aid Archives - Valanchery Online

വളാഞ്ചേരി നഗരസഭയിലെ ഡയാലിസിസ് ചെയ്യുന്ന രോഗികൾക്കുള്ള ധനസഹായ വിതരണം ചെയ്തു

വളാഞ്ചേരിക്കാരൻ — Tue, 04 Apr 2023 08:53:09 +0000

വളാഞ്ചേരി: വളാഞ്ചേരി നഗരസഭയുടെ 2022-23 വാർഷിക പദ്ധതിയിൽ ഉൾപ്പെടുത്തി നഗരസഭയിലെ ഡയാലിസിസ് ചെയ്യുന്ന രോഗികൾക്കുള്ള ധനസഹായം നഗരസഭ ചെയർമാൻ അഷ്റഫ് അമ്പലത്തിങ്ങൾ ശിഹാബ് തങ്ങൾ ഡയാലിസിസ് സെന്റർ ചാരിറ്റബിൾ ട്രസ്റ്റിന്റെ ചീഫ് കോർഡിനേറ്റർ സലാം വളാഞ്ചേരി, ട്രഷറർ ടി.കെ ആബിദലി എന്നിവർക്ക് നൽകി വിതരണോൽഘാടനം ചെയ്തു. നഗരസഭയിലെ 19 ഓളം വരുന്ന വ്യക്ക രോഗികൾക്കാണ് ധനസഹായം ലഭിക്കുക. മാസത്തിൽ 4000 രൂപ ഓരോ ഡയാലിസിസ് ചെയ്യുന്ന രോഗികൾക്കും ലഭിക്കും. നഗരസഭയുമായി എഗ്രിമെന്റ് പ്രവർത്തനങ്ങൾ പൂർത്തീകരിച്ച ശിഹാബ് തങ്ങൾ സെന്റർ ചാരിറ്റബിൾ ട്രസ്റ്റിലെ 13 രോഗികൾക്ക് മാത്രമായിരിക്കും നിലവിൽ ധനസഹായം ലഭിക്കുക. മറ്റുള്ളവർ എഗ്രിമെന്റ് പൂർത്തീകരിക്കുന്ന സാഹചര്യത്തിൽ ധനസഹായം ലഭിക്കും. വൈസ് ചെയർപേഴ്സൺ റംല മുഹമ്മദ്, വികസന സ്റ്റാന്റിംഗ് കമ്മിറ്റി ചെയർമാൻ സി.എം റിയാസ്, ക്ഷേമ കാര്യ സ്റ്റാന്റിംഗ് കമ്മിറ്റി ചെയർപേഴ്സൺ ദീപതി ശൈലേഷ്, കൗൺസിലർമാരായ ഇ.പി അച്ചുതൻ, സിദ്ധീഖ് ഹാജി കളപ്പുലാൻ, ഷിഹാബ് പാറക്കൽ, ബദരിയ്യ ടീച്ചർ, ഷാഹിന റസാഖ്, നൂർജഹാൻ, ഹസീന വി, തസ്ലീമ നദീർ, സുബിത രാജൻ, ഉണ്ണികൃഷ്ണൻ കെ.വി, നൗഷാദ് നാലകത്ത് , ഷൈലജ പി.പി. അസൈനാർ പറശ്ശേരി, വി.പി സാലിഹ്, മൂർക്കത്ത് മുസ്തഫ എന്നിവർ സംസാരിച്ചു.

The post വളാഞ്ചേരി നഗരസഭയിലെ ഡയാലിസിസ് ചെയ്യുന്ന രോഗികൾക്കുള്ള ധനസഹായ വിതരണം ചെയ്തു appeared first on Valanchery Online.

അഷ്‌റഫിൻ്റെ കുടുംബത്തിന് ധനസഹായം കൈമാറി റെഡ് പവർ എടയൂർ പ്രവാസി സംഘം

വളാഞ്ചേരിക്കാരൻ — Thu, 17 Feb 2022 05:45:47 +0000

എടയൂർ: പീടികപടിയിൽ കഴിഞ്ഞ ദിവസം നിര്യാതനായ അഷ്‌റഫിൻ്റെ കുടുംബത്തിന് “റെഡ് പവർ എടയൂർ പ്രവാസി സംഘം” അനുവദിച്ച സാമ്പത്തിക സഹായം സി.പി.ഐ (എം) പീടികപടി ബ്രാഞ്ച് സെക്രട്ടറിയും വാർഡ് മെമ്പറുമായ കെ.പി.വിശ്വനാഥന് റെഡ് പവർ എടയൂർ പ്രവാസി സംഘം സെക്രട്ടറി കെ.പി. അബ്ദുസമദ് കൈമാറി. മുൻ പഞ്ചായത്ത് പ്രസിഡണ്ട് കെ.കെ.രാജീവ് മാസ്റ്റർ, സി.പി.ഐ (എം) ലോക്കൽ സെക്രട്ടറി കെ.എ സക്കീർ, വാർഡ് മെമ്പർ സൗമ്യ കെ.കെ, റെഡ് പവർ കമ്മറ്റിയംഗം, അബ്ദുൽ ഖാദർ, കോഡിനേഷൻ കമ്മറ്റി കൺവീനർ ബാബു .എം.കെ തുടങ്ങിയവർ പങ്കെടുത്തു.

The post അഷ്‌റഫിൻ്റെ കുടുംബത്തിന് ധനസഹായം കൈമാറി റെഡ് പവർ എടയൂർ പ്രവാസി സംഘം appeared first on Valanchery Online.

പേരശ്ശനൂർ ഗവ. ഹയർ സെക്കൻഡറി സ്‌കൂളിന് ഒയിസ്‌ക വളാഞ്ചേരി ചാപ്റ്ററിന്റെ സഹായം

വളാഞ്ചേരിക്കാരൻ — Fri, 13 Aug 2021 08:14:25 +0000

കുറ്റിപ്പുറം: ചിൽഡ്രൻസ് ഫോറസ്ട്രി പ്രോഗ്രാമിലേക്ക് തിരഞ്ഞെടുക്കപ്പെട്ട പേരശ്ശനൂർ ഗവ. ഹയർസെക്കൻഡറി സ്‌കൂളിന് ഒയിസ്‌ക വളാഞ്ചേരി ചാപ്റ്ററിന്റെ സഹായം. തുക സ്‌കൂളിൽ വൃക്ഷത്തൈകൾ നട്ടുപിടിപ്പിക്കുന്നതിനും പരിപാലിക്കുന്നതിനുമാണ് ഉപയോഗിക്കുക. വളാഞ്ചേരി ചാപ്റ്റർ പ്രസിഡന്റ് കെ. ശ്രീകാന്തിൽനിന്നും പ്രിൻസിപ്പൽ പി. ലക്ഷ്മണനും പ്രഥമാധ്യാപകൻ ടി. പുരുഷോത്തമനും ചേർന്ന് ചെക്ക് ഏറ്റുവാങ്ങി. എം. സുനിൽ, ടി. അബ്ദുറഹ്‌മാൻ, ലൈല നടുവത്ത്, കെ.കെ. പുഷ്പം, എ.പി. സുമിത എന്നിവർ പങ്കെടുത്തു.

The post പേരശ്ശനൂർ ഗവ. ഹയർ സെക്കൻഡറി സ്‌കൂളിന് ഒയിസ്‌ക വളാഞ്ചേരി ചാപ്റ്ററിന്റെ സഹായം appeared first on Valanchery Online.

കള്ളുഷാപ്പ് തൊഴിലാളികൾക്ക് സാമ്പത്തിക സഹായം അനുവദിച്ചു

വളാഞ്ചേരിക്കാരൻ — Sat, 29 Aug 2020 01:03:07 +0000

തിരുനാവായ : ജില്ലയിൽ അടഞ്ഞുകിടക്കുന്ന കള്ളുഷാപ്പുകളിലെ തൊഴിൽനഷ്ടപ്പെട്ട തൊഴിലാളികൾക്ക് ഓണത്തോടനുബന്ധിച്ച് സാമ്പത്തികസഹായം അനുവദിച്ചു. ചെത്തുതൊഴിലാളികൾക്ക് 2,500 രൂപയും വില്പനത്തൊഴിലാളികൾക്ക് 2,000 രൂപയുമാണ് സഹായം. അർഹരായവർ കള്ളുഷാപ്പുകൾ ഉൾപ്പെട്ട എക്സൈസ് സർക്കിൾ ഓഫീസുകളിൽ ടോഡി വെൽഫെയർ ഫണ്ട് ഇൻസ്പെക്ടറുടെ ഐഡന്റിറ്റികാർഡ് സഹിതം നേരിട്ട് ഹാജരായി തുക കൈപ്പറ്റണമെന്ന് ജില്ലാ എക്സൈസ് കമ്മിഷണർ അറിയിച്ചു.

The post കള്ളുഷാപ്പ് തൊഴിലാളികൾക്ക് സാമ്പത്തിക സഹായം അനുവദിച്ചു appeared first on Valanchery Online.

പ്രളയ ദുരിതാശ്വാസ ഫണ്ട്; ഇരിമ്പിളിയം പഞ്ചായത്തിലെ അർഹരായവർ പട്ടികയിൽ പുറത്ത്

വളാഞ്ചേരിക്കാരൻ — Mon, 25 May 2020 15:50:49 +0000

ഇരിമ്പിളിയം: കഴിഞ വർഷമുണ്ടായ പ്രളയത്തിൽ വെള്ളം കയറി ലക്ഷക്കണക്കിന് രൂപ നഷ്ടത്തിലായ അർഹരായ നിരവധി കുടുംബങ്ങളാണ് നഷ്ടപരിഹാരത്തിനായി അധികൃതർ തയ്യാറാക്കിയ ലിസ്റ്റിൽ പോലും വരാതെ പുറത്തായിട്ടുള്ളത്. ഇരിമ്പിളിയം ഗ്രാമ പഞ്ചായത്തിലെ 14-15 വാർഡുകൾ ഉൾക്കൊള്ളുന്ന വെണ്ടല്ലൂർ പ്രദേശത്ത് നിന്നാണ് ഏകദേശം മുപ്പതിലധികം വീടുകൾ ലീസ്റ്റിൽ പോലും ഉൾപ്പെടാതെ പോയത്. ഇവരെല്ലാവരും കഴിഞ്ഞ പ്രളയ സമയത്ത് കോട്ടപ്പുറം സ്കൂൾ ക്യാമ്പിൽ രജിസ്റ്റർ ചെയ്തവരും ക്യാമ്പിൽ താമസിച്ചവരുമാണ്. വീട് മുഴുവൻ വെളളത്തിനടിയിലായി ലക്ഷക്കണക്കിന് രൂപ നഷ്ടം സംഭവിച്ച ഇവർക്ക് അധികൃതർ എടുത്ത ലീസ്റ്റിൽ ഇടം നേടാത്തതിനാൽ ഗവൺമെൻറ് നൽകുന്ന സമാശ്വാസ തുകയായ പതിനായിരം രൂപ പോലും ലഭിക്കാത്ത അവസ്ഥയിലാണ്. തങ്ങളുടേതല്ലാത്ത കുറ്റത്തിന് തുക നഷ്ടപ്പെടുരുതെന്ന് ദുരിതബാധിതർ ആവശ്യപ്പെടുന്നു. നഷ്ടപരിഹാര തുക എത്രയും പെട്ടെന്ന് ലഭ്യമാക്കിത്തരുന്നതിനായി അധികൃതർ നടപടി എടുക്കണമെന്നാവശവപ്പെട്ട് റവന്യൂ വകുപ്പ് മന്ത്രിക്കും മലപ്പുറം ജില്ലാ കലക്ടർ, തിരൂർ താലൂക്ക് ഓഫീസർ ഉൾപ്പെടെയുള്ള അധികാരികൾക്ക് പരാതി നൽകാനുള്ള തയ്യാറെടുപ്പിലാണ് ദുരന്തബാധിതർ.

The post പ്രളയ ദുരിതാശ്വാസ ഫണ്ട്; ഇരിമ്പിളിയം പഞ്ചായത്തിലെ അർഹരായവർ പട്ടികയിൽ പുറത്ത് appeared first on Valanchery Online.

ഈദുൽഫിത്തർ കൈനീട്ടം മുഅല്ലിങ്ങൾക്ക് നൽകി ആതവനാട് പഞ്ചായത്തിലെ അബുദാബി, ദുബായ് കെ.എം.സി.സി കമ്മറ്റികൾ

വളാഞ്ചേരിക്കാരൻ — Fri, 22 May 2020 00:40:00 +0000

ആതവനാട്: ഈദുൽഫിത്തർ കൈനീട്ടം മുഅല്ലിങ്ങൾക്ക് നൽകി ആതവനാട് പഞ്ചായത്തിലെ അബുദാബി, ദുബായ് കെ.എം.സി.സി കമ്മറ്റികൾ. ആതവനാട് പഞ്ചായത്ത് 22 വാർഡുകളിലായി സ്ഥിതിചെയ്യുന്ന മദ്രസ്സകളിലെ 200-റോളം വരുന്ന മുഅല്ലിങ്ങൾക്ക് ഈദുൽഫിത്തറിന് കൈനീട്ടം നൽകി. ഈ കൊറോണ കാലത്ത് മദ്രസകളും മറ്റ് ദീനിസ്ഥാപനങ്ങളും അടഞ്ഞ് കിടക്കുന്നതിനാൽ സ്വകുടുംബങ്ങളിൽ മാത്രമായി കഴിയുന്ന അധ്യാപകർക്ക് ആശ്വാസമെത്തിക്കുക എന്ന നിലയിലാണ് ഈദുൽഫിത്തർ കൈനീട്ടം നൽകിയത്. അബുദാബി ദുബൈ ആതവനാട് പഞ്ചായത്ത് കെ.എം.സി.സി കമ്മറ്റികളാണ് ആവശ്യമായ ഫണ്ട് നൽകിയത്.

കൊറോണ കാലത്ത് സ്വന്തമായി ക്യാമ്പുകളിൽ നിന്ന് പുറത്തിറങ്ങാൻ കഴിയാത്ത അവസ്ഥയിലും ത്യാഗോജ്ജ്വലമായ പല പ്രവർത്തനങ്ങൾക്കും നേതൃത്വം നൽകുന്ന കെ.എം.സി.സി ഈ മേഖലയിലും വളരെ ശ്രദ്ധേയമായ പ്രവർത്തനമാണ് നടത്തിയത്. കാട്ടിലങ്ങാടി പി.എം.എസ്.എ യതീംഖാന കോൺഫറൻസ് ഹാളിൽ ചേർന്ന ചടങ്ങിൽ 35 മദ്രസ്സകളുടെ ഭാരവാഹികൾ അധ്യാപകർക്കുള്ള ഫണ്ട് ഏറ്റുവാങ്ങി. ചടങ്ങില്‍ പഞ്ചായത്ത് മുസ്‌ലിംലീഗ് പ്രസിഡണ്ട് വി കുഞ്ഞി മുഹമ്മദ് അധ്യക്ഷത വഹിച്ചു. ജില്ലാ മുസ്ലിം ലീഗ് വൈസ് പ്രസിഡണ്ട് സി. മുഹമ്മദലി ഉദ്ഘാടനം ചെയ്തു. ദുബൈ കെ.എം.സി.സി ആതവനാട് പഞ്ചായത്ത് പ്രസിഡണ്ട് ശിഹാബ് മുട്ടിക്കാട്ടിൽ സ്വാഗതവും അബുദാബി കെ.എം.സി.സി ആതവനാട് പഞ്ചായത്ത് കമ്മിറ്റി ട്രഷറർ അസീസ്‌ ഫൈസി ആശംസ അർപ്പിച്ചു. ചടങ്ങിൽ നിയോജക മണ്ഡലം ഭാരവാഹികളായ ഇ സക്കീർ മാസ്റ്റർ, കെ.ടി ആസാദ്‌ നിയോജകമണ്ഡലം യൂത്ത് ലീഗ് ട്രഷറർ എ.കെ അബ്ദുൽ സലാം, കെ.പി യാസർ പുന്നത്തല, പഞ്ചായത്ത് യൂത്ത് ലീഗ് പ്രസിഡണ്ട് ഹാരിസ് പറക്കാടൻ, സെക്രട്ടറി യാഹു കൊലിശ്ശേരി, കാട്ടിലങ്ങാടി കുറുമ്പത്തൂർ റെയ്ഞ്ച് സെക്രട്ടറിമാരായ കരീം ഫൈസി, ഷൗക്കത്തലി അസ്ഹരി എന്നിവർ സംബന്ധിച്ചു. പഞ്ചായത്ത് മുസ്ലിം ലീഗ് സെക്രട്ടറി എം.കെ ഖാലിദ്‌ നന്ദി പറഞ്ഞു.

ചടങ്ങില്‍ കാട്ടിലങ്ങാടി സ്വദേശി രോഗശയ്യയിലുള്ള പാരിക്കാട്ട് സൈതലവിക്കുള്ള അര ലക്ഷം രൂപയുടെ ധനസഹായം ദുബൈ കെ.എം.സി.സി യുടെ പ്രസിഡണ്ട് ശിഹാബ് മുട്ടിക്കാട്ടിൽ വിതരണം ചെയ്തു. ഇരുപത്തി രണ്ടാം വാർഡിൽ ചെല്ലൂർ നിർമാണത്തിലുള്ള ബൈത്തുറഹ്മക്ക് ദുബൈ കെ.എം.സി.സി യുടെ ധനസഹായം ശിഹാബ് മുട്ടിക്കാട്ടില്‍ എം.കെ ഖാലിദിന് കൈമാറി.

The post ഈദുൽഫിത്തർ കൈനീട്ടം മുഅല്ലിങ്ങൾക്ക് നൽകി ആതവനാട് പഞ്ചായത്തിലെ അബുദാബി, ദുബായ് കെ.എം.സി.സി കമ്മറ്റികൾ appeared first on Valanchery Online.

വളാഞ്ചേരി നഗരസഭ കുടുംബശ്രീ അംഗങ്ങൾക്കുള്ള മുഖ്യമന്ത്രിയുടെ സഹായഹസ്തം വായ്പാ പദ്ധതി വിതരണം ചെയ്തു

വളാഞ്ചേരിക്കാരൻ — Thu, 14 May 2020 16:06:52 +0000

വളാഞ്ചേരി: നഗരസഭയിലെ മുഖ്യമന്ത്രിയുടെ സഹായഹസ്തം വായ്പാ പദ്ധതി വിതരണം ബഹു നഗരസഭാ ചെയർപേഴ്‌സൺ സി.കെ റുഫീന സൽസബിൽ അയൽക്കൂട്ട ഭാരവാഹികൾക്ക് നൽകി ഉദ്ഘാടനം നിർവഹിച്ചു. കാനറ ബാങ്ക്, കേരള ഗ്രാമീൻ ബാങ്ക്, ഇന്ത്യൻ ഓവർസീസ് ബാങ്ക്, എം.ഡി.സി ബാങ്ക്, വളാഞ്ചേരി സർവീസ് സഹകരണ ബാങ്ക് എന്നിവയിലൂടെ 113 അയൽക്കൂട്ടങ്ങളിലെ 1303 അയൽക്കൂട്ട കുടുംബാംഗങ്ങൾക്ക്‌ 79 ലക്ഷം രൂപ ലഭ്യമാക്കും. കാനറാ & കേരള ഗ്രാമീൺ ബാങ്കുകളുടെ ശാഖകളിലായി നടന്ന ചടങ്ങില്‍ സിഡിഎസ് ചെയർപേഴ്‌സൺ സുനിത രമേശ്‌ അദ്ധ്യക്ഷത വഹിച്ചു. വളാഞ്ചേരി നഗരസഭ പൊതുമരാമത്ത് സ്ഥിരം സമിതി അദ്ധ്യക്ഷൻ സി.കെ അബ്ദുൽ നാസർ പദ്ധതി വിശദീകരണം നടത്തി. മുനിസിപ്പൽ സെക്രട്ടറി എസ് സുനിൽ കുമാർ, കാനറാ ബാങ്ക് മാനേജർ ശ്രീകല ശ്രീകുമാർ, കെ.ജി.ബി മാനേജർ രാധാകൃഷ്ണൻ, എൻ. യു. എൽ. എം മിഷൻ മാനേജർ സുബൈറുൽ അവാൻ, കുടുംബശ്രീ സി.ഡി.എസ് അക്കൗണ്ടന്റ് കെ. സി ഖമറുന്നീസ, എം. ടി. പി നിഷാദ് സി, കമ്മ്യൂണിറ്റി ഓർഗനൈസർ സൗമ്യ എം വി തുടങ്ങിയവർ സംബന്ധിച്ചു.

The post വളാഞ്ചേരി നഗരസഭ കുടുംബശ്രീ അംഗങ്ങൾക്കുള്ള മുഖ്യമന്ത്രിയുടെ സഹായഹസ്തം വായ്പാ പദ്ധതി വിതരണം ചെയ്തു appeared first on Valanchery Online.

അസംഘടിത തൊഴിലാളികള്‍ക്ക് ധനസഹായത്തിന് അപേക്ഷ ക്ഷണിച്ചു

വളാഞ്ചേരിക്കാരൻ — Thu, 14 May 2020 00:06:50 +0000

സംസ്ഥാന അസംഘടിത തൊഴിലാളി സാമൂഹ്യസുരക്ഷാ പദ്ധതിയുടെ കീഴിലുളള കേരള കൈതൊഴിലാളി വിദഗ്ദ്ധ തൊഴിലാളി ക്ഷേമപദ്ധതി, ഡൊമസ്റ്റിക് വര്‍ക്കേഴ്സ് ക്ഷേമനിധി പദ്ധതി, അലക്ക് തൊഴിലാളി ക്ഷേമനിധി പദ്ധതി, ബാര്‍ബര്‍/ബ്യൂട്ടീഷ്യന്‍ തൊഴിലാളി ക്ഷേമ പദ്ധതി, കേരള ക്ഷേത്രജീവനക്കാരുടെ ക്ഷേമനിധി തുടങ്ങിയ പദ്ധതികളില്‍ അംഗങ്ങളായിട്ടുള്ളവര്‍ക്ക് കോവിഡ് 19ന്റെ പശ്ചാത്തലത്തില്‍ ധനസഹായത്തിന് അപേക്ഷ ക്ഷണിച്ചു. അപേക്ഷയോടൊപ്പം ക്ഷേമനിധി ഐഡന്റിറ്റി കാര്‍ഡ്, ക്ഷേമനിധി പാസ്ബുക്ക്, ആധാര്‍ കാര്‍ഡ്, ആധാര്‍ കാര്‍ഡ് ലിങ്ക് ചെയ്തിട്ടുള്ള ബാങ്ക് പാസ്ബുക്ക് എന്നിവയുടെ പകര്‍പ്പും അപേക്ഷകന്‍ ഒരു ക്ഷേമനിധിയിലും അംഗമല്ലയെന്ന സത്യാപ്രസ്താവനയും ഫോണ്‍ നമ്പര്‍ സഹിതം മെയ് 31 നകം
unorganisedwssbmlpm@gmail.com എന്ന ഇ-മെയില്‍ വിലാസത്തില്‍ നല്‍കണം. ഫോണ്‍: 0483-2730400.

The post അസംഘടിത തൊഴിലാളികള്‍ക്ക് ധനസഹായത്തിന് അപേക്ഷ ക്ഷണിച്ചു appeared first on Valanchery Online.

വളാഞ്ചേരി മുനിസിപ്പൽ കെ.എസ്‌.യു കമ്മിറ്റി നിർധനർക്കുള്ള കിറ്റുകൾ വിതരണം ചെയ്തു

വളാഞ്ചേരിക്കാരൻ — Sun, 05 Apr 2020 04:50:38 +0000

വളാഞ്ചേരി: വളാഞ്ചേരി മുനിസിപ്പൽ കെ.എസ്‌.യു കമ്മിറ്റിയുടെ നിർധനർക്കുള്ള കിറ്റുകൾ വിതരണം ചെയ്തു. വളാഞ്ചേരി നഗരസഭ കൗൺസിലർ കെ.വി ഉണ്ണികൃഷ്ണൻ ഫ്ലാഗ് ഓഫ് ചെയ്തു. യൂത്ത് കോൺഗ്രസ് പ്രസിഡണ്ട് രാജേഷ് കാർത്തല, മുനിസിപ്പൽ കൗൺസിലർ നൗഫൽ പാലാറ, യൂത്ത് കോൺഗ്രസ് അംഗം ഷമീർ പരിയാരത്ത്, പൈങ്കൽ ഹിലാൽ, കോട്ടക്കൽ നിയോജക മണ്ഡലം കെ.എസ്‌.യു ജനറൽ സെക്രട്ടറി മുഹ്സിൻ കാവുംപുറം, വളാഞ്ചേരി മണ്ഡലം കെ.എസ്‌.യു പ്രസിഡൻറ് അസറുദ്ദീൻ, കെ.എസ്.യു ഭാരവാഹികളായ ടി.പി മർസൂക്ക്, കെ.കെ റഫീഖ്, പി സുഹൈൽ, പി ഷംസാദ്, പി ജമാൽ, ടി അനസ് എന്നിവർ നേതൃത്വം നൽകി.

The post വളാഞ്ചേരി മുനിസിപ്പൽ കെ.എസ്‌.യു കമ്മിറ്റി നിർധനർക്കുള്ള കിറ്റുകൾ വിതരണം ചെയ്തു appeared first on Valanchery Online.

നിർമാണത്തൊഴിലാളി ക്ഷേമനിധി അംഗങ്ങൾക്ക് 1000 രൂപ സഹായം

വളാഞ്ചേരിക്കാരൻ — Sat, 04 Apr 2020 06:40:43 +0000

മലപ്പുറം : നിർമാണത്തൊഴിലാളി ക്ഷേമനിധി അംഗങ്ങൾക്ക് 1000 രൂപ അടിയന്തര സാമ്പത്തിക സഹായം നൽകുമെന്ന് നിർമാണത്തൊഴിലാളി ക്ഷേമനിധി ബോർഡ് അറിയിച്ചു.ക്ഷേമനിധി ബോർഡിൽ രണ്ടുവർഷം സർവീസ് പൂർത്തിയാക്കിയവർക്കും 2018, 2019 വർഷം അംഗത്വം പുതുക്കിയ തൊഴിലാളികൾക്കും അപേക്ഷിക്കാം.

പാസ്ബുക്കിന്റെ മുൻപേജ്, പണമടച്ച അവസാനപേജ്, ഐ.ഡി. ബുക്കിന്റെ 12 പേജ്, അവസാനം പുതുക്കിയ പേജ്, തൊഴിലാളിയുടെ പേരിലുള്ള ബാങ്ക് പാസ് ബുക്കിന്റെ പേജ്, ഐ.എഫ്.എസ്.സി. കോഡ് ബ്രാഞ്ച് സഹിതം kbocwwbmlp@gmail.com എന്ന ഈമെയിൽ വിലാസത്തിലേക്കോ വാട്‌സ് ആപ്പ് നമ്പറിലേക്കോ (8281582635, 9495657501, 9846081982, 9846805743) അയയ്ക്കണം.

The post നിർമാണത്തൊഴിലാളി ക്ഷേമനിധി അംഗങ്ങൾക്ക് 1000 രൂപ സഹായം appeared first on Valanchery Online.

ലോക്ക്ഡൌൺ കാലത്ത് നാട്ടുകാർക്ക് സഹായ ഹസ്തവുമായി ഗൾഫ് വ്യവസായി നടക്കാവിൽ ശംസുദ്ധീൻ

വളാഞ്ചേരിക്കാരൻ — Fri, 03 Apr 2020 00:29:33 +0000

വളാഞ്ചേരി: കോവിഡ് 19 വ്യാപനം മൂലം രാജ്യം ലോക്ക്ഡൌൺ ആയതോടെ ബുദ്ധിമുട്ടിലായ നാട്ടുകാർക്ക് നടക്കാവിൽ ശംസുദ്ധീൻ ഭക്ഷ്യ ധാന്യ കിറ്റുകൾ നൽകി. പ്രമുഖ ഗൾഫ് വ്യവസായിയും സാമൂഹ്യ പ്രവർത്തകനുമായ നടക്കാവിൽ ശംസുദ്ധീൻ കാവുംപുറം, കാളിയാല, കക്കാട്ടുപാറ പ്രദേശങ്ങളിലാണ് 500 ഭക്ഷ്യ ധാന്യ കിറ്റുകൾ വിതരണം ചെയ്തത്. തന്റെ പ്രദേശത്തെ ജനങ്ങൾ ജോലി ഇല്ലാതായതോടെ ബുദ്ധിമുട്ടിലാവതിരിക്കാനാണ് കിറ്റുകൾ വിതരണം ചെയ്തതെന്നും വളാഞ്ചേരി മുൻസിപ്പാലിറ്റിയിലെ അർഹരായ കൂടുതൽ ആളുകൾക്ക് കൂടി സഹായമെത്തിക്കാൻ ശ്രമിക്കുമെന്നും അദ്ദേഹം അറിയിച്ചു. ജംഷീർ ബാബു, സാക്കിർ റസാഖ്, ഗോപി കാളിയാല, ആഖിൽ ആലുങ്ങൽ, സിദ്ദീഖ് ഹാജി, സന്തോഷ്‌, ശിഹാബ് ഗ്ലോബസ്, യാസർ നടക്കാവിൽ, ഷിബിലി നടക്കാവിൽ, നൗഫൽ ഷിബിലി പാലക്കൽ, ജിഷാദ് തുടങ്ങിയവർ വിവിധ സംഘങ്ങളായി വിതരണത്തിനു നേതൃത്വം നൽകി.

The post ലോക്ക്ഡൌൺ കാലത്ത് നാട്ടുകാർക്ക് സഹായ ഹസ്തവുമായി ഗൾഫ് വ്യവസായി നടക്കാവിൽ ശംസുദ്ധീൻ appeared first on Valanchery Online.

രോഗബാധിതർക്ക് കൈത്താങ്ങായി കോട്ടയ്ക്കൽ മണ്ഡലം വനിതാലീഗ്

വളാഞ്ചേരിക്കാരൻ — Mon, 16 Dec 2019 00:14:56 +0000

വളാഞ്ചേരി: വൃക്ക, കരൾ രോഗങ്ങൾ ബാധിച്ച രണ്ട് കുഞ്ഞുങ്ങൾക്കും അർബുദംമൂലം പ്രയാസമനുഭവിക്കുന്ന സഹോദരങ്ങൾക്കും കൈത്താങ്ങായി കോട്ടയ്ക്കൽ മണ്ഡലം വനിതാലീഗ് കമ്മിറ്റി. വൃക്കരോഗബാധിതനായ അഞ്ചുവയസ്സുകാരൻ ഇരിമ്പിളിയം വലിയകുന്ന് പൂക്കുഴി പള്ളിയാലിൽ സിദ്ധാർഥിനുള്ള സഹായധനം ചികിത്സാസമിതി ഭാരവാഹികളായ കെ.ടി. മൊയ്തു, ഇ. മുകുന്ദൻ, കെ. മാനുപ്പ, ഗ്രാമപ്പഞ്ചായത്ത് പ്രസിഡന്റ് റജുല നൗഷാദ് എന്നിവർചേർന്ന് ഏറ്റുവാങ്ങി.

എടയൂർ ഗ്രാമപ്പഞ്ചായത്തിലെ അർബുദബാധിതരായ രണ്ട് സഹോദരങ്ങൾക്കുള്ള ധനസഹായം പഞ്ചായത്ത് യൂത്ത്‌ലീഗ് ട്രഷറർ മുഹമ്മദാലി (ചെറിയാപ്പു), വാർഡ് യൂത്ത്‌ലീഗ് പ്രസിഡന്റ് ഉസ്‌മാൻ പാണത്തൊടി എന്നിവർക്ക് കൈമാറി. കരൾ മാറ്റിവെക്കൽ ശസ്ത്രക്രിയയ്ക്കായി സഹായം തേടുന്ന എടയൂർ പഞ്ചായത്ത് നെല്ലീരിത്തൊടി ഫാത്തിമ ലബീബയ്ക്കുള്ള സഹായധനം യൂത്ത്‌ലീഗ് പ്രസിഡന്റ് മജീദ് വാഴക്കോടൻ, വാർഡ് അംഗം ഉമ്മാത്തക്കുട്ടി, യു.ടി. ഷറഫുദ്ദീൻ എന്നിവർ ചേർന്ന് ഏറ്റുവാങ്ങി. കോട്ടയ്ക്കൽ മണ്ഡലം വനിതാലീഗ് ഭാരവാഹികളായ ടി.വി. സുലൈഖാബി, ഷരീഫ ബഷീർ, വസീമ വേളേരി, ഫസീല, ഷമീറ അടുവണ്ണി എന്നിവർ ചേർന്നാണ് സഹായധനം കൈമാറിയത്.

The post രോഗബാധിതർക്ക് കൈത്താങ്ങായി കോട്ടയ്ക്കൽ മണ്ഡലം വനിതാലീഗ് appeared first on Valanchery Online.