abid hissain thangal Archives - Valanchery Online

നടുവട്ടം മേഖലാ കെ.എം.സി.സി., മുസ്‌ലിംലീഗ് കമ്മിറ്റികളുടെ ആഭിമുഖ്യത്തിൽ റംസാൻ കിറ്റ് വിതരണം സംഘടിപ്പിച്ചു

വളാഞ്ചേരിക്കാരൻ — Mon, 18 Apr 2022 23:44:02 +0000

കുറ്റിപ്പുറം : നടുവട്ടം മേഖലാ കെ.എം.സി.സി., മുസ്‌ലിംലീഗ് കമ്മിറ്റി എന്നിവയുടെ നേതൃത്വത്തിൽ നടന്ന റംസാൻ കിറ്റ് വിതരണം പ്രൊഫ. ആബിദ് ഹുസ്സൈൻ തങ്ങൾ എം.എൽ ഉദ്ഘാടനം ചെയ്തു.

കാലിക്കറ്റ് സർവകലാശാലയിൽനിന്ന്‌ സുവോളജിയിൽ ഡോക്ടറേറ്റ് നേടിയ പ്രമീള, ഖുർആൻ മനഃപാഠമാക്കിയ സി.കെ. ഇല്യാസ്, അഷ്കറി ബിരുദം നേടിയ നൗഷാദ് എന്നിവരെ അനുമോദിച്ചു.റഷീദ് പൂഴിക്കുന്നത്ത് അധ്യക്ഷനായി. സയ്യിദ് ലുക്മാൻ ഹദ്ദാദ് തങ്ങൾ, പരപ്പാറ സിദ്ധീഖ്, ഗഫൂർ കിഴക്കുമ്പാട്ട്, മാനു മേലേതിൽ, ഹമീദ് ചോലക്കൽ, ആബിദ് ചെങ്ങനക്കാട്ടിൽ, ആഷിക് കൊളത്തോൾ, ബഷീർ മുസ്‌ലിയാർ തുടങ്ങിയവർ പ്രസംഗിച്ചു.

The post നടുവട്ടം മേഖലാ കെ.എം.സി.സി., മുസ്‌ലിംലീഗ് കമ്മിറ്റികളുടെ ആഭിമുഖ്യത്തിൽ റംസാൻ കിറ്റ് വിതരണം സംഘടിപ്പിച്ചു appeared first on Valanchery Online.

കുറ്റിപ്പുറം പി.എച്ച് സെന്റർ മുക്കിലപ്പീടിക റോഡ് നവീകരണം; എം.എൽ.എയുടെ നേതൃത്വത്തിൽ യോഗം ചേർന്നു

വളാഞ്ചേരിക്കാരൻ — Tue, 14 Dec 2021 01:20:35 +0000

വളാഞ്ചേരി: കുറ്റിപ്പുറം പി.എച്ച് സെന്റർ മുക്കിലപ്പീടിക റോഡ് റബ്ബറൈസ് ചെയ്ത് നവീകരിക്കുന്നതിന്റെ മുന്നോടിയായി പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ വിവിധ വകുപ്പുകളുടെ യോഗം ചേർന്നു.
എം.എൽ.എയുടെ ശുപാർശ പ്രകാരം പൊതു മരാമത്ത് വകുപ്പിൽ നിന്നും റോഡ് നവീകരണത്തിന് 5 കോടി 7 ലക്ഷം രൂപ ഫണ്ടനുവദിച്ച് പ്രവൃത്തി പ്രാരംഭ ഘട്ടത്തിലാണ്. പദ്ധതിയുടെ സുഗമമായ നടത്തിപ്പിനാണ് എം.എൽ.എയുടെ നേതൃത്വത്തിൽ യോഗം ചേർന്നത്. ബ്ലോക്ക് പഞ്ചായത്ത്, പഞ്ചായത്ത് ജനപ്രതിനിധികൾ, പൊതുമരാമത്ത് റോഡ് വിഭാഗം, കേരള വാട്ടർ അതോറിറ്റി, പോലീസ്, കെ.എസ്.ഇ.ബി, ജലനിധി, തദ്ദേശ സ്വയം ഭരണ വകുപ്പ് എഞ്ചിനീയറിംഗ് വിഭാഗം എന്നിവയുടെ സംയുക്ത യോഗമാണ് ചേർന്നത്.

കുറ്റിപ്പുറം ബ്ലോക്ക് പഞ്ചായത്ത് കോൺഫ്രൻസ് ഹാളിൽ ചേർന്ന യോഗത്തിൽ ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, പഞ്ചായത്ത് പ്രസിഡന്റ് റംല കറത്തൊടിയിൽ, വൈസ് പ്രസിഡന്റ് കെ.ടി സിദ്ദീഖ്, പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ പരപ്പാര സിദ്ദീഖ്, ബ്ലോക്ക് പഞ്ചായത്ത് മെമ്പർ കെ.ഇ. സഹീർ മാസ്റ്റർ, പഞ്ചായത്ത് മെമ്പർമാരായ സയ്യിദ് ഫസൽ അലി സഖാഫ് തങ്ങൾ, അബൂബക്കർ പി, വേലായുധൻ എം.വി, കെ.ടി ഹമീദ്, സുലൈഖ, റിജിത ഷലീജ്, പൊതുമരാമത്ത് അസിസ്റ്റന്റ് എക്സിക്യുട്ടീവ് എഞ്ചിനീയർ ഗോപൻ മുക്കുളത്ത്, അസിസ്റ്റന്റ്എഞ്ചിനീയർ ജോമോൻ തോമസ്, വാട്ടർ അതോറിറ്റി എക്സിക്യുട്ടീവ് എഞ്ചിനീയർ സലീം കുമാർ എം, അസിസ്റ്റന്റ് എഞ്ചിനീയർ ആനന്ദകുമാർ എ, ബ്ലോക്ക് പഞ്ചായത്ത് അസിസ്റ്റന്റ് എഞ്ചിനീയർ നന്ദിത എം.ടി, കെ.എസ്.ഇ.ബി അസിസ്റ്റന്റ് എഞ്ചിനീയർ സനിൽ പി.ടി, സബ് എഞ്ചിനീയർ മുഷ്താഖ് അഹമ്മദ് കെ.യു, കുറ്റിപ്പുറം പഞ്ചായത്ത് ജെ.എസ് ഷൈജു. ഒ, കുറ്റിപ്പുറം എസ്.ഐ വാസുണ്ണി എം.വി , ഷബീറ എം.പി, കെ അബ്ദുൽ അസീസ്, അസ്കർ കൊളത്തോൾ (ജലനിധി), എന്നിവർ പങ്കെടുത്തു. റോഡിന് വശങ്ങളിലൂടെ കടന്ന് പോകുന്ന കുടിവെള്ള പദ്ധതികളുടെ പൈപ്പ് ലൈൻ മാറ്റി സ്ഥാപിക്കുന്നതിനുള്ള നടപടികൾ സ്വീകരിക്കുന്നതിന് പഞ്ചായത്ത് ഭരണ സമിതി അടിയന്തിര യോഗം ചേരും. റോഡരികിൽ പോലീസ് അധീനതയിലുള്ള വാഹനങ്ങൾ ഇന്ന് (ചൊവ്വ) മുതൽ മാറ്റിത്തുടങ്ങുമെന്ന് കുറ്റിപ്പും എസ്.ഐ യോഗത്തിൽ അറിയിച്ചു. റോഡരികിലുള്ള വൈദ്യുതി പോസ്റ്റുകളും ലൈനും മാറ്റുന്ന പ്രവൃത്തികൾ ത്വരിതപ്പെടുത്തുമെന്ന് കെ.എ.സ്.ഇ.ബി അധികൃതർ അറിയിച്ചു.

The post കുറ്റിപ്പുറം പി.എച്ച് സെന്റർ മുക്കിലപ്പീടിക റോഡ് നവീകരണം; എം.എൽ.എയുടെ നേതൃത്വത്തിൽ യോഗം ചേർന്നു appeared first on Valanchery Online.

പൗരത്വ ഭേദഗതി നിയമം ഇന്ത്യക്കാരൻ്റെ പ്രശ്നം: സാദിഖലി തങ്ങൾ

വളാഞ്ചേരിക്കാരൻ — Thu, 20 Feb 2020 16:46:37 +0000

വളാഞ്ചേരി: പൗരത്വ ഭേദഗതി നിയമം മുസ്ലിംകളുടെ മാത്രം പ്രശ്നമല്ലെന്നും എല്ലാ ഇന്ത്യക്കാരൻ്റെയും പ്രശ്നമായി ഇന്ത്യൻ സമൂഹം കണ്ടിരിക്കുന്നു വെന്നും പണക്കാട് സയ്യിദ് സാദിഖലി ശിഹാബ് തങ്ങൾ ജനകീയ കോടതിയിൽ നരേന്ദ്ര മോദിക്കും കൂട്ടർക്കും അടിയറവ് പറയേണ്ടി വരുമെന്നും തങ്ങൾ പറഞ്ഞു. പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ കോട്ടക്കൽ മണ്ഡലം യു.ഡി.എഫ് വളാഞ്ചേരിയിൽ നടത്തിയ ദേശ രക്ഷാ സംഗമം ഉദ്ഘാടനം ചെയ്യുകയായിരുന്നു അദ്ദേഹം ഉച്ചകഴിഞ്ഞ് 3 മുതൽ രാത്രി 10 മണി വരെയാണ് സംഗമം നടന്നത്.

യു.ഡി.എഫ് ചെയർമാൻ പാഴൂർ മുഹമ്മദ് കുട്ടി അധ്യക്ഷത വഹിച്ചു. എം.പി മാരായ പി.കെ. കുഞ്ഞാലിക്കുട്ടി, ഇ.ടി. മുഹമ്മദ് ബഷീർ, എം.എൽ.എമാരായ വി.ടി ബൽറാം, അഡ്വ. എൻ ശംസുദ്ദീൻ, എൻ.പി ഹാഫിസ് മുഹമ്മദ്, മുൻ എം.പി സി ഹരിദാസ്, സി.എച്ച് അബൂ യുസഫ് ഗുരുക്കൾ, ബഷീർ രണ്ടത്താണി, കെ.എം. അബ്ദുൽ ഗഫൂർ, മാനവേന്ദ്രനാഥ്, വെട്ടം ആലിക്കോയ, വി.മധുസൂദനൻ, അഡ്വ. മുജീബ് കൊളക്കാട്, അഷ്റഫ് അമ്പലത്തിങ്ങൽ, സലാം വളാഞ്ചേരി, പറശ്ശേരി അസൈനാർ, സാബിഖ് പുല്ലൂർ തുടങ്ങി വിവിധ മേഖലകളിലെ പ്രമുഖരും സംഘടനാ പ്രതിനിധികളും പങ്കെടുത്തു.

The post പൗരത്വ ഭേദഗതി നിയമം ഇന്ത്യക്കാരൻ്റെ പ്രശ്നം: സാദിഖലി തങ്ങൾ appeared first on Valanchery Online.