1921 Archives - Valanchery Online

കേന്ദ്രസർക്കാർ ചരിത്രം അപനിർമ്മിക്കുന്നുവെന്നാരോപിച്ച് വളാഞ്ചേരി പോസ്റ്റോഫീസിന്‌ മുൻപിൽ പ്രതിഷേധസംഗമം സംഘടിപ്പിച്ച് എസ്.വൈ.എസ്

വളാഞ്ചേരിക്കാരൻ — Thu, 02 Sep 2021 00:44:19 +0000

വളാഞ്ചേരി : ചരിത്രത്തെ അപനിർമിക്കാനുള്ള കേന്ദ്രസർക്കാർ നടപടികളിൽ പ്രതിഷേധിച്ച് സുന്നി യുവജനസംഘം കോട്ടയ്ക്കൽ മണ്ഡലംകമ്മിറ്റി പ്രതിഷേധസംഗമം നടത്തി. വളാഞ്ചേരി പോസ്റ്റോഫീസിനു മുൻപിൽ നടന്ന പ്രതിഷേധസംഗമം നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനംചെയ്തു.

അബ്ദുൾവാഹിദ് മുസ്‌ലിയാർ അത്തിപ്പറ്റ അധ്യക്ഷത വഹിച്ചു. സ്വാലിഹ് വാഫി ഉസ്താദ് അത്തിപ്പറ്റ മുഖ്യപ്രഭാഷണം നടത്തി. കെ.പി. ശങ്കരൻ, പറശ്ശേരി അസൈനാർ, സലാം വളാഞ്ചേരി, മുഹമ്മദലി ദാരിമി, ഷറഫു മൗലവി വളാഞ്ചേരി, റഹ്‌മാൻ മങ്കേരി, സി.കെ. ഗഫൂർ, കെ.വി. അലി മുസ്‌ലിയാർ ഇന്ത്യനൂർ, അലി റഹ്‌മാനി കരേക്കാട് എന്നിവർ പ്രസംഗിച്ചു.

The post കേന്ദ്രസർക്കാർ ചരിത്രം അപനിർമ്മിക്കുന്നുവെന്നാരോപിച്ച് വളാഞ്ചേരി പോസ്റ്റോഫീസിന്‌ മുൻപിൽ പ്രതിഷേധസംഗമം സംഘടിപ്പിച്ച് എസ്.വൈ.എസ് appeared first on Valanchery Online.

മലബാർ സമരത്തിൻ്റെ നൂറാം വാർഷികം; ഒരു വര്‍ഷം നീണ്ട് നില്‍ക്കുന്ന പരിപാടികളുമായി മലബാര്‍ സമര അനുസ്മരണ സമിതി

വളാഞ്ചേരിക്കാരൻ — Thu, 21 Jan 2021 23:53:21 +0000

ആതവനാട്: 1921ലെ മലബാര്‍ സമരം നടന്നിട്ട് നൂറ് വര്‍ഷം പിന്നിടുമ്പോൾ ഒരു വര്‍ഷം നീണ്ട് നില്‍ക്കുന്ന പരിപാടികളുമായി മലബാര്‍ സമര അനുസ്മരണ സമിതി. പരിപാടികളുടെ പ്രഖ്യാപനം
പുത്തനത്താണിയിൽ പോപുലർ ഫ്രണ്ട് ഓഫ് ഇന്ത്യ സംസ്ഥാന പ്രസിഡന്റ് സി.പി മുഹമ്മദ് ബഷീർ നിർവ്വഹിച്ചു. ഇന്ത്യന്‍ സ്വാതന്ത്ര്യ സമരത്തിന്റെ ഭാഗമായി ബ്രിട്ടീഷ് അധിനിവേശത്തിനും ജന്മിത്വ ചൂഷണത്തിനും എതിരായി 1921ല്‍ മലബാറില്‍ നടന്ന ഉജ്ജ്വല പോരാട്ടത്തിന് നൂറു വര്‍ഷം തികയുന്ന വേളയിൽ ഒരു വര്‍ഷം നീണ്ട് നില്‍ക്കുന്ന വിവിധ പരിപാടികൾ സംഘടിപ്പിക്കുവാൻ മലബാര്‍ സമര അനുസ്മരണ സമിതി തീരുമാനിച്ചു.

മഹത്തായ ചരിത്രത്തെ സമുചിതമായി അനുസ്മരിക്കുന്നതിന്റെ ഭാഗമായി സമര നായകന്‍ വാരിയന്‍ കുന്നത്ത് കുഞ്ഞഹമ്മദ്ഹാജി വീര രക്ത സാക്ഷ്യം വരിച്ച ജനുവരി 20 ന് പുത്തനത്താണി മലബാര്‍ ഹൗസില്‍ പോപുലർ ഫ്രണ്ട് ഓഫ് ഇന്ത്യ സംസ്ഥാന പ്രസിഡന്റ് സി.പി മുഹമ്മദ് ബഷീർ പരിപാടിയുടെ പ്രഖ്യാപനം നിർവ്വഹിച്ചു. ഇന്ന് ഇന്ത്യ ഭരിക്കുന്നവർക്ക് നമ്മുടെ സ്വാതന്ത്ര സമരത്തിൽ ഉണ്ടായ പങ്ക് എന്താണെന്ന് എല്ലാവരും ഓർക്കണമെന്നും ഒരു ജനത മൊത്തം നടത്തിയ ചെറുത്ത് നിൽപ്പിനെയാണ് ബ്രിട്ടീഷ് ചരിത്രം അവലംബമാക്കി വർഗ്ഗീയ ലഹളയെന്നും കലാപമെന്നും മുദ്ര കുത്തുന്നതെന്നും അദ്ദേഹം അഭിപ്രായപ്പെട്ടു.

മലബാർ സമരം ജാലിയൻ വാലാ ബാഗ് പോലെ ഐതിഹാസികമായിരുന്നു. മുസ് ലിംകൾ നേതൃത്വം നൽകിയതിനാൽ അതിനെയും അവഗണിക്കുകയാണ്. 1921ലെ സമരത്തിന് സംഘപരിവാരം തെറ്റായ വ്യാഖ്യാനങ്ങൾ ചമക്കാനുള്ള ഗൂഢാലോചനയും കുൽസിത ശ്രമങ്ങളും ആരംഭിച്ചിട്ടുണ്ടെന്നും ഈ സമരത്തിന് എതിരായ എല്ലാ തെറ്റായ പ്രചരണങ്ങളെയും അതിജീവിക്കുന്ന കാലം ഉണ്ടാവുകതന്നെ ചെയ്യുമെന്നും അദ്ദേഹം കൂട്ടിച്ചേർത്തു. തേജസ് മാനേജിംഗ് എഡിറ്റർ കെ.എച്ച് നാസർ ചടങ്ങിൽ അധ്യക്ഷത വഹിച്ചു. സി അബ്ദുൽ ഹമീദ് രചിച്ച ‘മലബാറിന്റെ വിപ്ലവ നായകൻ: വാരിയൻകുന്നത്ത് കുഞ്ഞഹമ്മദ്ഹാജി’എന്ന പുസ്തകം കെ.അബ്ദുൽ മജീദിന് നൽകിക്കൊണ്ട് ഡോ: പി ഇബ്രാഹിം പ്രകാശനം ചെയ്തു. ലോഗോ പ്രകാശനം ആക്ടിവിസ്റ്റ് പി.സുന്ദർ രാജ് പ്രഫ. പി സൈതലവിക്ക് നൽകി നിർവ്വഹിച്ചു. വി.ടി ഇഖ്റാമുൽ ഹഖ് അനുസ്മരണ സന്ദേശം നൽകി.കെ.വി ഷാജി, പി.പി റഫീഖ്, കെ.പി.ഒ റഹ്മത്തുല്ല തുടങ്ങിയവർ സംസാരിച്ചു.

The post മലബാർ സമരത്തിൻ്റെ നൂറാം വാർഷികം; ഒരു വര്‍ഷം നീണ്ട് നില്‍ക്കുന്ന പരിപാടികളുമായി മലബാര്‍ സമര അനുസ്മരണ സമിതി appeared first on Valanchery Online.

മലബാര്‍ വിപ്ലവത്തിലെ ധീരനേതാവാകാന്‍ പൃഥ്വിരാജ്; വാരിയൻകുന്നത്ത് കുഞ്ഞഹമ്മദ് ഹാജിയുടെ ജീവ ചരിത്രം സിനിമ ആകുന്നു

വളാഞ്ചേരിക്കാരൻ — Tue, 23 Jun 2020 00:31:36 +0000

ബ്രിട്ടീഷ് സാമ്രാജ്യത്തിനെതിരെയുള്ള ശക്തമായ പോരാട്ടത്തിന്റെ പേരിൽ കേരളചരിത്രത്തിൽ സ്ഥാനം പിടിച്ച സംഭവമാണ് 1921ലെ മലബാർ വിപ്ലവം. വിപ്ലവത്തിനു നേതൃത്വം നൽകിയ ഏറനാട്, വള്ളുവനാട് പ്രദേശങ്ങളിലെ ധീരനായകനായിരുന്നു വാരിയംകുന്നത്ത് കുഞ്ഞഹമ്മദ് ഹാജി. അക്കാലത്ത് ബ്രിട്ടീഷുകാർ അവരുടെ പ്രധാനശത്രുവായി കണ്ടത് ഹാജിയെയായിരുന്നു.വാരിയംകുന്നത്ത് കുഞ്ഞഹമ്മദ് ഹാജിയുടെ കഥ സിനിമയാക്കുകയാണ് ആഷിക് അബു. മലബാർ വിപ്ലവത്തിന്റെ നൂറാം വർഷമായ 2021ൽ ഷൂട്ടിങ് ആരംഭിക്കുമെന്ന് ആഷിക് അബു ഫെയ്സ്ബുക്കിലൂടെ അറിയിച്ചു. ഹാജിയാകുന്നത് പൃഥ്വിരാജ് ആണ്. ആഷിക് അബുവിന്റെ കുറിപ്പ്.

ലോകത്തിന്റെ നാലിലൊന്ന് ഭാഗവും അടക്കി ഭരിച്ചിരുന്ന ബ്രിട്ടീഷ് സ്വാമ്രാജ്യത്തിനെതിരെ യുദ്ധം ചെയ്ത് മലയാളരാജ്യം എന്ന സ്വതന്ത്ര രാഷ്ട്രം സ്ഥാപിച്ച വാരിയംകുന്നത്ത് കുഞ്ഞഹമ്മദ് ഹാജിയുടെ ചരിത്രം ഞങ്ങൾ സിനിമയാക്കുന്നു. ആസൂത്രിതമായി മറവിയിലേക്ക് തള്ളപ്പെട്ട മലബാർ വിപ്ലവ ചരിത്രത്തിന്റെ നൂറാം വാർഷികത്തിൽ (2021) ചിത്രീകരണം ആരംഭിക്കുന്നു…സിക്കന്ദർ, മൊയ്തീൻ എന്നിവർ ചേർന്നാണ് നിർമ്മാണം. ഹർഷദ്, റമീസ് എന്നിവരുടേതാണ് തിരക്കഥ. ഷൈജു ഖാലിദ് ഛായാഗ്രഹണം നിർവഹിക്കും. കോംപസ് മൂവീസും ഒ പി എം സിനിമാസും ചിത്രത്തിൽ സഹകരിക്കും

The post മലബാര്‍ വിപ്ലവത്തിലെ ധീരനേതാവാകാന്‍ പൃഥ്വിരാജ്; വാരിയൻകുന്നത്ത് കുഞ്ഞഹമ്മദ് ഹാജിയുടെ ജീവ ചരിത്രം സിനിമ ആകുന്നു appeared first on Valanchery Online.