HomeNewsAccidentsമാലാപറമ്പിൽ തീപിടിത്തം; വ്യാപാര ഷെഡുകൾ നശിച്ചു

മാലാപറമ്പിൽ തീപിടിത്തം; വ്യാപാര ഷെഡുകൾ നശിച്ചു

മാലാപറമ്പിൽ തീപിടിത്തം; വ്യാപാര ഷെഡുകൾ നശിച്ചു

കൊളത്തൂർ:മാലാപറമ്പ് എംഇഎസ് മെഡിക്കൽ കോളജിന് എതിർവശത്ത് തീപിടിത്തം. സംസ്ഥാന പാതയോരത്ത് കെട്ടിയ രണ്ടു താൽക്കാലിക വ്യാപാര ഷെഡുകൾ കത്തിനശിച്ചു. ഒരേക്കർ സ്ഥലത്തെ മരങ്ങളും പുൽക്കാടുകളും ‌‌അഗ്നിക്കിരയായി. ഇന്നലെ ഉച്ചയോടെയാണ് സംഭവം. സ്വകാര്യസ്ഥലത്തെ പുൽക്കാട്ടിലാണ് ആദ്യം തീപിടിത്തമുണ്ടായത്. നാട്ടുകാർ അറിയിച്ചതനുസരിച്ച് പെരിന്തൽമണ്ണയിൽനിന്നും മലപ്പുറത്തുനിന്നും അഗ്‍നിശമനസേനയെത്തി. നാട്ടുകാരുടെ സഹായത്തോടെ രണ്ടു മണിക്കൂറോളം കഠിന പ്രയത്‍നം ചെയ്‍താണ് തീയണച്ചത്. ടാങ്കറിലെ വെള്ളം തീർന്നതിനെത്തുടർന്ന് മെഡിക്കൽ കോളജിൽനിന്ന് വെള്ളം ശേഖരിച്ചു. സമീപത്തെ വ്യാപാര സ്ഥാപനങ്ങളിലേക്കും മൊബൈൽ ടവറിലേക്കും തീപടരുന്നത് ഏറെ പ്രയാസപ്പെട്ടാണ് തടയാനായത്.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!