The post ഡി.ജി.പിക്കെതിരെ അന്വേഷണം ആവശ്യപ്പെട്ട് വളാഞ്ചേരി സ്റ്റേഷനിലേക്ക് കോൺഗ്രസ് മാർച്ച് appeared first on Valanchery Online.

1999-ല്‍ ചന്ദ്രാപ്പൂരിലുള്ള പട്ടാളത്തിന്റെ ബോംബ് നിര്‍മാണശാലയില്‍ നിര്‍മിച്ച ഇവ 2011-ലാണ് പുല്‍ഗാവിലെ ആയുധപ്പുരയിലേക്ക് കൈമാറിയത്. ഇവിടെനിന്നാണ് ഉപയോഗിക്കാനായി വിവിധ സംസ്ഥാനങ്ങളിലേക്ക് വിതരണം ചെയ്യുന്നത്.

2016-ല്‍ പുല്‍ഗാവിലുണ്ടായ സ്‌ഫോടനത്തെത്തുടര്‍ന്ന് നഷ്ടപ്പെട്ടതാണോ എന്ന് പരിശോധിക്കുന്നുണ്ട്. വിതരണം ചെയ്തത് ഏത് സൈനിക ക്യാമ്പിലേക്കാണെന്നത് വ്യക്തമായാല്‍ അവിടെ ഇത്തരത്തിലുള്ള ഏതെങ്കിലും സ്‌ഫോടനമോ ആക്രമണമോ നടന്നിട്ടുണ്ടോ എന്ന് പരിശോധിക്കും. അതിനുശേഷമേ കുറ്റിപ്പുറം പാലത്തിനടിയില്‍ ഇതെല്ലാം എങ്ങനെയെത്തി എന്നത് സംബന്ധിച്ച് ഒരു നിഗമനത്തിലെത്താന്‍ കഴിയൂ.

സൈനിക ക്യാമ്പുകള്‍ ആക്രമിച്ച് ആയുധങ്ങള്‍ കൈവശപ്പെടുത്തുന്ന രീതി മാവോവാദികള്‍ക്കുണ്ട്. മാവോവാദികളുടെ കൂടിക്കാഴ്ച കേന്ദ്രങ്ങളിലൊന്നാണ് കുറ്റിപ്പുറം. അതുകൊണ്ടുതന്നെ മാവോവാദി ബന്ധങ്ങള്‍ അന്വേഷണസംഘം തള്ളിക്കളഞ്ഞിട്ടില്ല.

കേരളത്തിന് പുറത്തുനിന്നുള്ള സൈനിക ക്യാമ്പുകളില്‍നിന്ന് നഷ്ടപ്പെട്ടവയാണ് ഇപ്പോള്‍ ലഭിച്ചവയെല്ലാം എങ്കില്‍ എങ്ങനെ അവ സംസ്ഥാനത്തിനകത്ത് എത്തി എന്നതും പ്രധാനമാണ്. റോഡുമാര്‍ഗം എത്തിച്ചിരിക്കാനാണ് സാധ്യത. ഇതും സുരക്ഷാ വീഴ്ചയിലേക്കാണ് വിരല്‍ചൂണ്ടുന്നത്.

ഒരുവര്‍ഷത്തിനുള്ളിലാണ് ആയുധ സാമഗ്രികള്‍ ഭാരതപ്പുഴയില്‍ ഉപേക്ഷിച്ചെന്നാണ് അന്വേഷണസംഘത്തിന്റെ കണക്കുകൂട്ടല്‍. ഏതെങ്കിലും വാഹനത്തില്‍ എത്തിച്ച സാധനങ്ങള്‍ പാലത്തിനു മുകളില്‍നിന്ന് താഴേയ്ക്ക് വലിച്ചെറിഞ്ഞതാവാനാണ് സാധ്യത. പി.എസ്.പി. ഷീറ്റുകള്‍ ഉള്‍പ്പെടെയുള്ളവ കണ്ടെത്തിയ സാഹചര്യത്തില്‍ ആയുധസാമഗ്രികള്‍ ഉപേക്ഷിച്ചതാകുമെന്നുതന്നെയാണ് അന്വേഷണസംഘം വിശ്വസിക്കുന്നത്.

The post കുറ്റിപ്പുറത്തെ ആയുധശേഖരം: അന്വേഷണം സൈനിക ക്യാമ്പുകള്‍ കേന്ദ്രീകരിച്ച്‌ appeared first on Valanchery Online.

വെടിയുണ്ടകൾ സ്വയം നിറയ്ക്കുന്ന തോക്കുകളിൽ (സെൽഫ് ലോഡിങ് റൈഫിൾസ്) ഉപയോഗിക്കുന്ന വലിയ ഉണ്ടകളാണ് ഇന്നലെ കണ്ടെടുത്തവ. 7.62 എംഎം വലുപ്പമുള്ളവയാണ് ഇവ. വെടിയുതിർത്ത ഉണ്ടകളുടെ 45 ഷെല്ലുകളും കണ്ടെടുത്തിട്ടുണ്ട്. ഇതിനു പുറമേ ചതുപ്പുനിലങ്ങളിൽ ടാങ്കുകൾ അടക്കമുള്ളവ താഴാതിരിക്കാൻ ഉപയോഗിക്കുന്ന ഇരുമ്പ് ഷീറ്റിന്റെ ഒരു ഭാഗവും ലഭിച്ചു. ഇവയെല്ലാം ഇന്ത്യൻ സൈന്യം ഉപയോഗിക്കുന്നവയാണ്.

ദേശീയപാതയിലെ കുറ്റിപ്പുറം പാലത്തിനു മുകളിൽനിന്ന് ഇവ തള്ളിയതാകാനുള്ള സാധ്യതയും പുഴയിൽ നേരിട്ടെത്തി ഒളിപ്പിച്ചതാകാനുള്ള സാധ്യതയും അന്വേഷണ സംഘം പരിശോധിക്കുന്നുണ്ട്. കുഴിബോംബുകൾ മഹാരാഷ്ട്രയിലെ ചന്ദ്രപുർ ഓർഡനൻസ് ഫാക്ടറിയിൽ നിർമിച്ചവയാണെന്ന് കണ്ടെത്തിയിരുന്നു. പ്രതിരോധ വകുപ്പിനു കീഴിലുള്ള ഫാക്ടറിയിൽനിന്നു പുറത്തെത്തിയ കുഴിബോംബുകൾക്ക് ഒപ്പം എത്തിച്ചതാകാം വെടിക്കോപ്പുകളുമെന്ന് കരുതുന്നു. കണ്ടെടുത്ത വെടിക്കോപ്പുകൾ ഏത് ക്യാംപിൽനിന്നാണെന്ന് സൈന്യത്തിന്റെ പരിശോധനയിൽ മാത്രമേ വ്യക്തമാകൂ.

The post ഭാരതപ്പുഴയി‍ൽ നിന്ന് കണ്ടെത്തിയ വെടിക്കോപ്പുകൾ സൈന്യം ഉപയോഗിക്കുന്ന തരത്തിലുള്ളവ appeared first on Valanchery Online.

ഇന്നലെ കണ്ടെത്തിയ വെടിയുണ്ടകളും മറ്റു വെടിക്കോപ്പുകളും വെള്ളത്തിനടിയിൽനിന്നാണ് കണ്ടെത്തിയത്. ഇവ ചാക്കിൽക്കെട്ടി താഴ്ത്തിയ നിലയിലായിരുന്നു. ആഴമുള്ള ഭാഗങ്ങളിൽ ഇന്നലെ പരിശോധന നടത്താനായിട്ടില്ല. കൂടുതൽ സ്ഫോടക വസ്തുക്കൾ ഉണ്ടാകാനുള്ള സാധ്യത കണക്കിലെടുത്താണ് ഇന്നും പരിശോധന നടത്തുക.

The post കുറ്റിപ്പുറം പാലത്തിന് അടിയിൽനിന്ന് കുഴിബോംബും വെടിക്കോപ്പും: പുഴയിൽ ഇന്ന് കൂടുതൽ പരിശോധന appeared first on Valanchery Online.