Transport Archives - Valanchery Online

പ്രവാസികൾക്ക് സന്തോഷവാർത്ത; ഇന്ത്യ – ഖത്തർ വിമാന സർവീസുകൾ പുനഃരാരംഭിക്കാൻ ഇന്ത്യൻ വിമാനക്കമ്പനികൾ

വളാഞ്ചേരിക്കാരൻ — Thu, 30 Apr 2026 12:34:55 +0000

ദോഹ: ഖത്തറിലെ പ്രവാസികൾക്ക് സന്തോഷവാർത്തയുമായി ഇന്ത്യൻ വിമാനക്കമ്പനികൾ. പശ്ചിമേഷ്യൽ സംഘർഷത്തെക്കുടർന്ന് നിർത്തിവച്ച ഇന്ത്യ – ഖത്തർ വിമാന സർവീസുകൾ പുനഃരാരംഭിക്കാൻ പോവുകയാണ്. എയർ ഇന്ത്യ, എയർ ഇന്ത്യ എക്‌സ്‌പ്രസ്, ഇൻഡിഗോ എന്നീ വിമാനക്കമ്പനികളാണ് രണ്ട് മാസത്തിന് ശേഷം സർവീസുകൾ പൂർണമായും പുനഃരരാരംഭിക്കുന്നത്. ദോഹയിലെ ഇന്ത്യൻ എംബസി എക്‌സ് പോസ്റ്റിലൂടെയാണ് ഇക്കാര്യം സ്ഥിരീകരിച്ചത്. ‘ദോഹയിലെ ഹമദ് അന്താരാഷ്ട്ര വിമാനത്താവളത്തിലേക്ക് ഇന്ത്യയിൽ നിന്നുള്ള വിമാനക്കമ്പനിയുടെ സർവീസുകൾ വീണ്ടും ആരംഭിക്കുന്നു. എയർ ഇന്ത്യ, എയർ ഇന്ത്യ എക്‌സ്‌പ്രസ്, ഇൻഡിഗോ എന്നിവ 2026 മെയ് ഒന്ന് മുതൽ ഇന്ത്യയിലെ വിവിധ വിമാനത്താവളങ്ങളിൽ നിന്നുള്ള സർവീസുകൾ പുനഃരാരംഭിക്കും. ടിക്കറ്റ് വിമാനക്കമ്പനികളുടെ വെബ്‌സൈറ്റ് വഴി ഓൺലൈനായി ബുക്ക് ചെയ്യാം’, എന്നാണ് പോസ്റ്റിൽ പറഞ്ഞിരിക്കുന്നത്.നേരത്തേ മേഖലയിലെ സംഘർഷത്തെത്തുടർന്ന് ഖത്തർ വ്യോമപാത അടിച്ചിരുന്നു. നിലവിൽ സുരക്ഷാ മാനദണ്ഡങ്ങൾ പാലിച്ചാണ് സർവീസുകൾ പുനഃരാരംഭിക്കാൻ പോകുന്നത്. ഈ പുതിയ തീരുമാനം മലയാളികൾ ഉൾപ്പെടെ ഇന്ത്യക്കാരായ പ്രവാസികൾക്ക് ഏറെ ആശ്വാസം നൽകുന്നതാണ്. സംഘർഷം കാരണം സർവീസുകൾ കുറഞ്ഞതോടെ നാട്ടിലെത്താൻ പലർക്കും വൻ തുകയാണ് ചെലവാക്കേണ്ടി വന്നത്. ഇന്ത്യൻ വിമാനങ്ങളുടെ സർവീസ് ആരംഭിക്കുന്നതോടെ നാട്ടിൽ നിന്ന് മടങ്ങുന്നവർക്ക് ആശ്വാസമാകും. മറ്റ് വിമാനക്കമ്പനികളെ അപേക്ഷിച്ച് ഇന്ത്യൻ വിമാനങ്ങളിൽ ടിക്കറ്റ് നിരക്ക് കുറവായിരിക്കും. ഫെബ്രുവരി 28 മുതലാണ് വിമാനസർവീസുകളിൽ നിയന്ത്രണം ഏർപ്പെടുത്തിയിരുന്നത്.

The post പ്രവാസികൾക്ക് സന്തോഷവാർത്ത; ഇന്ത്യ – ഖത്തർ വിമാന സർവീസുകൾ പുനഃരാരംഭിക്കാൻ ഇന്ത്യൻ വിമാനക്കമ്പനികൾ appeared first on Valanchery Online.

കരിപ്പൂരിൽനിന്ന് എല്ലാ ദിവസവും സർവീസുകൾക്ക് എയർ ഏഷ്യ

വളാഞ്ചേരിക്കാരൻ — Tue, 20 Aug 2024 01:36:20 +0000

കരിപ്പൂർ : കോഴിക്കോട് അന്താരാഷ്ട്ര വിമാനത്താവളത്തിൽനിന്ന് മലേഷ്യയുടെ തലസ്ഥാനമായ ക്വലാലംപുരിലേക്ക് എയർ ഏഷ്യ തുടങ്ങിയ സർവീസ് വൻ വിജയം. സെപ്റ്റംബർ, ഒക്ടോബർ മാസങ്ങളിലേക്കുള്ള ടിക്കറ്റ് ബുക്കിങ് ഏറക്കുറെ പൂർത്തിയായി. ഇതോടെ സർവീസുകൾ വർധിപ്പിക്കാനൊരുങ്ങുകയാണ് എയർ ഏഷ്യ. ഇതിനായി ഡി.ജി.സി.എ.യ്ക്ക് അപേക്ഷ നൽകി. ഓഗസ്റ്റ് രണ്ടിനാണ് എയർ ഏഷ്യ ക്വലാലംപുർ-കോഴിക്കോട് സർവീസ്‌ തുടങ്ങിയത്.

ചൊവ്വ, വ്യാഴം, ശനി ദിവസങ്ങളിൽ ക്വലാലംപുരിൽനിന്ന് കോഴിക്കോട്ടേക്കും ബുധൻ, വെള്ളി, ഞായർ ദിവസങ്ങളിൽ തിരിച്ചുമാണ് നിലവിൽ സർവീസ്. ഇത് എല്ലാ ദിവസവുമാക്കാനാണ് എയർ ഏഷ്യയുടെ ശ്രമം. ക്വലാലംപുരിനുപുറമേ തായ്‌ലാൻഡ് തലസ്ഥാനമായ ബാങ്കോക്കിലേക്കും സിംഗപ്പൂരിലേക്കും സർവീസ് വ്യാപിപ്പിക്കാനും ശ്രമം നടക്കുന്നുണ്ട്.

മലേഷ്യൻ എയർ, മലിൻറോ എയർ, ബതിക് എയർ, സിൽക്ക് എയർ തുടങ്ങിയ വിമാനക്കമ്പനികളും സർവീസുകൾക്ക് താത്‌പര്യം കാണിച്ച് രംഗത്തെത്തിയിട്ടുണ്ട്. ഇവർ കൂടി എത്തുന്നതോടെ ഇവിടെനിന്നുള്ള ഫാർ ഈസ്റ്റ് സർവീസുകൾ കൂടുതൽ മത്സരക്ഷമമാകും. 6000 രൂപയ്ക്ക് താഴെ ടിക്കറ്റ് നിരക്കുമായാണ് എയർ ഏഷ്യ കോഴിക്കോട് സർവീസിനെത്തിയത്.അതേസമയം എയർ ലങ്ക, മാലദ്വീപ് എയർലൈൻ തുടങ്ങിയവകൂടി കരിപ്പൂരിൽനിന്ന് സർവീസ് തുടങ്ങാൻ ശ്രമമാരംഭിച്ചിട്ടുണ്ട്.

The post കരിപ്പൂരിൽനിന്ന് എല്ലാ ദിവസവും സർവീസുകൾക്ക് എയർ ഏഷ്യ appeared first on Valanchery Online.

ഓട്ടോറിക്ഷകള്‍ക്ക് സ്‌റ്റേറ്റ് പെര്‍മിറ്റ്; ഇനി മുതൽ ജില്ലയിൽ മാത്രമല്ല, കേരളം മുഴുവൻ ഓടാം

വളാഞ്ചേരിക്കാരൻ — Sat, 17 Aug 2024 09:03:49 +0000

ഓട്ടോറിക്ഷയുടെ പെര്‍മിറ്റ് കൂടുതല്‍ വിശാലമാക്കി സംസ്ഥാന സര്‍ക്കാര്‍. ഓട്ടോറിക്ഷകള്‍ക്ക് ഇനി സംസ്ഥാനത്ത് ഉടനീളം സര്‍വീസ് നടത്താന്‍ സാധിക്കും. മുമ്പ് ജില്ലയിലെ മാത്രം ഓട്ടത്തിന് അനുവദിക്കുന്നതായിരുന്നു ഓട്ടോറിക്ഷകളുടെ പെര്‍മിറ്റ്. ട്രാന്‍സ്‌പോര്‍ട്ട് അതോറിറ്റിയുടെ യോഗത്തിലാണ് ഇക്കാര്യം തീരുമാനിച്ചത്. ഓട്ടോറിക്ഷ യൂണിയന്‍ സി.ഐ.ടി.യു. കണ്ണൂര്‍ മാടായി ഏരിയ കമ്മിറ്റി നല്‍കിയ അപേക്ഷ പരിഗണിച്ചാണ് പെര്‍മിറ്റിലെ ഈ മാറ്റം അനുവദിച്ചിരിക്കുന്നത്. പെര്‍മിറ്റില്‍ മുമ്പുണ്ടായിരുന്ന നിര്‍ദേശം അനുസരിച്ച് ജില്ലയ്ക്ക് പുറത്ത് 20 കിലോമീറ്റര്‍ മാത്രം ഓടുന്നുള്ള അനുമതിയാണ് ഓട്ടോറിക്ഷകള്‍ക്ക് നല്‍കിയിരുന്നത്. ഓട്ടോറിക്ഷ ദീര്‍ഘദൂര യാത്ര ചെയ്യുന്നതിലെ അപകട സാധ്യത കണക്കിലെടുത്താണ് ഈ നിയന്ത്രണം ഏര്‍പ്പെടുത്തിയിരുന്നതെന്നാണ് വിലയിരുത്തലുകള്‍. എന്നാല്‍, അപകട നിരക്ക് ഉയരുമെന്ന് വിവിധ കോണുകളില്‍ നിന്നുള്ള മുന്നറിയിപ്പ് മറികടന്നാണ് ഇപ്പോള്‍ സംസ്ഥാന പെര്‍മിറ്റ് നല്‍കിയിരിക്കുന്നതും.

ഓട്ടോറിക്ഷ ഇന്‍ ദ സ്‌റ്റേറ്റ് എന്ന രീതിയിലാണ് പെര്‍മിറ്റ് സംവിധാനത്തില്‍ മാറ്റം വരുന്നത്. പെര്‍മിറ്റില്‍ പുതിയ ഇളവുകള്‍ ലഭിക്കുന്നതിനായി ഓട്ടോറിക്ഷകള്‍ സ്‌റ്റേറ്റ് പെര്‍മിറ്റ് ആയി രജിസ്റ്റര്‍ ചെയ്യണം. സ്റ്റേറ്റ് പെര്‍മിറ്റില്‍ യാത്രക്കാരുടെ സുരക്ഷ ഡ്രൈവര്‍ ഉറപ്പുവരുത്തണമെന്ന നിര്‍ദേശവും നല്‍കിയിട്ടുണ്ട്. ഓട്ടോറിക്ഷകള്‍ക്ക് സംസ്ഥാന പെര്‍മിറ്റ് അനുവദിക്കണമെന്ന് സി.ഐ.ടി.യുവിന്റെ നിരന്തര ആവശ്യമായിരുന്നു. എന്നാല്‍, സുരക്ഷ പ്രശ്‌നത്തിലെ ആശങ്കയാണ് ഇത് നീണ്ടുപോകാന്‍ കാരണം. റോഡുകളില്‍ ഓട്ടോറിക്ഷയ്ക്ക് അനുവദിച്ചിട്ടുള്ള പരമാവധി വേഗത മണിക്കൂറില്‍ 50 കിലോമീറ്ററാണ്. അതിവേഗപാതകളിലും മറ്റും മറ്റ് വാഹനങ്ങള്‍ വേഗത്തില്‍ പോകുമ്പോഴുള്ള അപകട സാധ്യത കണക്കിലെടുത്താണ് സംസ്ഥാന പെര്‍മിറ്റ് അനുവദിക്കാതിരുന്നത്. ഇത്തവണ നടന്ന അതോറിറ്റി യോഗത്തിലും ഇക്കാര്യം ചര്‍ച്ച ചെയ്തിരുന്നു. എന്നാല്‍, ഇവയെല്ലാം മറികടന്നാണ് സംസ്ഥാനത്തുടനീളം ഓടുന്നതിന് ഓട്ടോറിക്ഷകള്‍ക്ക് അനുമതി നല്‍കിയിരിക്കുന്നത്.

The post ഓട്ടോറിക്ഷകള്‍ക്ക് സ്‌റ്റേറ്റ് പെര്‍മിറ്റ്; ഇനി മുതൽ ജില്ലയിൽ മാത്രമല്ല, കേരളം മുഴുവൻ ഓടാം appeared first on Valanchery Online.

ദേശീയപാത 66; 11 ടോൾ പ്ലാസകൾ, കാസറഗോഡ് മുതൽ തിരുവനന്തപുരം വരെ കാറിന് ടോൾ 1650 രൂപ

വളാഞ്ചേരിക്കാരൻ — Mon, 11 Mar 2024 00:56:46 +0000

തിരുവനന്തപുരം: ദേശീയപാത 66ന്റെ നിർമ്മാണം പൂർത്തിയാകുമ്പോൾ 11 ഇടത്ത് ടോൾ കേന്ദ്രം തുറക്കും. കാസർകോട് തലപ്പാടി മുതൽ തിരുവനന്തപുരം കാരോടുവരെ 645 കിലോമീറ്ററാണ് ദേശീയപാത. കാരോട് മുതൽ തലപ്പാടിവരെ പോകുമ്പോൾ കാറിന് ടോൾ 1650 രൂപയാകും. തിരിച്ചുവരുമ്പോഴും അത്രയും നൽകണം. ബസിനും മറ്റ് വാഹനങ്ങൾക്കും ഇതിലും കൂടും. തിരുവനന്തപുരം, കൊല്ലം ജില്ലകളിൽ രണ്ടുവീതവും ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ഒരോന്നുമാണ് ഉണ്ടാവുക. ഓരോ 60 കിലോമീറ്ററിലും ടോൾബൂത്ത് ആകാമെന്നാണ് ചട്ടം.നിലവിൽ തിരുവല്ലത്തെ ടോൾ പ്ലാസയിൽ കാറിനു ഒരു വശത്തേക്ക് 150 രൂപയാണ്. ഫ്ലൈഓവറുകൾകൂടി കണക്കാക്കിയാണ് നിരക്ക് നിശ്ചയിക്കുക. അതിനാൽ ഓരോ പ്ലാസയിലും നിരക്ക് വ്യത്യസ്തമായിരിക്കും. തിരുവല്ലത്താണ് നിലവിൽടോൾ കൂടുതൽ.ജനവാസമേഖലകൾ പരമാവധി ഒഴിവാക്കി ആകാശപാത, മറ്റു മേല്പാലങ്ങൾ, ബൈപ്പാസ് എന്നിവ കൂടുതൽ ഉൾപ്പെടുത്തിയാണ് ദേശീയപാതയുടെ നിർമ്മാണം. പാതയെക്കാൾ കൂടുതൽ പണം പാലംനിർമ്മാണത്തിന് വേണ്ടിവരും. അതുകൊണ്ടാണ് ഉയർന്ന ടോൾനിരക്കെന്നാണ് ദേശീയപാത അധികൃതരുടെ വിശദീകരണം. 2008ലെ ‘ദേശീയപാതകളിൽ ചുങ്കം പിരിക്കാനുള്ള നിയമം” അടിസ്ഥാനമാക്കിയാണ് ടോൾനിരക്ക് നിശ്ചയിക്കുന്നത്.
കണക്കാക്കുക മേല്പാലം നീളത്തിന്റെ പത്തുമടങ്ങ്
60 മീറ്ററിൽ കൂടുതലുള്ള മേല്പാലങ്ങളുടെ ടോൾ നിശ്ചയിക്കുമ്പോൾ അതിന്റെ നീളത്തിന്റെ പത്തുമടങ്ങ് കണക്കിലെടുക്കണമെന്നാണ് ദേശീയപാത അതോറിട്ടിയുടെ ചട്ടം. ഉദാഹരണത്തിന് കഴിഞ്ഞവർഷം തുറന്ന കഴക്കൂട്ടം ആകാശപാതയുടെ ആകെനീളം 2.72 കിലോമീറ്റർ. ടോൾ കണക്കാക്കുമ്പോൾ എടുക്കുക 27.2 കിലോമീറ്റർ. എൻ.എച്ച് 66 പൂർത്തിയാകുന്നതോടെ 12.75 കി. മീറ്ററിൽ രാജ്യത്തെ ഏറ്റവുംവലിയ മേൽപ്പാലം വരുന്ന അരൂർ- തുറവൂർ റീച്ചിലാകും വലിയനിരക്ക് നൽകേണ്ടി വരിക. കഴക്കൂട്ടം ആകാശപാതകൂടി ടോളിൽ ഉൾപ്പെടുത്താൻ ആഗസ്റ്റിൽ കേന്ദ്രവിജ്ഞാപനം വന്നതോടെയാണ് തിരുവല്ലത്തെ നിരക്ക് ഉയർന്നത്. അതോടെ കാറിന് ഒരുഭാഗത്തേക്ക് 120 രൂപയിൽ നിന്ന് 150 ആയി. ടോൾബൂത്ത് പരിധിയിൽ പുതിയൊരു മേല്പാലംകൂടി ഈഞ്ചയ്ക്കലിൽ നിർമ്മിക്കുന്നുണ്ട്. അതുകഴിഞ്ഞാൽ ടോൾ വീണ്ടും കൂടും.
ടോൾ പ്ലാസകൾ
കാസർകോട്……………………………… പുല്ലൂർ പെരിയ
കണ്ണൂർ………………………………………..കല്യാശ്ശേരി
കോഴിക്കോട്……………………………… മാമ്പുഴ
മലപ്പുറം…………………………………….. വെട്ടിച്ചിറ
തൃശ്ശൂർ………………………………………..നാട്ടിക
എറണാകുളം……………………………. കുമ്പളം
ആലപ്പുഴ…………………………………….കൊമ്മാടി
കൊല്ലം………………………………………. ഓച്ചിറ (രണ്ടാമത്തെ സ്ഥലം നിശ്ചയിച്ചിട്ടില്ല)
തിരുവനന്തപുരം……………………… തിരുവല്ലം (രണ്ടാമത്തെ സ്ഥലം നിശ്ചയിച്ചിട്ടില്ല)

The post ദേശീയപാത 66; 11 ടോൾ പ്ലാസകൾ, കാസറഗോഡ് മുതൽ തിരുവനന്തപുരം വരെ കാറിന് ടോൾ 1650 രൂപ appeared first on Valanchery Online.

ഷാര്‍ജ – മസ്‌കറ്റ് പ്രതിദിന ബസ് സര്‍വീസ് ആരംഭിക്കുന്നു

വളാഞ്ചേരിക്കാരൻ — Thu, 25 Jan 2024 09:44:45 +0000

ഷാര്‍ജ: യു.എ.ഇയിലെ ഷാര്‍ജയില്‍നിന്ന് ഒമാന്‍ തലസ്ഥാനമായ മസ്‌കറ്റിലേക്ക് ബസ് സര്‍വീസ് വരുന്നു. ഷാര്‍ജ റോഡ് ട്രാന്‍സ്പോര്‍ട്ട് അതോറിറ്റിയും, ഒമാന്‍ ദേശീയ ഗതാഗത കമ്പനിയായ മുവസലാത്തും കരാര്‍ ഒപ്പിട്ടുകഴിഞ്ഞു. ഷാര്‍ജയിലെ ജുബൈല്‍ ബസ് സ്റ്റേഷനില്‍ നിന്ന് മസ്‌കറ്റിലെ അല്‍ അസൈബ സ്റ്റേഷനിലേക്ക് പ്രതിദിന സര്‍വീസ് ആരംഭിക്കാനാണ് ഷാര്‍ജ ആര്‍.ടി.എയും മുവസലാത്തും തമ്മിലുള്ള ധാരണ. എസ്.ആര്‍.ടി.എ ആസ്ഥാനത്ത് നടന്ന ചടങ്ങില്‍ മുവസലാത്ത് സി.ഇ.ഒ ബദര്‍ ബിന്‍ മുഹമ്മദ് അല്‍ നദാബിയും എസ്.ആര്‍.ടി.എ ചെയര്‍മാന്‍ എഞ്ചിനീയര്‍ യൂസഫ് ബിന്‍ ഖമീസ് അല്‍ അത്മാനിയും കരാറില്‍ ഒപ്പുവെച്ചു.

ഇരുരാജ്യങ്ങള്‍ക്കുമിടയിലെ ബസ് ഗതാഗത ശൃംഖല സജീവമാക്കാനും ടൂറിസം മെച്ചപ്പെടുത്താനും ലക്ഷ്യമിട്ടാണ് പുതിയ ബസ് സര്‍വീസ്. അതിര്‍ത്തിയിലെ നടപടിക്രമങ്ങള്‍ വേഗത്തിലാക്കാന്‍ പ്രത്യേകസംവിധാനമൊരുക്കും. സര്‍വീസ് സമയം, ടിക്കറ്റ് നിരക്ക് തുടങ്ങിയ കാര്യങ്ങള്‍ പിന്നീട് തീരുമാനിക്കും.

The post ഷാര്‍ജ – മസ്‌കറ്റ് പ്രതിദിന ബസ് സര്‍വീസ് ആരംഭിക്കുന്നു appeared first on Valanchery Online.

ഓണം സ്പെഷ്യൽ നാഗർകോവിൽ – പൻവേൽ തീവണ്ടി പ്രഖ്യാപിച്ചു, തിരൂരിലും സ്റ്റോപ്; സമയക്രമം അറിയാം

വളാഞ്ചേരിക്കാരൻ — Fri, 18 Aug 2023 01:46:05 +0000

തിരൂർ: ഓണത്തിന് കേരളത്തിലേക്ക് സ്പെഷ്യല്‍ ട്രെയിന്‍ അനുവദിച്ചു. പന്‍വേല്‍-നാഗര്‍കോവില്‍ സ്പെഷ്യല്‍ ട്രെയിന്‍ ഈ മാസം 22ന് നാഗര്‍കോവിലില്‍ നിന്ന് പന്‍വേലിലേക്കും, 24ന് പന്‍വേലില്‍ നിന്ന് നാഗര്‍കോവിലിലേക്കും സര്‍വീസ് നടത്തും. സെപ്തംബര്‍ 7 വരെ ആകെ മൂന്ന് സര്‍വീസാണ് കേരളത്തിലേക്കുണ്ടാകുക. തിരിച്ചും മൂന്ന് സര്‍വീസ് ഉണ്ടാകും. ഓഗസ്റ്റ് 22, 29 സപ്തംബർ 5 തിയ്യതികളിൽ നാഗര്‍കോവിലില്‍ നിന്ന് പന്‍വേലിലേക്കു സർവീസുണ്ടാകും. ഓഗസ്റ്റ് 24, 31 സപ്തംബർ 7 തിയ്യതികളിൽ പന്‍വേലില്‍ നിന്ന് നാഗര്‍കോവിലിലേക്കും സർവീസ് നടത്തും നാഗര്‍കോവിലില്‍ നിന്ന് പന്‍വേലിലേക്കുള്ള സർവീസിന് രാത്രി 10.15നാണ് തിരൂരിൽ സ്റ്റോപ്പ്. പന്‍വേലില്‍ നിന്ന് നാഗര്‍കോവിലിലേക്കുള്ള സർവീസിൽ രാത്രി 10.23നും തിരൂരിൽ സ്റ്റോപ്പുണ്ട്. റിസർവേഷൻ ഓഗസ്റ്റ് 18 മുതൽ.
മൊത്തം സമയക്രമം അറിയാം

Train No. 06071 Nagercoil – Panvel Special	↓	Station	↑	Train No. 06072 Panveli – Nagercoil Special
(Tue)11.35	(d)	Nagercoil	(a)	10.00(Fri)
11.55/11.56	(a/d)	Erniel	(a/d)	08.09/08.10
12.11/12.12	(a/d)	Kulitturai	(a/d)	07.49/07.50
13.15/13.20	(a/d)	Trivandrum	(a/d)	06.55/07.00
14.42/14.45	(a/d)	Kollam	(a/d)	05.17/05.20
15.43/15.45	(a/d)	Kayamkulam	(a/d)	04.33/04.35
15.55/15.56	(a/d)	Mavelikara	(a/d)	04.12/04.13
16.08/16.10	(a/d)	Chengannur	(a/d)	03.58/04.00
16.20/16.21	(a/d)	Tiruvalla	(a/d)	03.47103.48
16.31/16.32	(a/d)	Changanassery	(a/d)	03.33/03.34
17.02/17.05	(a/d)	Kottayam	(a/d)	03.15/03.18
18.10/18.15	(a/d)	Ernakulam Town	(a/d)	02.05/02.10
18.43/18.45	(a/d)	Aluva	(a/d)	01.38/01.40
19.50/19.53	(a/d)	Thrissur	(a/d)	00.42/00.45
21.30/21.40	(a/d)	Shoranur	(a/d)	23.50/23.55
22.15/22.17	(a/d)	Tirur	(a/d)	22.23/22.25
22.55/23.00	(a/d)	Kozhikode	(a/d)	21.27/21.30
23.37/23.40	(a/d)	Vadakara	(a/d)	20.34/20.35
00.03/00.05	(a/d)	Thalassery	(a/d)	20.14/20.15
00.30/00.35	(a/d)	Kannur	(a/d)	19.52/19.55
00.40/00.42	(a/d)	Payyannur	(a/d)	19.13/19.15
01.48/01.50	(a/d)	Kasaragod	(a/d)	18.28/18.30
02.40/02.50	(a/d)	Mangaluru Jn	(a/d)	17.45/17.50
05.15/05.17	(a/d)	Surathkal	(a/d)	16.12/16.14
05.50/05.52	(a/d)	Udupi	(a/d)	15.00/15.02
06.16/06.18	(a/d)	Kundapura	(a/d)	14.00/14.02
06.50/06.52	(a/d)	Mookambika Road Byndoor	(a/d)	13.10/13.12
07.20/07.22	(a/d)	Murudeshwar	(a/d)	12.40/12.42
08.10/08.12	(a/d)	Kumata	(a/d)	12.00/12.02
09.00/09.02	(a/d)	Karwar	(a/d)	11.00/11.02
12.25/12.35	(a/d)	Madgaon	(a/d)	09.20/09.30
13.50/13.52	(a/d)	Thivim	(a/d)	08.18/08.20
14.30/14.32	(a/d)	Sawantwadi Road	(a/d)	07.14/07.16
15.30/15.32	(a/d)	Kankavali	(a/d)	06.42/06.44
17.50/17.55	(a/d)	Ratnagiri	(a/d)	04.50/04.55
19.38/19.40	(a/d)	Chiplun	(a/d)	03.20/03.22
20.10/20.12	(a/d)	Khed	(a/d)	02.56/02.58
21.10/21.12	(a/d)	Mangaon	(a/d)	01.40/01.42
21.50/21.55	(a/d)	Roha	(a/d)	01.15/01.20
22.45	(a)	Panvel	(d)	00.10

The post ഓണം സ്പെഷ്യൽ നാഗർകോവിൽ – പൻവേൽ തീവണ്ടി പ്രഖ്യാപിച്ചു, തിരൂരിലും സ്റ്റോപ്; സമയക്രമം അറിയാം appeared first on Valanchery Online.

കൊച്ചുവേളി-ചണ്ഡിഗർ, തിരുനൽവേലി-ജാം നഗർ എന്നീ എക്സ്പ്രസ് തീവണ്ടികൾക്ക് തിരൂരിൽ സ്റ്റോപ്

വളാഞ്ചേരിക്കാരൻ — Fri, 18 Aug 2023 00:41:11 +0000

തിരൂർ : ദീർഘദൂര തീവണ്ടികളായ കൊച്ചുവേളി-ചണ്ഡിഗർ സമ്പർക്ക് ക്രാന്തി എക്സ്പ്രസ് (12217/12218), തിരുനൽവേലി-ജാം നഗർ എക്സ്പ്രസ് (19577/19578) എന്നീ തീവണ്ടികൾക്കുകൂടി തിരൂരിൽ സ്റ്റോപ്പ്‌ അനുവദിച്ച് റെയിൽവേയുടെ അറിയിപ്പ് ലഭിച്ചതായി ഇ.ടി. മുഹമ്മദ്ബഷീർ എം.പി. അറിയിച്ചു. സ്റ്റോപ്പ്‌ അനുവദിച്ച റെയിൽവേ വകുപ്പ് മന്ത്രിക്ക് എം.പി. നന്ദി അറിയിച്ചു.

The post കൊച്ചുവേളി-ചണ്ഡിഗർ, തിരുനൽവേലി-ജാം നഗർ എന്നീ എക്സ്പ്രസ് തീവണ്ടികൾക്ക് തിരൂരിൽ സ്റ്റോപ് appeared first on Valanchery Online.

കർക്കിടക വാവ് ബലി; തിരുന്നാവായയിലേക്ക് യാത്ര സൗകര്യങ്ങൾ ഒരുക്കി കെ.എസ്‌.ആർ.ടി.സി

വളാഞ്ചേരിക്കാരൻ — Sat, 15 Jul 2023 13:09:20 +0000

മലപ്പുറം: കർക്കിടക വാവ് ബലിയോടനുബന്ധിച്ച് മലപ്പുറം ജില്ലയിലെ വിവിധ ഡിപ്പോകളിൽ നിന്നും യാത്ര സൗകര്യങ്ങൾ ഒരുക്കി കെ.എസ്‌.ആർ.ടി.സി. മലപ്പുറം ജില്ലയിലെ വിവിധ ഡിപ്പോകളിൽ നിന്നായി പത്തോളം സർവീസുകളാണ് ഒരുക്കിയിട്ടുള്ളത്. പുലർച്ചെ രണ്ടുമണിക്ക് തിരുനാവായയിൽ എത്തിച്ചേരുന്ന രീതിയിൽ മലപ്പുറം, പെരിന്തൽമണ്ണ, പൊന്നാനി ഡിപ്പോകളിൽ നിന്ന് ബസുകൾ ക്രമീകരിച്ചിട്ടുണ്ട്. തിരൂർ, കുറ്റിപ്പുറം, പുത്തനത്താണി തുടങ്ങിയ സ്ഥലങ്ങളിൽ നിന്നും തിരുന്നാവായയിലേക്കും തിരിച്ചും ഇരുപത് മിനിറ്റ് ഇടവേളകളിൽ ബസ്സുകൾ ഉണ്ടായിരിക്കും.

Representative image: Shutterstock/Libin Kallada

മലപ്പുറം
04832734950
പെരിന്തൽമണ്ണ
04933227342
പൊന്നാനി
04942666396

The post കർക്കിടക വാവ് ബലി; തിരുന്നാവായയിലേക്ക് യാത്ര സൗകര്യങ്ങൾ ഒരുക്കി കെ.എസ്‌.ആർ.ടി.സി appeared first on Valanchery Online.

കുറ്റിപ്പുറം റെയിൽവേ സ്റ്റേഷൻ വികസനം : പ്രഖ്യാപനങ്ങളിൽ പ്രതീക്ഷയർപ്പിച്ച് യാത്രക്കാർ

വളാഞ്ചേരിക്കാരൻ — Wed, 21 Jun 2023 01:45:21 +0000

കുറ്റിപ്പുറം : റെയിൽവേ പാസഞ്ചേഴ്സ് അമിനിറ്റി കമ്മിറ്റി ചെയർമാൻ പി.കെ. കൃഷ്ണദാസ് കഴിഞ്ഞദിവസം നടത്തിയ കുറ്റിപ്പുറം റെയിൽവേ സ്റ്റേഷൻ വികസന പ്രഖ്യാപനങ്ങളിൽ പ്രതീക്ഷയർപ്പിക്കുകയാണ് യാത്രക്കാരും സംഘടനകളും. കാലങ്ങളായി കുറ്റിപ്പുറം റെയിൽവേസ്റ്റേഷൻ വികസനരംഗത്ത് വലിയ അവഗണനയാണ് നേരിടുന്നത്. വ്യാപാരി വ്യവസായി ഏകോപനസമിതി, കുറ്റിപ്പുറം റെയിൽവേ ആക്‌ഷൻ ഫോറം, കുറ്റിപ്പുറം ടാക്സി ഡ്രൈവേഴ്സ് യൂണിയൻ, െട്രയിൻ പാസഞ്ചേഴ്സ് അസോസിയേഷൻ, ബി.ജെ.പി, സേവാഭാരതി തുടങ്ങിയ സംഘടനകളാണ് സ്റ്റേഷന്റെ വിവിധ ആവശ്യങ്ങളുൾക്കൊള്ളുന്ന നിവേദനം ചെയർമാന് നൽകിയത്.

കോവിഡ് കാലത്ത് കുറ്റിപ്പുറത്ത് സ്റ്റോപ്പ് നിർത്തലാക്കിയ തീവണ്ടികളായ കോയമ്പത്തൂർ ഇന്റർസിറ്റി, ജനശതാബ്ദി എക്സ്പ്രസ്സ് എന്നിവയുടേയും, മലബാർ എക്സ്പ്രസ്, മാവേലി എക്സ്പ്രസ്, മംഗള എക്സ്പ്രസ് എന്നിവയുടെ തിരിച്ചുവരുന്നവേളയിലുള്ള സ്റ്റോപ്പ് പുനഃസ്ഥാപിക്കുക, ആഴ്ചയിൽ ഒരു ദിവസം സർവീസ് നടത്തുന്ന മരുസാഗർ എക്സ്പ്രസ്, മംഗലാപുരം -പുതുശ്ശേരി തീവണ്ടി എന്നിവയ്ക്ക് സ്റ്റോപ്പ് അനുവദിക്കുക, പേരശ്ശന്നൂർ റെയിൽവേസ്റ്റേഷന്റെ പ്രവർത്തനം പുനഃസ്ഥാപിക്കുക തുടങ്ങി ഒട്ടേറെ വിഷയങ്ങളാണ് നേരിട്ടും നിവേദനത്തിലൂടേയും സംഘടനകൾ ചെയർമാനെ അറിയിച്ചത്.

വിഷയങ്ങൾ ഗൗരവമായി ഉൾക്കൊള്ളുകയും പരിഹാര നടപടികൾക്ക് എല്ലാ ശ്രമവും നടത്തുമെന്നും ചെയർമാൻ അറിയിച്ചിട്ടുണ്ട്. കുറ്റിപ്പുറം റെയിൽവെസ്റ്റേഷനിൽ രണ്ട് ഘട്ടങ്ങളിലായി നടപ്പാക്കുന്ന വികസന പദ്ധതികൾ സംബന്ധിച്ച് ചെയർമാൻ സംഘടനാ പ്രതിനിധികൾക്ക് വിവരിച്ചുനൽകി. ഈ വികസന പ്രവർത്തനങ്ങൾ നടപ്പായാൽ അത് കുറ്റിപ്പുറം റെയിൽവേസ്റ്റേഷനെ സംബന്ധിച്ച് വലിയ മാറ്റങ്ങൾക്ക് വഴിവെയ്ക്കുമെന്നാണ് സംഘടനകളുടേയും യാത്രക്കാരുടേയും പ്രതീക്ഷ.

The post കുറ്റിപ്പുറം റെയിൽവേ സ്റ്റേഷൻ വികസനം : പ്രഖ്യാപനങ്ങളിൽ പ്രതീക്ഷയർപ്പിച്ച് യാത്രക്കാർ appeared first on Valanchery Online.

പുനലൂർ-വഴിക്കടവ് സൂപ്പർഫാസ്റ്റ് സർവീസ് ആരംഭിച്ചു കെ.എസ്.ആർ.ടി.സി

വളാഞ്ചേരിക്കാരൻ — Tue, 06 Jun 2023 23:50:34 +0000

നിലമ്പൂർ : പുനലൂർ കെ.എസ്.ആർ.ടി.സി. ഡിപ്പോയിൽനിന്ന് വഴിക്കടവിലേക്കുള്ള സൂപ്പർഫാസ്റ്റ് ബസ് സർവീസ് ആരംഭിച്ചു. പത്തനാപുരം, അടൂർ, തിരുവല്ല, ചങ്ങനാശ്ശേരി, കോട്ടയം, മൂവാറ്റുപുഴ, തൃശ്ശൂർ, ഷൊർണൂർ, പെരിന്തൽമണ്ണ, വണ്ടൂർ, നിലമ്പൂർ വഴിയാണ് ബസ് വഴിക്കടവിലെത്തുക. രാവിലെ 3.30-ന് പുനലൂരിൽ നിന്നും വൈകീട്ട് നാലിന് നിലമ്പൂരിൽ നിന്നും ബസ് പുറപ്പെടും.

പുനലൂരിൽ നിന്ന് രാവിലെ നാലിന് പെരിന്തൽമണ്ണയ്ക്ക് ഉണ്ടായിരുന്ന ബസാണ് ഇത്തരത്തിൽ സമയം പുനഃക്രമീകരിച്ചത്. online.keralartc.com എന്ന വെബ്‌സൈറ്റ് വഴി ടിക്കറ്റുകൾ ഓൺലൈൻ ആയി ബുക്ക് ചെയ്യാം.

The post പുനലൂർ-വഴിക്കടവ് സൂപ്പർഫാസ്റ്റ് സർവീസ് ആരംഭിച്ചു കെ.എസ്.ആർ.ടി.സി appeared first on Valanchery Online.

വന്ദേഭാരത് അടക്കമുള്ള ഏഴ് ട്രെയിനുകളുടെ സമയക്രമം പുതുക്കി

വളാഞ്ചേരിക്കാരൻ — Wed, 24 May 2023 00:44:01 +0000

തിരുവനന്തപുരം: വന്ദേഭാരത് അടക്കമുള്ള ഏഴ് ട്രെയിനുകളുടെ സമയക്രമം പുതുക്കി. നിശ്ചിത ട്രെയിനുകൾ പുറപ്പെടുന്നതും എത്തിച്ചേരുന്നതുമായ സമയത്തിലാണ് മെയ് 28 മുതൽ മാറ്റമുണ്ടാവുകയെന്ന് ദക്ഷിണ റെയിൽവേ അറിയിച്ചു. പുതിയ സമയക്രമം പ്രകാരം ട്രെയിൻ സമയത്തിലുണ്ടായ മാറ്റം ഇങ്ങനെയാണ്.

1. ട്രെയിൻ നമ്പർ- 20634 – തിരുവനന്തപുരം സെൻട്രൽ – കാസർകോട് വന്ദേ ഭാരത് എക്സ്പ്രസ്: ഉച്ചയ്ക്ക് 1.20 -ന് കാസർകോട് എത്തും. (നിലവിലുള്ള സമയം: കാസർകോട്:1. 25)
2. ട്രെയിൻ നമ്പർ -16355 – കൊച്ചുവേളി – മംഗളൂരു ജംഗ്ഷൻ അന്ത്യോദയ ദ്വൈവാര എക്‌സ്‌പ്രസ്: രാവിലെ 09.15 ന് മംഗളൂരു ജംഗ്ഷനിൽ എത്തിച്ചേരും. (നിലവിലുള്ള സമയം: : 09.20.)
3. ട്രെയിൻ നമ്പർ 16629 -തിരുവനന്തപുരം സെൻട്രൽ- മംഗളൂരു സെൻട്രൽ മലബാർ ഡെയ്‌ലി എക്സ്പ്രസ്: രാവിലെ 10.25 ന് മംഗളൂരു സെൻട്രലിൽ എത്തിച്ചേരും. (നിലവിലുള്ള സമയം: മംഗളൂരു സെൻട്രൽ: 10.30 .)
4. ട്രെയിൻ നമ്പർ 16606 – നാഗർകോവിൽ ജംഗ്ഷൻ – മംഗളൂരു സെൻട്രൽ ഏറനാട് ഡെയ്‌ലി എക്‌സ്‌പ്രസ്: വൈകുന്നേരം 5.50ന് -ന് മംഗലാപുരത്ത് എത്തിച്ചേരും. 2023 മെയ് 28 മുതൽ പ്രാബല്യത്തിൽ വരും. (നിലവിലുള്ള സമയം: മംഗളൂരു സെൻട്രൽ: ആറ് മണി)
5. ട്രെയിൻ നമ്പർ 16347- തിരുവനന്തപുരം സെൻട്രൽ- മംഗളൂരു സെൻട്രൽ ഡെയ്‌ലി എക്‌സ്‌പ്രസ്: 11.20 -ന് മംഗളൂരു സെൻട്രലിൽ എത്തിച്ചേരും. (നിലവിലുള്ള സമയം: മംഗളൂരു സെൻട്രൽ: 11.30.)
6. ട്രെയിൻ നമ്പർ 22668 – കോയമ്പത്തൂർ ജംഗ്ഷൻ – നാഗർകോവിൽ ജംഗ്ഷൻ പ്രതിദിന സൂപ്പർഫാസ്റ്റ്: തിരുനെൽവേലി ജംഗ്ഷനിൽ 03.00 മണിക്ക് എത്തി 03.05 ന് പുറപ്പെടും. (നിലവിലുള്ള സമയം: 03.20 /03.25) വള്ളിയൂർ സ്റ്റേഷനിൽ 03.43 ന് എത്തി 03.45 ന് പുറപ്പെടു. (നിലവിലുള്ള സമയം: 04.01/04.02) നാഗർകോവിൽ ജംഗ്ഷനിൽ 04.50 ന് എത്തിച്ചേരും (നിലവിലുള്ള സമയം: 05.05.)
7. ട്രെയിൻ നമ്പർ 12633- ചെന്നൈ എഗ്മോർ – കന്യാകുമാരി ഡെയ്‌ലി സൂപ്പർഫാസ്റ്റ്: തിരുനെൽവേലി ജംഗ്ഷനിൽ പുലർച്ചെ 03.20ന് എത്തി 03.25 ന് പുറപ്പെടും. (നിലവിലുള്ള സമയം: 03.45/03.50 ), വള്ളിയൂർ 04.03ന് എത്തി 04.05ന് പുറപ്പെടും. (നിലവിലുള്ള സമയം: 04.23/04.25), 05.35 മണിക്ക് കന്യാകുമാരിയിൽ എത്തിച്ചേരും. (നിലവിലുള്ള സമയം: 05.45).

The post വന്ദേഭാരത് അടക്കമുള്ള ഏഴ് ട്രെയിനുകളുടെ സമയക്രമം പുതുക്കി appeared first on Valanchery Online.

കുറ്റിപ്പുറം മഞ്ചാടിയിൽ പാളത്തിൽ വിള്ളൽ: തീവണ്ടികൾ പിടിച്ചിട്ടു

വളാഞ്ചേരിക്കാരൻ — Wed, 23 Nov 2022 00:14:35 +0000

കുറ്റിപ്പുറം : മഞ്ചാടിയിലെ റെയിൽവേപാളത്തിൽ ചൊവ്വാഴ്ച ഉച്ചയോടെ വിള്ളൽ കണ്ടെത്തി. ഇതേത്തുടർന്ന് ഇതുവഴി പോകേണ്ട ഏതാനും തീവണ്ടികൾ കുറ്റിപ്പുറം സ്റ്റേഷനിൽ പിടിച്ചിട്ടു. വിള്ളൽവീണ ഭാഗം താത്കാലികമായി വെൽഡു ചെയ്ത് ശരിയാക്കിയ ശേഷമാണ് ഗതാഗതം പുനഃസ്ഥാപിച്ചത്. വിള്ളൽവന്ന പാത അടുത്ത ദിവസം മാറ്റിസ്ഥാപിക്കും. അതുവരെ ഇതുവഴിയുള്ള തീവണ്ടികളുടെ വേഗത 10 കിലോമീറ്റർ മാത്രമായിരിക്കും.

The post കുറ്റിപ്പുറം മഞ്ചാടിയിൽ പാളത്തിൽ വിള്ളൽ: തീവണ്ടികൾ പിടിച്ചിട്ടു appeared first on Valanchery Online.