abid husaain thangal Archives - Valanchery Online

വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന് ധനസഹായം കൈമാറി ദുബായ് കെ.എം.സി.സി കോട്ടക്കൽ മണ്ഡലം കമ്മിറ്റി

വളാഞ്ചേരിക്കാരൻ — Mon, 02 Nov 2020 20:20:38 +0000

വളാഞ്ചേരി: ദുബായ് കെ.എം.സി.സി കോട്ടക്കൽ മണ്ഡലം കമ്മിറ്റിയുടെ നേതൃത്വത്തിൽ വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന് ധനസഹായം കൈമാറി. തുക ദുബായ് കെ.എം.സി.സി കോട്ടക്കൽ മണ്ഡലം കമ്മിറ്റി ജനറൽ സെക്രട്ടറി അബ്ദുൽ ലത്തീഫ് തെക്കഞ്ചേരി ഫ്രൊഫ. കെ.കെ ആബിദ് ഹുസൈൻ തങ്ങൾ എം എൽ എയെ ഏൽപ്പിച്ചു. സലാം വളാഞ്ചേരി, സി ദാവൂദ്, അഷ്റഫ് അമ്പലത്തിങ്ങൽ, മണ്ഡലം ട്രഷറർ ഉസ്മാൻ പൂക്കാട്ടിരിതുടങ്ങിയവർ പങ്കെടുത്തു.

The post വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന് ധനസഹായം കൈമാറി ദുബായ് കെ.എം.സി.സി കോട്ടക്കൽ മണ്ഡലം കമ്മിറ്റി appeared first on Valanchery Online.

പുറമണ്ണൂരിൽ അർബുദ ബോധവത്കരണവും സ്വയം സ്തനപരിശോധനാ പരിശീല നക്യാമ്പും സംഘടിപ്പിച്ചു

വളാഞ്ചേരിക്കാരൻ — Wed, 27 Nov 2019 02:32:25 +0000

ഇരിമ്പിളിയം ഗ്രാമപ്പഞ്ചായത്തും തലശേരി കാൻസർ സെന്ററും ചേർന്ന് പുറമണ്ണൂരിൽ അർബുദ ബോധവത്കരണവും സ്വയം സ്തനപരിശോധനാ പരിശീല നക്യാമ്പും സംഘടിപ്പിച്ചു. ആബിദ് ഹുസൈൻ തങ്ങൾ എം.എൽ.എ. ഉദ്ഘാടനംചെയ്തു.

ഗ്രാമപ്പഞ്ചായത്ത് പ്രസിഡന്റ് റജുല നൗഷാദ് അധ്യക്ഷയായി. ക്ഷേമകാര്യ സ്ഥിരംസമിതി അധ്യക്ഷൻ വി.ടി. അമീർ പദ്ധതി വിശദീകരിച്ചു. പ്രാഥമികാരോഗ്യകേന്ദ്രം മെഡിക്കൽ ഓഫീസർ ഡോ. പി. അഹമ്മദ്, വൈസ് പ്രസിഡന്റ് എൻ. മുഹമ്മദ്, മെമ്പർമാരായ പള്ളത്ത് വേലായു ധൻ, മമ്മു പാലോളി, പി. സൽമത്ത് എന്നിവർ പ്രസംഗിച്ചു. സർട്ടിഫിക്കറ്റ് വിതരണവുമുണ്ടായി.

The post പുറമണ്ണൂരിൽ അർബുദ ബോധവത്കരണവും സ്വയം സ്തനപരിശോധനാ പരിശീല നക്യാമ്പും സംഘടിപ്പിച്ചു appeared first on Valanchery Online.

കോട്ടയ്ക്കൽ വെങ്കിട്ടത്തേവർ ശിവക്ഷേത്രത്തിനു സമീപം മിനിമാസ്റ്റ് ലൈറ്റ് ഉദ്ഘാടനം ചെയ്തു.

വളാഞ്ചേരിക്കാരൻ — Thu, 01 Aug 2019 08:27:36 +0000

കോട്ടയ്ക്കൽ: വെങ്കിട്ടത്തേവർ ശിവക്ഷേത്രത്തിനുസമീപം സ്ഥാപിച്ച മിനിമാസ്റ്റ് ലൈറ്റ് ഉദ്ഘാടനംചെയ്തു. പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ ആസ്തി വികസന ഫണ്ടുപയോഗിച്ച് 1,65,000 രൂപ ചെലവഴിച്ച് സ്ഥാപിച്ചതാണ് ഇത്.

നഗരസഭാധ്യക്ഷൻ കെ.കെ. നാസർ, സാജിദ് മങ്ങാട്ടിൽ, പ്രദീപ് വെങ്ങാലിൽ, ക്ഷേത്രകമ്മിറ്റി സെക്രട്ടറി ആറങ്ങോട്ട് ഗംഗാധരൻ നായർ, കിഴക്കേ കോവിലകം ട്രസ്റ്റി മാനേജർ കെ.സി. ദിലീപ് രാജ, എം. സുധീർ, കെ.വി. നാരായണൻ, സി. കൃഷ്ണൻ എന്നിവർ പങ്കെടുത്തു.

The post കോട്ടയ്ക്കൽ വെങ്കിട്ടത്തേവർ ശിവക്ഷേത്രത്തിനു സമീപം മിനിമാസ്റ്റ് ലൈറ്റ് ഉദ്ഘാടനം ചെയ്തു. appeared first on Valanchery Online.

വിവിധ പരീക്ഷകളിൽ ഉന്നത വിജയം നേടിയവരെ ആദരിച്ച് കൊളമംഗലം ഗ്രീൻ പവർ പ്രവാസി ഗ്രൂപ്പ്

വളാഞ്ചേരിക്കാരൻ — Mon, 20 May 2019 09:33:54 +0000

കൊളമംഗലം: വിവിധ പരീക്ഷകളിൽ ഉന്നത വിജയം നേടിയവരെ കൊളമംഗലം ഗ്രീൻ പവർ പ്രവാസി ഗ്രൂപ്പ് ആദരിച്ച്. അനുമോദന സംഗമത്തില്‍ എസ്എസ്എല്‍സി, പ്ലസ് ടു പരീക്ഷയിലെ ഉന്നതവിജയികളെയും കോഴിക്കോട് മെഡിക്കല്‍ കോളേജില്‍നിന്നും എംബിബിഎസ് പഠനം പൂര്‍ത്തിയാക്കിയ ഡോ.സറീന കെപി, കെമിസ്ട്രിയില്‍ ഡോക്ടറേറ്റ് നേടിയ ഷെമീല്‍ തുറക്കല്‍ എന്നിവരെയും എല്‍എസ്എസ്, യുഎസ്എസ് വിജയികളെയും അനുമോദിച്ചു.

ആബിദ് ഹുസൈന്‍ തങ്ങള്‍ എംഎല്‍എ ഉദ്ഘാടനം ചെയ്തു. ടികെ ആബിദലി അധ്യക്ഷത വഹിച്ചു. കെഎം അബ്ദുല്‍ ഗഫൂര്‍ മുഖ്യപ്രഭാഷണം നടത്തി. അഷ്‌റഫ് അമ്പലത്തിങ്ങല്‍, സലാം വളാഞ്ചേരി, അബ്ബാസ് പുല്ലാണിക്കാട്ടില്‍, കെഎസ്എ തങ്ങള്‍ തുടങ്ങിയവര്‍ സംസാരിച്ചു. അസ്ലം പരയോടത്ത്, യൂനുസ് ഹുദവി, സുലൈമാന്‍ സികെ, ഷൗക്കത്തലി എപി, ഷാഫി എന്നിവര്‍ നേതൃത്വം നല്‍കി

The post വിവിധ പരീക്ഷകളിൽ ഉന്നത വിജയം നേടിയവരെ ആദരിച്ച് കൊളമംഗലം ഗ്രീൻ പവർ പ്രവാസി ഗ്രൂപ്പ് appeared first on Valanchery Online.

പൊന്നാനിയിലെ കന്നി വോട്ടര്‍മാരെ തേടി വിഷുദിനത്തില്‍ ‘ചങ്ക് വിസിറ്റ് ചലഞ്ച്’

വളാഞ്ചേരിക്കാരൻ — Mon, 15 Apr 2019 00:00:07 +0000

കോട്ടക്കല്‍: പൊന്നാനി ലോക്‌സഭ മണ്ഡലം യു. ഡി. എഫ് സ്ഥാനാര്‍ഥി ഇ. ടി മുഹമ്മദ് ബഷീറിന്റെ തെരഞ്ഞെടുപ്പ് പ്രചരണാര്‍ഥം വിഷുദിനത്തില്‍ സ്ഥാനാര്‍ഥിയുടെ ക്യൂ ആര്‍ കോഡുള്ള അഭ്യര്‍ഥനയുമായി മണ്ഡലത്തിലെ യു. ഡി. വൈ. എഫ്, യു. ഡി. എസ്. എഫ് പ്രവര്‍ത്തകര്‍ വീടുകളിലെത്തും. രാവിലെ 7 മണി മുതല്‍ 11 മണ്ി വരെ നാല് മണിക്കൂറിനുള്ളിലാണ് ചങ്ക്‌സ് വിസിറ്റ് ചലഞ്ച് നടക്കുന്നത്. ഈ സമയത്തിനുള്ളില്‍ മണ്ഡലത്തിലെ പുതുതായി ചേര്‍ത്ത 70000 കന്നിവോട്ടര്‍മാരെയും പ്രവര്‍ത്തകര്‍ നേരില്‍ കണ്ട് സ്ഥാനാര്‍ഥി ഇ. ടി മുഹമ്മദ് ബഷീറിന്റെ കന്നി വോട്ടര്‍ക്ക് വേണ്ടി പ്ര്‌ത്യേകം തയ്യാറാക്കിയ അഭ്യര്‍ഥന കത്ത് കൈമാറും. മണ്ഡലം, പഞ്ചായത്ത്, ബൂത്ത് തലങ്ങളില്‍ 1148 ബൂത്തുകളിലും ഒരേ സമയം ഒരു കന്നിവോട്ടര്‍ക്ക് കത്ത് കൈമാറി ഉദ്ഘാടനം നടക്കും.

ആസൂത്രണ യോഗം പ്രഫ. ആബിദ് ഹുസൈന്‍ തങ്ങള്‍ ഉദ്ഘാടനം ചെയ്തു. ശരീഫ് വടക്കയില്‍ അധ്യക്ഷത വഹിച്ചു. മുജീബ് കാടേരി, ഷിബു മീരാന്‍, കെ കെ നാസര്‍, ടി നിയാസ്, ജുനൈദ് പാമ്പലത്ത്, ഫവാസ് പനയത്തില്‍, സലാഹുദ്ദീന്‍ തെന്നല, മുഹമ്മദ് ഫസല്‍, മുഹമ്മദ് സുഹൈബ്, പി പി അംജദ് അലി, ഫുഹാദ് താനാളൂര്‍, കെ എം മുഹ്‌സിന്‍, കെ വി റഷാദ്, പങ്കെടുത്തു.

The post പൊന്നാനിയിലെ കന്നി വോട്ടര്‍മാരെ തേടി വിഷുദിനത്തില്‍ ‘ചങ്ക് വിസിറ്റ് ചലഞ്ച്’ appeared first on Valanchery Online.

ദുരിതമൊഴിയാതെ കാലവർഷം; കൊടുമുടി സ്കൂളിലേക്ക് നൂറോളം പേരെ മാറ്റിപ്പാർപ്പിച്ചു

വളാഞ്ചേരിക്കാരൻ — Wed, 15 Aug 2018 22:02:25 +0000

ഇരിമ്പിളിയം: ശക്തമായ മഴയെത്തുടർന്ന് വീടുകളിൽ വെള്ളം കയറിയതിനെത്തുടർന്ന് ഇരിമ്പിളിയം പഞ്ചായത്തിന്റെ വിവിധ ഭാഗങ്ങളിൽ നിന്ന് നൂറോളം പേരെ മാറ്റിപ്പാർപ്പിച്ചു. കൊടുമുടി സ്കൂളിലെ ക്യാമ്പിലേക്കാണ് ആളുകളെ മാറ്റി താമസിപ്പിച്ചത്. സ്ഥലത്തെത്തിയ പ്രൊഫ. ആബിദ് ഹുസൈൻ തങ്ങൾ എം. എൽ.എ വകുപ്പുദ്യോഗസ്ഥർക്ക്
ആവശ്യമായ നിർദ്ദേശങ്ങൾ നൽകി.

കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി, ഇരിമ്പിളിയം പഞ്ചായത്ത് പ്രസിഡന്റ് കെ.ടി. ഉമ്മുകുൽസു, ജില്ലാ പഞ്ചായത്ത് മെമ്പർ റഫീഖ, വൈസ് പ്രസിഡന്റ് വേലായുധൻ ,തിരൂർ തഹസിൽദാർ എന്നിവരും സന്നിഹിതരായിരുന്നു. റവന്യു അധികൃതർ, ആരോഗ്യ വിഭാഗം എന്നിവർ ക്യാമ്പിലെത്തി. സന്നദ്ധ സാമൂഹ്യ പ്രവർത്തകരും സഹായവുമായി രംഗത്തുണ്ട്.

The post ദുരിതമൊഴിയാതെ കാലവർഷം; കൊടുമുടി സ്കൂളിലേക്ക് നൂറോളം പേരെ മാറ്റിപ്പാർപ്പിച്ചു appeared first on Valanchery Online.

ദേശീയപാതാവികസനം: ഭൂവുടമകളുടെ പരാതികേട്ട് ആബിദ് ഹുസൈന്‍ തങ്ങള്‍ എം.എല്‍.എ.

വളാഞ്ചേരിക്കാരൻ — Wed, 11 Apr 2018 00:08:29 +0000

വളാഞ്ചേരി: ദേശീയപാതാവികസത്തിന് സ്ഥലം ഏറ്റെടക്കുന്നതുമായി ബന്ധപ്പെട്ട് ഭൂമി നഷ്ടപ്പെട്ടവരുടെ പരാതികള്‍ ആബിദ് ഹുസൈന്‍ തങ്ങള്‍ എം.എല്‍.എ. കേട്ടു. വളാഞ്ചേരി നഗരസഭയിലും കുറ്റിപ്പുറം ഗ്രാമപ്പഞ്ചായത്തിലുമുള്ളവരെ കണ്ട് എം.എല്‍.എ. പ്രയാസങ്ങള്‍ ചോദിച്ചറിഞ്ഞു. വളാഞ്ചേരി വടക്കുംമുറിയി മേഖലയിലെത്തിയ എം.എല്‍.എയ്‌ക്കൊപ്പം നഗരസഭാധ്യക്ഷ എം. ഷാഹിന, കൗണ്‍സിലര്‍മാരായ ഇ.പി. യഹ്യ, ടി.പി. രഘുനാഥ്, അഷറഫ് അമ്പലത്തിങ്ങല്‍, സലാം വളാഞ്ചേരി, പി.പി. ഷാഫി, മുഹ്‌സിന്‍ വടക്കുംമുറി എന്നിവരുമുണ്ടായിരുന്നു.

കുറ്റിപ്പുറത്ത് യു.ഡി.എഫ്. ചെയര്‍മാന്‍ പാറയ്ക്കല്‍ ബഷീര്‍, കണ്‍വീനര്‍ പരപ്പാര സിദ്ദിഖ്, ചന്ദ്രന്‍, കെ.പി. അലി, അഷ്‌റഫ്, അബ്ബാസ് മുസ്ലിയാര്‍ എന്നിവര്‍ എം.എല്‍.എയ്‌ക്കൊപ്പം വിവിധ സ്ഥലങ്ങള്‍ സന്ദര്‍ശിച്ചു. ബുധനാഴ്ച തിരുവനന്തപുരത്ത് ചേരുന്ന സര്‍വകക്ഷിയോഗത്തിന് മുന്നോടിയായാണ് ആബിദ് ഹുസൈന്‍ തങ്ങള്‍ എം.എല്‍.എ. ദേശീയപാതാ സ്ഥലമെടുപ്പുമായി ബന്ധപ്പെട്ട് ആശങ്കയില്‍ കഴിയുന്നവരുടെ പ്രയാസങ്ങള്‍ കേള്‍ക്കാന്‍ നേരിട്ടെത്തിയത്.

The post ദേശീയപാതാവികസനം: ഭൂവുടമകളുടെ പരാതികേട്ട് ആബിദ് ഹുസൈന്‍ തങ്ങള്‍ എം.എല്‍.എ. appeared first on Valanchery Online.

ഹിൽടോപ്പ്-പള്ളി-നിരപ്പ് ടാങ്ക് റോഡ് നാടിന് സമർപ്പിച്ചു

വളാഞ്ചേരിക്കാരൻ — Sun, 07 Jan 2018 13:37:55 +0000

കുറ്റിപ്പുറം: പൈങ്കണ്ണൂര്‍ ഹില്‍ടോപ്പ് പള്ളി-നിരപ്പ് ടാങ്ക്‌റോഡ് ആബിദ്ഹുസൈന്‍ തങ്ങള്‍ എം.എല്‍.എ. ഉദ്ഘാടനംചെയ്തു.

കുറ്റിപ്പുറം പഞ്ചായത്തിലെ പൈങ്കണ്ണൂര്‍, കരിമ്പനപ്പീടിക, പാണ്ടികശാല എന്നീ മൂന്ന് വാര്‍ഡുകളിലെ ജനങ്ങള്‍ക്ക് പ്രയോജനപ്പെടുന്നതാണ് ഈ റോഡ്. കുറ്റിപ്പുറം ഗ്രാമപ്പഞ്ചായത്ത് പ്രസിഡന്റ് ടി.സി. ഷമീല അധ്യക്ഷയായി. വൈസ്പ്രസിഡന്റ് പി.വി. മോഹനന്‍, ജില്ലാപഞ്ചായത്തംഗം കെ.എം. സുഹ്‌റ, ബ്ലോക്ക് അംഗം കൈപ്പള്ളി അബ്ദുള്ളക്കുട്ടി, പഞ്ചായത്തംഗങ്ങളായ ലത മാരായത്ത്, ടി.കെ. മുഹമ്മദ്കുട്ടി, വസീമ വേളേരി, റം ല കറത്തൊടിയില്‍, ഹമീദ് പാണ്ടികശാല തുടങ്ങിയവര്‍ പ്രസംഗിച്ചു.

എം.എല്‍.എയുടെ ആസ്തിവികസനഫണ്ടില്‍നിന്ന് 2016-17 വര്‍ഷത്തില്‍ ഇരുപത്തിയഞ്ച് ലക്ഷംരൂപ വിനിയോഗിച്ചാണ് റോഡ് നിര്‍മിച്ചത്.

The post ഹിൽടോപ്പ്-പള്ളി-നിരപ്പ് ടാങ്ക് റോഡ് നാടിന് സമർപ്പിച്ചു appeared first on Valanchery Online.