണ്‍സലിങ് കേന്ദ്രം കാലടി പഞ്ചായത്തിൽ ഇന്ന് പ്രവർത്തനമാരംഭിക്കുന്നു

വളാഞ്ചേരിക്കാരൻ — Fri, 30 May 2014 23:54:33 +0000

പുകവലിശീലം ഒഴിവാക്കണമെന്ന് ആഗ്രഹിക്കുന്നവര്‍ക്കായി ആരോഗ്യ ഉപകേന്ദ്രത്തില്‍ കൗണ്‍സലിങ് കേന്ദ്രം. സംസ്ഥാനത്ത് ആദ്യമായാണ് ഒരു ആരോഗ്യ ഉപകേന്ദ്രത്തില്‍ പുകവലിക്കാര്‍ക്കായി കൗണ്‍സലിങ് കേന്ദ്രം തുടങ്ങുന്നത്. പരീക്ഷണാടിസ്ഥാനത്തില്‍ മലപ്പുറം കാലടി പഞ്ചായത്തിലെ പോത്തനൂര്‍ ആരോഗ്യ ഉപകേന്ദ്രത്തിലാണ് പദ്ധതി നടപ്പാക്കുന്നത്.
പുകവലി ശീലമാക്കിയവരെ അതില്‍നിന്ന് മോചിപ്പിക്കുകയും ആരോഗ്യമുള്ള പുതുതലമുറയെ വാര്‍ത്തെടുക്കുകയുമെന്ന ഉദ്ദേശ്യത്തോടെയാണ് പദ്ധതി. പുകവലിശീലം ഉപേക്ഷിക്കണമെന്നുള്ളവര്‍ക്ക് കൗണ്‍സലിങ് കേന്ദ്രത്തെ സമീപിക്കാം. ഒരുദിവസം ഒരാളെ മാത്രമാകും കൗണ്‍സലിങ്ങിന് വിധേയമാക്കുക. എല്ലാ പ്രവൃത്തിദിവസങ്ങളിലും ഉച്ചയ്ക്കുശേഷം കൗണ്‍സലിങ് നടക്കും. പുകവലിയുടെ ദൂക്ഷ്യഫലങ്ങള്‍ പറഞ്ഞ് ബോധ്യപ്പെടുത്തുന്നതോടൊപ്പം നിര്‍ത്തുന്നതിനാവശ്യമായ പൊടിക്കൈകളും നിര്‍ദേശങ്ങളും കേന്ദ്രത്തിലുള്ളവര്‍ നല്‍കും. മുന്‍കൂട്ടി രജിസ്റ്റര്‍ചെയ്യുന്നവരെയാണ് കൗണ്‍സലിങ്ങിന് വിധേയരാക്കുക.
ഓരോരുത്തരുടേയും പുകവലി രീതികള്‍ മനസ്സിലാക്കിയുള്ള കൗണ്‍സലിങ്ങാണ് നടത്തുക. പുകവലിക്കാനുള്ള സാഹചര്യം ഒഴിവാക്കാനായി വീടുകളിലെത്തിയും ആരോഗ്യസംഘം ആവശ്യമായ നിര്‍ദേശങ്ങളും ബോധവത്കരണങ്ങളും നല്‍കും. പ്രാഥമിക കൗണ്‍സലിങ് ആണ് ആരോഗ്യ ഉപകേന്ദ്രത്തില്‍ ലഭ്യമാക്കുക. ആവശ്യമായവര്‍ക്ക് ക്ലിനിക്കല്‍ കൗണ്‍സലിങ് നല്‍കുന്നതിനുള്ള സൗകര്യവും ചെയ്തുകൊടുക്കും. രണ്ടാംഘട്ടമെന്ന നിലയില്‍ ആരോഗ്യ ഉപകേന്ദ്രത്തില്‍ ക്ലിനിക്കല്‍ കൗണ്‍സലിങ് ലഭ്യമാക്കാനും പദ്ധതിയിടുന്നുണ്ട്.
വാര്‍ഡ് ഹെല്‍ത്ത് സാനിറ്റേഷന്‍ പദ്ധതിയുമായി ഏകോപിപ്പിച്ചാണ് കേന്ദ്രത്തിന്റെ പ്രവര്‍ത്തനം വിലയിരുത്തുക. കേന്ദ്രത്തിന്റെ ഉദ്ഘാടനം ലോക പുകയിലവിരുദ്ധ ദിനമായ ശനിയാഴ്ച രാവിലെ 10ന് കാലടി പഞ്ചായത്ത് പ്രസിഡന്റ് എന്‍.കെ. അബ്ദുല്‍ റഷീദ് നിര്‍വഹിക്കും. ആരോഗ്യവകുപ്പ് അധികൃതരായ ഡോ: പി. നിര്‍മലാദേവി, പി. ജ്യോതിപ്രകാശ്, സി.പി. വര്‍ക്കി, രാജേഷ് പ്രശാന്തിയില്‍, ശെല്‍വദാസ് എന്നിവരുടെ നേതൃത്വത്തിലുള്ള ആരോഗ്യസംഘമാണ് കൗണ്‍സലിങ് കേന്ദ്രത്തിന്റെ പ്രവര്‍ത്തനത്തിന് നേതൃത്വം നല്‍കുന്നത്. ഹെല്‍പ്പ് ലൈന്‍ നമ്പര്‍: 9747215272, 9495206639.

The post പുകവലിശീലം ഒഴിവാക്കാന്‍ കൗണ്‍സലിങ് കേന്ദ്രം കാലടി പഞ്ചായത്തിൽ ഇന്ന് പ്രവർത്തനമാരംഭിക്കുന്നു appeared first on Valanchery Online.

Resting center inaugurated at Painkannur temple for Sabarimala devotees

വളാഞ്ചേരിക്കാരൻ — Sat, 01 Dec 2012 14:55:03 +0000

ശബരിമല തീര്‍ഥാടകര്‍ക്കായി ദേശീയപാതയില്‍ വളാഞ്ചേരിക്കുസമീപമുള്ള പൈങ്കണ്ണൂര്‍ മഹാക്ഷേത്രത്തില്‍ വിശ്രമകേന്ദ്രവും സേവാവിഭാഗവും പ്രവര്‍ത്തനം തുടങ്ങി. വാഹനങ്ങള്‍ നിര്‍ത്താനും വിശ്രമിക്കാനും കുടിവെള്ളമുള്‍പ്പെടെയുള്ള സൗകര്യങ്ങളും സജ്ജീകരിച്ചിട്ടുണ്ട്. രാഷ്ട്രീയ സ്വയംസേവക് സംഘം ജില്ലാ പ്രചാരക് ഗിരീഷ് ഉദ്ഘാടനം ചെയ്തു. ക്ഷേത്രം ഗുരുസ്വാമി സി.പി.രാധാകൃഷ്ണന്‍ അധ്യക്ഷതവഹിച്ചു. സേവാപ്രമുഖ് വി.ടി.ബാബുരാജ്, എന്‍.കെ.ഉണ്ണി എന്നിവര്‍ പ്രസംഗിച്ചു. സേവാഭാരതി, അയ്യപ്പസേവാ സമാജത്തിന്റെ ആഭിമുഖ്യത്തിലാണ് സേവാകേന്ദ്രം പ്രവര്‍ത്തിക്കുന്നത്.

Summary:Resting center inaugurated at Painkannur temple for Sabarimala devotees

The post Resting center inaugurated at Painkannur temple for Sabarimala devotees appeared first on Valanchery Online.

Saree designing coaching centre inaugurated at Beauty Bazar

വളാഞ്ചേരിക്കാരൻ — Fri, 30 Nov 2012 06:57:34 +0000

വളാഞ്ചേരിയിൽ ചിത്ര സാരി ഡിസൈനിങ്ങ് പരിശീലന കേന്ദ്രം പ്രവർത്തനം ആരംഭിച്ചു. പെരിന്തൽമണ്ണ റോഡിലെ ബ്യൂട്ടി ബസാറിലാണ് കേന്ദ്രം പ്രവർത്തനം തുടങ്ങിയത്. വീട്ടിലിരുന്ന് പണം സമ്പാദിക്കുവാനുള്ള ഒരു എളുപ്പ മാർഗ്ഗം എന്ന നിലയിൽ വെറും രണ്ടു ദിവസത്തെ പരിശീലനം കൊണ്ട് ആർക്കും ഒരു സാരി ഡിസൈനറാകാമെന്ന് പരിശീലന കേന്ദ്രം വാഗ്ദാനം ചെയ്യുന്നു. തിങ്കൾ-ചൊവ്വ, ബുധൻ-വ്യാഴം,ശനി-ഞായർ എന്നീ രണ്ടു ദിവസങ്ങളിൽ രാവിലെ 10 മുതൽ വൈകീട്ട് 4 വരെയാണ് ക്ലാസുകൾ ക്രമീകരിച്ചിരിക്കുന്നത്.

കേന്ദ്രത്തിന്റെ ഉദ്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് കെ കെ ആയിഷാബി ഉദ്ഘാടനം ചെയ്തു. ചടങ്ങിൽ വ്യാപാരി വ്യവസായി വളാഞ്ചേരി യൂണിറ്റ് സെക്രട്ടറി മുഹമ്മദ്കുട്ടി റബിയ, സുഹൈൽ വി പി, അബ്ദുമാസ്റ്റർ തുടങ്ങിയവർ സന്നിഹിതരായിരുന്നു. വിശദവിവരങ്ങൾക്ക് വിളിക്കുക: 9539815076.

Summary: Chitra sari design training center has been inaugurated at Beauty Bazar, valanchery by Kuttippuram block panchayath president K K Ayishabi on November 30.

The post Saree designing coaching centre inaugurated at Beauty Bazar appeared first on Valanchery Online.

Stone laid for Che Guevara Cultural Centre

വളാഞ്ചേരിക്കാരൻ — Tue, 06 Nov 2012 00:31:26 +0000

സാമൂഹിക സാംസ്‌കാരിക ജീവകാരുണ്യ രംഗത്തെ കൂട്ടായ്മയായ ചെഗുവേര കള്‍ച്ചറല്‍ ആന്‍ഡ് വെല്‍ഫെയര്‍ ഫോറത്തിന്റെ കെട്ടിട സമുച്ചയത്തിന് ശിലാസ്ഥാപനം നടത്തി. ഫോറം മുഖ്യരക്ഷാധികാരിയും വളാഞ്ചേരി ഡോക്‌ടേഴ്‌സ് ക്ലബ്ബ് പ്രസിഡന്റുമായ ഡോ.എം.ഗംഗാധരനാണ് ശിലാസ്ഥാപനം നടത്തിയത്. ഫോറം രക്ഷാധികാരിയും എം.ഇ.എസ് മെഡിക്കല്‍ കോളേജ് സൂപ്രണ്ടുമായ ഡോ.എന്‍.എം.മുജീബ്‌റഹ്മാന്‍ അധ്യക്ഷതവഹിച്ചു. ഫ്രീ ഡ്രഗ് ബാങ്ക് ഹെല്‍ത്ത് കാര്‍ഡ് വിതരണം ഡോ. എന്‍.മുരളി നിര്‍വ്വഹിച്ചു. ജില്ലാ പഞ്ചായത്തംഗം കെ.എം.അബ്ദുല്‍ ഗഫൂർ, വളാഞ്ചേരി പഞ്ചായത്ത് സ്ഥിരംസമിതി അധ്യക്ഷന്‍ നൗഷാദ് അമ്പലത്തിങ്ങൽ, കെ.വി.ഉണ്ണികൃഷ്ണന്‍. സുരേഷ് പാറത്തൊടി, സലാം വളാഞ്ചേരി, കെ.പി.അബ്ബാസ്, ടി.എം.പത്മകുമാർ, വി.പി.മുഹമ്മദ് സ്വാലിഹ്, ഇ.പി.ഗോപി, റബിയ മുഹമ്മദ്കുട്ടി, അഷ്‌റഫ് അമ്പലത്തിങ്ങൽ, ഫോറം ചീഫ് കോഓര്‍ഡിനേറ്റര്‍ വെസ്റ്റേണ്‍ പ്രഭാകരന്‍ എന്നിവര്‍ പ്രസംഗിച്ചു.

Summary: Stone laid for Che Guevara Cultural Centre at Valanchery

The post Stone laid for Che Guevara Cultural Centre appeared first on Valanchery Online.

Cartoon, Animation contest for HS,HSS & VHS students

വളാഞ്ചേരിക്കാരൻ — Tue, 16 Oct 2012 00:37:31 +0000

ഹൈസ്‌കൂൾ, ഹയര്‍സെക്കന്‍ഡറി, വി.എച്ച്.എസ്.സി സ്‌കൂള്‍തലത്തിലെ വിദ്യാര്‍ഥികള്‍ക്ക് ഊര്‍ജസംരക്ഷണത്തിലൂടെ പ്രകൃതി സംരക്ഷണം എന്ന വിഷയത്തില്‍ കാര്‍ട്ടൂൺ, ആനിമേഷന്‍ സിനിമാനിര്‍മാണ മത്സരങ്ങള്‍ സംഘടിപ്പിക്കുന്നു. ഐ.ടി. അറ്റ് സ്‌കൂള്‍ പ്രൊജക്റ്റും സംസ്ഥാന എനര്‍ജി മാനേജ്‌മെന്റ് സെന്ററും ചേര്‍ന്നാണ് മത്സരങ്ങള്‍ നടത്തുന്നത്. കടലാസില്‍ കറുപ്പ് മഷികൊണ്ടോ കളറിലോ വരച്ച ഒരു കാര്‍ട്ടൂണോ സ്വതന്ത്ര സോഫ്റ്റ് വെയറില്‍ ചെയ്ത ഒരു മിനിട്ട് മുതല്‍ രണ്ടുമിനിട്ട് വരെയുളള ഒരു ആനിമേഷന്‍ സിനിമയോ വിദ്യാര്‍ഥികള്‍ക്ക് മത്സരത്തിനയക്കാം.

വൈദ്യുതി, പെട്രോളിയം ഉത്പന്നങ്ങള്‍ നാം ഏതെല്ലാം വിധത്തില്‍ ദുരുപയോഗം ചെയ്യുന്നു, ഭൂമിയില്‍ ഇവ എത്രകാലം വരെ ലഭിക്കും, ആഗോളതാപനം എങ്ങനെയൊക്കെ പരിഹരിക്കാം തുടങ്ങിയ ആശയങ്ങള്‍ മുന്‍നിര്‍ത്തിയുളള സ്വയം വിമര്‍ശനങ്ങള്‍ക്കും ആക്ഷേപഹാസ്യങ്ങള്‍ക്കുമാണ് മുന്‍ഗണന. കലാസൃഷ്ടികള്‍ ഹെഡ്മാസ്റ്ററുടെയോ പ്രിന്‍സിപ്പലിന്റെയോ സാക്ഷ്യപത്രത്തോടുകൂടി ഐ.ടി. അറ്റ് സ്‌കൂളിന്റെ മലപ്പുറം ജില്ലാ ഓഫീസില്‍ 31നകം ലഭിക്കണം.

Summary:IT@school and state energy management centre jointly conduct cartoon and animation contest to the High school, higher secondary and vocational higher secondary students.

The post Cartoon, Animation contest for HS,HSS & VHS students appeared first on Valanchery Online.