assembly election Archives - Valanchery Online

ആബിദ് ഹുസൈന്‍ തങ്ങള്‍ ഇന്ന് കോട്ടക്കല്‍ നഗരസഭയില്‍ പര്യടനം നടത്തും

വളാഞ്ചേരിക്കാരൻ — Sun, 21 Mar 2021 00:54:35 +0000

കോട്ടക്കല്‍: കോട്ടക്കല്‍ മണ്ഡലം യുഡിഎഫ് സ്ഥാനാര്‍ഥി പ്രൊഫ.ആബിദ് ഹുസൈന്‍ തങ്ങള്‍ ഇന്ന് കോട്ടക്കല്‍ നഗരസഭയിലെ വിവിധ കേന്ദ്രങ്ങളില്‍ പര്യടനം നടത്തും. രാവിലെ 9 മണിക്ക് പുന്നപ്പറമ്പില്‍ നിന്നാരംഭിക്കും. മുസ്‌ലിം ലീഗ് സംസ്ഥാന ജനറല്‍ സെക്രട്ടറി പി.എം.എ സലാം ഉദ്ഘാടനം ചെയ്യും തുടര്‍ന്ന് പാപ്പായി, വലിയപറമ്പ്, ഉദരാണി, വെസ്റ്റ് വില്ലൂര്‍, ഈസ്റ്റ് വില്ലൂര്‍, കല്ലറമ്പ്, കൂരിയാട്, ഇന്ത്യനൂര്‍, മുളിയന്‍ക്കോട്ട, മരവട്ടം, പെരുങ്കുളം, മദ്രസുംപടി, ആമപ്പാറ, കോട്ടുര്‍, പണിക്കര്‍കുണ്ട്, കാവതികളം, ചീനമ്പുത്തുര്‍ (എല്‍.പി സ്‌കൂള്‍ പരിസരം) എന്നിവിടങ്ങളില്‍ ഇതില്‍ വോട്ടര്‍മാരുമായി സംവദിച്ച് ഉച്ചക്ക് 1.30 ഓടെ അത്താണിയിലെത്തും. ശേഷം 3 മണിക്ക് പങ്കുവെട്ടി മൈത്രി നഗറില്‍ നിന്നാരംഭിച്ച് കൊഴുര്‍, മിനി പളളിറോഡ് ജംഗ്ഷന്‍, സൂപ്പി ബസാര്‍, നെല്ലിക്കപ്പറമ്പ് (മില്ലുംപടി വഴി), പാറയില്‍ സീറ്റ്, പാലപ്പുറ, കൈപ്പള്ളികുണ്ട്, കോട്ടപ്പടി, നായാടിപ്പാറ, പൂഴിക്കുന്ന്, ആലിന്‍ ചുവട്, ഫാറൂഖ് നഗര്‍, സര്‍ഹിന്ദ് നഗര്‍, സ്റ്റീല്‍ വളപ്പ് വഴി, സ്വാഗതമാട്, ടി എം എം ന് എതിര്‍വശം, പുലിക്കോട്, ഗാന്ധി നഗര്‍, പാലത്തറ, ഖുര്‍ബാനി വഴി ബദാംപാറ, തോക്കാമ്പാറ, ചങ്കുവെട്ടിക്കുണ്ട്, പടിഞ്ഞാറെത്തല എന്നീ കേന്ദ്രങ്ങളില്‍ പര്യടനം നടത്തി രാത്രി 8.15 ഓടെ ചങ്കുവെട്ടി ജംഗ്ഷനില്‍ സമാപിക്കും.

The post ആബിദ് ഹുസൈന്‍ തങ്ങള്‍ ഇന്ന് കോട്ടക്കല്‍ നഗരസഭയില്‍ പര്യടനം നടത്തും appeared first on Valanchery Online.

കോട്ടക്കൽ നിയോജക മണ്ഡലം യു.ഡി.എഫ് സ്ഥാനാർഥി കെ.കെ ആബിദ് ഹുസൈൻ തങ്ങൾ നാമനിർദ്ദേശ പത്രിക സമർപ്പിച്ചു

വളാഞ്ചേരിക്കാരൻ — Thu, 18 Mar 2021 07:51:25 +0000

വളാഞ്ചേരി: കോട്ടക്കൽ മണ്ഡലത്തിൽ ഐക്യ ജനാധിപത്യ മുന്നണി സ്‌ഥാനാർഥിയായി കെ.കെ ആബിദ് ഹുസൈൻ തങ്ങൾ നാമനിർദ്ദേശ പത്രിക സമർപ്പിച്ചു. മീമ്പാറയിൽ നിന്ന് മണ്ഡലത്തിലെ യു ഡി എഫ് നേതാക്കളോടൊപ്പം പ്രകടനമായാണ് എം എൽ എ പത്രിക സമർപ്പികാൻ കാവുംപുറത്തെ കുറ്റിപ്പുറം ബ്ലോക്ക് പഞ്ചായത്ത് ഓഫീസിലെത്തിയത്. കുറ്റിപ്പുറം ബ്ലോക്ക് പഞ്ചായത്ത് സെക്രട്ടറി ബഷീർ മുമ്പാകെയാണ്‌ പത്രിക സമർപ്പിച്ചത്‌. മണ്ഡലം യു.ഡി.എഫ് ചെയർമാൻ വി മധുസൂദനൻ, ബഷീർ രണ്ടത്താണി, കെ.എം ഗഫൂർ, ജുനൈദ് പാമ്പലത്ത്, സിദ്ധീഖ് പരപ്പാര മറ്റു നേതാക്കൾ എന്നിവരോടൊപ്പം എത്തിയാണ് ആബിദ് ഹുസൈൻ തങ്ങൾ പത്രിക സമർപ്പിച്ചത്.

The post കോട്ടക്കൽ നിയോജക മണ്ഡലം യു.ഡി.എഫ് സ്ഥാനാർഥി കെ.കെ ആബിദ് ഹുസൈൻ തങ്ങൾ നാമനിർദ്ദേശ പത്രിക സമർപ്പിച്ചു appeared first on Valanchery Online.

തിരഞ്ഞെടുപ്പ്: കർണാടകത്തിലേക്ക് പോകുന്നവർ ജാഗ്രത പാലിക്കണം

വളാഞ്ചേരിക്കാരൻ — Wed, 09 May 2018 01:30:43 +0000

കർണാടക തിരഞ്ഞെടുപ്പിന്റെ പശ്ചാത്തലത്തിൽ അതിർത്തികളിൽ വാഹന പരിശോധന കർശനമാക്കി. ആദായ നികുതി വകുപ്പിന്റെയും കർണാടക പൊലീസിന്റെയും നേതൃത്വത്തിൽ പ്രത്യേക സ്ക്വാഡ് രൂപീകരിച്ചാണ് പരിശോധന. തിരഞ്ഞെടുപ്പ് പ്രചാരണത്തിൽ കള്ളപ്പണം ഒഴുക്കുന്നത് തടയുകയാണ് ലക്ഷ്യം. തിരഞ്ഞെടുപ്പ് കഴിയുന്നതുവരെ പരിശോധന തുടരും. കർണാടകയിലേക്ക് കൊണ്ടുവരുന്ന പണത്തിന് നിയന്ത്രണം ഏർപ്പെടുത്തിയിട്ടുണ്ട്.

50,000 രൂപയിൽ കൂടുതൽ പണമായി കൊണ്ടുപോകുന്നവർ ആവശ്യമായ രേഖകൾ കയ്യിൽ കരുതിയിരിക്കണം. തമിഴ്നാട് കർണാടക അതിർത്തിയായ കാക്കനഹള്ള ചെക് പോസ്റ്റിൽ കേരളത്തിൽനിന്നെത്തുന്ന വാഹനങ്ങളാണ് പരിശോധനയ്ക്കു കൂടുതൽ വിധേയമാകുന്നത്. കേരളത്തിൽനിന്നുള്ള നൂറുകണക്കിന് ചരക്കുവാഹനങ്ങൾതന്നെ നിത്യവും കടന്നുപോകുന്നുണ്ട്. മറ്റു വാഹനങ്ങളി‍ൽനിന്നു യാത്രക്കാരെ ഇറക്കിയാണ് പരിശോധിക്കുന്നത്. കോളജ് അഡ്മിഷനുമായി ബന്ധപ്പെട്ട് കർണാടകയിൽ പോകുന്നവരാണ് പരിശോധന കാരണം കൂടുതൽ വലയുന്നത്.

The post തിരഞ്ഞെടുപ്പ്: കർണാടകത്തിലേക്ക് പോകുന്നവർ ജാഗ്രത പാലിക്കണം appeared first on Valanchery Online.