air india express Archives - Valanchery Online

കരിപ്പൂരിൽ എയർ ഇന്ത്യ എക്സ്പ്രസിന്റെ പുതിയ സമയക്രമം; യാത്രക്കാർ നാലുമണിക്കൂർ മുൻപ് റിപ്പോർട്ട് ചെയ്യണം

വളാഞ്ചേരിക്കാരൻ — Sat, 28 Jan 2023 02:15:28 +0000

: കരിപ്പൂരിൽ യാത്രക്കാർ നാലുമണിക്കൂർ മുൻപ് റിപ്പോർട്ട് ചെയ്യണമെന്ന് എയർ ഇന്ത്യ എക്സ്പ്രസിന്റെ നിർദ്ദേശം. രാവിലെ ആറുമണി മുതൽ ഒൻപത് വരെയുള്ള വിമാനയാത്രക്കാർക്കാണ് പുതിയ നിർദ്ദേശം നൽകിയത്. വിമാനത്താവളത്തിൽ അറ്റകുറ്റപ്പണികൾ നടക്കുന്നതിന്റെ ഭാഗമായാണ് സമയക്രമീകരണം. വിമാനത്താവളത്തിലെ റൺവേ റീകാർപറ്റിംഗ് പ്രവർത്തികളുടെ ഭാഗമായി രാവിലെ പത്ത് മണി മുതൽ വൈകിട്ട് ആറുവരെ റൺവേ അടച്ചിടും. റീകാർപറ്റിംഗ് പ്രവർത്തി ഏറ്റെടുത്ത കരാർ കമ്പനിക്ക് ഈ സമയം വിമാനത്താവളത്തിന്റെ റൺവേ കൈമാറും. അതിനാൽ രാവിലെ ആറുമണി മുതൽ പത്തുമണിവരെയാണ് പരമാവധി വിമാനങ്ങൾ സർവീസ് നടത്തുക. ഏകദേശം ആറുവിമാനങ്ങൾ മാത്രമാണ് സർവീസ് നടത്തുന്നത്. 1200ഓളം യാത്രക്കാർ ഈ വിമാനങ്ങളിലായി വിദേശരാജ്യങ്ങളിലേക്ക് പുറപ്പെടും. രാവിലെ പത്തിന് മുൻപ് പരമാവധി വിമാനങ്ങൾ സർവീസ് നടത്തുന്നതിനാൽ രാവിലെയുള്ള തിരക്ക് വിമാനത്താവളത്തിൽ വർധിച്ചിട്ടുണ്ട്. ഈ സമയം ചെക്കിങ് കൗണ്ടറിലെ തിരക്ക് ഒഴിവാക്കുന്നതിന് വേണ്ടിയാണ് എയർ ഇന്ത്യ എക്‌സ്പ്രസ് യാത്രക്കാർക്ക് പുതിയ നിർദ്ദേശം നൽകിയിരിക്കുന്നത്.

The post കരിപ്പൂരിൽ എയർ ഇന്ത്യ എക്സ്പ്രസിന്റെ പുതിയ സമയക്രമം; യാത്രക്കാർ നാലുമണിക്കൂർ മുൻപ് റിപ്പോർട്ട് ചെയ്യണം appeared first on Valanchery Online.

ഷാർജ-കരിപ്പൂർ എയർ ഇന്ത്യ സർവീസ് മാർച്ച് 28 മുതൽ പുനരാരംഭിക്കുന്നു

വളാഞ്ചേരിക്കാരൻ — Sat, 19 Mar 2022 01:29:03 +0000

ഷാർജ: ഷാർജ-കോഴിക്കോട് എയർ ഇന്ത്യ സർവീസ് മാർച്ച് 28 മുതൽ പുനരാരംഭിക്കുന്നു. കോവിഡ് വ്യാപനത്തെ തുടർന്ന് നിയന്ത്രണങ്ങൾ വന്നതോടെ ഈ സർവീസുകൾ നിർത്തിവച്ചിരിക്കുകയായിരുന്നു. ഇപ്പോൾ അന്താരാഷ്ട്ര വിമാന വിലക്ക് മാറിയതോടെയാണ് എയർ ഇന്ത്യ വീണ്ടും എത്തുന്നത്.

എല്ലാദിവസവും രാത്രി ഒന്നിന് ഷാർജയിൽ നിന്നും പുറപ്പെട്ട് ഇന്ത്യൻ സമയം രാവിലെ 6:35നാണ് ഈ വിമാനം കോഴിക്കോട് എത്തിച്ചേരുക. കോഴിക്കോടു നിന്നും രാത്രി 10ന് പുറപ്പെട്ട് രാത്രി 12:05ന് ഷാർജയിൽ എത്തും. ഷാർജയിൽ നിന്നും കോഴിക്കോട്ടേക്ക് 430 ദിർഹമാണ് ഏറ്റവും കുറഞ്ഞ നിരക്ക്. എക്കണോമി ക്ലാസിൽ 40 കിലോ ബാഗേജും ബിസിനസ് ക്ലാസിൽ 45 കിലോ ബാഗേജും കൊണ്ടുപോകാം.

The post ഷാർജ-കരിപ്പൂർ എയർ ഇന്ത്യ സർവീസ് മാർച്ച് 28 മുതൽ പുനരാരംഭിക്കുന്നു appeared first on Valanchery Online.

കരിപ്പൂർ വിമാനാപകടം: ചികിത്സയിൽ കഴിയുന്നത് 115 പേർ

വളാഞ്ചേരിക്കാരൻ — Mon, 10 Aug 2020 23:54:41 +0000

മലപ്പുറം: കരിപ്പൂർ വിമാനാപകടത്തിൽ പരിക്കേറ്റ 115 പേർ വിവിധ ആശുപത്രികളിൽ ചികിത്സയിൽ തുടരുന്നതായി കളക്ടർ കെ. ഗോപാലകൃഷ്ണൻ അറിയിച്ചു. ഇതിൽ 14 പേരുടെ നില ഗുരുതരമായി തുടരുന്നു. 57 പേർ വിദഗ്ധചികിത്സയ്ക്കുശേഷം വീട്ടിലേക്കു മടങ്ങി.

ആശുപത്രിയും ചികിത്സയിലുള്ളവുടെ എണ്ണവും:കോട്ടയ്ക്കൽ അൽമാസ് (2) പെരിന്തൽമണ്ണ അൽഷിഫ (16), മഞ്ചേരി കൊരമ്പയിൽ (1), മഞ്ചേരി മലബാർ (1), കോഴിക്കോട് മിംസ് (32), കോട്ടയ്ക്കൽ മിംസ് (5), പെരിന്തൽമണ്ണ മൗലാന (2), കോഴിക്കോട് മൈത്ര (10), കോഴിക്കോട് ബേബി മെമ്മോറിയൽ (22), കോഴിക്കോട് ഇഖ്‌റ (5), പെരിന്തൽമണ്ണ എം.ഇ.എസ്. (3), കോഴിക്കോട് മെഡിക്കൽകോളേജ് ആശുപത്രി (9), കോഴിക്കോട് ബീച്ച് ആശുപത്രി (7).

The post കരിപ്പൂർ വിമാനാപകടം: ചികിത്സയിൽ കഴിയുന്നത് 115 പേർ appeared first on Valanchery Online.

മലപ്പുറത്തെ ജനങ്ങള്‍ക്ക് ആദരം അര്‍പ്പിച്ച് എയര്‍ ഇന്ത്യ എക്സ്പ്രസ്

വളാഞ്ചേരിക്കാരൻ — Sun, 09 Aug 2020 22:51:48 +0000

മലപ്പുറം: കരിപ്പൂരിലുണ്ടായ വിമാനാപകടത്തില്‍ ജീവന്‍ പണയം വെച്ച് രക്ഷാപ്രവര്‍ത്തനത്തിലേര്‍പ്പെട്ട മലപ്പുറത്തെ ജനങ്ങള്‍ക്ക് ആദരം അര്‍പ്പിച്ച് എയര്‍ ഇന്ത്യ എക്സ്പ്രസ്. ട്വിറ്ററിലൂടെയാണ് എയര്‍ ഇന്ത്യ എക്സ്പ്രസ് ആദരം അര്‍പ്പിച്ചത്. മനുഷ്യത്വത്തിന് മുന്നില്‍ തലകുനിക്കുന്നു. അപ്രതീക്ഷിതമായ സംഭവത്തില്‍ ദയയും മനുഷ്യത്വവും ഞങ്ങള്‍ക്ക് മേല്‍ ചൊരിഞ്ഞ മലപ്പുറത്തെ ജനതയ്ക്ക് ആദരം അര്‍പ്പിക്കുന്നു. ഞങ്ങള്‍ നിങ്ങളോട് ഒരു പാട് കടപ്പെട്ടിരിക്കുന്നു.

“ഇത് വെറും ധൈര്യമല്ല, ഒരു ജീവന്‍ രക്ഷിക്കുവാനുള്ള മനുഷ്യത്വത്തിന്റെ സ്പര്‍ശമാണ്. സ്വന്തം ജീവന്‍ പണയം വെച്ച് നിരവധി ജീവനുകള്‍ രക്ഷപ്പെടുത്തിയ മലപ്പുറത്തെ ജനങ്ങള്‍ക്ക് മുന്നില്‍ ഞങ്ങള്‍ തലകുനിക്കുന്നു’- എയര്‍ ഇന്ത്യ എക്സ്പ്രസ് പങ്കുവെച്ച ട്വീറ്റില്‍ പറഞ്ഞു.

Taking a bow to HUMANITY!

A standing ovation from our hearts to the PEOPLE OF MALAPPURAM, Kerala, who had showered us with kindness & humanity during the uncertain incident. We owe you a lot! #ExpressGratitude pic.twitter.com/EIH8ky6xZ3

— Air India Express (@FlyWithIX) August 9, 2020

The post മലപ്പുറത്തെ ജനങ്ങള്‍ക്ക് ആദരം അര്‍പ്പിച്ച് എയര്‍ ഇന്ത്യ എക്സ്പ്രസ് appeared first on Valanchery Online.

കരിപ്പൂർ ദുരന്തം; മരിച്ചവരിൽ വളാഞ്ചേരി സ്വദേശിയും

വളാഞ്ചേരിക്കാരൻ — Sat, 08 Aug 2020 04:46:08 +0000

കൊണ്ടോട്ടി: കരിപ്പൂർ അന്താരാഷ്ട്ര വിമാനത്താവളത്തിലെ റൺവേയിൽ നിന്ന് തെന്നിത്തെറിച്ച് ഉണ്ടായ അപകടത്തിൽ മരിച്ചവരിൽ വളാഞ്ചേരി സ്വദേശിയും. വളാഞ്ചേരി കൊളമംഗലം സ്വദേശി കാരാട്ട് വെള്ളാട്ട് സുധീർ ആണ് മരണമടഞ്ഞത്. വെള്ളിയാഴ്ച രാത്രി 7:50 നാണ് വിമാനം കരിപ്പൂരിൽ അപകടത്തിൽ പെട്ടത്. അപകടത്തിൽ ഇദ്ദേഹമടക്കം 19 പേരാണ് മരണമടഞ്ഞത്. കോവിഡ് പരിശോധനയിൽ ഇദ്ദേഹത്തിന് പോസിറ്റീവ് സ്ഥിരീകരിച്ചു. കോവിഡ് പ്രോട്ടോക്കോൾ അനുസരിച്ചുള്ള നടപടികൾ കൈക്കൊള്ളുമെന്ന് ബന്ധപ്പെട്ട അധികാരികൾ അറിയിക്കുക.

The post കരിപ്പൂർ ദുരന്തം; മരിച്ചവരിൽ വളാഞ്ചേരി സ്വദേശിയും appeared first on Valanchery Online.

Updating Live | കരിപ്പൂരിൽ വിമാനം റൺ‌വെയിൽ നിന്ന് തെന്നി താഴേക്ക് പതിച്ചു അപകടം; പൈലറ്റും സഹപൈലറ്റും ഉള്‍പ്പെടെ 19 പേര്‍ മരിച്ചു

വളാഞ്ചേരിക്കാരൻ — Fri, 07 Aug 2020 15:13:53 +0000

കൊണ്ടോട്ടി: കോഴിക്കോട് അന്താരാഷ്ട്ര വിമാനത്താവളത്തില്‍ വിമാനം റണ്‍വേയില്‍നിന്ന് തെന്നിമാറി താഴേക്ക് പതിച്ചു അപകടം. പൈലറ്റും സഹപൈലറ്റും ഉള്‍പ്പെടെ 19 പേര്‍ മരിച്ചു. ക്യാപ്റ്റന്‍ ദീപക് വസന്ത് സാത്തെ ആണ് മരിച്ച പൈലറ്റ്. അഖിലേഷ് ആണ് സഹപൈലറ്റ്. നിരവധി യാത്രക്കാര്‍ക്ക് ഗുരുതരമായി പരിക്കേറ്റിട്ടുണ്ട്. നിരവധി യാത്രക്കാര്‍ക്ക് ഗുരുതരമായി പരിക്കേറ്റിട്ടുണ്ട്. സഹ പൈലറ്റ് അഖിലേഷിനും ഗുരുതര പരിക്കുണ്ട്. വന്ദേ ഭാരത് ദൗത്യത്തിന്റെ ഭാഗമായി ദുബായിൽനിന്ന് 191 യാത്രക്കാരുമായി വന്ന IX1344 ദുബായ്–കോഴിക്കോട് വിമാനം രാത്രി 7.45–ഓടെയാണ് അപകടത്തിൽപ്പെട്ടത്. 35 അടി താഴ്ചയിലേക്കു പതിച്ച വിമാനം രണ്ടായി പിളർന്നു. 177 യാത്രക്കാരും 6 ജീവനക്കാരും വിമാനത്തില്‍ ഉണ്ടായിരുന്നു.

വിമാനത്താവളത്തിനു പുറത്ത് കൊണ്ടോട്ടി- കുന്നുംപുറം റോഡിൽ മേലങ്ങാടി വഴിയുള്ള ക്രോസ് ബെൽറ്റ് റോഡിന്റെ ഭാഗത്തേക്കു പതിച്ച വിമാനം വീഴ്ചയുടെ ആഘാതത്തിലാണ് രണ്ടായി പിളർന്നത്. കനത്ത മഴയാണ് അപകടത്തിനു കാരണമെന്നാണ് സൂചന. ലാൻഡിങ്ങിനിടെ റൺവേയിലൂടെ മുന്നിലേക്കു തെന്നിനീങ്ങിയ വിമാനം വീണ്ടും ടേക്ഓഫ് ചെയ്യാൻ ശ്രമിക്കുന്നതിനിടെ ഇടതുവശത്തേക്കു തെന്നിമാറി താഴേക്കു പതിക്കുകയായിരുന്നു. ടേബിൾ ടോപ് റൺവേ ആയതിനാൽ വിമാനം നിയന്ത്രിക്കാനാകാതെ പോയതാണ് അപകട കാരണം. അപകടത്തിൽ വിമാനത്തിന്റെ കോക്പിറ്റ് മുതൽ മുൻ വാതിൽ വരെയുള്ള ഭാഗം തകർന്നു. മുൻവാതിലിന്റെ ഭാഗത്തുവച്ചാണ് വിമാനം രണ്ടായി പിളർന്നത്.

The post Updating Live | കരിപ്പൂരിൽ വിമാനം റൺ‌വെയിൽ നിന്ന് തെന്നി താഴേക്ക് പതിച്ചു അപകടം; പൈലറ്റും സഹപൈലറ്റും ഉള്‍പ്പെടെ 19 പേര്‍ മരിച്ചു appeared first on Valanchery Online.

കരിപ്പൂരില്‍ ലാന്‍ഡിങ്ങിനിടെ വിമാനത്തിന്റെ പിന്‍ഭാഗം റണ്‍വേയില്‍ തട്ടി

വളാഞ്ചേരിക്കാരൻ — Mon, 01 Jul 2019 12:03:45 +0000

കരിപ്പൂര്‍: ലാന്‍ഡിങ്ങിനിടെ കരിപ്പൂര്‍ വിമാനത്താവളത്തില്‍ എയര്‍ ഇന്ത്യ എക്‌സ്പ്രസ് വിമാനത്തിന്റെ വാല്‍ ഭാഗം നിലത്തിടിച്ചു. തിങ്കളാഴ്ച രാവിലെയാണ് സംഭവം. എയര്‍ ഇന്ത്യ എക്‌സ്പ്രസിന്റെ ദമ്മാം-കോഴിക്കോട് വിമാനത്തിന്റെ വാല്‍ഭാഗമാണ് ലാന്‍ഡിങ്ങിനിടെ റണ്‍വേയില്‍ തട്ടിയത്‌.

180 യാത്രക്കാരാണ് വിമാനത്തിലുണ്ടായിരുന്നത്. യാത്രക്കാരെല്ലാവരും സുരക്ഷിതരാണ്. വിമാനത്തിന്റെ പിന്‍ഭാഗം റണ്‍വേയില്‍ തൊടുന്ന ഘട്ടത്തില്‍ ഭാരത്തിന്റെ സംതുലനാവസ്ഥ നഷ്ടപ്പെട്ടതോടെയാണ് പിന്‍ഭാഗം നലത്തുരഞ്ഞതെന്നാണ് റിപ്പോര്‍ട്ട്. വിമാനത്തിന് കേടുപാടുകളൊന്നും സംഭവിച്ചിട്ടില്ല.

The post കരിപ്പൂരില്‍ ലാന്‍ഡിങ്ങിനിടെ വിമാനത്തിന്റെ പിന്‍ഭാഗം റണ്‍വേയില്‍ തട്ടി appeared first on Valanchery Online.

ലോക വനിത ദിനം; കൊച്ചിയിൽ നിന്ന് ദുബൈയിലേക്ക് വിമാനം പറത്തി വനിതകൾ

വളാഞ്ചേരിക്കാരൻ — Sat, 09 Mar 2019 01:27:37 +0000

നെടുമ്പാശ്ശേരി: ലോക വനിത ദിനത്തിൽ വനിത ജീവനക്കാർ മാത്രമായി കൊച്ചിയിൽനിന്ന് ദുബൈയിലേക്ക് വിമാനം പറത്തി. നെടുമ്പാശ്ശേരിയിലെ എയർ ഇന്ത്യ എക്സ്പ്രസ് വിമാനമാണ്186 യാത്രക്കാരുമായി ഈരാറ്റുപേട്ട സ്വദേശിനി ബിന്ദു സെബാസ്റ്റ്യൻ പറത്തിയത്.

പള്ളുരുത്തി സ്വദേശിനി മാർട്ടിന സെലിനായിരുന്നു വിമാനത്തിലെ ഫസ്റ്റ് ഓഫിസർ. എൻ. നിഷ, നജ്മി നാസിർ, സൂര്യ വിശ്വനാഥൻ, ആര്യ രാജേന്ദ്രൻ എന്നിവർ എയർ ഹോസ്റ്റസുമാരും ബിനു സഞ്ജയ് എൻജിനീയറുമായിരുന്നു. ഉച്ചക്ക് 1.15നാണ് വിമാനം നെടുമ്പാശ്ശേരിയിൽനിന്ന് പറന്നുയർന്നത്. വിമാനം രാത്രി ദുബൈയിൽനിന്ന് നെടുമ്പാശ്ശേരിയിലേക്ക് തിരിച്ച് പറത്തിയതും ഇവർതന്നെയായിരുന്നു.

വനിത ജീവനക്കാർ മാത്രമായി വിമാനം പറത്താൻ കഴിഞ്ഞതിൽ സന്തോഷമുണ്ടെന്ന് പൈലറ്റ് ബിന്ദു സെബാസ്റ്റ്യൻ പറഞ്ഞു. എല്ലാ മേഖലയിലും സ്ത്രീകളുടെ സജീവസാന്നിധ്യം സമൂഹത്തിെൻറ വളർച്ചക്ക് കൂടുതൽ സഹായകമാകുമെന്നും ഇവർ ചൂണ്ടിക്കാട്ടി.നിലവിൽ എയർ ഇന്ത്യ എക്സ്പ്രസിലെ ജീവനക്കാരിൽ 65 ശതമാനം വനിതകളാണെന്ന പ്രത്യേകതയുണ്ട്.

വിമാനത്താവളവുമായി ബന്ധപ്പെട്ട പല മേഖലയിലും വെള്ളിയാഴ്ച വനിതകളാണ് മേൽനോട്ടം വഹിച്ചത്. വിമാനം പറത്തിയ ജീവനക്കാർക്ക് എയർ ഇന്ത്യ സി.ഇ.ഒ ശ്യാം സുന്ദറിെൻറ നേതൃത്വത്തിൽ സ്വീകരണം നൽകി. എബി ജോർജ്, വിജയ്കൃഷ്ണൻ, അനിൽകുമാർ ജയിൻ എന്നിവർ സംസാരിച്ചു.

The post ലോക വനിത ദിനം; കൊച്ചിയിൽ നിന്ന് ദുബൈയിലേക്ക് വിമാനം പറത്തി വനിതകൾ appeared first on Valanchery Online.

ഇന്ന് കരിപ്പൂർ വിമാനത്താവളത്തിൽ നിന്നുള്ള എയർ ഇന്ത്യാ എക്സ്പ്രസ് വിമാനങ്ങൾ പറത്താൻ വനിതകൾ

വളാഞ്ചേരിക്കാരൻ — Thu, 08 Mar 2018 00:26:04 +0000

കരിപ്പൂർ: വനിതാ ദിനത്തോടനുബന്ധിച്ച് കരിപ്പൂർ വിമാനത്താവളത്തിൽനിന്നുള്ള എയർ ഇന്ത്യാ എക്സ്പ്രസ് വിമാനങ്ങൾ ഇന്നു വനിതകൾ പറത്തും. കോഴിക്കോട്–അബുദാബി–കോഴിക്കോട് സർവീസും കോഴിക്കോട്–ദുബായ്–ഡൽഹി വിമാനങ്ങളുമാണ് വനിതാ പൈലറ്റുമാർ പറത്തുക.

ഇന്ന് എയർ ഇന്ത്യാ എക്സ്പ്രസ് വിമാനങ്ങളിൽ യാത്ര ചെയ്യുന്ന വനിതകൾക്കും കുട്ടികൾക്കും ആശംസാ കാർഡ്, റോസാപ്പൂ, കേക്ക് എന്നിവയും സമ്മാനമായി നൽകും. വനിതകൾക്ക് അവരുടെ പ്രശ്നങ്ങൾ ചർച്ച ചെയ്യുന്നതിന് സൗജന്യ ഹെൽപ്‌ലൈൻ സംവിധാനവും ഏർപ്പെടുത്തി. കോഴിക്കോട് വിമാനത്താവളത്തിൽ വിമാനങ്ങളുടെ ഗതാഗത നിയന്ത്രണം ജോയിന്റ് ജനറൽ മാനേജർ റൂബി ജയിംസിനായിരിക്കും. വിമാനത്താവളത്തിൽ വനിതകൾക്കായി ആരോഗ്യ ക്ലാസും ബോധവൽക്കരണവും നടക്കും.

The post ഇന്ന് കരിപ്പൂർ വിമാനത്താവളത്തിൽ നിന്നുള്ള എയർ ഇന്ത്യാ എക്സ്പ്രസ് വിമാനങ്ങൾ പറത്താൻ വനിതകൾ appeared first on Valanchery Online.