bypoll Archives - Valanchery Online

ഉപതിരഞ്ഞെടുപ്പ്: ഇന്ന് മുതൽ 22 വരെ സമ്പൂർണ മദ്യനിരോധനം ഏർപ്പെടുത്തി

വളാഞ്ചേരിക്കാരൻ — Tue, 19 Jul 2022 01:14:27 +0000

കേൾക്കാംമലപ്പുറം: ജില്ലാ പഞ്ചായത്തിലെ ആതവനാട്(ജനറൽ), തിരൂരങ്ങാടി ബ്ലോക്ക് പഞ്ചായത്തിലെ പാറക്കടവ് (പട്ടികജാതി), മലപ്പുറം നഗരസഭയിലെ മൂന്നാംപടി (ജനറൽ), മഞ്ചേരി നഗരസഭയിലെ കിഴക്കേത്തല (ജനറൽ), കുറ്റിപ്പുറം പഞ്ചായത്തിലെ എടച്ചലം (വനിത) എന്നീ വാർഡുകളിൽ ജൂലായ് 21ന് ഉപതിരഞ്ഞെടുപ്പ് നടക്കുന്നതിനാൽ വോട്ടെടുപ്പ് പൂർത്തിയാകും വരെ സമ്പൂർണ മദ്യനിരോധനം ഏർപ്പെടുത്തി ജില്ലാ കളക്ടർ വി.ആർ പ്രേംകുമാർ ഉത്തരവിറക്കി. ജൂലൈ 19ന് വൈകീട്ട് ആറ് മുതൽ 21 വൈകീട്ട് ആറുവരെയും വോട്ടെണ്ണൽ ദിവസമായ ജൂലായ് 22 വരെയുമാണ് നിരോധനം ഏർപ്പെടുത്തിയിട്ടുള്ളത്.

The post ഉപതിരഞ്ഞെടുപ്പ്: ഇന്ന് മുതൽ 22 വരെ സമ്പൂർണ മദ്യനിരോധനം ഏർപ്പെടുത്തി appeared first on Valanchery Online.

എടച്ചലം വാർഡിലേക്കുള്ള ഉപതിരഞ്ഞെടുപ്പ് ജൂലായ് 21-ന്

വളാഞ്ചേരിക്കാരൻ — Tue, 28 Jun 2022 05:07:59 +0000

കുറ്റിപ്പുറം : പഞ്ചായത്തിലെ 12 -ാം വാർഡായ എടച്ചലത്ത് ഉപതിരഞ്ഞെടുപ്പ് ജൂലായ് 21-ന് നടക്കും. ജൂലായ് രണ്ടുവരെ പത്രിക സമർപ്പിക്കാം. നാലിന് സൂക്ഷ്മപരിശോധന നടക്കും.

ആറിനാണ് പത്രിക പിൻവലിക്കാനുള്ള അവസാന ദിവസം. എടച്ചലം വാർഡിനെ പ്രതിനിധീകരിച്ചിരുന്ന പഞ്ചായത്ത് പ്രസിഡൻറ് കൂടിയായായിരുന്ന റംല കറത്തൊടിയുടെ നിര്യാണത്തെത്തുടർന്നാണ് ഉപതിരഞ്ഞെടുപ്പ് നടക്കുന്നത്. മുസ്‌ലിംലീഗ് പ്രതിനിധിയായിരുന്ന റംല കറത്തൊടി 188 വോട്ടിന്റെ ഭൂരിപക്ഷത്തിനാണ് ഇവിടെ വിജയിച്ചത്.

The post എടച്ചലം വാർഡിലേക്കുള്ള ഉപതിരഞ്ഞെടുപ്പ് ജൂലായ് 21-ന് appeared first on Valanchery Online.

വളാഞ്ചേരി നഗരസഭയിലെ ഡിവിഷന്‍ 28ലെ ഉപതിരഞ്ഞെടുപ്പ്; യുഡിഎഫ് സ്ഥാനാർത്ഥി നാമനിർദേശ പത്രിക സമർപ്പിച്ചു

വളാഞ്ചേരിക്കാരൻ — Tue, 13 Nov 2018 02:39:24 +0000

വളാഞ്ചേരി: വളാഞ്ചേരി മുനിസിപ്പലിറ്റി മീമ്പാറ 28 ഡിവിഷനിലേക്ക്‌ നടക്കുന്ന ഉപതെരഞ്ഞെടുപ്പിൽ മൽസരിക്കുന്ന യുഡിഎഫ്‌ സ്ഥാനാർത്ഥി എം ഫാത്തിമ നസിയ നാമർന്നിർദ്ദേശ പത്രിക സമർപ്പിച്ചു. രാവിലെ 11 മണിക്ക്‌ യുഡിഎഫ്‌ നേതാക്കളുടേയും പ്രവർത്തകരുടേയും യുഡിഎഫ്‌ നഗരസഭാ കൗൺസിലർമാരുടേയും സാന്നിധ്യത്തിലായിരുന്നു പത്രികാ സമർപ്പണം. വരണാധികാരി. പത്രിക സ്വീകരിച്ചു.

മുസ്ലിം ലീഗ് ജില്ലാ സെക്രട്ടറി KM അബ്ദുൽ ഗഫൂർ, യുഡിഎഫ്‌ മുനിസിപ്പൽ ചെയർമാൻ പറശേരി ഹസൈനാർ, കൺവീനർ സലാം വളാഞ്ചേരി, മുസ്‌ലിം ലീഗ്‌ മുനിസിപ്പൽ പ്രസിഡണ്ട്‌ അഷ്രഫ്‌ അമ്പലത്തിങ്ങൽ, നഗരസഭാ ചെയർ പേഴ്‌സൺ സികെ റുഫീന, വൈസ്‌ ചെയർമാൻ കെ വി ഉണ്ണികൃഷ്ണൻ, സ്റ്റാന്റിംഗ്‌ കമ്മിറ്റി ചെയർമാൻ സി അബ്ദുന്നാസർ, യൂത്ത്‌ കോൺഗ്രസ്സ്‌ / യൂത്ത്‌ ലീഗ്‌ ഭാരവാഹികൾ എന്നിവർ സന്നിഹിതരായിരുന്നു.

The post വളാഞ്ചേരി നഗരസഭയിലെ ഡിവിഷന്‍ 28ലെ ഉപതിരഞ്ഞെടുപ്പ്; യുഡിഎഫ് സ്ഥാനാർത്ഥി നാമനിർദേശ പത്രിക സമർപ്പിച്ചു appeared first on Valanchery Online.

മീമ്പാറ ഉപതെരഞ്ഞെടുപ്പ്; എൽ.ഡി.എഫ് സ്ഥാനാർത്ഥി നാമ നിർദ്ദേശ പത്രിക സമർപ്പിച്ചു

വളാഞ്ചേരിക്കാരൻ — Sat, 10 Nov 2018 02:18:00 +0000

വളാഞ്ചേരി: വളാഞ്ചേരി നഗരസഭയിലെ മീമ്പാറ ഡിവിഷനിലേക്ക് നടക്കുന്ന ഉപതെരഞ്ഞെടുപ്പിൽ മത്സരരംഗത്തുള്ള എൽ.ഡി.എഫ് സ്ഥാനാർത്ഥി അസ്മ പാറക്കൽ നാമനിർദേശ പത്രിക സമർപ്പിച്ചു. ഭരണാധികാരിയായ എൽ.എസ്.ജി.ഡി അസി എഞ്ചിനീയർ ടി.വി. വിനോജ് മുമ്പാകെയാണ് അസ്മ പത്രിക സമർപ്പിച്ചത്.

ഈ മാസം 20നാണ് ഉപതെരഞ്ഞെടുപ്പ്. 2015ൽ നടന്ന ഉപതെരഞ്ഞെടുപ്പിൽ മുൻ നഗരസഭാ അദ്യക്ഷ ഷാഹിന ടീച്ചറോട് മത്സരത്തിച്ച് 162 വോട്ടുകൾക്ക് അസ്മ പരാജയപ്പെട്ടിരുന്നു.

എൽ.ഡി.എഫ് നേതാക്കളായ എൻ.വേണുഗോപാൽ, ടി.പി അബ്ദുൽ ഗഫൂർ, കെ.കെ ഫൈസൽ തങ്ങൾ, വി.പി സലാം, പാറക്കൽ യാസർ, പ്രതിപക്ഷ കൗൺസിലർമാർ, പ്രവർത്തകർ എന്നിവർ പത്രികാ സമർപ്പണത്തിന് എത്തിയിരുന്നു.

The post മീമ്പാറ ഉപതെരഞ്ഞെടുപ്പ്; എൽ.ഡി.എഫ് സ്ഥാനാർത്ഥി നാമ നിർദ്ദേശ പത്രിക സമർപ്പിച്ചു appeared first on Valanchery Online.

മൊത്തം വോട്ടർമാരുടെ നേർപ്പകുതി വോട്ട് നേടി എൽഡിഎഫ് സ്വതന്ത്രൻ വിജയിച്ചു; തവനൂർ പഞ്ചായത്തിൽ ഭരണവും ഇടത്തോട്ട്

വളാഞ്ചേരിക്കാരൻ — Thu, 01 Mar 2018 20:23:57 +0000

തവനൂർ പഞ്ചായത്ത് ഉപതിരഞ്ഞെടുപ്പിൽ എൽഡിഎഫ് സ്വതന്ത്രൻ വിജയിച്ചു. യുഡിഎഫ് സ്ഥാനാർഥിയെ 467 വോട്ടിന് പിന്നിലാക്കിയാണ് എ‍ൽഡിഎഫ് സ്ഥാനാർഥി പി.പി.അബ്ദുൽനാസർ പഞ്ചായത്തിലെ എട്ടാംവാർഡായ കൂരട ഉപതിരഞ്ഞെടുപ്പിൽ മികച്ച വിജയം നേടിയത്. വിജയത്തോടെ തവനൂർ പഞ്ചായത്ത് ഭരണം എൽഡിഎഫ് സ്വന്തമാക്കും. നേരത്തേ ഇരുമുന്നണികൾക്കും ഒൻപതുവീതം സീറ്റുകളുണ്ടായിരുന്ന തവനൂരിൽ ഇപ്പോൾ എൽഡിഎഫ് ഒരു സീറ്റിനു മുന്നിലായി.

1634 വോട്ടർമാരുള്ള വാർഡിൽനിന്നു 816 വോട്ടുകളാണ് എൽഡിഎഫിലെ പി.പി.അബ്ദുൽനാസർ നേടിയത്. യുഡിഎഫ് സ്വതന്ത്രനായ കെ.കെ.അബ്ദു‍ൽനാസറിന് 349 വോട്ടുകളാണ് ലഭിച്ചത്.

ബിജെപി സ്ഥാനാർഥി 89 വോട്ടും, പിഡിപി സ്ഥാനാർഥി 14 വോട്ടുമാണ് നേടിയത്. ബിജെപിക്ക് കഴിഞ്ഞ തിരഞ്ഞെടുപ്പിനെക്കാൾ 63 വോട്ട് കുറഞ്ഞു. യു‍‍ഡിഎഫിന്റെ സിറ്റിങ്ങ് ‌സീറ്റാണ് അതേ പഞ്ചായത്ത് അംഗത്തെ മത്സരിപ്പിച്ച് എൽഡിഎഫ് പിടിച്ചെടുത്തത്. കഴിഞ്ഞ തിരഞ്ഞെടുപ്പിൽ, യുഡിഎഫ് സ്ഥാനാർഥിയായി മത്സരിച്ച പി.പി.അബ്ദുൽ നാസർ വിജയിച്ചത് 64 വോട്ടിന്റെ ഭൂരിപക്ഷത്തിലാണ്. എൽഡിഎഫ് പക്ഷത്തായിരുന്ന പഞ്ചായത്ത് പ്രസിഡന്റ് കെ.പി.സുബ്രഹ്മണ്യൻ യുഡിഎഫിലേക്ക് വീണ്ടും എത്തിയതിൽ പ്രതിഷേധിച്ചാണ് പി.പി.അബ്ദുൽ നാസർ എട്ടാം വാർഡിലെ അംഗത്വം രാജിവയ്ക്കുകയും എൽഡിഎഫ് സ്വന്ത്രനായി മത്സരിക്കുകയും ചെയ്തത്. സ്ഥാനം രാജിവയ്ക്കുന്നതിനെക്കുറിച്ച് യുഡിഎഫ് നേതൃത്വവുമായി ചർച്ചചെയ്ത ശേഷം തീരുമാനിക്കുമെന്ന് തവനൂർ പഞ്ചായത്ത് പ്രസിഡന്റ് കെ.പി.സുബ്രഹ്മണ്യൻ. രണ്ടുദിവസത്തിനകം യോഗം ചേരുമെന്നും അതിനുശേഷമേ രാജിക്കാര്യത്തിൽ തീരുമാനമെടുക്കൂ എന്നും സുബ്രഹ്മണ്യൻ പറഞ്ഞു.

പഞ്ചായത്തിലെ ലാപ്ടോപ് വിതരണത്തിൽ ക്രമക്കേട് ആരോപിച്ച് പഞ്ചായത്ത് പ്രസിഡന്റിനെതിരെ എൽഡിഎഫ് അംഗങ്ങൾ അവിശ്വാസം കൊണ്ടുവന്നിരുന്നു. ഇതോടെ സുബ്രഹ്മണ്യനെ യുഡിഎഫ് പിന്താങ്ങുകയായിരുന്നു. അവിശ്വാസം ചർച്ചയ്ക്കെടുക്കുന്നതിന് തൊട്ടുമുൻപാണ് പി.പി.അബ്ദുൽനാസർ എട്ടാം വാർഡ് അംഗത്വം രാജിവച്ചത്.

ഇതോടെ ക്വോറം തികയാതെ അവിശ്വാസം തള്ളി. നിലവിൽ എൽഡിഎഫിന് ആകെ സീറ്റിൽ ഭൂരിപക്ഷം ലഭിച്ചെങ്കിലും മൂന്നുമാസം കൂടി കെ.പി.സുബ്രഹ്മണ്യനായിരിക്കും തവനൂർ പഞ്ചായത്ത് പ്രസിഡന്റ്. അവിശ്വാസം തള്ളിയാൽ ആറുമാസം കഴിഞ്ഞേ അതേ പ്രസിഡന്റിനെതിരെ മറ്റൊരു അവിശ്വാസത്തിന് നോട്ടിസ് നൽകാൻ കഴിയൂ.

The post മൊത്തം വോട്ടർമാരുടെ നേർപ്പകുതി വോട്ട് നേടി എൽഡിഎഫ് സ്വതന്ത്രൻ വിജയിച്ചു; തവനൂർ പഞ്ചായത്തിൽ ഭരണവും ഇടത്തോട്ട് appeared first on Valanchery Online.

തിണ്ടലം ഉപതെരഞ്ഞെടുപ്പ് : സ്ഥാനാർതികൾ നാമനിർദേശ പത്രിക സമർപ്പിച്ചു തുടങ്ങി.

വളാഞ്ചേരിക്കാരൻ — Sat, 23 Dec 2017 02:00:03 +0000

എടയൂർ: ജനുവരി 11ന് എടയൂർ പഞ്ചായത്തിലെ പതിനാറാം വാർഡായ തിണ്ടലത്ത് നടക്കുന്ന ഉപതിരഞ്ഞെടുപ്പിന് പ്രമുഖ പാർട്ടികളുടെ സ്ഥാനാർതികൾ നാമനിർദേശക പത്രികകൾ സമർപ്പിച്ചു.

യുഡി‌എഫ് സ്ഥാനാർഥി കെകെ മോഹന കൃഷ്ണൻ നോമിനേഷൻ പഞ്ചായത്ത് സെക്രട്ടറിക്ക് മുമ്പാകെ സമർപ്പിച്ചു. സിപി ഹംസ ഹാജി ,കല്ലിങ്ങൽ മുഹമ്മദ് കുട്ടി,മൊയ്തു എടയൂർ ,വി.പി.എ .ഷുക്കൂർ , സെയ്തലവി വി.ടി ,എ കെ മുസ്തഫ ,കെപി വേലായുധൻ ,ജാഫർ പുതുക്കുടി ,അസീസ് ,സിദ്ധീഖ് ,മുസ്തഫ മെമ്പർ തുടങ്ങിയവർ പങ്കെടുത്തു.

എൽ ഡി എഫ് സ്ഥാനാർഥിയായി പി ടി. അനിൽ കുമാർ നാമനിർദ്ദേശ പത്രിക സമർപ്പിച്ചു. കെ.കെ. രാജീവ് മാസ്റ്റർ, ജോയ് മാസ്റ്റർ, പ്രമീള , വി.പി.എസ് നമ്പീശൻ, സുനിൽ ദാസ്, ബാലൻ, സുമേഷ്, അബ്ദുള്ളക്കുട്ടി, കുഞ്ഞാലി, സുബ്രൻ , സലീന – വി’ എന്നിവരോടൊപ്പമാകുന്നു പത്രിക സമർപ്പിച്ചത്.

ബിജെപി സ്ഥാനാർഥിയായി കെ. ടി.അനിൽ കുമാർ നാമനിർദ്ദേശ പത്രിക സമർപ്പിച്ചു. കൃഷ്ണകുമാർ, ഗോപിനാഥ്, ഗണേഷ്, മണികണ്ഠൻ , കെ.വി. മണികൺഠൻ , ശിവൻ തിണ്ടലം എന്നിവരോടൊപ്പമാകുന്നു പത്രിക സമർപ്പിച്ചത്.

The post തിണ്ടലം ഉപതെരഞ്ഞെടുപ്പ് : സ്ഥാനാർതികൾ നാമനിർദേശ പത്രിക സമർപ്പിച്ചു തുടങ്ങി. appeared first on Valanchery Online.