akshara Archives - Valanchery Online

തെരുവ് നായ് ശല്യം രൂക്ഷം; നിവേദനം നൽകി എടയൂർ അക്ഷര സാംസ്കാരിക സമിതി

വളാഞ്ചേരിക്കാരൻ — Wed, 14 Sep 2022 13:02:47 +0000

എടയൂർ: എടയൂരിലും പരിസരങ്ങളിലും തെരുവ് നായ് ശല്യം രൂക്ഷമായി തുടരുകയാണ്. ഇതു മൂലം സ്കൂൾ വിദ്യാർത്ഥികളും മദ്രസ്സ വിദ്യാർത്ഥികളും ഉൾപ്പെടെ നിരവധി പേർ ഭയപ്പാടോടെയാണ് സഞ്ചരിക്കുന്നത്. വിഷയത്തിൽ പഞ്ചായത്ത് അധികൃതർ അടിയന്തിരമായി ഇടപെട്ട് ജനങ്ങളുടെ ഭീതി അകറ്റുവാൻ ആവശ്യമായ നടപടികൾ സ്വീകരിക്കണമെന്ന് എടയൂർ അക്ഷര സാംസ്കാരിക സമിതി ആവശ്യപെട്ടു.. ഇത് സംബന്ധിച്ച് പഞ്ചായത്ത് ഭരണസമിതിക്ക് എടയൂർ അക്ഷര സാംസ്കാരിക സമിതി നിവേദനം നൽകി. പഞ്ചായത്ത് പ്രസിഡണ്ട് ഹസീന ഇബ്രാഹീം നിവേദനം സ്വീകരിച്ചു. വൈസ് പ്രസിഡണ്ട് കെ.പി.വേലായുധൻ, മെമ്പർ പി.ടി.അയ്യൂബ് എന്നിവരും സംബന്ധിച്ചു. പഞ്ചായത്ത് അസി. സെക്രട്ടറി മിനി ജോസഫിനും നിവേദനം കൈമാറി.വിഷയത്തിൽ അടിയന്തിര നടപടി സ്വീകരിക്കുമെന്നും, പൊതുജനങ്ങളുടെ ഭീതി അകറ്റുന്നതിന് ആവശ്യമായ നടപടികൾ കൈകൊള്ളുമെന്നും പഞ്ചായത്ത് പ്രസിഡണ്ട് ഹസീന ഇബ്രാഹീം നിവേദന സംഘത്തിന് ഉറപ്പ് നൽകി. അക്ഷര സാംസ്കാരിക സമിതിക്ക് വേണ്ടി പ്രസിഡണ്ട് ബാബു എടയൂർ, സെക്രട്ടറി പ്രദീപ് കോട്ടീരി എന്നിവരാണ് നിവേദനം കൈമാറിയത്.

The post തെരുവ് നായ് ശല്യം രൂക്ഷം; നിവേദനം നൽകി എടയൂർ അക്ഷര സാംസ്കാരിക സമിതി appeared first on Valanchery Online.

വിദ്യാർത്ഥികൾക്ക് ഓൺലൈൻ ക്ലാസുകൾ കാണുന്നതിന് പഠന കേന്ദ്രം തുടങ്ങി മദിരശ്ശേരി അക്ഷര കലാകായിക വേദി

വളാഞ്ചേരിക്കാരൻ — Wed, 10 Jun 2020 17:19:06 +0000

തവനൂർ:തവനൂർ മദിരശ്ശേരി പ്രദേശത്തെ സ്ക്കൂൾ വിദ്യാർത്ഥികൾക്ക് ഓൺലൈൻ ക്ലാസുകൾ കാണുന്നതിന് അക്ഷര കലാകായിക വേദിയുടെ ആഭിമുഖ്യത്തിൽ ഓൺലൈൻ പ0ന കേന്ദ്രം തുടങ്ങി. ക്ലബ് ഭാരവാഹികൾ ഹിദായത്തുൽ ഇസ്ലാം മദ്രസയിൽ എൽ ഇ ഡി ടിവി സ്ഥാപിച്ചുകൊണ്ടാണ് പരിപാടിക്ക് തുടക്കം കുറിച്ചത് .കൂടുതൽ കുട്ടികൾക്ക് സാമൂഹിക അകലം പാലിച്ചുകൊണ്ട് ക്ലാസുകൾ കാണാനുള്ള സൗകര്യമാണ് ഒരുക്കിയിട്ടുള്ളത്. മദിരശ്ശേരി അംഗൻവാടി അധ്യാപിക പി എം ബിന്ദു പOന കേന്ദ്രത്തിന്റെ ഉദ്ഘാടനം നിർവഹിച്ചു.

The post വിദ്യാർത്ഥികൾക്ക് ഓൺലൈൻ ക്ലാസുകൾ കാണുന്നതിന് പഠന കേന്ദ്രം തുടങ്ങി മദിരശ്ശേരി അക്ഷര കലാകായിക വേദി appeared first on Valanchery Online.

Bus route to malappuram via moonakkal juma masjid should be initiated: Akshara samskarika vedhi

വളാഞ്ചേരിക്കാരൻ — Thu, 08 Nov 2012 00:01:56 +0000

ജില്ലയിലെ പ്രമുഖ തീര്‍ത്ഥാടനകേന്ദ്രമായ പൂക്കാട്ടിരി മൂന്നാക്കല്‍ പള്ളിവഴി മലപ്പുറത്തേക്ക് ബസ് റൂട്ടനുവദിക്കണമെന്ന് എടയൂര്‍ അക്ഷര സാംസ്‌കാരികസമിതി ആവശ്യപ്പെട്ടു. ദിവസവും പള്ളിയിലെത്തുന്ന നൂറുകണക്കിനാളുകള്‍ പൂക്കാട്ടിരിയിലോ ടി.ടി. പടിയിലോ, പള്ളി റോഡിലോ ബസ്സിറങ്ങി കാല്‍നടയായാണ് എത്തുന്നത്. റോഡിന്റെ ശോച്യാവസ്ഥ പരിഹരിച്ച് ബസ് റൂട്ടനുവദിക്കണമെന്നാവശ്യപ്പെട്ട് എം.എൽ.എ, ജില്ലാകളക്ടർ, ആർ.ടി.ഒ എന്നിവര്‍ക്ക് നിവേദനം നല്‍കാന്‍ യോഗം തീരുമാനിച്ചു. വി.പി. അബ്ദുള്‍ റഷീദ് അധ്യക്ഷത വഹിച്ചു. ടി. അമീറലി, ജയപ്രകാശ് കമ്മങ്ങാട്ടിൽ, പ്രദീപ് കോട്ടീരി, ബഷീര്‍ പാലക്കൽ, എന്‍.ടി. ഷാനവാസ്, പി.ഇസ്ഹാഖ് എന്നിവര്‍ പ്രസംഗിച്ചു.

Summary: The Akshara samskarika vedhi of adhikaripadi, Edayur demands a bus route to malappuram via moonakkal juma masjid to get initiated.

The post Bus route to malappuram via moonakkal juma masjid should be initiated: Akshara samskarika vedhi appeared first on Valanchery Online.