കൂട്ടായി ബീച്ചിലും കടല്‍ കരയിലേക്ക് കയറി. കുട്ടികള്‍ കളിക്കുന്ന 50 മീറ്ററോളം കര കടലെടുത്തു. വലിയ ഉയരത്തിലാണ് കരയിലേക്ക് തിരയടിച്ചത്. ഇതാണ് നാട്ടുകാരെയും മത്സ്യത്തൊഴിലാളികളെയും ആശങ്കയിലാക്കിയത്.

ഇതേ തുടര്‍ന്നായിരുന്നു മന്ത്രിയുടെ സന്ദര്‍ശനം. കടല്‍ക്ഷോഭംമൂലം വീടുകളില്‍ വെള്ളം കയറിയതൊഴിച്ചാല്‍ മറ്റ് പ്രശ്നങ്ങള്‍ ഉണ്ടായില്ലെന്നാണ് റവന്യൂ അധികൃതരുടെ വിലയിരുത്തല്‍. തിരൂര്‍ ഡെപ്യൂട്ടി തഹസില്‍ദാര്‍ പി ഉണ്ണി വിശദാംശങ്ങള്‍ മന്ത്രിയുമായി പങ്കുവച്ചു. കൂട്ടായി ബീച്ചില്‍ മത്സ്യത്തൊഴിലാളികളുമായി മന്ത്രി ചര്‍ച്ചനടത്തി. കൂട്ടായി ബീച്ചില്‍ ഹാര്‍ബര്‍ സ്ഥാപിക്കണമെന്ന് ഇവര്‍ മന്ത്രിയോട് ആവശ്യപ്പെട്ടു. തിരൂര്‍ ബ്ളോക്ക് പഞ്ചായത്ത് അംഗം സി പി ഷുക്കൂര്‍, പുറത്തൂര്‍ പഞ്ചായത്ത് അംഗം മുജീബ് റഹ്മാന്‍, കമറുദ്ദീന്‍, സലാം താണിക്കാട്, ഇ ജാഫര്‍ എന്നിവരും മന്ത്രിയോടൊപ്പമുണ്ടായി.

Content highlights: cyclone ockhi minister kt jaleel