cds Archives - Valanchery Online

കോതോൾ എ.ഡി.എസ്സിൽ നിന്നും കാർത്തികിനുള്ള സഹായം കൈമാറി

വളാഞ്ചേരിക്കാരൻ — Sat, 16 Apr 2022 12:38:17 +0000

വളാഞ്ചേരി: വളാഞ്ചേരി നഗരസഭയിലെ 31-)0 വാർഡ് കോതോളിലെ അയൽക്കൂട്ടങ്ങളിൽ നിന്നും പിരിച്ചെടുത്ത തുക നഗരസഭ കുടുംബശ്രീ സി ഡി എസ് ചെയർപേഴ്‌സൺ സി ഷൈനിക്ക് വാർഡ് കൗൺസിലർ സദാനന്ദൻ കൊട്ടീരിയുടെ നേതൃത്വത്തിൽ കൈമാറി. സി ഡി എസ് ഉപസമിതി കൺവീനർമാരായ അഷിത റഷീദ്, സജിനി, ഫാത്തിമ സുഹറ, സത്യഭാമ, കുടുംബശ്രീ മെമ്പർ സെക്രട്ടറി ഫൗസിയ, കുടുംബശ്രീ ജീവനക്കാർ എന്നിവർ പങ്കെടുത്തു

The post കോതോൾ എ.ഡി.എസ്സിൽ നിന്നും കാർത്തികിനുള്ള സഹായം കൈമാറി appeared first on Valanchery Online.

വളാഞ്ചേരി നഗരസഭ കുടുംബശ്രീ സി.ഡി.എസ് ഭാരവാഹികളുടെ സത്യപ്രതിജ്ഞ ന ടന്നു

വളാഞ്ചേരിക്കാരൻ — Fri, 28 Jan 2022 01:24:23 +0000

വളാഞ്ചേരി: വളാഞ്ചേരി നഗരസഭാ കുടുംബശ്രീ സി ഡി എസിന്റെ പുതിയ ഭാരവാഹികളുടെ സത്യപ്രതിജ്ഞ കൗൺസിൽ ഹാളിൽ വെച്ച് നടന്നു ചെയർപേഴ്സൺ ഷൈനി, വൈസ് ചെയർപേഴ്സൺ അഷിത എന്നിവർകൗൺസിൽ ഹാളിൽ വെച്ച് സത്യപ്രതിജ്ഞ നടന്നു. തുടർന്ന് 31 സി.ഡി.എസ് മെമ്പർമാരും സത്യപ്രതിജ്ഞ ചെയ്തു അധികാരത്തിൽ വന്നു വളാഞ്ചേരി നഗരസഭ ചെയർമാൻ അഷ്‌റഫ്‌ അമ്പലത്തിങ്ങൽ അധ്യക്ഷത വഹിച്ചു സ്ഥിരം സമിതി ചെയർമാൻ റിയാസ്, സ്ഥിരം സമിത ചെയർപേഴ്സൺ റൂബി ഖാലിദ്. മുൻ സി.ഡി.എസ് ചെയർപേഴ്സൺ സുനിതരമേഷ് എന്നിവർ ആശംസകൾ പറഞ്ഞു. സിറ്റി മിഷൻ മാനേജർ സുബൈറുൽ അവാൻ, നിഷാദ്, അക്കൗണ്ടന്റ് ഖമറു നിഷ, മുൻ സി.ഡി.എസ് അംഗങ്ങൾ എന്നിവർ പങ്കെടുത്തു. കുടുംബശ്രീ സി.ഡി.എസ് ചെയർപേഴ്‌സൻ ഷൈനി നന്ദി പറഞ്ഞു.

The post വളാഞ്ചേരി നഗരസഭ കുടുംബശ്രീ സി.ഡി.എസ് ഭാരവാഹികളുടെ സത്യപ്രതിജ്ഞ ന ടന്നു appeared first on Valanchery Online.

ആതവനാട് പഞ്ചായത്തിലെ സി.ഡി.എസ് ചെയർപേഴ്സൺ സത്യപ്രതിജ്ഞ തടഞ്ഞു

വളാഞ്ചേരിക്കാരൻ — Wed, 26 Jan 2022 15:12:53 +0000

ആതവനാട്: പുതുതായി തിരഞ്ഞെടുത്ത ആതവനാട് പഞ്ചായത്ത് സി.ഡി.എസ് ചെയർപേഴ്സൺ സത്യപ്രതിജ്ഞ കുടുംബശ്രീ ജില്ലാ തിരഞ്ഞെടുപ്പ് ഓഫീസർ തടഞ്ഞു. തിരഞ്ഞെടുക്കപ്പെട്ട സി.ഡി.എസ് ചെയർപേഴ്സൺ വഹീദ വാർഡ്‌ ബി.പി.എൽ സംവരണം ആട്ടിമറിച്ചാണ് സി.ഡി.എസ് പ്രതിനിധിയായി തിരഞ്ഞെടുക്കപ്പെട്ടതെന്ന പരാതിയുടെ അടിസ്ഥാനത്തിലാണ് സത്യപ്രതിജ്ഞ തടഞ്ഞത്.

പരാതിയുടെ അടിസ്ഥാനത്തിൽ അനേഷണം ആരംഭിച്ചതായി ആതവനാട് പഞ്ചായത്ത് റിട്ടേണിങ് ഓഫീസർ അറിയിച്ചു. ഇന്നലെയാണ് ആതവനാട് പഞ്ചായത്ത് കുടംബശ്രീ സി.ഡി.എസ് തിരഞ്ഞെടുപ്പ് നടന്നത്. പഞ്ചായത്ത് കുടുംബശ്രീ സി.ഡി.എസ് പ്രസിഡന്റായി മുസ്ലിം ലീഗിലെ വഹീദയെ തിരഞ്ഞെടുക്കപ്പെട്ടിരുന്നു. ഇവർ ഒന്നാം വാർഡിൽ നിന്നാണ് സി.ഡി.എസ് പ്രതിനിധിയായി തിരഞ്ഞെടുക്കപ്പെട്ടത്. എന്നാൽ ഇവിടെ ബി.പി.എൽ സംവരണ വാർഡിൽ നിന്ന് ബി.പി.എൽ കുടുംബമല്ലാത്ത ഇവർ അനധികൃതമായാണ് തിരഞ്ഞെടുക്കപെട്ടതെന്നാണ് പരാതി. ഇവരോട് രേഖകൾ ഹാജരാക്കാൻ റിട്ടേണിങ് ഓഫീസർ ആവിശ്യപെട്ടിട്ടുണ്ട്.

സി.ഡി.എസ് തിരഞ്ഞെടുപ്പിൽ എൽ.ഡി.എഫ് സ്ഥാനാർഥിയായ സുജാതക്കും യു.ഡി.എഫ് സ്ഥാനാർഥി വഹീദക്കും 11 വീതം വോട്ട് കിട്ടിയപ്പോൾ നറുക്കെടുപ്പിലൂടെയാണ് വാഹീദ വിജയിച്ചത്. വൈസ് പ്രസിഡന്റ് തിരഞ്ഞെടുപ്പിൽ 10 വോട്ടിനെതിരെ 12 വിട്ടുകൾക്കാണ് സലീന വിജയിച്ചത്.

The post ആതവനാട് പഞ്ചായത്തിലെ സി.ഡി.എസ് ചെയർപേഴ്സൺ സത്യപ്രതിജ്ഞ തടഞ്ഞു appeared first on Valanchery Online.

വളാഞ്ചേരി നഗരസഭ കുടുംബശ്രീ സി.ഡി.എസ്സിന്റെ മാസചന്ത ആരംഭിച്ചു

വളാഞ്ചേരിക്കാരൻ — Wed, 30 Dec 2020 00:12:33 +0000

വളാഞ്ചേരി: വളാഞ്ചേരി നഗരസഭ കുടുംബശ്രീ സി.ഡി.എസ്സിന്റെ മാസചന്ത ആരംഭിച്ചു. വളാഞ്ചേരി നഗരസഭ കമ്മ്യൂണിറ്റി ഹാളിന് മുൻവശത്ത് ഡിസംബർ 29, 30, 31 തിയ്യതികളിലായിട്ടാണ് കുടുംബശ്രീയുടെ മാസ ചന്ത നടക്കുന്നത്. നഗരസഭ ചെയർമാൻ അഷ്റഫ് അമ്പലത്തിങ്ങൽ വിപണന മേള ഉൽഘാടനം ചെയ്തു. കുടുംബശ്രീ വിപണന മേളക്ക് ഒരു സ്ഥിര വിപണ കേന്ദ്രം സജ്ജീകരിക്കുന്നതിന്നും, കൂടുതൽ സംരംഭകരെ ഉൾപ്പെടുത്തി കൂടുതൽ മികവുറ്റ ഉത്പന്നങ്ങളോടുകൂടി ചന്ത വിപുലീകരിക്കുന്നതിന്നും ആവശ്യമായ സഹായം നഗരസഭയുടെ ഭാഗത്ത് നിന്നും വാഗ്ദാനം നൽകി. കൗൺസിലർ ഈസ നമ്പ്രത്ത്, സി.ഡി.എസ്സ് ചെയർപെഴ്സൺ സുനിത രമേഷ്, സെക്രട്ടറി എസ്.സുനിൽ കുമാർ, കുടുംബശ്രീ ജീവനക്കാർ, കുടുംബശ്രീ ബ്ലോക്ക്‌ കോർഡിനേറ്റർ ജംഷീർ, സി.ഡി.എസ്സ് മെമ്പർമാർ എന്നിവർ പങ്കെടുത്തു.

The post വളാഞ്ചേരി നഗരസഭ കുടുംബശ്രീ സി.ഡി.എസ്സിന്റെ മാസചന്ത ആരംഭിച്ചു appeared first on Valanchery Online.

മികച്ച അങ്കണവാടി വർക്കർക്കുള്ള പുരസ്കാരം സുഭദ്ര ഏറ്റുവാങ്ങി

വളാഞ്ചേരിക്കാരൻ — Sun, 08 Mar 2020 00:53:55 +0000

കൊളത്തൂർ : മൂർക്കനാട് പഞ്ചായത്തിലെ വടക്കേക്കുളമ്പ് അങ്കണവാടി വർക്കർ എരേക്കത്ത് സുഭദ്ര സംസ്ഥാന സർക്കാരിന്റെ ഏറ്റവും മികച്ച അങ്കണവാടി വർക്കർക്കുള്ള അവാർഡ് ഏറ്റുവാങ്ങി. ശനിയാഴ്ച തിരുവനന്തപുരം നിശാഗന്ധി ഓഡിറ്റോറിയത്തിൽ നടന്ന ചടങ്ങിൽ മന്ത്രി കെ.കെ. ശൈലജയിൽനിന്ന് സുഭദ്ര അവാർഡ് ഏറ്റുവാങ്ങി.

1994 മുതൽ വടക്കേക്കുളമ്പ് അങ്കണവാടിയിലെ ആരംഭകാലത്തുതന്നെയുള്ള വർക്കറാണ് സുഭദ്ര. നാട്ടുകാരുടെ സഹകരണത്തോടെ മാതൃകാപരമായ പ്രവർത്തനങ്ങളാണ് സുഭദ്ര ഇവിടെ നടപ്പാക്കുന്നത്. കഴിഞ്ഞ പ്രളയകാലത്ത് ദുരിതാശ്വാസക്യാമ്പുകളിലേക്കായി കുട്ടികൾ ഒരു ലോഡ് സാധനങ്ങളാണ് സമാഹരിച്ചത്. അങ്കണവാടി പരിസരത്ത് പൂന്തോട്ടവും കളിയൂഞ്ഞാലും ഒരുക്കിയിട്ടുണ്ട്.

ഉച്ചഭക്ഷണത്തിലേക്ക് രക്ഷിതാക്കൾ പച്ചക്കറികൾ എത്തിച്ചുനൽകും. അതിനാൽ ദിവസവും ഇവിടെ ഉച്ചഭക്ഷണം വിഭവസമൃദ്ധമാണ്. ഹെൽപ്പർ കദിയുമ്മ, അങ്കണവാടി കമ്മിറ്റി, നാട്ടുകാർ എന്നിവരുടെ പിന്തുണയാണ് തനിക്ക് അവാർഡ് നേടിത്തന്നതെന്ന് സുഭദ്ര പറഞ്ഞു.

The post മികച്ച അങ്കണവാടി വർക്കർക്കുള്ള പുരസ്കാരം സുഭദ്ര ഏറ്റുവാങ്ങി appeared first on Valanchery Online.

സ്നേഹിത കാളിങ് ബെല്‍ വാരാചരണത്തിന് വളാഞ്ചേരി നഗരസഭയിൽ തുടക്കം കുറിച്ചു

വളാഞ്ചേരിക്കാരൻ — Mon, 18 Nov 2019 00:51:48 +0000

വളാഞ്ചേരി: കുടുംബശ്രീയുടെ സ്നേഹിത കാളിങ് ബെല്‍ വാരാചരണ പരിപാടികള്‍ക്ക് നഗരസഭയിൽ തുടക്കം കുറിച്ചു. ഒറ്റക്ക് താമസിക്കുന്ന, സാമൂഹികമായി പിന്നാക്കം നില്‍ക്കുന്നവര്‍ക്ക് സുരക്ഷയും മാനസിക പിന്തുണയും നല്‍കാൻ കുടുംബശ്രീ മിഷന്‍ തുടക്കംകുറിച്ച പദ്ധതിയാണ് സ്നേഹിത കാളിങ് ബെല്‍. ഒറ്റപ്പെട്ടു കഴിയുന്നവര്‍ക്കെതിരായ അതിക്രമങ്ങള്‍ പെരുകുകയും മതിയായ പരിചരണം ലഭിക്കാതെ മരിക്കുകയും ചെയ്യുന്ന സാഹചര്യം കണക്കിലെടുത്താണ് പദ്ധതി ആസൂത്രണം ചെയ്തത്.

“സ്നേഹിതാ കാളിംഗ് ബെൽ” വാരാചരണത്തിന്റെ ഭാഗമായി വളാഞ്ചേരി നഗരസഭ തല ഉൽഘാടനം വാർഡ് 33ൽ നഗരസഭ ചെയർപേഴ്സൻ റുഫീന നിർവഹിച്ചു. വാർഡ് കൗൺസിലർ ചെങ്കുണ്ടൻ ഷഫീന അദ്ധ്യക്ഷത വഹിച്ച ചടങ്ങിൽ സി.ഡി.എസ് ചെയർപേഴ്സൻ സുനിതാ രമേശ് സംസാരിച്ചു. വാർഡിലെ കുടുംബശ്രീ അംഗങ്ങൾ പങ്കെടുത്തു.

The post സ്നേഹിത കാളിങ് ബെല്‍ വാരാചരണത്തിന് വളാഞ്ചേരി നഗരസഭയിൽ തുടക്കം കുറിച്ചു appeared first on Valanchery Online.

വളാഞ്ചേരി നഗരസഭയിൽ ആട് വളർത്തലിന് അപേക്ഷ സ്വീകരിക്കുന്നു

വളാഞ്ചേരിക്കാരൻ — Tue, 28 May 2019 02:37:06 +0000

വളാഞ്ചേരി നഗരസഭ കുടുംബശ്രീ സി.ഡി.എസ്സിന് കീഴിൽ ആട് വളർത്തുന്നതിന് അപേക്ഷ സ്വീകരിക്കുന്നു. കുടുബശ്രീ മിഷനു കീഴിൽ ആനിമൽ ഹസ്ബണ്ടറി വിഭാഗത്തിൽ അടുവളർത്തൽ പദ്ധതിയിലേക്ക് ഗുണഭോക്തക്കളുടെ തിരഞ്ഞെടുക്കാൻനുള്ള അപേക്ഷ ക്ഷണിക്കുന്നത്.

നിലവിൽ ആട് വളർത്തുന്ന കുടുബശ്രീ അംഗങ്ങളിൽ നിന്നാണ് അപേഷ ക്ഷണിക്കുന്നത. അതാത് സി.ഡി.എസ് ഓഫീസുകളിൽ (നഗരസഭയിലെ കുടുംബശ്രീ ഓഫീസിസ്) ആണ് അപേഷ നൽകേണ്ടത്.
Summary: Applications invited from the CDS workers from Valanchery Municipality for goat farming

The post വളാഞ്ചേരി നഗരസഭയിൽ ആട് വളർത്തലിന് അപേക്ഷ സ്വീകരിക്കുന്നു appeared first on Valanchery Online.

വർണാഭമായി അംഗൻവാടി ജീവനക്കാരുടെ വനിത ദിനാഘോഷം

രാജേഷ് വി അമല — Wed, 06 Mar 2019 16:32:39 +0000

അന്താരാഷ്ട്ര വനിതാ ദിനത്തിന്റെ ഭാഗമായാണ് കുറ്റിപ്പുറം CDS, അഡീഷണൽ CDS എന്നിവയുടെ കീഴിൽ അംഗൻവാടി ജീവനക്കാരായ സ്ത്രീകളുടെ നേതൃത്വത്തിൽ ഘോഷയാത്രയും ആഘോഷ പരിപാടികളും സംഘടിപ്പിച്ചത്. കാവുംപുറം ബ്ലോക്ക് പാഞ്ചായത്തിൽ നിന്നാണ് ഘോഷയാത്ര ആരംഭിച്ചത്. പരിപാടിയുടെ ഭാഗമായി സമൂഹത്തിന്റെ താഴേത്തട്ടിൽ നിന്നും ഉയർന്നു വന്ന ആറ് സ്ത്രീകളെ ആദരിച്ചു.

സെമിനാറും തുടർന്ന് വിവിധ കലാപരിപാടികളും അവതരിപ്പിച്ചു. ബ്ലോക്ക് പഞ്ചായത്ത് പ്രസിഡണ്ട് അതവനാട് മുഹമ്മദ് കുട്ടി പരിപാടി ഉദ്ഘാടനം ചെയ്തു. ക്ഷേമകാര്യ സ്റ്റാന്റിംഗ് കമ്മറ്റി ചെയർപേഴ്സൺ ഫസീല ,മുനിസിപ്പൽ ചെയർപേഴ്സൺ റുഫീന തുടങ്ങിയവർ സംസാരിച്ചു.

The post വർണാഭമായി അംഗൻവാടി ജീവനക്കാരുടെ വനിത ദിനാഘോഷം appeared first on Valanchery Online.