announce Archives - Valanchery Online

ലോകകപ്പ് നേട്ടത്തിന് പിറകെ ടി20 ക്രിക്കറ്റിനോട് വിട പറഞ്ഞ് വിരാട് കോഹ്ലിയും നായകൻ രോഹിത് ശർമയും

വളാഞ്ചേരിക്കാരൻ — Sat, 29 Jun 2024 23:04:04 +0000

ബാര്‍ബഡോസ്: ട്വന്‍റി20 ക്രിക്കറ്റിൽനിന്ന് വിരമിക്കൽ പ്രഖ്യാപിച്ച് സൂപ്പർതാരം വിരാട് കോഹ്ലിയും നായകൻ രോഹിത് ശർമയും. ഫൈനലിലെ താരമായി തെരഞ്ഞെടുക്കപ്പെട്ടതിന്‍റെ പുരസ്കാരം ഏറ്റുവാങ്ങി സംസാരിക്കുന്നതിനിടെയാണ് ട്വന്‍റി20 ക്രിക്കറ്റ് മതിയാക്കുന്ന കാര്യം കോഹ്ലി വ്യക്തമാക്കിയത്. ‘ഇത് എന്‍റെ അവസാന ട്വന്‍റി20 ലോകകപ്പായിരുന്നു, ഞങ്ങള്‍ നേടാന്‍ ആഗ്രഹിച്ചതും ഇതാണ്. ഒരു ദിവസം റണ്‍ നേടാന്‍ കഴിയില്ലെന്ന് നിങ്ങള്‍ക്ക് തോന്നും. അപ്പോള്‍ ഇത് സംഭവിക്കും. ഇന്ത്യക്കായി കളിക്കുന്ന എന്‍റെ അവസാന ട്വന്‍റി20 മത്സരമായിരുന്നു ഇത്. ആ കപ്പ് ഉയര്‍ത്താന്‍ ഞങ്ങള്‍ ആഗ്രഹിച്ചിരുന്നു’ -കോഹ്ലി പറഞ്ഞു. 59 പന്തുകള്‍ നേരിട്ട കോലി രണ്ട് സിക്സും ആറ് ഫോറുമടക്കം 76 റണ്‍സെടുത്താണ് പുറത്തായത്. 124 മത്സരങ്ങള്‍ കളിച്ചിട്ടുള്ള കോലി 4188 റണ്‍സാണ് അടിച്ചെടുത്തത്. 48.69 ശരാശരിയും 137.04 സ്ട്രൈക്ക് റേറ്റും കോലിക്കുണ്ട്. 122 റണ്‍സാണ് ഉയര്‍ന്ന സ്‌കോര്‍.

ബാർബഡോസിലെ കിരീട നേട്ടത്തിന് ശേഷം നടത്തിയ വാർത്താ സമ്മേളനത്തിലാണ് നായകൻ രോഹിത് ശർമ്മ ടി20 ക്രിക്കറ്റിൽ നിന്നുള്ള വിടവാങ്ങൽ പ്രഖ്യാപനം നടത്തിയത്. ”എന്റെ അവസാന ടി20 മത്സരമായിരുന്നിത്. ഈ ഫോര്‍മാറ്റിനോട് വിട പറയാന്‍ ഇതിനും മികച്ച മറ്റൊരു സമയമില്ല. ഓരോ നിമിഷവും ഞാന്‍ ആസ്വദിക്കുകയാണ്. ടി20 ഫോര്‍മാറ്റില്‍ കളിച്ചുകൊണ്ടാണ് ഞാന്‍ അന്താരാഷ്ട്ര ക്രിക്കറ്റിലേക്ക് വരുന്നത്. എനിക്ക് വേണ്ടത് ലഭിച്ചു. ഈ ലോകകപ്പ് എനിക്ക് നേടണമായിരുന്നു. കൂടുതല്‍ പറയാനാവുന്നില്ല. ഈ ലോകകപ്പ് ഞാന്‍ അതിയായി മോഹിച്ചിരുന്നു. കിരീടം നേടാനായതില്‍ ഏറെ സന്തോഷം.” രോഹിത് വാര്‍ത്താസമ്മേളനത്തില്‍ പറഞ്ഞു. ടി20 ക്രിക്കറ്റില്‍ ഏറ്റവും കൂടുതല്‍ റണ്‍സ് നേടുന്ന താരമായിട്ടാണ് രോഹിത് വിടപറയുന്നത്. 159 മത്സരങ്ങളില്‍ (151 ഇന്നിംഗ്‌സ്) 4231 റണ്‍സാണ് രോഹിത്തിന്റെ സമ്പാദ്യം. അഞ്ച് സെഞ്ചുറികള്‍ നേടിയ രോഹിത് 32.05 ശരാശരിയില്‍ 4231 റണ്‍സ് നേടി. 140.89 സ്‌ട്രൈക്ക് റേറ്റും രോഹിത്തിനുണ്ട്. പുറത്താവാതെ നേടിയ 121 റണ്‍സാണ് ഉയര്‍ന്ന സ്‌കോര്‍.

The post ലോകകപ്പ് നേട്ടത്തിന് പിറകെ ടി20 ക്രിക്കറ്റിനോട് വിട പറഞ്ഞ് വിരാട് കോഹ്ലിയും നായകൻ രോഹിത് ശർമയും appeared first on Valanchery Online.

പോപുലർ ഫ്രണ്ട് നേതാക്കളുടെ അറസ്റ്റ്: സംസ്ഥാനത്ത് നാളെ ഹർത്താൽ

വളാഞ്ചേരിക്കാരൻ — Thu, 22 Sep 2022 13:43:35 +0000

സംസ്ഥാനത്ത് നാളെ ഹര്‍ത്താല്‍ പ്രഖ്യാപിച്ച് പോപ്പുലര്‍ ഫ്രണ്ട്. നാളെ രാവിലെ ആറ് മണി മുതല്‍ വൈകീട്ട് ആറ് വരെയാണ് ഹര്‍ത്താല്‍ ആഹ്വാനം ചെയ്തിരിക്കുന്നത്. പോപ്പുലര്‍ ഫ്രണ്ടിന്റെ ദേശീയ-സംസ്ഥാന നേതാക്കളെ അറസ്റ്റ് ചെയ്യുകയും ഓഫീസുകള്‍ എന്‍ഐഎ റെയ്ഡ് നടത്തുകയു ചെയ്തതില്‍ പ്രതിഷേധിച്ചാണ് ഹര്‍ത്താല്‍ ആഹ്വാനം ചെയ്തിരിക്കുന്നത്. ഇന്ന് പുലര്‍ച്ചെ മുതലാണ് പോപ്പുലര്‍ ഫ്രണ്ട് പ്രവര്‍ത്തകരുടെ വീടുകളിലും ഔദ്യോഗിക വസതിയിലുമുള്‍പ്പെടെ എഎന്‍ഐ റെയ്ഡ് നടത്തിയത്.

പോപ്പുലര്‍ ഫ്രണ്ട് ദേശീയ സംസ്ഥാന നേതാക്കളായ പതിനെട്ട് പേരെ കൊച്ചിയില്‍നിന്ന് അറസ്റ്റ് ചെയ്തിരുന്നു. ദേശീയ സെക്രട്ടറി നസറുദ്ദീന്‍ എളമരം അടക്കം മുതിര്‍ന്ന നേതാക്കളാണ് അറസ്റ്റിലായത്. ഇവരില്‍ എട്ട് പേരെ ദില്ലിയിലേക്ക് കൊണ്ടുപോയി. പത്ത് പേരുടെ അറസ്റ്റ് കൊച്ചി എന്‍ഐഎ യൂണിറ്റ് രേഖപ്പെടുത്തി. ഇവരെ കൊച്ചിയിലെ എന്‍ഐഎ കോടതിയില്‍ ഹാജരാക്കും. ഇന്നുവരെ നടത്തിയതില്‍ ഏറ്റവും വലിയ റെയ്ഡാണിതെന്നാണ് എന്‍ഐഎ ഈ റെയ്ഡിനെ വിശേഷിപ്പിച്ചത്. പത്ത് സംസ്ഥാനങ്ങളില്‍ നിന്നായി നൂറോളം പേരെ എന്‍ഐഎ കസ്റ്റഡിയിലെടുത്തിട്ടുണ്ട്.

The post പോപുലർ ഫ്രണ്ട് നേതാക്കളുടെ അറസ്റ്റ്: സംസ്ഥാനത്ത് നാളെ ഹർത്താൽ appeared first on Valanchery Online.

25 വയസാകുന്നതു വരെ ആൺമക്കളെയും സ്‌പോൺസർ ചെയ്യാം; ഗ്രീൻ വിസ പ്രഖ്യാപിച്ച് യു.എ.ഇ

വളാഞ്ചേരിക്കാരൻ — Mon, 06 Sep 2021 00:03:51 +0000

അബുദാബി: രാജ്യത്താരംഭിക്കുന്ന 50 പദ്ധതികളുടെ പ്രഖ്യാപനത്തിന്റെ ഭാഗമായി യു.എ.ഇ ഗ്രീൻ വിസ പ്രഖ്യാപിച്ചു. ഗ്രീൻ വിസ ലഭിക്കുന്നവർക്ക് രക്ഷിതാക്കൾക്കൊപ്പം 25 വയസാകുന്നതു വരെ ആൺമക്കളെയും സ്‌പോൺസർ ചെയ്യാം. ഇവരുടെ താമസ വിസ റദ്ദാക്കിയാൽ 90 മുതൽ 180 ദിവസം വരെ രാജ്യത്ത് തങ്ങാനുള്ള ഗ്രേസ് പിരീഡും ലഭിക്കും. സ്വന്തമായി ബിസിനസും സ്വയം തൊഴിൽ ചെയ്യുന്നവർക്ക് ഫ്രീലാൻസ് വിസയും നൽകും. നിലവിൽ പ്രൊഫഷണലുകൾക്കും സംരംഭകർക്കുമാണ് ഗ്രീൻ വിസ ലഭിക്കുന്നത്.

The post 25 വയസാകുന്നതു വരെ ആൺമക്കളെയും സ്‌പോൺസർ ചെയ്യാം; ഗ്രീൻ വിസ പ്രഖ്യാപിച്ച് യു.എ.ഇ appeared first on Valanchery Online.

മീഡിയ ക്ലബ് പ്രഖ്യാപനം ഇന്ന് വളാഞ്ചേരിയിൽ

വളാഞ്ചേരിക്കാരൻ — Tue, 02 Mar 2021 05:33:46 +0000

വളാഞ്ചേരി: ഓണ്‍ലൈന്‍ മാധ്യമ രംഗത്ത് പ്രവര്‍ത്തിക്കുന്നവരുടെ കൂട്ടായ്മയായ മീഡിയ ക്ലബിന്റെ പ്രഖ്യാപനവും ജനപ്രതിനിധികള്‍ക്കുളള സ്വീകരണവും ഇന്ന് വൈകീട്ട് നാലു മണിക്ക് വളാഞ്ചേരി സര്‍വീസ് സഹകരണ ബാങ്ക് ഓഡിറ്റോറിയത്തില്‍ പ്രൊഫ.ആബിദ് ഹുസൈന്‍ തങ്ങള്‍ എം.എല്‍.എ നടത്തും. മലപ്പുറം, പാലക്കാട് ജില്ലകളിലെ മാധ്യമ പ്രവര്‍ത്തകരെ ഉള്‍പ്പെടുത്തിയാണ് വളാഞ്ചേരി കേന്ദ്രമായി മീഡിയ ക്ലബ് പ്രവര്‍ത്തനം ആരംഭിക്കുന്നത്.

The post മീഡിയ ക്ലബ് പ്രഖ്യാപനം ഇന്ന് വളാഞ്ചേരിയിൽ appeared first on Valanchery Online.

മാറാക്കര പഞ്ചായത്ത് യു.ഡി.എഫ് സ്ഥാനാർത്ഥികളെ പ്രഖ്യാപിച്ചു

വളാഞ്ചേരിക്കാരൻ — Tue, 17 Nov 2020 00:12:06 +0000

കാടാമ്പുഴ: തദ്ദേശ തെരെഞ്ഞെടുപ്പിൽ യു.ഡി.എഫ് വലിയ മുന്നേറ്റമുണ്ടാക്കുമെന്ന് മുസ്ലിം ലീഗ്സം സ്ഥാന സെക്രട്ടറി പ്രൊഫ. ആബിദ് ഹുസൈൻ തങ്ങൾ എം.എൽ.എ പറഞ്ഞു. സർവ്വ മേഖലയിലും അഴിമതിയും ജനവിരുദ്ധ പ്രവർത്തനങ്ങളും മുഖമുദ്രയാക്കിയ സർക്കാരിനെതിരെയുള്ള
ജനങ്ങളുടെ വിധിയെഴുത്താകും ഈ തെരെഞ്ഞെടുപ്പെന്നും അദ്ദേഹം പറഞ്ഞു. മാറാക്കര പഞ്ചായത്തിലെ ഇരുപത് വാർഡുകളിലും മത്സരിക്കുന്ന ഐക്യ ജനാധിപത്യ മുന്നണി സ്ഥാനാർത്ഥികളെയും എം.എൽ.എ പ്രഖ്യാപിച്ചു. എ.സി നിരപ്പ് സി.എച്ച് സെന്ററിലെ ശിഹാബ് തങ്ങൾ കോൺഫ്രൻസ് ഹാളിൽ നടന്ന ചടങ്ങിൽ യു.ഡി.എഫ് ചെയർമാൻ വി.കെ ഷെഫീഖ് മാസ്റ്റർ അധ്യക്ഷത വഹിച്ചു. മുസ്ലിം ലീഗ് നിയോജക മണ്ഡലം ജനറൽ സെക്രട്ടറി ബഷീർ രണ്ടത്താണി, വി. മദുസൂദനൻ, മൂർക്കത്ത് ഹംസ മാസ്റ്റർ, ഒ.കെ സുബൈർ, എം കുഞ്ഞാവ ഹാജി, മാട്ടിൽ കുഞ്ഞാപ്പ ഹാജി, മാട്ടിൽ മാനു ഹാജി, എ.പി. മൊയ്തീൻ കുട്ടി മാസ്റ്റർ, ഒ.കെ. കുഞ്ഞുട്ടി, പൂക്കയിൽ മാനു, കാലൊടി അബുഹാജി, അബൂബക്കർ തുറക്കൽ, ടി.പി കുഞ്ഞുട്ടി ഹാജി, മുസ്തഫ ഹാജി എ.കെ, ടി.എം.ബഷീർ കുഞ്ഞു, മൊയ്തീൻ മാടക്കൽ, പി.വി നാസിബുദ്ദീൻ, ജുനൈദ് പാമ്പലത്ത്, ജoഷാദ് കല്ലൻ, എന്നിവർ പങ്കെടുത്തു.
സ്ഥാനാർത്ഥികൾ:
വാർഡ് 1: രണ്ടത്താണി-കെ.പി. ഷരീഫ ബഷീർ,
വാർഡ് 2: മാറാക്കര-സി.എച്ച് മുഹമ്മദലി മാസ്റ്റർ
വാർഡ് 3: ഏർക്കര-എ.പി ജാഫറലി
വാർഡ് 4: മരുതിൻചിറ-മുബഷിറ അമീർ കാരക്കാടൻ
വാർഡ് 5: മേൽമുറി-നജ്മത്ത് പാമ്പലത്ത്
വാർഡ് 6: പറപ്പൂർ-ടി.വി റാബിയ
വാർഡ് 7: കരേക്കാട് നോർത്ത്-മുഫീദ അൻവർ മനയങ്ങാട്ടിൽ,
വാർഡ് 8: ചിത്രംപള്ളി-ഉമറലി കരേക്കാട്
വാർഡ് 9: മജീദ്കുണ്ട്-ശ്രീഹരി മുക്കടേക്കാട്
വാർഡ് 10: ജാറത്തിങ്ങൽ-സുരേഷ് ബാബു എന്ന കുട്ടൻ
വാർഡ് 11: മലയിൽ-എൻ കുഞ്ഞി മുഹമ്മദ് എന്ന കുഞ്ഞിപ്പ
വാർഡ് 12: നീരടി-ടി.പി സജ്ന ടീച്ചർ
വാർഡ് 13: പിലാത്തറ-കരിങ്കപ്പാറ സിദ്ദിഖ്
വാർഡ് 14: കാടാമ്പുഴ-സരിത മോഹനൻ കണ്ണമ്പള്ളി
വാർഡ് 15: ചുളളിക്കാട്-സജിത ടീച്ചർ നന്നേങ്ങാടൻ
വാർഡ് 16: എ.സി നിരപ്പ്-ഒ.പി കുഞ്ഞി മുഹമ്മദ്
വാർഡ് 17: കല്ലാർമംഗലം-പി പി ആബിദ് കല്ലാർമംഗലം
വാർഡ് 18: ചേലകുത്ത്-സി.പി സാബിറ ടീച്ചർ
വാർഡ് 19: പൂവൻച്ചിന-കെ.പി നാസർ
വാർഡ് 20: ആറ്റുപുറം-ഷംല ബഷീർ

The post മാറാക്കര പഞ്ചായത്ത് യു.ഡി.എഫ് സ്ഥാനാർത്ഥികളെ പ്രഖ്യാപിച്ചു appeared first on Valanchery Online.

സോണി പ്ലേ സ്‌റ്റേഷന്‍ 5 ന്റെ ഇന്ത്യയിലെ വില പ്രഖ്യാപിച്ചു; 40,000 ല്‍ താഴെ വിലയില്‍ സ്വന്തമാക്കാം

വളാഞ്ചേരിക്കാരൻ — Sun, 18 Oct 2020 01:20:12 +0000

സോണിയുടെ ഗെയിമിങ് കണ്‍സോളായ പ്ലേസ്റ്റേഷന്‍ 5 ന്റെ ഇന്ത്യയിലെ വില വിവരങ്ങള്‍ പുറത്തുവിട്ടു. 49,9900 രൂപയാണ് പ്ലേ സ്റ്റേഷന്‍ 5ന് വില. അതേസമയം പ്ലേ സ്റ്റേഷന്‍ 5 ഡിജിറ്റള്‍ എഡിഷന് 39990 രൂപയാണ് വില. ഈ രണ്ട് കണ്‍സോളുകള്‍ക്കും പുതിയ തലമുറ ഡ്യുവല്‍ സെന്‍സ് വയര്‍ലെസ് കണ്‍ട്രോളറുകളുണ്ട്. 5990 രൂപയാണ് ഇതിന് ഇന്ത്യയില്‍ വില. കണ്‍സോളിനൊപ്പം വിപണിയിലിറക്കുന്ന മറ്റ് ചില അനുബന്ധ ഉപകരണങ്ങളുടേയും വില വിവരങ്ങള്‍ കമ്പനി പുറത്തുവിട്ടിട്ടുണ്ട്.

ഇതിനോടകം ഇന്ത്യയില്‍ വില്‍പന ആരംഭിച്ചിരിക്കുന്ന മൈക്രോസോഫ്റ്റ് എക്‌സ് ബോക്‌സ് സീരിസ് എക്‌സിന്റെ നിരക്കുകള്‍ക്ക് സമാനമാണ് പ്ലേ സ്റ്റേഷന്‍ 5ന് വില. എക്‌സ് ബോക്‌സ് സീരീസ് എക്‌സിനും 49,990 രൂപയാണ് വില. എന്നാല്‍ എക്‌സ് ബോക്‌സ് സീരീസ് എസിന് പിഎസ് 5 ഡിജിറ്റല്‍ എഡിഷനേക്കാള്‍ വില കുറവാണ്. 34990 രൂപയാണ് എക്‌സ് ബോക്‌സ് സീരീസ് എസിന് വില.

നവംബര്‍ 10 മുതല്‍ എക്‌സ് ബോക്‌സ് സീരീസ് എക്‌സും, സീരീസ് എസും വില്‍പന ആരംഭിക്കും എന്നാല്‍ പ്ലേ സ്റ്റേഷന്‍ വില്‍പന ആരംഭിക്കുന്ന തീയതി സോണി വ്യക്തമാക്കിയിട്ടില്ല. ഇറക്കുമതി നിയന്ത്രണങ്ങള്‍ പോലുള്ള ഘടകങ്ങള്‍ വില്‍പന ആരംഭിക്കുന്നതിനെ സ്വാധീനിക്കുമെന്നും ചരക്ക് നീക്കവുമായി ബന്ധപ്പെട്ടുള്ള നടപടി ക്രമങ്ങള്‍ പുരോഗമിക്കുകയാണെന്നും പുറത്തിറക്കുന്ന തീയ്യതി അറിയിക്കാമെന്നും കമ്പനി പറഞ്ഞു.

-പ്ലേ സ്റ്റേഷന്‍ എച്ച്ഡി ക്യാമറ- 5190 രൂപ
-പള്‍സ് ത്രിഡി വയര്‍ലെസ് ഹെഡ്‌സെറ്റ്- 8590 രൂപ
-പ്ലേ സ്റ്റേഷന്‍ മീഡിയാ റിമോട്ട് – 2590 രൂപ
-കണ്‍ട്രോളറുകള്‍ ചാര്‍ജ് ചെയ്യുന്നതിനുള്ള ഡ്യുവല്‍സെന്‍സ് ചാര്‍ജിങ് സ്റ്റേഷന്‍ -2590 രൂപ
എന്നീ അനുബന്ധ ഉപകരണങ്ങളും വിപണിയിലെത്തും.

ഇതോടൊപ്പം സോണി വേള്‍ഡ് വൈഡ് സ്റ്റുഡിയോസിന്റെ അഞ്ച് ഗെയിമുകള്‍ കമ്പനി പ്രഖ്യാപിച്ചിട്ടുണ്ട്.

-ഡീമന്‍സ് സോള്‍സ് (4999 രൂപ)
-ഡിസ്ട്രക്ഷന്‍ ഓള്‍സ്റ്റാര്‍സ് (4999 രൂപ)
-മാര്‍വെല്‍ സ്‌പൈഡര്‍മാന്‍ മൈല്‍സ് മൊറേല്‍സ്: അള്‍ടിമേറ്റ് എഡിഷന്‍ (4999 രൂപ)
-സാക്ക് ബോയ് : എ ബിഗ് അഡ്വഞ്ചര്‍ (3999 രൂപ)
-മാര്‍വല്‍ സ്‌പൈഡര്‍മാന്‍ മൈല്‍സ് മൊറേല്‍സ് (3999 രൂപ)

The post സോണി പ്ലേ സ്‌റ്റേഷന്‍ 5 ന്റെ ഇന്ത്യയിലെ വില പ്രഖ്യാപിച്ചു; 40,000 ല്‍ താഴെ വിലയില്‍ സ്വന്തമാക്കാം appeared first on Valanchery Online.

10,12 ക്ലാസ്സ് പരീക്ഷാതീയതി പ്രഖ്യാപിച്ച് എന്‍.ഐ.ഒ.എസ്

വളാഞ്ചേരിക്കാരൻ — Tue, 02 Jun 2020 00:27:59 +0000

ന്യൂഡല്‍ഹി: 10,12 ക്ലാസ്സുകളിലെ പരീക്ഷാ തീയതി പ്രഖ്യാപിച്ച് നാഷണല്‍ ഇന്‍സ്റ്റിറ്റ്യൂട്ട് ഓഫ് ഓപ്പണ്‍ സ്‌കൂളിങ് (എന്‍.ഐ.ഒ.എസ്). ജൂലൈ 17 മുതല്‍ ആഗസ്റ്റ് 13 വരെയാണ് പരീക്ഷ നടത്തുക. വിശദമായ ടൈംടേബിള്‍ nios.ac.in എന്ന വെബ്‌സൈറ്റ് വഴി പരിശോധിക്കാം. നേരത്തെ മാര്‍ച്ച് 24 മുതല്‍ ഏപ്രില്‍ 24 വരെ പരീക്ഷ നടത്താന്‍ നിശ്ചയിച്ചിരുന്ന പരീക്ഷയാണ് കോവിഡ്-19 വ്യാപനത്തിന്റെ പശ്ചാത്തലത്തില്‍ മാറ്റിവെച്ചത്. പുതുക്കിയ തീയതി, സമയം എന്നിവയുള്‍പ്പെടെയുള്ള വിശദവിവരങ്ങള്‍ കേന്ദ്ര മാനവവിഭവശേഷി മന്ത്രി രമേഷ് പൊക്രിയാല്‍ ട്വീറ്റ് ചെയ്തു.

Announcement
The Datesheets for Class X and Class XII examinations by @niostwit have now been released.

All the best students!#StaySafe #StudyWell pic.twitter.com/VE99tWwDPu

— Dr Ramesh Pokhriyal Nishank (@DrRPNishank) May 31, 2020

The post 10,12 ക്ലാസ്സ് പരീക്ഷാതീയതി പ്രഖ്യാപിച്ച് എന്‍.ഐ.ഒ.എസ് appeared first on Valanchery Online.