ape Archives - Valanchery Online

കുറ്റിപ്പുറം രാങ്ങാട്ടൂരിൽ വാഹനാപകടം; ഒരാൾക്ക് പരിക്ക്

വളാഞ്ചേരിക്കാരൻ — Mon, 27 Jan 2025 15:00:17 +0000

കുറ്റിപ്പുറം: മലപ്പുറം കുറ്റിപ്പുറം രാങ്ങാട്ടൂരിൽ പിക്കപ്പ് ഓട്ടോയിൽ കാറിടിച്ചുണ്ടായ അപകടത്തിൽ ഒരാൾക്ക് പരിക്ക്. അപകടത്തിൽ സാരമായി പരിക്കേറ്റ ഓട്ടോ ഡ്രൈവർ ചങ്ങരംകുളം മൂക്കുതല സ്വദേശി അപ്പുകുട്ടൻ നായരെ ആദ്യം കൊടക്കല്ലിലെയും തുടർന്ന് കോട്ടക്കലിലെയും സ്വകാര്യ ആശുപത്രിയിൽ പ്രവേശിപ്പിച്ചു.

തിങ്കളാഴ്ച വൈകീട്ട് ആറേ മുക്കാലോടെയാണ് സംഭവം. തിരൂർ ഭാഗത്തേക്ക് ടൈലുമായി പോവുകയായിരുന്ന പിയാജിയോ ആപെ പിക്കപ് ഓട്ടോയിൽ കുറ്റിപ്പുറം ഭാഗത്തേക്ക് വരികയായിരുന്ന കാറ് ഇടിക്കുകയായിരുന്നു. കാർ പെട്ടെന്ന് വെട്ടിച്ചതായി ദൃക്സാക്ഷികൾ പറഞ്ഞു. അപകടത്തിൽ ക്യാബിൻ പൂർണ്ണമായും തകർന്ന ഓട്ടോയിൽ നിന്ന് ഏറെ പണിപ്പെട്ടാണ് ഡ്രൈവറെ പുറത്തെടുത്തത്.

The post കുറ്റിപ്പുറം രാങ്ങാട്ടൂരിൽ വാഹനാപകടം; ഒരാൾക്ക് പരിക്ക് appeared first on Valanchery Online.

ആതവനാട് നിയന്ത്രണം വിട്ട ഓട്ടോ മറിഞ്ഞ് യുവതി മരിച്ചു

വളാഞ്ചേരിക്കാരൻ — Thu, 05 Aug 2021 11:11:15 +0000

ആതവനാട് : ആതവനാട് നിയന്ത്രണം വിട്ട ഓട്ടോ താഴ്ചയിലേക്ക് മറിഞ്ഞ് യുവതി മരിച്ചു. ഇന്ന് ഉച്ച തിരിഞ്ഞു രണ്ട് മണിയോടെ ആതവനാട് പാറ വടക്കേകുളമ്പിലാണ് അപകടമുണ്ടായത്. ഓട്ടോയിൽ യാത്ര ചെയ്തിരുന്ന കൊളത്തൂർ നെടുവള്ളി നിസാറിൻ്റെ ഭാര്യ നുസ്രത്ത് (22) ആണ് മരണമടഞ്ഞത്.

തിരുവേഗപുറയിലെ നുസ്റത്തിൻ്റെ വീട്ടിൽ നിന്നും ആതവനാട്ടെ മരണ വീട്ടിലേക്ക് വരുന്നതിനിടയിലാണ് കെഎൽ-52-സി-2589 നമ്പർ പിയാജ്ജിയോ ആപെ ഓട്ടോ നിയന്ത്രണം വിട്ട് താഴ്ച്ചയിലേക്ക് മറിഞ്ഞ് അപകടം സംഭവിച്ചത്.

ഓട്ടോയിൽ ഡ്രൈവർ അടക്കം ആറു പേർ ഉണ്ടായിരുന്നു. നുസ്രത്തിനെ കൂടാതെ തിരുവേഗപ്പുറ പള്ളിയലിൽ മുഹമ്മദ് അമീർ (36), തിരുവേഗപ്പുറ താമരശ്ശേരി ഹംസയുടെ മക്കളായ ഹസനത്ത് (20), അൽഫീന (13) എന്നിവരണ് വാഹനത്തിൽ ഉണ്ടായിരുന്നത്. ഇവരെയെല്ലാം പരിക്കുകളോടെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. വളാഞ്ചേരി പോലീസ് മേൽനടപടികൾ സ്വീകരിച്ചു. മകൻ: മുഹമ്മദ് നബ്ഹാൻ

The post ആതവനാട് നിയന്ത്രണം വിട്ട ഓട്ടോ മറിഞ്ഞ് യുവതി മരിച്ചു appeared first on Valanchery Online.

കൂട്ടിലങ്ങാടിയിൽ ടാങ്കർ ലോറി ഓട്ടോയിൽ ഇടിച്ച് മൂന്നു മരണം; വീഡിയോ

രാജേഷ് വി അമല — Tue, 16 Apr 2019 04:53:35 +0000

മലപ്പുറം : പാലക്കാട് കോഴിക്കോട് ദേശീയ പാതയില്‍ ടാങ്കര്‍ ലോറി ഗുഡ്‌സ് ഓട്ടോയിലിടിച്ച് മൂന്ന് പേര്‍ മരിച്ചു. ചൊവ്വാഴ്ച രാവിലെ 6.45 മണിയോടെ കൂട്ടിലങ്ങാടി പെട്രോള്‍ പമ്പിന് സമീപത്താണ് അപകടമുണ്ടായത്. മരിച്ചവര്‍ പശ്ചിമ ബംഗാൾ സ്വദേശികളായ തൊഴിലാളികളാണ്. എസ്‌ കെ സാദത്‌ (40), സൈദുൽ ഖാൻ, (30), എസ്‌ കെ സബീർ അലി (47) എന്നിവരാണു മരണപ്പെട്ടവർ.

അപകടത്തില്‍ പരിക്കേറ്റ ഒരാളുടെ നില അതീവ ഗുരുതരമാണ്. പരിക്കേറ്റ (നസീമുധീൻ, ദീപക്കർ മണ്ഡൽ) രണ്ടുപേരേയും മലപ്പുറം ഗവൺമന്റ്‌ ആശുപത്രിയിൽ നിന്നും മഞ്ചേരി മെഡിക്കൽ കോളേജിലേക്ക്‌ മാറ്റി. ടാങ്കര്‍ മറ്റൊരു വാഹനത്തില്‍ തട്ടി നിയന്ത്രണം വിട്ട് ഗുഡ്‌സ് ഓട്ടോയിലിടിക്കുകയാണന്നാണ് പ്രാഥമിക വിവരം.

The post കൂട്ടിലങ്ങാടിയിൽ ടാങ്കർ ലോറി ഓട്ടോയിൽ ഇടിച്ച് മൂന്നു മരണം; വീഡിയോ appeared first on Valanchery Online.