bridge Archives - Valanchery Online

കാങ്കപ്പുഴ റഗുലേറ്റർ കം ബ്രിഡ്ജിൽ വാഹന ഗതാഗതത്തിന് നിരോധനം

വളാഞ്ചേരിക്കാരൻ — Fri, 01 May 2026 12:28:41 +0000

കുറ്റിപ്പുറം: മലപ്പുറം പാലക്കാട് ജില്ലകളെ ബന്ധിപ്പിക്കുന്ന കാങ്കപ്പുഴ റഗുലേറ്റർ കം ബ്രിഡ്ജ് വഴിയുളള വാഹന ഗതാഗതം നിരോധിച്ചു. റഗുലേറ്റർ കം ബ്രിഡിലൂടെ ഉദ്ഘാടനത്തിന് ശേഷം വാഹനങ്ങൾക്ക് ഗതാഗതം അനുവദിച്ചതായിരുന്നു. എന്നാൽ കഴിഞ്ഞ ദിവസം മുതൽ പാലത്തിലൂടെ വാഹനങ്ങൾ കടന്നുപോകുന്നത് അധികൃതർ നിരോധിക്കുക യായിരുന്നു. പാലക്കാട് ജില്ലയിലെ ആനക്കര വില്ലേജിൽ പാലത്തിന്റെ അപ്രോച്ച് റോഡിൻ്റെയും ഡ്രൈനേജിന്റെയും നിർമാണ പ്രവൃത്തികൾ നടക്കുന്നതിനാലാണ് ഗതാഗതം താൽക്കാലികമായി നിരോധിച്ചതെന്നാണ് അധികൃതർ പറയുന്നത്. സുവാഹനങ്ങൾ

102 കോടി രൂപ ചെലവഴിച്ചാണ് 418 മീറ്റർ നീളവും 11 മീറ്റർ വീതിയുമുള്ള റഗുലേറ്റർ കം ബ്രിഡ്ജ് നിർമിച്ചിരിക്കുന്നത്.28 ഷട്ടറുകളോടു കൂടിയ റഗുലേറ്റർ ബ്രിഡ്ജ് ജലസംഭരണത്തിനും ഗതാഗതത്തിനും ഒരുപോലെ സഹായകരമാകുന്ന തരത്തിലാണ് നിർമിച്ചിരിക്കുന്നത്. ബ്രിഡിൻ്റെ
അപ്രോച്ച് റോഡ് നിർമാണം പൂർത്തിയാകാത്തത് വാഹന ഗതാഗതത്തിന് തിരിച്ചടിയായി. കുറ്റിപ്പുറം ഗ്രാമ പഞ്ചായത്തിൻ്റെ പരിധിയിൽ ഉൾപ്പെടുന്ന ഭാഗത്ത് ഭൂമി ഏറ്റെടുക്കൽ ഇതുവരെ പൂർത്തിയായിട്ടില്ല. റവന്യൂവകുപ്പിന്റെ അനാസ്ഥ മൂലമാണ് ഭൂവുടമകൾ ബാക്കിയുളളവർ സമ്മതപത്രം നൽകാൻ തയാറാകാത്തത്. നേരത്തെ റവന്യൂവകുപ്പ് പുറത്തിറക്കിയ താൽക്കാലിക രേഖയിൽ സ്ഥലംവിട്ടുനൽകുന്ന ഭൂ വുടമകളുടെ പേരുവിവരങ്ങളും നഷ്ടപരിഹാര തുകയുടെ കണക്കും രേഖപ്പെടുത്താത്തതാണ് ഇവർ സമ്മതപത്രം നൽകാതിരിക്കാൻ കാരണമായി പറയുന്നത്.

അതേസമയം പാലത്തിലൂടെയുള്ള ഗതാഗതം നിരോധിച്ചെങ്കിലും കുറ്റിപ്പുറം ഭാഗത്ത് ഇരുചക്രവാഹനങ്ങൾ ഇതു വകവെക്കാതെ കടന്നുപോകുന്നത് തുടരുകയാണ്. വാഹനങ്ങൾ കടന്നുപോകുന്നത് ഒഴിവാക്കാനായി പാലത്തിൻ്റെ അറ്റത്ത് ജെസിബി ഉപയോഗി ച്ച് മണ്ണ് നീക്കം ചെയ്ത് താൽക്കാലിക കിടങ്ങ് നിർമിച്ചിട്ടുണ്ടെങ്കിലും ഇത് മറിക്കടന്നാണ് ഇരുചക്രവാഹനങ്ങൾ കടന്നുപോകുന്നത്. ഇത് പലപ്പോഴും വലിയ അപകടങ്ങൾക്ക് കാരണമാകു ന്നതായി നാട്ടുകാർ പറയുന്നു.

The post കാങ്കപ്പുഴ റഗുലേറ്റർ കം ബ്രിഡ്ജിൽ വാഹന ഗതാഗതത്തിന് നിരോധനം appeared first on Valanchery Online.

കുറ്റിപ്പുറം പാലത്തിന് മുകളില്‍ വെച്ച് കെ.എസ്.ആര്‍.ടി.സി. ബസ്സും സ്കൂട്ടറും കൂട്ടിയിടിച്ച് യുവാവിന് ദാരുണാന്ത്യം

വളാഞ്ചേരിക്കാരൻ — Tue, 28 Jan 2025 18:48:50 +0000

കുറ്റിപ്പുറം: ദേശീയപാത 66ലെ കുറ്റിപ്പുറം പാലത്തിന് മുകളിൽ വച്ചുണ്ടായ വാഹനാപകടത്തിൽ യുവാവിന് ദാരുണാന്ത്യം. തൃപ്രങ്ങോട് ക്ഷേത്രത്തിനു സമീപം മേപ്പാടത്ത് താമസിക്കുന്ന ആപീസ് പറമ്പിൽ പരേതനായ ഉണ്ണികൃഷ്ണൻ്റെ മകൻ സൗരവ് കൃഷ്ണൻ (25) ആണ് മരിച്ചത്. ചൊവ്വാഴ്ച്ച രാത്രി 9.30 ന് ആണ് അപകടം. ദേശീയപാതയിൽ മിനി പമ്പക്ക് സമീപത്തായി കോട്ടയത്ത് നിന്നും കാസറഗോഡേക്ക് പോവുകയായിരുന്ന കെ.എസ്.ആർ.ടി.സി സ്വിഫ്റ്റ് ബസ് എതിർദിശയിൽ വന്ന സ്കൂട്ടറിൽ ഇടിച്ചാണ് അപകടമുണ്ടായത്. അപകടത്തിൽ സൗരവ് കൃഷ്ണ തല്‍ക്ഷണം മരിച്ചു. അപകടത്തെ തുടർന്ന് ദേശീയപാതയിൽ ഏറെനേരം ഗതാഗതം തടസ്സപ്പെട്ടു. മൃതദേഹം കുറ്റിപ്പുറം താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഇൻക്വസ്റ്റിന് ശേഷം പോസ്റ്റ്മോർട്ടം പൂർത്തീകരിച്ച് ബന്ധുക്കൾക്ക് വിട്ടു നൽകും.

The post കുറ്റിപ്പുറം പാലത്തിന് മുകളില്‍ വെച്ച് കെ.എസ്.ആര്‍.ടി.സി. ബസ്സും സ്കൂട്ടറും കൂട്ടിയിടിച്ച് യുവാവിന് ദാരുണാന്ത്യം appeared first on Valanchery Online.

തിരൂർ താഴെപ്പാലം പുതിയ പാലത്തിന്റെ ഉദ്ഘാടനം ഇന്ന്

വളാഞ്ചേരിക്കാരൻ — Tue, 14 Feb 2023 00:34:52 +0000

തിരൂർ : താഴെപാലത്ത് നിലവിലുള്ള പാലത്തിനു സമാന്തരമായി പുതുതായി നിർമിച്ച താഴെപാലം സമാന്തരപാലത്തിന്റെയും സമീപന റോഡിന്റെയും ഉദ്ഘാടനം ചൊവ്വാഴ്ച വൈകീട്ട് 3.30-ന് താഴെപാലം പരിസരത്ത് മന്ത്രി പി.എ. മുഹമ്മദ് റിയാസ് നിർവഹിക്കും. ചടങ്ങിൽ കുറുക്കോളി മൊയ്തീൻ എം.എൽ.എ. അധ്യക്ഷതവഹിക്കും. മന്ത്രി വി. അബ്ദുറഹ്‌മാൻ മുഖ്യാതിഥിയാവും.

ഇ.ടി. മുഹമ്മദ് ബഷീർ എം.പി, തിരൂർ നഗരസഭാധ്യക്ഷ എ.പി. നസീമ, ബ്ലോക്ക് പഞ്ചായത്ത് പ്രസിഡന്റ് അഡ്വ. യു. സൈനുദീൻ, നഗരസഭ ഉപാധ്യക്ഷൻ പി. രാമൻകുട്ടി എന്നിവർ പങ്കെടുക്കും.

The post തിരൂർ താഴെപ്പാലം പുതിയ പാലത്തിന്റെ ഉദ്ഘാടനം ഇന്ന് appeared first on Valanchery Online.

ചെമ്പിക്കൽ ലോക്ക് കം ബ്രിഡ്‌ജ്‌: നിർമാണം പൂർത്തിയായി

വളാഞ്ചേരിക്കാരൻ — Wed, 28 Dec 2022 02:28:18 +0000

കുറ്റിപ്പുറം : കുറ്റിപ്പുറം-തിരൂർ റോഡിലെ ചെമ്പിക്കലിൽ ഇറിഗേഷൻ വകുപ്പ് നിർമിച്ച പുതിയ ലോക്ക് കം ബ്രിഡ്‌ജിന്റെ നിർമാണം പൂർത്തിയായി. രണ്ടാഴ്‌ചയിലേറെ നീണ്ടുനിന്ന കരാർ കമ്പനിയുടെയും ഇറിഗേഷൻ വകുപ്പ് എൻജിനിയറിങ് വിഭാഗത്തിന്റെയും വെള്ളത്തിന്റെ ചോർച്ച പരിശോധനയും വിജയകരമായി പൂർത്തിയായി. മൂന്നുമീറ്റർ ഉയരവും രണ്ടുമീറ്റർ വീതിയുമുള്ള രണ്ട് ഷട്ടറുകളാണ് ഇവിടെ സ്ഥാപിച്ചിരിക്കുന്നത്.

രണ്ടുവർഷം മുൻപ് നിർമാണം ആരംഭിച്ചതാണ് ഈ ലോക്ക് കം ബ്രിഡ്‌ജ്‌. ഭാരതപ്പുഴയിൽനിന്ന് വർഷകാലത്ത് കിഴക്കുഭാഗത്തെ നെൽക്കൃഷിയിടത്തിലേക്ക് വെള്ളം കയറി കൃഷി നശിക്കാതിരിക്കാനും വേനൽക്കാലത്ത് കൃഷിക്ക് ഉപയുക്തമാക്കാൻ വെള്ളം സംഭരിച്ചു നിർത്തുന്നതിനുമായി ഇവിടെ പതിറ്റാണ്ടുകൾക്കുമുൻപ് ഒരു ലോക്ക് കം ബ്രിഡ്‌ജ്‌ ഇറിഗേഷൻ വകുപ്പ് നിർമിച്ചിരുന്നു.
കാലപ്പഴക്കത്തിൽ ലോക്ക് കം ബ്രിഡ്‌ജിന്റെ ഷട്ടറുകൾ തകർന്നതോടെ ഇതുകൊണ്ടുള്ള പ്രയോജനം കർഷകർക്ക് ലഭ്യമല്ലാതായതോടെ പുതിയ ലോക്ക് കം ബ്രിഡ്‌ജിനായുള്ള ജനകീയ പ്രതിഷേധങ്ങൾ ഉയരുകയും തുടർന്ന് രണ്ടുവർഷം മുൻപ് ഇറിഗേഷൻ വകുപ്പ് ഒരുകോടി രൂപ പുതിയ ലോക്ക് കം ബ്രിഡ്‌ജ്‌ നിർമാണത്തിന് അനുവദിക്കുകയുമായിരുന്നു.
ആദ്യ ലോക്ക് കം ബ്രിഡ്‌ജ്‌ ഉണ്ടായിരുന്നിടത്തു തന്നെയാണ് പുതിയത് നിർമിച്ചത്. വേനൽ ആകുമ്പോഴേക്കും ലോക്ക് കം ബ്രിഡ്‌ജ്‌ പ്രവർത്തനക്ഷമമായത് മേഖലയിലെ നൂറുകണക്കിന് നെൽക്കർഷകർക്ക് വലിയൊരു അനുഗ്രഹമായിരിക്കുകയാണ്. മഴക്കാലത്ത് തിരൂർ-പൊന്നാനി പുഴ, പാഴൂർ പാടശേഖരം, ചെല്ലൂർത്തോട് എന്നിവിടങ്ങളുമായി ബന്ധപ്പെട്ടുള്ള വെള്ളമാണ് ഈ കലുങ്ക് വഴി ഭാരതപ്പുഴയിലെത്തുന്നത്. ജലത്തിന്റെ ആവശ്യകതയനുസരിച്ച് ഷട്ടറുകൾ പ്രവർത്തിപ്പിക്കാനുള്ള ഉത്തരവാദിത്വം പാഴൂർ പാടശേഖര കമ്മിറ്റിക്കാണ് ഇറിഗേഷൻ വകുപ്പ് നൽകിയിരിക്കുന്നത്.

The post ചെമ്പിക്കൽ ലോക്ക് കം ബ്രിഡ്‌ജ്‌: നിർമാണം പൂർത്തിയായി appeared first on Valanchery Online.

ആറുവരിപ്പാത നിർമാണം : കുറ്റിപ്പുറത്ത് പുതിയ പാലത്തിന്റെ ബീമുകൾ സ്ഥാപിച്ചു തുടങ്ങി

വളാഞ്ചേരിക്കാരൻ — Tue, 27 Dec 2022 00:11:09 +0000

കുറ്റിപ്പുറം: ആറുവരിപ്പാത നിർമാണത്തിന്റെ ഭാഗമായി കുറ്റിപ്പുറം ഭാരതപ്പുഴയിൽ നിർമിക്കുന്ന പുതിയ പാലത്തിന്റെ പില്ലറുകളുടെ വശങ്ങളിലെ ബീമുകൾ സ്ഥാപിച്ചു തുടങ്ങി. തിങ്കളാഴ്ച രാവിലെയാണ് ആദ്യ ബീമ് ക്രെയിൻ ഉപയോഗിച്ച് സ്ഥാപിച്ചത്. 500 മീറ്റർ നീളം വരുന്ന പാലത്തിന് 32 മീറ്ററാണ് വീതി. പാലത്തിന്റെ രണ്ടു ഭാഗങ്ങളിലായി ഒന്നരമീറ്റർ വീതിയിൽ രണ്ടു നടപ്പാതകളും നിർമിക്കും. 28 പില്ലറുകളാണ് പാലത്തിന് ആകെ ഉള്ളത് . ഇതിൽ മിനിപമ്പ ഭാഗത്തുള്ള ആറ് പില്ലറുകൾ കൂടി നിർമിക്കാനുണ്ട്. അതിന്റെ നിർമാണം നടന്നു വരുകയാണ്.

28 പില്ലറുകളിലായി 140 ബീമുകളാണ് സ്ഥാപിക്കാനുള്ളത്. കുറ്റിപ്പുറം ഹൈവേ ജങ്ഷനു സമീപത്താണ് ബീമുകളുടെ നിർമാണം നടക്കുന്നത്. തൃശ്ശൂർ- കുറ്റിപ്പുറം സംസ്ഥാനപാതയും ദേശീയ പാത 66-ഉം സംഗമിക്കുന്ന മിനിപമ്പയിൽ പരസ്പരം വാഹനങ്ങൾക്കും യാത്രക്കാർക്കും കടന്നു പോകുന്നതിനായി മേൽപ്പാലം നിർമിക്കും. ശബരിമല തീർത്ഥാടനകാലം കഴിഞ്ഞാൽ മേൽപ്പാലത്തിന്റെ നിർമാണം ആരംഭിക്കും. നിലവിലുള്ള പാലം കുറ്റിപ്പുറം ടൗണിലേക്കും തിരൂർ റോഡിലേക്കുമുള്ള സർവീസ് റോഡായി നിലനിർത്തുകയും ചെയ്യും.

The post ആറുവരിപ്പാത നിർമാണം : കുറ്റിപ്പുറത്ത് പുതിയ പാലത്തിന്റെ ബീമുകൾ സ്ഥാപിച്ചു തുടങ്ങി appeared first on Valanchery Online.

അറ്റകുറ്റപ്പണികൾക്ക് ശേഷം തിരുവേഗപ്പുറ പാലം തുറന്ന് കൊടുത്തു

വളാഞ്ചേരിക്കാരൻ — Sun, 20 Nov 2022 07:35:26 +0000

ഇരിമ്പിളിയം: തിരുവേഗപ്പുറ പാലം അറ്റകുറ്റ പണികളിലെ ടാറിങ് പണികൾ പൂർത്തീകരിച്ചതിനാൽ ഇന്ന് 20.11.2022. രാവിലെ 7.15 ന് വാഹനഗതാഗതത്തിന് തുറന്നു. മുൻ നിശ്ചയിച്ചതിലും നേരത്തെയാണ് പാലം തുറക്കുന്നത്. പി.ഡബ്ല്യു.ഡി അസി. എക്സി. എഞ്ചിനീയർ, അസി. എഞ്ചിനീയർ തുടങ്ങിയ ഉദ്യോഗസ്ഥർ പണികൾ നിയന്ത്രിച്ചു. ബാക്കി പെയിന്റിംഗ് ജോലികൾ തടസ്സങ്ങളില്ലാതെ വരും ദിവസങ്ങളിലും തുടരും.

The post അറ്റകുറ്റപ്പണികൾക്ക് ശേഷം തിരുവേഗപ്പുറ പാലം തുറന്ന് കൊടുത്തു appeared first on Valanchery Online.

പുനരുദ്ധാരണം; തിരുവേഗപ്പുറ പാലത്തിലൂടെയുള്ള എല്ലാവിധ ഗതാഗതത്തിനും ഇന്നു മുതൽ നിരോധനം

വളാഞ്ചേരിക്കാരൻ — Tue, 01 Nov 2022 02:39:12 +0000

തിരുവേഗപ്പുറ: തിരുവേഗപ്പുറ പാലത്തിന്റെയും സമീപ റോഡിന്റെയും പുനരുദ്ധാരണപ്രവർത്തനങ്ങൾ നടക്കുന്നതിന്റെ ഭാഗമായി ചൊവ്വാഴ്‌ച മുതൽ 20 വരെ തിരുവേഗപ്പുറ പാലത്തിലൂടെയുള്ള എല്ലാത്തരം വാഹനങ്ങളുടെയും ഗതാഗതം നിരോധിച്ചതായി എക്‌സിക്യുട്ടീവ് എൻജിനീയർ അറിയിച്ചു. വളാഞ്ചേരിയിൽനിന്ന് കൊപ്പം ഭാഗത്തേക്കുള്ള വാഹനങ്ങൾ വെങ്ങാട്-മൂർക്കനാട് പാലം-എടപ്പലം വഴി തിരിഞ്ഞും കൊപ്പം ഭാഗത്തുനിന്ന് വളാഞ്ചേരി ഭാഗത്തേക്കുവരുന്ന വാഹനങ്ങൾ നെടുങ്ങോട്ടിരി-എടപ്പലം-മൂർക്കനാട് പാലം വഴിയുമാണ് പോകേണ്ടത്.

The post പുനരുദ്ധാരണം; തിരുവേഗപ്പുറ പാലത്തിലൂടെയുള്ള എല്ലാവിധ ഗതാഗതത്തിനും ഇന്നു മുതൽ നിരോധനം appeared first on Valanchery Online.

സാങ്കേതിക പ്രശ്നങ്ങൾ; കുറ്റിപ്പുറം പാലത്തിലെ അറ്റകുറ്റപ്പണികൾ ഇന്ന് തുടങ്ങില്ല, ഗതാഗതം തുടരും

വളാഞ്ചേരിക്കാരൻ — Sun, 28 Aug 2022 15:22:01 +0000

കുറ്റിപ്പുറം: കഴിഞ്ഞ ദിവസം ദേശീയപാത നിർമ്മാണ കമ്പനിയുടെ മണ്ണുമാന്തി ഇടിച്ചതിനെ തുടർന്ന് തകരാറിലായ കുറ്റിപ്പുറം പാലത്തിൽ ഇന്ന് തുടങ്ങേണ്ട അറ്റകുറ്റപണികൾ മാറ്റിവച്ചു. ചില സാങ്കേതിക കാരണങ്ങൾ മൂലമാണ് അറ്റകുറ്റപണികൾ നടത്തുന്നത് മാറ്റിവക്കുന്നതെന്നാണ് ലഭിക്കുന്ന വിവരം. ഇന്ന് പാലം അടക്കുകയില്ല എന്ന കാര്യത്തിൽ കുറ്റിപ്പുറം പോലീസിൻ്റെ ഭാഗത്ത് നിന്ന് സ്ഥിരീകരണം ലഭിച്ചു. പാലം മുഴുവനായി അടക്കേണ്ട സ്ഥിതിയുള്ളതിനാൽ മറ്റൊരു ദിവസം മുൻകൂട്ടി അറിയിച്ച ശേഷമായിരിക്കും ഇനി പണികൾ നടക്കുകയെന്നും പോലീസ് അറിയിച്ചു. പാലം അടക്കാത്ത സ്ഥിതിക്ക് കുറ്റിപ്പുറം പാലം വഴിയുള്ള ഗതാഗതം ഇന്നു രാത്രിയും നിയന്ത്രണങ്ങളില്ലാതെ തുടരും.

നിർമാണ കമ്പനിയുടെ വാഹനം ഇടിച്ചതിനാൽ ഇവർ തന്നെയാണ് പാലത്തിൻ്റെ അറ്റകുറ്റപണി ചെയ്യുന്നതും. ഇതിനായി ഹൈദരാബാദിൽ നിന്ന് ഉപകരണങ്ങളും വിദഗ്ധരും സ്ഥലത്തെത്തിയിരുന്നു. രണ്ട് ദിവസളായി മൂന്ന് മണിക്കൂർ വീതം സമയം പണിക്ക് വേണ്ടിവരുമെന്നാണ് അറിയിച്ചിരുന്നത്. നേരത്തെ ഇന്ന് രാത്രി മുതൽ വഴി തിരിച്ചു വിട്ടതായി അറിയിച്ചിരുന്നു. ഈ അറിയിപ്പാണ് ഇപ്പോൾ പിൻവലിച്ചിരിക്കുന്നത്.

The post സാങ്കേതിക പ്രശ്നങ്ങൾ; കുറ്റിപ്പുറം പാലത്തിലെ അറ്റകുറ്റപ്പണികൾ ഇന്ന് തുടങ്ങില്ല, ഗതാഗതം തുടരും appeared first on Valanchery Online.

മണ്ണുമാന്തിയന്ത്രം തട്ടി; കുറ്റിപ്പുറം പാലം കമാനത്തിന്റെ ബീമുകൾ പൊട്ടി

വളാഞ്ചേരിക്കാരൻ — Sat, 27 Aug 2022 00:24:15 +0000

കുറ്റിപ്പുറം : ലോറിയിൽ കയറ്റിക്കൊണ്ടുപോകുകയായിരുന്ന മണ്ണുമാന്തിയന്ത്രം തട്ടി കുറ്റിപ്പുറം പാലം കമാനത്തിന്റെ ബീമുകൾ പൊട്ടി. വെള്ളിയാഴ്ച രാവിലെ 11.30-നാണ് സംഭവം. പാലത്തിന്റെ ഒന്നാം കമാനത്തിന്റെ മുകളിലെ രണ്ട് ബീമുകളാണ് പൊട്ടിയത്. ആറുവരിപ്പാത നിർമ്മാണം കരാറെടുത്ത കെ.എൻ.ആർ.സി.എൽ. കമ്പനിയുടെ ഹിറ്റാച്ചി വാഹനം ലോറിയിൽ കയറ്റിപ്പോകുന്നതിനിടെ ഹിറ്റാച്ചിയുടെ ഉയർന്ന ഭാഗം ബീമുകളിൽ തട്ടുകയായിരുന്നു. അപകടത്തെത്തുടർന്ന് ബീമുകളുടെ ഒരു ഭാഗം തകർന്നുവീണു. കമാനങ്ങളുമായി ബന്ധിപ്പിക്കുന്ന ഭാഗങ്ങൾക്കും വിള്ളലുണ്ടായി. അപകടസമയത്ത് അതുവഴി ബൈക്കിൽ വന്ന കലാകാരൻ ഇടവേള റാഫി ബീമിന്റെ കോൺക്രീറ്റ് ഭാഗം താഴേക്ക്‌ പതിക്കുന്നതിനിടയിൽ ഭാഗ്യംകൊണ്ടാണ് രക്ഷപ്പെട്ടത്.

അപകടത്തെ തുടർന്ന് അരമണിക്കൂറോളം പാലത്തിൽ ഗതാഗതക്കുരുക്ക് അനുഭവപ്പെട്ടു. പൊട്ടിയ ബീമുകൾ പെട്ടെന്ന് താഴേക്ക് പതിക്കാനുള്ള സാധ്യതയില്ലെന്ന വിലയിരുത്തലിനെ തുടർന്ന് ഇതുവഴിയുള്ള ഗതാഗതം പോലീസ് പിന്നീട് പുനഃസ്ഥാപിച്ചു. വേഗത്തിൽ ബീമുകളുടെ അറ്റകുറ്റപ്പണികൾ ചെയ്യാമെന്ന് കമ്പനി അധികൃതർ ഉറപ്പ്‌ നൽകിയിട്ടുണ്ട്.

The post മണ്ണുമാന്തിയന്ത്രം തട്ടി; കുറ്റിപ്പുറം പാലം കമാനത്തിന്റെ ബീമുകൾ പൊട്ടി appeared first on Valanchery Online.

ചെമ്പിക്കൽ ലോക്ക് കം ബ്രിഡ്‌ജ്‌ നിർമാണം പാതിവഴിയിൽ മുടങ്ങി

വളാഞ്ചേരിക്കാരൻ — Sun, 03 Jul 2022 07:07:39 +0000

കുറ്റിപ്പുറം : കുറ്റിപ്പുറം-തിരൂർ റോഡിലെ ചെമ്പിക്കലിൽ ജലസേചനവകുപ്പ് നിർമിക്കുന്ന പുതിയ ലോക്ക് കം ബ്രിഡ്‌ജിന്റെ പണി നിലച്ചു. മുകളിലൂടെ കടന്നുപോകുന്ന വൈദ്യുതിക്കമ്പികൾ മാറ്റിസ്ഥാപിച്ചാൽ മാത്രമേ ഷട്ടർ സ്ഥാപിക്കാൻ അനുവദിക്കൂ എന്ന നിലപാടിലാണ് വൈദ്യുതിവകുപ്പ്. വൈദ്യുതിക്കമ്പികൾ മാറ്റിസ്ഥാപിക്കാൻ മൂന്നുലക്ഷം രൂപയാണ് ജലസേചനവകുപ്പ് വൈദ്യുതിവകുപ്പിന് നൽകേണ്ടത്. ജലസേചനവകുപ്പ് ഈ ഫണ്ട് വൈദ്യുതിവകുപ്പിന് നൽകിയതിനുശേഷം വൈദ്യുതിക്കമ്പികൾ മാറ്റിയാലേ ഷട്ടർ സ്ഥാപിക്കൽ നടക്കുകയുള്ളൂ.സ്ഥാപിക്കാനുള്ള ഷട്ടറുകളെല്ലാം നിർമാണസ്ഥലത്ത് എത്തിച്ചിട്ട് മാസങ്ങൾ കഴിഞ്ഞു. മാർച്ചിൽ ലോക്ക് കം ബ്രിഡ്‌ജിന്റെ നിർമാണം പൂർത്തിയാക്കാനാണ് ജലസേചനവകുപ്പ് കരാറുകാരന് നിർദേശം നൽകിയിരുന്നത്. എന്നാൽ വൈദ്യുതിവകുപ്പിന്റെ രംഗപ്രവേശത്തോടെ പണി നിലയ്ക്കുകയായിരുന്നു.

ഭാരതപ്പുഴയിൽനിന്ന് മഴക്കാലത്ത് വെള്ളം കയറി നെൽക്കൃഷി നശിക്കാതിരിക്കാനും വേനൽക്കാലത്ത് വെള്ളം സംഭരിച്ചു നിർത്തുന്നതിനുമായാണ് ഇവിടെ പതിറ്റാണ്ടുകൾക്കുമുൻപ് ലോക്ക് കം ബ്രിഡ്‌ജ്‌ നിർമിച്ചത്. ഷട്ടറുകൾ തകർന്നതോടെ ഇതുകൊണ്ടുള്ള പ്രയോജനം കർഷകർക്കു ലഭ്യമല്ലാതായി. ജനകീയ പ്രതിഷേധങ്ങളെത്തുടർന്ന് രണ്ടുവർഷം മുൻപാണ് ഒരുകോടി രൂപ ലോക്ക് കം ബ്രിഡ്‌ജിന്റെ പുനർനിർമാണത്തിന് അനുമതിനൽകിയത്. പദ്ധതി പ്രാവർത്തികമായാൽ ചെല്ലൂർ മേഖലയിലെ നടുവട്ടം, കൊളത്തോൾ പാടശേഖരങ്ങളിലെ നൂറുകണക്കിന് ഏക്കർ നെൽക്കൃഷിക്ക് ഇത് ഗുണകരമാകും.

The post ചെമ്പിക്കൽ ലോക്ക് കം ബ്രിഡ്‌ജ്‌ നിർമാണം പാതിവഴിയിൽ മുടങ്ങി appeared first on Valanchery Online.

തിരുന്നാവായ-തവനൂർ പാലം; നിർമ്മാണത്തിനുള്ള സ്തംഭനാവസ്ഥ പരിഹരിക്കണം- റീഎക്കൗ

വളാഞ്ചേരിക്കാരൻ — Tue, 14 Jun 2022 09:32:01 +0000

തിരുന്നാവായ: പതിറ്റാണ്ടുകളുടെ ആവശ്യത്തിന്ന് ഒടുവിൽ ഏതാനും ദിവസങ്ങൾക്കകം നിർമ്മാണം ആരംഭിക്കുമെന്ന് പ്രഖ്യാപിച്ച തിരുന്നാവായ തവനൂർ പാലം സാങ്കേതിക കാരണങ്ങളിൽ പെട്ട് സ്തംഭിച്ച് നിൽക്കുന്നത് ഒഴിവാക്കണമെന്നും പാല നിർമ്മാണം ഉടൻ ആരംഭിക്കണമെന്നും പരിസ്ഥിതി സംഘടനയായ റി എ ക്കൗ മുപ്പതാം വാർഷിക ജനറൽ ബോഡി യോഗം സർക്കാറിനോട് ആവശ്യപ്പെട്ടു. പ്രസിഡൻ്റ് സി. കിളർ അധ്യക്ഷത വഹിച്ചു.

ഫസലുപാമ്പലത്ത് ഉദ്ഘാടനം ചെയ്തു.സി പി എം ഹാരിസ് , കെ പി സാലിം ,സതിശൻ കളിച്ചാത്ത,ഇ പി സലീം ,സി വി അഷ്റഫ്,ചിറക്കൽ ഉമ്മർ,വാഹിദ് ആയ പള്ളി ,മുനീർ തിരുത്തി,സി സമദ് , ഹനീഫ കരിമ്പനക്കൽ സംസാരിച്ചു – സി കിളർ (പ്രസിഡൻ്റ്) സതീശൻ കളിച്ചാത്ത്.സിദ്ദീഖ് വെള്ളാടത്ത് (വൈസ് പ്രസിഡൻ്റ്) അസ്ക്കർ പല്ലാർ(ജനറൽ സിക്രട്ടറി) സി കെ ശിവൻ,സി വി സുലൈമാൻ(സെക്രട്ടറി) ഹക്കീം മാങ്കടവത്ത് ട്രഷർ എന്നിവരെ തിരെഞ്ഞടുത്തു.

The post തിരുന്നാവായ-തവനൂർ പാലം; നിർമ്മാണത്തിനുള്ള സ്തംഭനാവസ്ഥ പരിഹരിക്കണം- റീഎക്കൗ appeared first on Valanchery Online.

നവീകരണം; തിരുവേഗപ്പുറ പാലത്തിലൂടെയുള്ള ഗതാഗതത്തിന് നാളെ മുതൽ നിരോധനം

വളാഞ്ചേരിക്കാരൻ — Thu, 28 Apr 2022 00:33:05 +0000

തിരുവേഗപ്പുറ : തിരുവേഗപ്പുറ പാലത്തിന്റെയും സമീപറോഡിന്റെയും നവീകരണം നടക്കുന്നതിനാൽ വെള്ളിയാഴ്ച മുതൽ മേയ് 25 വരെ പാലത്തിലൂടെയുള്ള ഗതാഗതം പൂർണമായും നിരോധിച്ചു. വളാഞ്ചേരിയിൽ നിന്ന് കൊപ്പം ഭാഗത്തേക്കുള്ള വാഹനങ്ങൾ വെങ്ങാട് – മൂർക്കനാട് പാലം എടപ്പലം വഴി തിരിഞ്ഞും കൊപ്പം ഭാഗത്ത് നിന്ന് വളാഞ്ചേരി ഭാഗത്തേക്കു പോകുന്ന വാഹനങ്ങൾ നെടുങ്ങാട്ടിരി എടപ്പലം മൂർക്കനാട് പാലം വഴിയും പോകണം.

The post നവീകരണം; തിരുവേഗപ്പുറ പാലത്തിലൂടെയുള്ള ഗതാഗതത്തിന് നാളെ മുതൽ നിരോധനം appeared first on Valanchery Online.