auto rickshaw Archives - Valanchery Online

കൽപകഞ്ചേരിയിൽ ഓട്ടോയ്ക്ക് മുകളിൽ മരം വീണു; യാത്രക്കാർ തലനാരിഴക്ക് രക്ഷപ്പെട്ടു

വളാഞ്ചേരിക്കാരൻ — Tue, 17 May 2022 01:02:25 +0000

കല്പകഞ്ചേരി : ചെറവന്നൂർ പാറമ്മലങ്ങാടിയിൽ ഓട്ടോയ്ക്ക് മുകളിലേക്ക് മരംവീണു. ഡ്രൈവറും യാത്രക്കാരനും അദ്‌ഭുതകരമായി രക്ഷപ്പെട്ടു. തിങ്കളാഴ്ച ഉച്ചയ്ക്ക് 12-നാണ് സംഭവം. കടുങ്ങാത്തുകുണ്ടിൽനിന്ന് പുല്ലൂരിലേക്ക് വിവാഹസത്‌കാരത്തിൽ പങ്കെടുക്കാൻ പോവുകയായിരുന്ന കാവുംപടി സ്വദേശി ഹനീഫ ഒറുവിങ്ങൽ, ഓട്ടോ ഡ്രൈവർ അസൈനാർ എളയോടത്ത് എന്നിവരാണ് രക്ഷപ്പെട്ടത്.

റോഡരികിൽ ഓട്ടോറിക്ഷ നിർത്തിയിട്ട് ഫോണിൽ സംസാരിക്കുന്നതിനിടെ ഭീമൻ പുളിമരം കടപുഴകി വീഴുകയായിരുന്നു. ഓട്ടോറിക്ഷയ്ക്ക് മുകളിലേക്കു വീണ മരം റോഡിനു കുറുകെയുള്ള വൈദ്യുതിലൈനിൽത്തട്ടി കെട്ടിടത്തിനു മുകളിൽ പതിച്ചു. തുടർന്ന് മണിക്കൂറോളം ഗതാഗതം തടസ്സപ്പെട്ടു. കെ.എസ്.ഇ.ബി. അധികൃതരുടെ നേതൃത്വത്തിൽ മരം മുറിച്ചുമാറ്റി ഗതാഗതം പുനഃസ്ഥാപിച്ചു

The post കൽപകഞ്ചേരിയിൽ ഓട്ടോയ്ക്ക് മുകളിൽ മരം വീണു; യാത്രക്കാർ തലനാരിഴക്ക് രക്ഷപ്പെട്ടു appeared first on Valanchery Online.

മുണ്ടൂരിൽ തിരൂർ സ്വദേശികൾ ഉൾപെട്ട അപകടം; ഒരാൾ കൂടി മരിച്ചു

വളാഞ്ചേരിക്കാരൻ — Sun, 12 May 2019 14:45:34 +0000

പേരാമംഗലം: സംസ്ഥാന പാതയിലെ മുണ്ടൂർ പുറ്റേക്കരയിൽ ഓട്ടോയിൽ ടാങ്കർ ലോറിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിൽ കഴിഞ്ഞിരുന്ന ഒരാളും കൂടി മരിച്ചു. ഇതോടെ മരണം മൂന്നായി.

മലപ്പുറം തിരൂർ ഒഴൂർ പൈയാട്ടിൽ രാമചന്ദ്രെൻറ(മണി) മകൻ രജീഷ് (27) ആണ് മരിച്ചത്. ഞായറാഴ്ച ഉച്ചക്ക് രണ്ടിന് അമല ആശുപത്രിയിൽ വെച്ചായിരുന്നു മരണം. ശനിയാഴ്ച രാവിലെ ഏഴിനായിരുന്നു സംഭവം. അപകടത്തിൽ രജീഷിെൻറ മാതാവ് രുഗ്മിണി, പിത്യ സഹോദരൻ രവീന്ദ്രെൻറ മകൻ അലൻ കൃഷ്ണ എന്നിവർ മരിച്ചിരുന്നു.

സംഭവ സമയം രജീഷാണ് ഓട്ടോ ഓടിച്ചിരുന്നത്. ഇടിയുടെ ആഘാതത്തിൽ ഓട്ടോക്കുള്ളിൽ കുടുങ്ങിയ ഇയാളെ ഓട്ടോ വെട്ടിപ്പൊളിച്ചാണ് പുറത്തെടുത്തത്. മൃതദേഹം അമല ആശുപത്രി മോർച്ചറിയിൽ. അവിവാഹിതനാണ്. അപകടത്തിൽ പരിക്കേറ്റ രാമചന്ദ്രൻ, സഹോദര മക്കളായ നിയ, നിവ്യ എന്നിവർ ഇപ്പോഴും തീവ്രപരിചരണ വിഭാഗത്തിലാണ്.

The post മുണ്ടൂരിൽ തിരൂർ സ്വദേശികൾ ഉൾപെട്ട അപകടം; ഒരാൾ കൂടി മരിച്ചു appeared first on Valanchery Online.

ഗതാഗതക്കുരുക്ക്: വളാഞ്ചേരിയിൽ പുതിയ ഓട്ടോ പെർമിറ്റുകൾ അനുവദിക്കരുതെന്ന് ആവശ്യം

വളാഞ്ചേരിക്കാരൻ — Thu, 08 Sep 2016 00:22:45 +0000

വളാഞ്ചേരി: ഗതാഗതക്കുരുക്കുള്ള വളാഞ്ചേരിയില്‍ പുതിയതായി ഓട്ടോറിക്ഷകള്‍ക്ക് ടൗണ്‍ പെര്‍മിറ്റ്

നല്‍കരുതെന്ന് മോട്ടോര്‍ തൊഴിലാളി യൂണിയന്‍ പ്രവര്‍ത്തകസമിതി യോഗം ആവശ്യപ്പെട്ടു.
ടൗണില്‍ പെര്‍മിറ്റില്ലാതെ ഓടുന്ന ഓട്ടോകള്‍ക്കെതിരെ പോലീസ് നടപടിയെടുക്കണമെന്നും ആവശ്യപ്പെട്ടു.
പി. സൈതാലിക്കുട്ടി അധ്യക്ഷതവഹിച്ചു. വി.പി. ഹംസ, പി. വാസുദേവന്‍, കെ.പി. മുഹമ്മദ്, കെ.പി. അബ്ദുറഹ്മാന്‍, അബ്ദുള്‍മനാഫ് എന്നിവര്‍ പ്രസംഗിച്ചു.

Summary:The union of motor vehicle workers, MTU demands not to issue new auto rickshaw permits and action towards those taxis without permit in the traffic stricken valanchery town.

The post ഗതാഗതക്കുരുക്ക്: വളാഞ്ചേരിയിൽ പുതിയ ഓട്ടോ പെർമിറ്റുകൾ അനുവദിക്കരുതെന്ന് ആവശ്യം appeared first on Valanchery Online.