asif saheer Archives - Valanchery Online

ഇന്ത്യന്‍ ഫുട്‌ബോള്‍ ആവേശത്തിന് നൂറുമേനി, കേരള യുണൈറ്റഡിന് തുടക്കം

വളാഞ്ചേരിക്കാരൻ — Fri, 15 Jan 2021 23:53:34 +0000

മലപ്പുറം: യുണൈറ്റഡ് വേള്‍ഡ് ഗ്രൂപ്പിന്റെ ഇന്ത്യന്‍ ടീം കേരള യുണൈറ്റഡിന് എടവണ്ണയില്‍ തുടക്കമായി. പ്രകൃതി രമണീയമായ മലപ്പുറം എടവണ്ണയിലെ സീതിഹാജി സ്റ്റേഡിയത്തില്‍ മുന്‍ അന്താരാഷ്ട്രാ താരം ഐ.എം വിജയന്‍ ഫുട്‌ബോള്‍ ഷൂട്ടിങ്ങിലൂടെ ഉദ്ഘാടനം ചെയ്തു. ജനീവ ആസ്ഥാനമായി പ്രവര്‍ത്തിക്കുന്ന യുണൈറ്റഡ് വേള്‍ഡ് ഗ്രൂപ്പിന്റെ മറ്റൊരു ക്ലബ്ബായ കേരള യുണൈറ്റഡിന്റെ ആവേശകരമായ തുടക്കമാണ് കേരളത്തിലെ ഫുട്‌ബോള്‍ ആരാധരുടെ നെഞ്ചോട് ചേര്‍ന്നത്.

ഐ.എസ്എലും ഐലീഗും കണ്ടുവളര്‍ന്ന ഫുട്്‌ബോള്‍ ആരാധകരുടെ വന്‍ വരവേല്‍പോടെയാണ് ചടങ്ങിന് ഐ.എം വിജയന്‍ തുടക്കമിട്ടത്. പരിശീലനം എല്ലാ ദിവസവും രാവിലെ ഏഴ് മുതല്‍ ആരംഭിക്കുമെന്ന് ക്ലബ്ബ് ജി.എം സക്കരിയ്യ വയനാട്, സി.ഇ.ഒ ഷബീര്‍ മണ്ണാരില്‍ എന്നിവര്‍ ദുബൈയില്‍ നിന്നും അറിയിച്ചു. ഇരുവരും അല്‍ഹിലാല്‍ യുണൈറ്റഡ് ക്ലബ്ബുമായി പ്രവർത്തിക്കുന്നവരാണ്.

ചടങ്ങില്‍ മുന്‍ സന്തോഷ് ട്രോഫി ക്യാപ്റ്റന്‍ ടി. ആസിഫ് സഹീര്‍ ടീമിന്റെ പ്രാക്ടീസ് ജഴ്‌സി ടീം ക്യാപ്റ്റന്‍ അര്‍ജ്ജുന്‍ ജയരാജിന് കൈമാറി നിര്‍വഹിച്ചു. സഹോദര ക്ലബ്ബായ ഇംഗ്ലീഷ് പ്രീമിയര്‍ ലീഗിലെ ഷെഫീല്‍ഡ് യുണൈറ്റഡ് ജഴ്‌സി ഐ.എം വിജയനും ആസിഫ് സഹീറിന് അല്‍ ഹിലാല്‍ യുണൈറ്റഡിന്റെ ജഴ്‌സിയും കോച്ച് ഷാജിറുദ്ദീന്‍ കോപ്പിലാന്‍ ഉപഹാരമായി നല്‍കി.

ഓപറേഷന്‍ മാനേജര്‍ സൈനുദ്ദീന്‍ കക്കാട്ടില്‍ അതിഥികള്‍ക്കുള്ള മൊമെന്റോ വിതരണം ചെയ്തു. മരണമടഞ്ഞ ലോക ഫുട്‌ബോള്‍ താരങ്ങള്‍ക്ക് ഒരു മിനിറ്റ് മൗനം ആചരിച്ചാണ് ചടങ്ങിന് തുടക്കമിട്ടത്. എടവണ്ണ ഗ്രാമപ്പഞ്ചായത്ത് പ്രസിന്റ് ടി അഭിലാഷ്, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എ ശ്രീകുമാര്‍, ജില്ലാ ഫുട്‌ബോള്‍ അസോസിയേഷന്‍ സെക്രട്ടറി ഡോ. പി.എം സുധീര്‍കുമാര്‍ ഐ.എം വിജയന്‍,ആസിഫ് സഹീര്‍, ഓപറേഷന്‍ മാനേജര്‍ സൈനുദ്ദീന്‍ കക്കാട്ടില്‍ സംസാരിച്ചു.

ടീം കോച്ച് ഷാജിറുദ്ദീന്‍ കോപ്പിലാന്‍, മീഡിയാ മാനേജര്‍ ടി. പി ജലാല്‍, ടീം മാനേജര്‍ ജുവല്‍ ജോസ്, ഫിസിക്കല്‍ ട്രൈനര്‍ പി വിവേക്, ഫിസിയോ പി അനസ്, വേക് അപ്പ് അക്കാദമി മാനേജിംഗ് ഡയറക്ടര്‍ നാസര്‍ കപ്പൂര്‍, പങ്കെടുത്തു. ഇംഗ്ലീഷ് പ്രീമിയര്‍ ലീഗിലെ ഷെഫീല്‍ഡ് യുണൈറ്റഡ്, ബെല്‍ജിയം ലീഗിലെ ബിര്‍ ഷോട്ട്, യു.എ.ഇയിലെ അല്‍ഹിലാല്‍ യുണൈറ്റഡുമാണ് യുണൈറ്റഡ് വേള്‍ഡിന്റെ മറ്റു ക്ലബ്ബുകള്‍. ആദ്യഘട്ടത്തില്‍ കേരള പ്രീമിയര്‍ ലീഗും പിന്നീട് ഐലീഗ്,ഐ.എസ്.എല്‍ ചാംപ്യന്‍ഷിപ്പുകളിലും ടീം കളത്തിലിറങ്ങും.

The post ഇന്ത്യന്‍ ഫുട്‌ബോള്‍ ആവേശത്തിന് നൂറുമേനി, കേരള യുണൈറ്റഡിന് തുടക്കം appeared first on Valanchery Online.

കേരള യുണൈറ്റഡ് എഫ്.സി ഇന്ന് പരിശീലനം ആരംഭിക്കും

വളാഞ്ചേരിക്കാരൻ — Thu, 14 Jan 2021 23:40:18 +0000

മലപ്പുറം: യുണൈറ്റഡ് വേൾഡ് ഗ്രൂപ്പിന്റെ ഇന്ത്യയിലെ ആദ്യ ക്ലബ് കേരള യുണൈറ്റഡ് ടീമിന്റെ പരിശീലനം വെള്ളിയാഴ്‌ച രാവിലെ എട്ടിന്‌ എടവണ്ണ സീതിഹാജി സ്റ്റേഡിയത്തിൽ ആരംഭിക്കും. അർജുന അവാർഡ് ജേതാവ്‌ ഐ എം വിജയൻ ഫുട്‌ബോൾ കിക്ക് ചെയ്ത് തുടക്കമിടും. ടീമിന്റെ പരിശീലനം കേരള യുണൈറ്റഡ് എഫ്‌സിയുടെ ക്യാപ്റ്റനും മുൻ ബ്ലാസ്റ്റേഴ്‌സ് താരവുമായ അർജുൻ ജയരാജിന് മുൻ കേരള ക്യാപ്റ്റൻ ആസിഫ് സഹീർ ജേഴ്‌സി നൽകി ഉദ്‌ഘാടനംചെയ്യും.

𝗜𝗠 𝗩𝗶𝗷𝗮𝘆𝗮𝗻 𝘄𝗶𝗹𝗹 𝗶𝗻𝗮𝘂𝗴𝘂𝗿𝗮𝘁𝗲 𝘁𝗵𝗲 𝗞𝗲𝗿𝗮𝗹𝗮 𝗨𝗻𝗶𝘁𝗲𝗱 𝘁𝗿𝗮𝗶𝗻𝗶𝗻𝗴 𝘁𝗼𝗺𝗼𝗿𝗿𝗼𝘄 𝗮𝘁 𝗘𝗱𝗮𝘃𝗮𝗻𝗻𝗮

𝐾𝑒𝑟𝑎𝑙𝑎 𝑈𝑛𝑖𝑡𝑒𝑑 𝘍𝘊 𝑡𝑒𝑎𝑚 𝑤𝑖𝑙𝑙 𝑠𝑡𝑎𝑟𝑡 𝑡𝑟𝑎𝑖𝑛𝑖𝑛𝑔…

Posted by Kerala United FC on Thursday, 14 January 2021

The post കേരള യുണൈറ്റഡ് എഫ്.സി ഇന്ന് പരിശീലനം ആരംഭിക്കും appeared first on Valanchery Online.

കരേക്കാട് വടക്കുംപുറം AUP സ്കൂളിൽ ചിൽഡ്രൻസ് പാർക്ക് ഉദ്ഘാടനം നടന്നു

വളാഞ്ചേരിക്കാരൻ — Fri, 17 Jan 2020 00:13:53 +0000

മാറാക്കര: കരേക്കാട് വടക്കുംപുറം AUP സ്കൂളിലെ കുട്ടികൾക്ക് പുതുവത്സര സമ്മാനമായി മാനേജ്മെന്റ് നിർമ്മിച്ച സി സി അബുഹാജി മെമ്മോറിയൽ ചിൽഡ്രൻസ് പാർക്കിന്റെ ഉദ്ഘാടനം മുൻ കേരള ഫുട്ബോൾ ടീം ക്യാപ്റ്റൻ ആസിഫ് സഹീർ നിർവ്വഹിച്ചു. പി ടി എ പ്രസിഡന്റ്‌ എ പി നാസർ അധ്യക്ഷത വഹിച്ച പരിപാടിയിൽ കുറ്റിപ്പുറം ബ്ലോക്ക്‌ പഞ്ചായത്ത്‌ അംഗം പരീത് കരേക്കാട് മുഖ്യ പ്രഭാഷണം നടത്തി. മാറാക്കര ഗ്രാമപഞ്ചായത്ത്‌ അംഗം വി പി ഹുസൈൻ എന്ന കുഞ്ഞാപ്പു, കറസ്പോണ്ടന്റ് മാനേജർ സി സി ഷെമീർ, എം പി ടി എ പ്രസിഡന്റ്‌ കെ പി രാധിക, ഹെഡ്മാസ്റ്റർ വി പി അലിഅക്ബർ, മാനേജ്മെന്റ് പ്രതിനിധി സി സി ഷെഫീഖ്, പൌരപ്രമുഖൻ വി പി മാനുഹാജി, പി ടി എ എക്സിക്യൂട്ടീവ് അംഗങ്ങളായ പി അഷ്‌റഫ്‌, പി അബ്ദുറഹ്‌മാൻ, മജീദ്‌ തൊഴലിൽ, സീനിയർ അധ്യാപകരായ എൻ സുലൈമാൻ, പി റസിയ, കെ പി അബ്ദുൽ മജീദ് തുടങ്ങിയവർ സംബന്ധിച്ചു.പൂർവ്വ വിദ്യാർത്ഥിയായ സുരേഷ് മേച്ചീരി യുടെ ചിത്ര രചന ചിൽഡ്രൻസ് പാർക്ക് കൂടുതൽ ആകർഷകമാക്കി. പൂർവ്വ വിദ്യാർത്ഥികളായ രതീഷ് എ ടി, രഞ്ജിത്ത് പി എന്നിവർ നേതൃത്വം നൽകിയ നാസിക് ഡോൾ അടങ്ങിയ ഘോഷയാത്രയോടെയാണ് വിശിഷ്ട വ്യക്തികളെ സ്വീകരിച്ചത്.

The post കരേക്കാട് വടക്കുംപുറം AUP സ്കൂളിൽ ചിൽഡ്രൻസ് പാർക്ക് ഉദ്ഘാടനം നടന്നു appeared first on Valanchery Online.

‘മലപ്പുറം കാരില്ലാതെ എന്ത് വേൾഡ് കപ്പ്’; അറിയൂ മലപ്പുറം പെരുമ ലോകകപ്പ് വേദിയിലെത്തിച്ച ഈ നാട്ടിൻപുറത്തുകാരനെ

വളാഞ്ചേരിക്കാരൻ — Tue, 03 Jul 2018 02:27:36 +0000

വളപുരം: ലോകകപ്പ് ഫുട്‌ബോൾ നേരിട്ട് കാണാൻ കൊതിക്കുന്ന ഏതൊരു മലയാളിയുടെയും സ്വപ്നം സ്ക്രാച്ച് ആന്റ് വിന്നിലൂടെ നേടിയെടുത്ത വളപുരം സ്വദേശി റഷ്യയിൽ നടക്കുന്ന ലോകകപ്പ് ഫുട്‌ബോൾ വേദിയിലെത്തി. ദുബായിലെ ഷാർജയിൽ നിന്നും കൊക്കക്കോള കമ്പനിയുടെ സ്ക്രാച്ച് ആൻഡ് വിൻ കൂപ്പണിലൂടെ മഹത്തായ ഭാഗ്യം സിദ്ധിച്ചത് വളപുരം സ്വദേശി സി.എച്ച് ഷരീഫ് എന്ന ഫുട്‌ബോൾ ആരാധകനാണ്.

കഴിഞ്ഞ മാസം നടന്ന സ്ക്രാച്ച് ആൻഡ് വിൻ മത്സരത്തിൽ റഷ്യയിൽ നടക്കുന്ന ലോക കപ്പ് മത്സരത്തിൽ പ്രിക്വർട്ടർ മത്സരങ്ങൾ മുതൽ മുഴുവൻ മത്സരങ്ങളും വേദിയിലിരുന്ന് കാണാൻ അവസരം ലഭിച്ച ശരീഫ് കഴിഞ്ഞ രണ്ടുദിവസം മുൻപാണ് റഷ്യയിലെത്തിയത്. നാട്ടിൽ ഫുട്‌ബോൾ മത്സരങ്ങളിൽ ഗോളിയായിരുന്ന ശരീഫ് പ്രവാസലോകത്തും കാൽപന്തുകളിയെ നെഞ്ചേറ്റിയാണ് ജീവിച്ചിരുന്നത്.

ഷാർജയിൽ നടന്ന നിരവധി മത്സരങ്ങളിൽ പങ്കെടുക്കുകയും സംഘടകനാവുകയും ചെയ്ത ഷരീഫ് ബ്രസീൽ ആരാധകനാണ്. ഇന്നലെ നടന്ന ബ്രസീൽ മെക്സിക്കോ മത്സരത്തിൽ തൻറെ ഇഷ്ടടീമായ ബ്രസീലിൻറെ വിജയം കൺകുളിർക്കെ കണ്ട ശരീഫ് കഴിഞ്ഞ ദിവസം ഉറുഗ്വെ – പോർച്ചുഗൽ മത്സരവേദിയിൽ മലപ്പുറം കാരില്ലാതെ എന്ത് ലോകകപ്പ് എന്ന ബാനറുയർത്തിയത് സോഷ്യൽ മീഡിയയിൽ വൈറലായിരുന്നു.

ഷരീഫിനൊപ്പം സുഹൃത്തുക്കളായ മുൻ സന്തോഷ് ട്രോഫി താരം ആസിഫ് സഹീർ, ശരീഫ് ചിറക്കൽ, നസീബ് മുല്ലപ്പള്ളിയ്യും കൂടെയുണ്ട്. കാലങ്ങളായി മനസ്സിൽ കൊണ്ട് നടന്ന സ്വപ്നതുല്ല്യമായ ആഗ്രഹം അറിയാതെ വീണുകിട്ടിയ ത്രില്ലിലാണ് ഈ നാട്ടിൻപുറത്തുകാരൻ.

The post ‘മലപ്പുറം കാരില്ലാതെ എന്ത് വേൾഡ് കപ്പ്’; അറിയൂ മലപ്പുറം പെരുമ ലോകകപ്പ് വേദിയിലെത്തിച്ച ഈ നാട്ടിൻപുറത്തുകാരനെ appeared first on Valanchery Online.