HomeNewsInaugurationമാറാക്കര സി.എച്ച്. സെന്റര്‍ ഉദ്ഘാടനംചെയ്തു

മാറാക്കര സി.എച്ച്. സെന്റര്‍ ഉദ്ഘാടനംചെയ്തു

മാറാക്കര സി.എച്ച്. സെന്റര്‍ ഉദ്ഘാടനംചെയ്തു

മാറാക്കര:മാറാക്കര എ.സി.നിരപ്പ് കേന്ദ്രമായി പ്രവര്‍ത്തനം തുടങ്ങുന്ന ജീവകാരുണ്യപ്രവര്‍ത്തന ശൃംഖലയായ മാറാക്കര സി.എച്ച്. കള്‍ച്ചറല്‍ സെന്റര്‍ പാണക്കാട് സാദിഖലി ശിഹാബ് തങ്ങള്‍ ഉദ്ഘാടനംചെയ്തു. പരസ്പരസ്‌നേഹവും സൗഹാര്‍ദ്ദവും ഊട്ടിയുറപ്പിക്കാന്‍ ഇത്തരം കേന്ദ്രങ്ങളുടെ മാതൃകാപരമായ പ്രവര്‍ത്തനങ്ങള്‍ സഹായകമാവുമെന്ന് അദ്ദേഹം അഭിപ്രായപ്പെട്ടു.
കെ.ടി. കുഞ്ഞുട്ടി അധ്യക്ഷതവഹിച്ചു. എം.പി. അബ്ദുസമദ് സമദാനി ആംബുലന്‍സ് സമര്‍പ്പണവും ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ കാര്‍ഷിക കലണ്ടറിന്റെ പ്രകാശനവും നിര്‍വഹിച്ചു. ജില്ലാപഞ്ചായത്ത് മെമ്പര്‍ സെറീന ഹസീബ് ക്ലാസെടുത്തു.
വൈകീട്ടുനടന്ന പൊതുസമ്മേളനം പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി ഉദ്ഘാടനംചെയ്തു. സേവനപ്രവര്‍ത്തനങ്ങള്‍ക്കൊപ്പം പരിസ്ഥിതി സംരക്ഷണപ്രവര്‍ത്തനങ്ങള്‍ക്കും ഒത്തൊരുമിച്ച് പ്രവര്‍ത്തിക്കാന്‍ അദ്ദേഹം ആഹ്വാനംചെയ്തു പ്രൊഫ. ആബിദ് ഹുസൈന്‍ തങ്ങള്‍ അധ്യക്ഷതവഹിച്ചു.
ബ്ലോക്ക് പ്രസിഡന്റ് ആതവനാട് മുഹമ്മദ്കുട്ടി, പഞ്ചായത്ത് പ്രസിഡന്റ് വി. മധുസൂദനന്‍, ബഷീര്‍ രണ്ടത്താണി തുടങ്ങിയവര്‍ പ്രസംഗിച്ചു. ബൈത്തുറഹ്മ ഭവനപദ്ധതിയും സി.എച്ച്. സെന്ററുകളും മുസ്ലിംലീഗ് രാഷ്ട്രീയത്തിന്റെ കനിവിന്റെ മികച്ച അടയാളങ്ങളാണെന്ന് മുന്‍ മന്ത്രി ബിനോയ് വിശ്വം അഭിപ്രായപ്പെട്ടു. അബ്ദുറഹ്മാന്‍ രണ്ടത്താണി, ഒ.കെ. സുബൈര്‍, ബക്കര്‍ഹാജി കരേക്കാട്, സി.വി. കുഞ്ഞു, ഒ.കെ. കുഞ്ഞിപ്പ തുടങ്ങിയവര്‍ പ്രസംഗിച്ചു.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!