Artist Archives - Valanchery Online

അവശ കലാകാരൻമാർക്ക് സാമ്പത്തിക സഹായം വിതരണം ചെയ്തു തപസ്യ കലാ സാഹിത്യ വേദി

വളാഞ്ചേരിക്കാരൻ — Sun, 20 Sep 2020 06:29:17 +0000

വളാഞ്ചേരി: തപസ്യ കലാ സാഹിത്യ വേദി കേരളം കോവിഡ് – 19 കാലഘട്ടത്തിൽ അവശത അനുഭവിക്കുന്ന കലാകാരൻമാരെ ആദരിക്കുകയും സാമ്പത്തിക സഹായം വിതരണം ചെയ്യുകയും ചെയ്യുന്നതിഭാഗമായി പ്രശസ്ത കളംപാട്ട് ആചാര്യനായ പൂക്കാട്ടിരി സത്യനാരായണ കുറുപ്പിനെ ആദരിക്കുകയും സാമ്പത്തിക സഹായം വിതരണം ചെയ്യുകയും ചെയ്തു.മലപ്പുറം, പാലക്കാട് ജില്ലകളിലെ നിരവധി ക്ഷേത്രങ്ങളിലെ അനുഷ്ടാനമായ കളംപാട്ട് ആചാര്യനാണ് ശ്രീ.സത്യ നാരായണ കുറുപ്പ്. തപസ്യ കലാ സാഹിത്യ വേദി മലപ്പുറം ജില്ലാ സെക്രട്ടറി കെ.ടി.ഭഗവൻ ദാസ് അദ്ധ്യക്ഷത വഹിച്ച ചടങ്ങിൽ വച്ച് കാലടി പടിഞ്ഞാറേടത്ത് മന നാരായണൻ നമ്പുതിരി സഹായ വിതരണം നടത്തി. ചടങ്ങിൽ കെ.എം.കെ എടയൂർ, കെ.പി ചന്ദ്രൻ, രാമനാഥ പൊതുവാൾ, സുഭാഷ് മച്ചത്ത്, ചന്ദ്രശേഖര കുറുപ്പ് തുടങ്ങിയവർ സംസാരിച്ചു.

The post അവശ കലാകാരൻമാർക്ക് സാമ്പത്തിക സഹായം വിതരണം ചെയ്തു തപസ്യ കലാ സാഹിത്യ വേദി appeared first on Valanchery Online.

വളാഞ്ചേരി ഫെസ്റ്റിൽ പങ്കെടുക്കാൻ കലാകാരന്മാർക്ക് അവസരം

വളാഞ്ചേരിക്കാരൻ — Wed, 15 Jan 2020 00:45:28 +0000

വളാഞ്ചേരി നഗരസഭയുടെ നേതൃത്വത്തിൽ നടത്തിന്ന വളാഞ്ചേരി ഫെസ്റ്റ്-2020ൽ പങ്കെടുക്കാൻ പ്രദേശത്തെ കലാകാരന്മാർക്ക് അവസരം. 2020 ജനുവരി 30 മുതൽ ഫെബ്രുവരി 10 വരെ നടക്കുന്ന വളാഞ്ചേരി ഫെസ്റ്റ്-2020ൽ മികവ് തെളിയിച്ച കലാപ്രതിഭകൾക്ക് കലാപരിപാടിക്കൾ അവതരിപ്പിക്കുന്നതിന്ന് അവസരമൊരുക്കുന്നു. താല്പര്യമുള്ളവരിൽ നിന്നും അപേക്ഷകൾ മുനിസിപ്പൽ ഓഫീസിൽ 16.01-2020 വ്യാഴാഴ്ച 5 മണി വരെ സ്വീകരിക്കുന്നതാണ്. വിശദവിവരങ്ങൾക്ക് ബന്ധപ്പെടുക: കോർഡിനേറ്റർ, വളാഞ്ചേരി ഫെസ്റ്റ്-2020, Mob: 9605146440.

The post വളാഞ്ചേരി ഫെസ്റ്റിൽ പങ്കെടുക്കാൻ കലാകാരന്മാർക്ക് അവസരം appeared first on Valanchery Online.

വിദ്യാർഥികൾക്ക് നവ്യാനുഭവമായി ആതവനാട് ഗവ. ഹയർ സെക്കൻഡറി സ്കൂളിലെ കളമെഴുത്ത് ശില്പശാല

വളാഞ്ചേരിക്കാരൻ — Sun, 30 Sep 2018 01:56:34 +0000

ആതവനാട്: ആതവനാട് ഗവ. ഹയർ സെക്കൻഡറി സ്കൂളിൽ കളമെഴുത്ത് ശില്പശാല നടന്നു. കളമെഴുത്ത് കലാകാരൻ കടന്നമണ്ണ ശ്രീനിവാസനാണ് ശിൽപശാല നയിച്ചത്. അദ്ദേഹത്തിന്റെ 46 മത് കളംപാട്ട് ശില്പശാലയാണ് ആതവനാട് ഗവ: ഹൈസ്കൂളിൽ നടന്നത്. വിദ്യാരംഗം കലാസാഹിത്യവേദിയും ചിത്രകലാക്ലബ്ബും ചേർന്നാണ് പരിപാടി സംഘടിപ്പിച്ചത്.

പ്രഥമാധ്യാപകൻ യു. ഹരികുമാർ ഉദ്ഘാടനം ചെയ്തു. പി.ടി.എ. പ്രസിഡന്റ് പി. വിജയൻ, പി. പ്രീതാകുമാരി, രാധാമണി ഐങ്കലത്ത്, കെ.എം. രാജൻ എന്നിവർ സംസാരിച്ചു.

The post വിദ്യാർഥികൾക്ക് നവ്യാനുഭവമായി ആതവനാട് ഗവ. ഹയർ സെക്കൻഡറി സ്കൂളിലെ കളമെഴുത്ത് ശില്പശാല appeared first on Valanchery Online.

കത്വ അരുംകൊലക്കെതിരെ പ്രതിഷേധ ചിത്രം; ചിത്രകാരിക്കെതിരെ വധ ഭീഷണി, പിന്നോട്ടില്ലെന്ന് ദുർഗ്ഗ മാലതി

വളാഞ്ചേരിക്കാരൻ — Tue, 17 Apr 2018 02:32:07 +0000

വളാഞ്ചേരി: കത്‌വയിൽ എട്ട് വയസ്സുള്ള പെൺ‌കുട്ടിയെ ക്രൂരമായി കൊന്ന വാർത്തയിൽ നിന്ന് പ്രചോദനം ഉൾ‌കൊണ്ട് താൻ വരച്ച പ്രതിഷേധ ചിത്രം ഉണ്ടാക്കിയ വിവാദത്തിലാണ് യുവ ചിത്രകാരിയും അധ്യാപികയുമായ ദുർഗ്ഗ മാലതി. വരച്ച ചിത്രം തന്റെ ഫേസ്‌ബുക്ക് അക്കൌണ്ടിൽ പോസ്റ്റ് ചെയ്ത അന്നു മുതൽ തീവ്ര ഹിന്ദുത്വ ശക്തികൾ ഇവരെ പിന്തുടരാൻ തുടങ്ങി. പോസ്റ്റിനു കീഴെയുള്ള കമന്റുകളിലും ഇത് പ്രതിഫലിക്കുന്നു.
എന്നാൽ, ഇതു കണ്ടൊന്നും പിന്മാറാൻ തയ്യാറല്ല എന്നതാണ് ദുർഗ്ഗയുടെ തീരുമാനം. പ്രസ്തുത ചിത്രം താൻ വരയ്ക്കാനുണ്ടായ സാഹചര്യവും ഇവർ ഈ പോസ്റ്റിന്റെ കമന്റ് ബോക്സിൽ വ്യക്തമാക്കുന്നുണ്ട്. “ഇത്‌ ഞാൻ കഷ്മീർ കേസുമായി ബന്ധപ്പെട്ടു മാത്രം വരച്ചതാണു… ക്ഷേത്രത്തിൽ വച്ച്‌ കാമഭ്രാന്തും ജാതിവെറിയും പൂണ്ട ഇരുകാലികളാൽ ചതഞ്ഞരഞ്ഞ ആ കുട്ടിക്കുവേണ്ടി മാത്രം …ജെനറലൈസ്‌ ചെയ്യാൻ ആഗ്രഹിക്കുന്നില്ല.”
വളരെയധികം ഷെയർ ചെയ്യപ്പെട്ട ഈ പോസ്റ്റിൽ സംഘടിതമായ ആക്രമണമാണ് നടന്നുകൊണ്ടിരിക്കുന്നത്. ചിത്രം പിന്‍വലിച്ച് മാപ്പ് പറഞ്ഞില്ലെങ്കില്‍ ജീവന്‍ നഷ്ടപ്പെടുമെന്നാണ് സംഘപരിവാർ അനുകൂലികള്‍ മുന്നറിയിപ്പ് നല്‍കുന്നത്. ഇന്ത്യയിലെ എല്ലാ ഭാഷകളിലുള്ള തെറികളും ഇവരുടെ പോസ്റ്റിന്റെ കമന്റ് ബോക്സ്റ്റിൽ വന്നുകൊണ്ടിരിക്കുന്നു.

ദുർഗ്ഗയ്ക്ക് പിന്തുണ അർപ്പിച്ചു പോസ്റ്റ് ചെയ്യുന്നവരെയും അവരെ അനുകൂലിച്ച് സംസാരിക്കുന്നവരെയും ഇവർ ലക്ഷ്യം വയ്ക്കുന്നുണ്ട്. ചിത്രത്തോടൊപ്പം ‘ലിംഗം കൊണ്ട് ചിന്തിക്കുന്നവര്‍..
ലിംഗം കൊണ്ട് രാഷ്ട്രീയം പറയുന്നവര്‍…
ലിംഗം കൊണ്ട് പ്രാര്‍ത്ഥിക്കുന്നവര്‍…
അവരുടേതും കൂടിയാണു ഭാരതം..
ഇങ്ങനെ പോയാല്‍ അവരുടെ മാത്രമാകും…’ എന്ന അഞ്ചു വരി കവിത കൂടെ ചേർത്തിരുന്നു.

ലിംഗത്തിൽ കെട്ടിയിട്ട പെണ്‍കുട്ടി പെൺ‌കുട്ടിയാണ് ചിത്രത്തിലെ ഇതിവൃത്തം. പൂണൂൽ ഉൾപ്പെടെയുള്ള ഹൈന്ദവ ചിഹ്നങ്ങളും ചിത്രത്തിലുണ്ടായിരുന്നു. ഇതാണ് ഒരു വിഭാഗം ആളുകളെ ചൊടിപ്പിച്ചതെന്ന് അറിയുന്നു. മലയാളികൽ തുടങ്ങിവച്ച തെറിവിളി പിന്നെ ഉത്തരേന്ത്യൻ അക്കൌണ്ടുകളിൽ നിന്നായി തെറിവിളി.ദുര്‍ഗയുടെ പ്രൊഫൈല്‍ റിപ്പോര്‍ട്ട് ചെയ്യണമെന്നും പ്രചരണം നടത്തുന്നുണ്ട്.ചിത്രം ഷെയര്‍ ചെയ്തവരെയും കണ്ടെത്തി തെറിവിളിക്കുകയാണ്.ഇത്തരമൊരു ചിത്രം വരച്ച ദുര്‍ഗ ഇന്ത്യക്കാരിയല്ലെന്നും തീവ്രവാദിയാണെന്നും അധിക്ഷേപിക്കുന്നു.

ഭീഷണികളും പ്രചാരണവും അതിരു വിട്ടതോടെയാണ് വിശദീകരണവുമായി ദുർഗ മാലതി ഫെയ്സ്ബുക്ക് ലൈവിലൂടെ രംഗത്തെത്തിയത്. ‘റേപ്പും കൊലപാതകവും ഇവിടെ വാര്‍ത്തയായതിനെത്തുടര്‍ന്നാണ് ഇത്തരമൊരു ചിത്രം വരച്ചത്. ലിംഗത്തിന് പുറത്ത് ഒരു കുട്ടിയെ കെട്ടിയിട്ടിരിക്കുന്നു. അതിന് മുകളില്‍ ഒരു കുറിയുമുണ്ട്. പൂണൂലും ഇട്ടിരുന്നു. അത് നന്നായി ഷെയര്‍ ചെയ്യപ്പെട്ടു. അതിന് തുടര്‍ച്ചയായി ലിംഗമുള്ള ത്രിശൂലം വരച്ചു.നാടോടികളെ ഓടിക്കാന്‍ വേണ്ടി കുട്ടിയെ റേപ്പ് ചെയ്തുവെന്നാണല്ലോ. അത് ഷെയർ ചെയ്തവരെയും അവർ വെറുതെ വിടുന്നില്ല– ദുർഗ മാലതി ഫെയ്സ്ബുക്ക് ലൈവില്‍ പറഞ്ഞു.

ഹൈന്ദവ വിശ്വാസത്തെ വൃണപ്പെടുത്തിയെന്ന് കാണിച്ച് നിയമ നടപടി സ്വീകരിക്കുമെന്നും ഭീഷണിയുണ്ട്.‘പോസ്റ്റുകള്‍ നീക്കം ചെയ്യില്ല. എത്രകാലം ഇവരെ പേടിച്ച് പോസ്റ്റുകള്‍ നീക്കം ചെയ്യും. അങ്ങനെ സുരക്ഷിതയാവേണ്ട. നിയമപരമായി തന്നെ മുന്നോട്ട് പോകും’. ദുര്‍ഗ പറയുന്നു. തനിക്കെതിരെ നടന്ന സൈബർ അക്രമണം ചർച്ചചെയ്യപ്പെടുന്നില്ലെന്നും ഈ ആക്രമണങ്ങൾക്കെതിരെ പ്രതിഷേധങ്ങൾ ഉഅയരുന്നില്ലെന്നും ദുർഗ്ഗ പറയുന്നു.

The post കത്വ അരുംകൊലക്കെതിരെ പ്രതിഷേധ ചിത്രം; ചിത്രകാരിക്കെതിരെ വധ ഭീഷണി, പിന്നോട്ടില്ലെന്ന് ദുർഗ്ഗ മാലതി appeared first on Valanchery Online.

‘സ – ഒരു സമരമാണ്’ പ്രകാശനം ചെയ്തു

വളാഞ്ചേരിക്കാരൻ — Sat, 20 Jan 2018 15:51:36 +0000

വളാഞ്ചേരി: യുവ എഴുത്തുകാരൻ ശരത് പ്രകാശ് എഴുതിയ സ-ഒരു സമരമാണ് എന്ന പുസ്തകം പ്രകാശനം ചെയ്തു. വളാഞ്ചേരി എം.ഇ.എസ് കെ.വി.എം കോളേജ് ക്യാമ്പസിലെ ചീനിമരച്ചോട്ടിൽ വച്ച് നടന്ന ചടങ്ങിൽ ആർട്ടിസ്റ്റ് നമ്പൂതിരി ഊരാളി ബാന്റിന്‌ പുസ്തകത്തിന്റെ പ്രതി കൈമാറി പ്രകാശന കർമ്മം നിർവഹിച്ചു. ധനമന്ത്രി തോമസ് ഐസക്കാണ് പുസ്തകത്തിന്റെ ആമുഖം രചിച്ചിരിക്കുന്നത്.

യുവ നടൻ അനീഷ് ജി മേനോൻ ചടങ്ങിൽ അധ്യക്ഷനായിരുന്നു. പുസ്തകപരിചയ്ത്തിന് ശേഷം ഊരാളി ബാന്റ് അവതരിപ്പിച്ച ഗാനമേളയും നടന്നു.

നിരവധി മാഗസിനുകളും മറ്റ് ചെറു പ്രസിദ്ധീകരണങ്ങളും പുറത്തിറക്കിയ ശരത്, അൽ-മലപ്പുറം എന്ന ഷോർ‌ട്ട് ഫിലിമിന്റെ സഹ രചയിതാവാണ്.

The post ‘സ – ഒരു സമരമാണ്’ പ്രകാശനം ചെയ്തു appeared first on Valanchery Online.