athavanad mohammed kutty Archives - Valanchery Online

വഴിയോരങ്ങളിലെ അനധികൃത പരസ്യ ബോഡുകൾ നീക്കം ചെയ്തു തുടങ്ങി

രാജേഷ് വി അമല — Mon, 29 Oct 2018 16:08:59 +0000

വളാഞ്ചേരി:വഴിയോരത്തെ അനധികൃതപരസ്യങ്ങളും ബാനറുകളും കൊടികളും ഫ്ളക്സും നീക്കം ചെയ്യണമെന്ന ഹൈക്കോടതിയുടെ ഉത്തരവുപ്രകാരം തദ്ദേശ സ്ഥാപനങ്ങൾ ബോഡുകൾ നീക്കം ചെയ്തു തുടങ്ങി. പാതയോരങ്ങളിലെ ബോഡുകൾ അഴിച്ചെടുത്തും കച്ചവട സ്ഥാപനങ്ങൾക്ക് മുന്നറിയിപ്പ് നൽകിയുമാണ് പഞ്ചായത്ത് അധികൃതരുടെ നടപടികൾ പുരോഗമിക്കുന്നത്.

ദേശീയപാത വെട്ടിച്ചിറ മുതൽ പുത്തനത്താണി വരെയുള്ള ഭാഗങ്ങളിലെ പരസ്യബോഡുകൾ ആതവനാട് ഗ്രാമപഞ്ചായത്ത് അധികൃതരുടെ നേതൃത്വത്തിൽ വൈകീട്ടോടെ നീക്കം ചെയ്ത് തുടങ്ങി.

അനധികൃതപരസ്യ ബോർഡുകളും ഫ്ലക്സുമെല്ലാം മുപ്പതിനകം നീക്കം ചെയ്യണമെന്നാണ് ഉത്തരവിൽ പറയുന്നത്. ഇല്ലെങ്കിൽ തദ്ദേശസ്ഥാപനങ്ങളിലെ സെക്രട്ടറിയും ഫീൽഡ് ജീവനക്കാരും ഉത്തരവാദികളാകും എന്നും ഉത്തരവിൽ പറയുന്നു. സമയപരിധി കഴിഞ്ഞും നീക്കാത്ത ഫ്ളക്സും ബോർഡുകളുമുണ്ടെങ്കിൽ ബന്ധപ്പെട്ട ഓഫീസറുടെ ശ്രദ്ധയിൽപ്പെടുത്താം എന്നും ഉത്തരവിലുണ്ട്.

വളാഞ്ചേരി നഗരസഭ പരിധിയിൽ വിവിധ രാഷ്ട്രീയ പാർട്ടികൾ സംഘടനകൾ സ്ഥാപനങ്ങൾ എന്നിവർ അനധികൃതമായി സ്ഥാപിച്ചിട്ടുള്ള പരസ്യ ബോർഡുകൾ, ഫ്‌ളക്‌സുകൾ, ഹോർഡിംഗുകൾ എന്നിവ ഹൈകോടതി ഉത്തരവിന്റെ അടിസ്ഥാനത്തിൽ നഗരസഭ നീക്കം ചെയ്ത് തുടങ്ങി. റവന്യൂ ഇൻസ്‌പെക്ടർ ടി. ശശീധരൻ, ജെ.എച്ച്.ഐ ദീപേഷ് , കണ്ടീജന്റ് ജീവനക്കാരായ സെലിൻ, മുസ്തഫ എന്നിവരുടെ നേതൃത്വത്തിലാണ് നീക്കം ചെയ്തത്. അതേസമയം സ്ഥാപിച്ചവർ തന്നെ ഫ്ളക്സ് ബോഡുകൾ തങ്ങളുടെ വാഹനങ്ങൾ ഉപയോഗിച്ച് നീക്കം ചെയ്യാനും തുടങ്ങിയിട്ടുണ്ട്.

The post വഴിയോരങ്ങളിലെ അനധികൃത പരസ്യ ബോഡുകൾ നീക്കം ചെയ്തു തുടങ്ങി appeared first on Valanchery Online.

കുറ്റിപ്പുറം നടുവട്ടം എയുപി സ്കൂളിലെ വാർഷികോത്സവത്തിൽ പൂർവ വിദ്യാർഥികൾ ഒത്തുകൂടി

വളാഞ്ചേരിക്കാരൻ — Wed, 04 Apr 2018 02:53:40 +0000

കുറ്റിപ്പുറം: നടുവട്ടം എയുപി സ്കൂളിലെ വാർഷികോത്സവം നാടിന് ആവേശമായി. വിദ്യാലയത്തിലെ 1953 ബാച്ചിലെ വിദ്യാർഥികൾ അടക്കമുള്ളവരാണ് സ്കൂൾമുറ്റത്ത് ഒത്തുകൂടിയത്. 1953ലെ ബാച്ചിൽ വിദ്യാർഥിയായിരുന്ന ജഗദീശ്വരൻ തന്റെ പഴയകാല ജീവിതം അനുസ്മരിച്ചു. പൂർവാധ്യാപകരും അനുഭവങ്ങൾ പങ്കുവച്ചു.

കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി, മുഹമ്മദ് പേരാമ്പ്ര, പൂർവ വിദ്യാർഥി സംഘം പ്രസിഡന്റ് എ.പി.വാസുദേവൻ, സെക്രട്ടറി വി.ഹമീദ്, കോഓർഡിനേറ്റർ എ.ഉദയകുമാർ, പ്രധാനാധ്യപിക വി.രാജലക്ഷ്മി, വി.കെ.രാജേന്ദ്രൻ എന്നിവർ പ്രസംഗിച്ചു.

The post കുറ്റിപ്പുറം നടുവട്ടം എയുപി സ്കൂളിലെ വാർഷികോത്സവത്തിൽ പൂർവ വിദ്യാർഥികൾ ഒത്തുകൂടി appeared first on Valanchery Online.

കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഓണാഘോഷ പരിപാടികൾക്ക് തുടക്കമായി

വളാഞ്ചേരിക്കാരൻ — Sat, 26 Aug 2017 15:53:28 +0000

വളാ‍ഞ്ചേരി: കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷന്റെ ആഭിമുഖ്യത്തിൽ ടാഗോർ കോളേജിന്റെ സഹകരണത്തോടെ ഓണാഘോഷ പരിപാടികൾ സംഘടിപ്പിച്ചു .

കുറ്റിപ്പുറം ബ്ലോക്ക് പഞ്ചായത്തു സാക്ഷരതാ മിഷന്റെ ആഭിമുഖ്യത്തിൽനടന്ന ഓണാഘോഷ പരിപാടികളുടെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിക്കുന്നു

വാദ്യ മേളങ്ങളുടെ അകമ്പടിയോടെ രാവിലെ നടന്ന ഓണാഘോഷയാത്രയിൽ യാത്രയിൽ ജന പ്രതിനിധികളും സാമൂഹ്യ സാംസ്‌കാരിക സാക്ഷരതാ പ്രവര്ത്തകരും വിദ്യാർത്ഥികളും ഉൾപ്പടെ നിരവധി പേരാണ് പങ്കെടുത്തത് . ശേഷം നടന്ന ഓണാഘോഷ പരിപാടികളുടെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിച്ചു. കുറ്റിപ്പുറം പഞ്ചായത്ത് പ്രസിഡന്റ് വസീമ വെളേരി അദ്യക്ഷത വഹിച്ചു .

കുറ്റിപ്പുറം ബ്ലോക്ക് പഞ്ചായത്തു സാക്ഷരതാ മിഷന്റെ ആഭിമുഖ്യത്തിൽ നടന്ന ഓണാഘോഷ യാത്ര

കുറ്റിപ്പുറം ബ്ലോക്ക് പഞ്ചായത്ത് വികസന കാര്യ സ്ഥിരം സമിതി ചെയര്മാന് എ പി സബാഹ്, ബ്ലോക്ക് പഞ്ചായത്ത് വിദ്യാഭ്യാസ സ്ഥിര സമിതി ചെയര്മാന് കെ.ടി. സിദ്ദിഖ് , കുറ്റിപ്പുറം ബ്ലോക്ക് പഞ്ചായത്ത് അംഗം കൈപ്പള്ളി അബ്ദുല്ല കുട്ടി കുറ്റിപ്പുറം ബ്ലോക്ക് പഞ്ചായത്ത് ബ്ലോക്ക് നോഡൽ പ്രേരക് കെ.ടി. നിസാർ ബാബു പ്രേരക്മാരായ കെ പി പുഷ്പ , കെ പി സിദ്ധീഖ് കോളേജ് പ്രിൻസിപ്പൽ ഷമീർ കുമ്പിടി , മാനേജിങ് ഡയറക്ടർ മുസ്തഫ എം മുനീർ സി തുടങ്ങിയവർ സംസാരിച്ചു .500 ഓളം പേർക് ഓണസദ്യയും നൽകി . ഇന്ന് (27 /8 /17 ) കരിപ്പോൾ തുല്യത പഠന കേന്ദ്രത്തിൽ വെച്ചു ഓണ സദ്യയും പഠിതാക്കളുടെ ഓണ മത്സര പരിപാടികളും നടക്കും.

The post കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഓണാഘോഷ പരിപാടികൾക്ക് തുടക്കമായി appeared first on Valanchery Online.